ਵਿਵੇਕ ਓਬਰਾਏ ਦਾ ਸਾਲਾ ਆਦਿੱਤਿਆ ਅਲਵਾ ਗ੍ਰਿਫਤਾਰ, ਅਦਾਕਾਰ ਦੇ ਘਰ ਵੀ ਹੋਈ ਸੀ ਛਾਪੇ ਮਾਰੀ

Drug Case: ਆਦਿਤਿਆ ਅਲਵਾ ਕਰਨਾਟਕ ਸਰਕਾਰ ਵਿੱਚ ਮੰਤਰੀ ਜੀਵਰਾਜ ਅਲਵਾ ਦਾ ਬੇਟਾ ਹੈ। ਆਦਿਤਿਆ ਦੇ ਖਿਲਾਫ 4 ਸਤੰਬਰ ਨੂੰ ਕਾਟਨਪੇਟ ਥਾਣੇ ਵਿੱਚ ਐਫਆਈਆਰ ਦਰਜ ਕੀਤੀ ਗਈ ਸੀ।

ਬੰਗਲੌਰ ਸੈਂਟਰਲ ਕ੍ਰਾਈਮ ਬ੍ਰਾਂਚ (Bengaluru Central Crime Branch) ਨੇ ਬਾਲੀਵੁੱਡ ਅਭਿਨੇਤਾ ਵਿਵੇਕ ਓਬਰਾਏ ਦੇ ਸਾਲੇ ਆਦਿੱਤਿਆ ਅਲਵਾ ਨੂੰ ਸੈਂਡਲਵੁੱਡ ਨਸ਼ਿਆਂ ਦੇ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤਾ ਹੈ। ਖਬਰਾਂ ਮੁਤਾਬਕ ਵਿਵੇਕ ਓਬਰਾਏ ਦੇ ਘਰ ਵੀ ਛਾਪਾ ਮਾਰੀ ਕੀਤੀ ਗਈ ਸੀ। ਖ਼ਬਰਾਂ ਹਨ ਕਿ ਆਦਿੱਤਿਆ ਅਲਵਾ ਨੂੰ ਸੋਮਵਾਰ ਦੇਰ ਰਾਤ ਗ੍ਰਿਫਤਾਰ ਕੀਤਾ ਗਿਆ ਸੀ। ਦੱਸ ਦੇਈਏ ਕਿ ਆਦਿਤਿਆ ਅਲਵਾ ਕਰਨਾਟਕ ਸਰਕਾਰ ਵਿੱਚ ਮੰਤਰੀ ਜੀਵਰਾਜ ਅਲਵਾ ਦਾ ਬੇਟਾ ਹੈ। ਆਦਿਤਿਆ ਦੇ ਖਿਲਾਫ 4 ਸਤੰਬਰ ਨੂੰ ਕਾਟਨਪੇਟ ਥਾਣੇ ਵਿਚ ਐਫਆਈਆਰ ਦਰਜ ਕੀਤੀ ਗਈ ਸੀ। ਉਦੋਂ ਤੋਂ ਆਦਿੱਤਿਆ ਫਰਾਰ ਸੀ। ਆਦਿੱਤਿਆ ਦਾ ਨਾਂ ਉਨ੍ਹਾਂ 12 ਲੋਕਾਂ ਦੀ ਸੂਚੀ ਵਿੱਚ ਸ਼ਾਮਲ ਸੀ, ਜਿਨ੍ਹਾਂ ਨੇ ਇੱਕ ਕੰਨੜ ਅਦਾਕਾਰਾ ਨੂੰ ਨਸ਼ੇ ਦਿੱਤੇ ਸੀ। ਇਹ ਵੀ ਪੜ੍ਹੋ: ਮੁਕੇਸ਼ ਅੰਬਾਨੀ ਦੀ ਪਤਨੀ ਦੇ ਡ੍ਰਾਈਵਰ ਦੀ ਲੱਖਾਂ 'ਚ ਤਨਖ਼ਾਹ, ਘਰ 'ਚ ਸੇਵਾ ਲਈ 600 ਨੌਕਰ ਸੰਯੁਕਤ ਪੁਲਿਸ (ਅਪਰਾਧ) Joint Commissioner of Police (Crime) ਦੇ ਕਮਿਸ਼ਨਰ ਸੰਦੀਪ ਪਾਟਿਲ ਨੇ ਆਪਣੇ ਬਿਆਨ ਵਿੱਚ ਦੱਸਿਆ ਹੈ ਕਿ, 'ਡਰੱਗਸ ਮਾਮਲੇ ਵਿੱਚ ਇੱਕ ਭਗੌੜਾ ਮੁਲਜ਼ਮ ਆਦਿੱਤਿਆ ਅਲਵਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਆਦਿੱਤਿਆ ਦੀ ਲੰਬੇ ਸਮੇਂ ਤੋਂ ਭਾਲ ਕੀਤੀ ਜਾ ਰਹੀ ਸੀ। ਜਿਵੇਂ ਹੀ ਆਦਿੱਤਿਆ ਬਾਰੇ ਖ਼ਬਰ ਮਿਲੀ, ਉਸ ਨੂੰ ਦੇਰ ਰਾਤ ਚੇਨਈ ਤੋਂ ਗ੍ਰਿਫਤਾਰ ਕਰ ਲਿਆ ਗਿਆ।' ਪੁਲਿਸ ਨੇ ਕੁਝ ਮਹੀਨੇ ਪਹਿਲਾਂ ਕੰਨੜ ਐਕਟਰਸ ਰਾਗਿਨੀ ਦਿਵੇਦੀ ਅਤੇ ਸੰਜਨਾ ਗਾਲਰਾਨੀ, ਪਾਰਟੀ ਪ੍ਰਬੰਧਕ ਵੀਰੇਨ ਖੰਨਾ ਅਤੇ ਰੀਅਲਟਰ ਰਾਹੁਲ ਥੌਨਸ ਨੂੰ ਵੀ ਇਸ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤਾ ਸੀ। ਇਹ ਵੀ ਪੜ੍ਹੋ: Hearing of Farm Law in SC: ਸੁਪਰੀਮ ਕੋਰਟ 'ਚ ਵੀ ਕਿਸਾਨ ਅੰਦੋਲਨ ਦੇ ਜੋੜੇ ਖਾਲਿਸਤਾਨ ਨਾਲ ਤਾਰ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904