ਟਵਿਸਟ, ਰੋਮਾਂਸ, ਡਰਾਮਾ ਤੇ ਕਾਮੇਡੀ ਨਾਲ ਭਰੀ ਵਿੱਕੀ-ਸਾਰਾ ਦੀ ਲਾਈਫ, 'Zara Hatke Zara Bachke’ ਦਾ ਟ੍ਰੇਲਰ ਹੋਇਆ ਰਿਲੀਜ਼
Zara Hatke Zara Bachke: ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ ਦੀ ਜੋੜੀ ਪਹਿਲੀ ਵਾਰ 'ਜ਼ਰਾ ਹਟਕੇ ਜ਼ਰਾ ਬਚਕੇ' ਵਿੱਚ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ ਦਾ ਟ੍ਰੇਲਰ ਅੱਜ ਲਾਂਚ ਕੀਤਾ ਗਿਆ ਹੈ।
Zara Hatke Zara Bachke Trailer Launch: ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ ਬਾਲੀਵੁੱਡ ਦੇ ਸਭ ਤੋਂ ਮਸ਼ਹੂਰ ਅਤੇ ਟੈਲੇਂਟਡ ਐਕਸਟਰਸ ਵਿੱਚੋਂ ਇੱਕ ਹੈ। ਇਹ ਜੋੜੀ ਹੁਣ ਪਹਿਲੀ ਵਾਰ ਇਕੱਠਿਆਂ ਸਕ੍ਰੀਨ 'ਤੇ ਧਮਾਲ ਮਚਾਉਣ ਵਾਲੀ ਹੈ। ਦਰਅਸਲ ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ ਲਕਸ਼ਮਣ ਉਟੇਕਰ ਦੀ ਆਉਣ ਵਾਲੀ ਫਿਲਮ 'ਜ਼ਰਾ ਹਟਕੇ ਜ਼ਰਾ ਬਚਕੇ' 'ਚ ਆਨਸਕ੍ਰੀਨ ਰੋਮਾਂਸ ਕਰਦੇ ਨਜ਼ਰ ਆਉਣਗੇ।
ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਮੇਕਰਸ ਨੇ ਕਿਹਾ ਕਿ ਜਿੱਥੇ ਬੀਤੇ ਦਿਨੀਂ ਫਿਲਮ ਦੇ ਟਾਈਟਲ ਦੀ ਆਫੀਸ਼ੀਅਲ ਅਨਾਊਂਸਮੈਂਟ ਕੀਤੀ ਗਈ ਸੀ, ਉੱਥੇ ਹੀ ‘ਜ਼ਰਾ ਹਟਕੇ ਜ਼ਰਾ ਬਚਕੇ’ ਦਾ ਦਮਦਾਰ ਟ੍ਰੇਲਰ ਵੀ ਰਿਲੀਜ਼ ਕਰ ਦਿੱਤਾ ਗਿਆ ਹੈ।
ਰੋਮਾਂਸ, ਡਰਾਮਾ ਤੇ ਕਾਮੇਡੀ ਨਾਲ ਭਰਪੂਰ ਹੈ ਫਿਲਮ
ਫਿਲਮ 'ਜ਼ਰਾ ਹਟਕੇ ਜ਼ਰਾ ਬਚ ਕੇ' ਦੇ ਟ੍ਰੇਲਰ ਦੀ ਸ਼ੁਰੂਆਤ ਕਹਾਣੀ ਦੇ 'ਸਾਈਡ ਏ' ਨਾਲ ਹੁੰਦੀ ਹੈ। ਬੈਕਗ੍ਰਾਊਂਡ ਵਾਇਸ ਵਿੱਚ ਸੁਣਾਈ ਦਿੰਦਾ ਹੈ ਕਿ ਨਿਰਮਾਤਾ ਦਿਨੇਸ਼ ਵਿਜਨ ਅਤੇ ਨਿਰਦੇਸ਼ਕ ਲਕਸ਼ਮਣ ਉਟੇਕਰ ਵਲੋਂ ਪੇਸ਼ ਕੀਤੀ ਇਹ ਕਹਾਣੀ ਹੈ ਇੰਦੌਰ ਵਿੱਚ ਵਸੇ ਇੱਕ ਮੱਧ-ਵਰਗੀ ਵਿਆਹੇ ਜੋੜੇ ਕਪਿਲ ਅਤੇ ਸੌਮਿਆ ਦੀ। ਇਸ ਤੋਂ ਬਾਅਦ ਵਿੱਕੀ ਅਤੇ ਸਾਰਾ ਸਕ੍ਰੀਨ 'ਤੇ ਵਿਆਹ ਦੇ ਜੋੜੇ ਵਿੱਚ ਸੱਜੇ ਸਕ੍ਰੀਨ ‘ਤੇ ਨਜ਼ਰ ਆਉਂਦੇ ਹਨ। ਫਿਲਮ ਵਿੱਚ ਵਿੱਕੀ ਨੇ ਕਪਿਲ ਦੀ ਭੂਮਿਕਾ ਨਿਭਾਈ ਹੈ ਜਦੋਂ ਕਿ ਸਾਰਾ ਨੇ ਸੌਮਿਆ ਦੀ ਭੂਮਿਕਾ ਨਿਭਾਈ ਹੈ, ਜਿਸ ਤੋਂ ਬਾਅਦ ਸਾਨੂੰ ਉਨ੍ਹਾਂ ਦੇ ਖਿੜੇ ਹੋਏ ਪਿਆਰ ਦੀ ਝਲਕ ਮਿਲਦੀ ਹੈ ਕਿ ਸ਼ੁਰੂਆਤ ਵਿੱਚ ਉਨ੍ਹਾਂ ਦੇ ਪਰਿਵਾਰ ਕਿੰਨੇ ਖੁਸ਼ ਸਨ। ਟ੍ਰੇਲਰ ਛੇਤੀ ਹੀ 'ਸਾਈਡ ਬੀ' ਵਿੱਚ ਬਦਲ ਜਾਂਦਾ ਹੈ, ਜਿਸ ਵਿੱਚ ਕਪਿਲ ਅਤੇ ਸੌਮਿਆ ਇੱਕ ਦੂਜੇ ਨਾਲ ਲੜਦੇ ਹੋਏ ਅਤੇ ਤਲਾਕ ਵੱਲ ਵਧਦੇ ਹੋਏ ਦਿਖਾਈ ਦਿੰਦੇ ਹਨ, ਜਿਸ ਕਰਕੇ ਉਨ੍ਹਾਂ ਦੇ ਪਰਿਵਾਰ ਸਦਮੇ ਵਿੱਚ ਆ ਜਾਂਦੇ ਹਨ। ਹਰ ਕੋਈ ਪੁੱਛਦਾ ਹੈ ਕੀ ਗਲਤ ਹੋਇਆ? ਟ੍ਰੇਲਰ ਵਿੱਚ ਰੋਮਾਂਸ, ਡਰਾਮਾ ਅਤੇ ਕਾਮੇਡੀ ਦੀ ਰੋਲਰਕੋਸਟਰ ਰਾਈਡ ਦੀ ਝਲਕ ਮਿਲਦੀ ਹੈ।
ਇਹ ਵੀ ਪੜ੍ਹੋ: Shehnaaz Gill: ਸ਼ਹਿਨਾਜ਼ ਗਿੱਲ ਕਰਨ ਔਜਲਾ ਦੀ ਹੈ ਪਾਗਲ ਫੈਨ, ਗਾਇਕ ਦੇ ਨਾਂ ਦਾ ਕਰਾਇਆ ਸੀ ਟੈਟੂ, ਜਾਣੋ ਹੁਣ ਕਿਉਂ ਹਟਵਾਇਆ ਟੈਟੂ
2 ਮਿੰਟ 20 ਸਕਿੰਟ ਦੇ ਇਸ ਟ੍ਰੇਲਰ ਵਿੱਚ ਤਲਾਕ ਲੈਣ ਦੀ ਛੇਤੀ ਵਿੱਚ ਇੱਕ ਵਿਆਹੇ ਜੋੜੇ ਦੇ ਰੂਪ ਵਿੱਚ ਉਨ੍ਹਾਂ ਦੀ ਟਵਿਸਟਿਡ ਕਹਾਣੀ ਨੂੰ ਦਰਸਾਇਆ ਗਿਆ ਹੈ। ਪਰ ਲੱਗਦਾ ਹੈ ਕਿ ਉਹ ਆਪਣੇ ਸਾਂਝੇ ਪਰਿਵਾਰ ਵਿੱਚ ਕੁਝ ਹੋਰ ਹੀ ਦਿਖਾਉਂਦੇ ਹਨ। ਦਰਅਸਲ ਉਹ ਨਿੱਜੀ ਤੌਰ 'ਤੇ ਪਿਆਰ ਕਰਦੇ ਹਨ ਪਰ ਬਾਹਰ ਦੁਸ਼ਮਣੀ ਦਿਖਾਉਂਦੇ ਹਨ। ਫਿਲਮ ਦਾ ਟ੍ਰੇਲਰ ਕੁਝ ਹੱਦ ਤੱਕ ਵਿੱਕੀ ਦੀ ਪਿਛਲੀ ਫਿਲਮ 'ਗੋਵਿੰਦਾ ਨਾਮ ਮੇਰਾ' ਦੀ ਯਾਦ ਦਿਵਾਉਂਦਾ ਹੈ, ਜਿਸ 'ਚ ਭੂਮੀ ਪੇਡਨੇਕਰ ਉਸ ਦੀ ਪਤਨੀ ਦੀ ਭੂਮਿਕਾ 'ਚ ਸੀ ਅਤੇ ਇੱਥੇ ਵੀ ਵਿੱਕੀ ਅਤੇ ਭੂਮੀ ਦਾ ਟ੍ਰੈਕ ਮੇਲ ਨਹੀਂ ਖਾਂਦਾ ਸੀ।
ਸਾਰਾ ਨੇ ਐਤਵਾਰ ਨੂੰ ਇੱਕ ਟੀਜ਼ਰ ਸਾਂਝਾ ਕੀਤਾ, ਜਿਸ ਦੇ ਬੈਕਗ੍ਰਾਉਂਡ ਵਿੱਚ ਤੂ ਹੈ ਤੋ ਮੁਝੇ ਕਯਾ ਚਾਹੀਏ ਗਾਣਾ ਚੱਲ ਰਿਹਾ ਸੀ। ਇਸ ਵਿੱਚ ਸਾਰਾ ਅਤੇ ਵਿੱਕੀ ਦੀ ਇੱਕ ਜੋੜੇ ਵਜੋਂ ਕੁਝ ਰੋਮਾਂਟਿਕ ਤਸਵੀਰਾਂ ਦਿਖਾਈਆਂ ਗਈਆਂ ਸਨ। ਅਦਾਕਾਰਾ ਨੇ ਇਸ ਨੂੰ ਕੈਪਸ਼ਨ ਦਿੱਤਾ, "ਰੋਮਾਂਟਿਕ? ਹਾਂ ਨਾਟਕੀ? ਤੁਸੀਂ ਕੀ ਸੋਚਦੇ ਹੋ ਕਿ ਸਾਡੀ ਕਹਾਣੀ ਕਿਵੇਂ ਦੀ ਹੋਣ ਵਾਲੀ ਹੈ? ਫਿਲਮ 'ਚ ਰਾਕੇਸ਼ ਬੇਦੀ, ਸ਼ਾਰੀਬ ਹਾਸ਼ਮੀ, ਨੀਰਜ ਸੂਦ ਅਤੇ ਹੋਰ ਕਲਾਕਾਰ ਵੀ ਅਹਿਮ ਭੂਮਿਕਾਵਾਂ 'ਚ ਹਨ। ਇਹ ਫਿਲਮ ਮੈਡੌਕ ਫਿਲਮਜ਼ ਅਤੇ ਜੀਓ ਸਟੂਡੀਓਜ਼ ਦੁਆਰਾ ਨਿਰਮਿਤ ਹੈ ਅਤੇ 2 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।
ਇਹ ਵੀ ਪੜ੍ਹੋ: Kareena Kapoor: ਕਰੀਨਾ ਕਪੂਰ ਨੇ ਬਰਬਾਦ ਕੀਤਾ ਸੀ ਬੌਬੀ ਦਿਓਲ ਦਾ ਫਿਲਮੀ ਕਰੀਅਰ, 'ਜਬ ਵੀ ਮੈਟ' 'ਚੋਂ ਬੌਬੀ ਨੂੰ ਕਢਵਾਇਆ ਸੀ ਬਾਹਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
