Jodi: ਸੋਸ਼ਲ ਮੀਡੀਆ 'ਤੇ ਛਾਈ ਦਿਲਜੀਤ-ਨਿਮਰਤ ਦੀ 'ਜੋੜੀ', ਫਿਲਮ ਦੇਖ ਕੇ ਲੋਕਾਂ ਨੇ ਕਿਹਾ- 'ਅੱਖਾਂ 'ਚੋਂ ਹੰਝੂ ਆ ਗਏ'

Dilji Dosanjh Nimrat Khaira Jodi: ਦਿਲਜੀਤ-ਨਿਮਰਤ ਸਟਾਰਰ ਫਿਲਮ ਦੇ ਭਾਰਤ ਦੇ ਨਾਲ ਨਾਲ ਵਿਦੇਸ਼ਾਂ 'ਚ ਵੀ ਹਾਊਸ ਫੁੱਲ ਸ਼ੋਅ ਚੱਲ ਰਹੇ ਹਨ। ਇਸ ਦੇ ਨਾਲ ਨਾਲ 'ਜੋੜੀ' ਫਿਲਮ ਸੋਸ਼ਲ ਮੀਡੀਆ ;ਤੇ ਵੀ ਛਾਈ ਹੋਈ ਹੈ।

ਦਿਲਜੀਤ ਦੋਸਾਂਝ, ਨਿਮਰਤ ਖਹਿਰਾ

Jodi Movie Instagram Review: ਦਿਲਜੀਤ ਦੋਸਾਂਝ ਤੇ ਨਿਮਰਤ ਖਹਿਰਾ ਦੀ ਫਿਲਮ 'ਜੋੜੀ' 5 ਮਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਗਈ ਹੈ। ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਹੀ ਦਿਲਜੀਤ ਤੇ ਨਿਮਰਤ ਦੀ ਜੋੜੀ ਕਾਫੀ ਜ਼ਿਆਦਾ ਲਾਈਮਲਾਈਟ 'ਚ ਰਹੀ ਸੀ। ਫੈਨਜ਼ ਇਨ੍ਹਾਂ ਦੋਵਾਂ ਦੀ ਜੋੜੀ ਨੂੰ ਨਾ ਸਿਰਫ ਸੋਸ਼ਲ ਮੀਡੀਆ 'ਤੇ, ਬਲਕਿ ਸਿਨੇਮਾਘਰਾਂ ;ਚ ਵੀ ਖੂਬ ਪਿਆਰ ਦੇ ਰਹੇ ਹਨ। 

ਦਿਲਜੀਤ-ਨਿਮਰਤ ਸਟਾਰਰ ਫਿਲਮ ਦੇ ਭਾਰਤ ਦੇ ਨਾਲ ਨਾਲ ਵਿਦੇਸ਼ਾਂ 'ਚ ਵੀ ਹਾਊਸ ਫੁੱਲ ਸ਼ੋਅ ਚੱਲ ਰਹੇ ਹਨ। ਇਸ ਦੇ ਨਾਲ ਨਾਲ 'ਜੋੜੀ' ਫਿਲਮ ਸੋਸ਼ਲ ਮੀਡੀਆ ;ਤੇ ਵੀ ਛਾਈ ਹੋਈ ਹੈ। ਲੋਕ ਇਸ ਫਿਲਮ ਨੂੰ ਦੇਖਣ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਆਪਣੇ ਰਿਵਿਊ ਦੇ ਰਹੇ ਹਨ। ਲੋਕਾਂ ਦੇ ਇਨ੍ਹਾਂ ਰਿਵਿਊਜ਼ ਨੂੰ ਨਿਮਰਤ ਤੇ ਦਿਲਜੀਤ ਲਗਾਤਾਰ ਆਪਣੇ ਸੋਸ਼ਲ ਮੀਡੀਆ 'ਤੇ ਅਕਾਊਂਟਸ 'ਤੇ ਸ਼ੇਅਰ ਕਰ ਰਹੇ ਹਨ।

ਇੱਕ ਯੂਜ਼ਰ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ, 'ਬਹੁਤ ਘੱਟ ਫਿਲਮਾਂ ਬਣਦੀਆਂ ਐਦਾਂ ਦੀਆਂ। ਫਿਲਮ ਦਾ ਦਿ ਐਂਡ ਦੇਖਣ ਵਾਲਾ ਹੈ। ਫਿਲਮ ਦੇ ਅਖੀਰ 'ਚ ਮੇਰੇ ਰੌਂਗਟੇ ਹੀ ਖੜੇ ਹੋ ਗਏ ਸੀ। ਅੰਬਰਦੀਪ ਸਿੰਘ ਦੇ ਵਿਜ਼ਨ ਨੂੰ ਸਲਾਮ। ਦਿਲਜੀਤ ਦੋਸਾਂਝ ਦੀ ਐਕਟਿੰਗ ਨੇ ਦਿਲ ਜਿੱਤ ਲਿਆ, ਨਿਮਰਤ ਦੀ ਮਾਸੂਮੀਅਤ ਦਿਲ ਜਿੱਤ ਕੇ ਲੈ ਗਈ।'

ਇੱਕ ਹੋਰ ਯੂਜ਼ਰ ਨੇ ਲਿਖਿਆ, 'ਲਾਈਫ ਟਾਈਮ ਯਾਦ ਰਹੂਗੀ ਇਹ ਮੂਵੀ। ਫਿਲਮ 'ਚ ਕਮੇਡੀ, ਇਮੋਸ਼ਨ, ਤੇ ਟਰੈਜਡੀ ਸਭ ਕੁੱਝ ਹੈ।'

ਇਕ ਹੋਰ ਸ਼ਖਸ ਨੇ ਇੰਸਟਾਗ੍ਰਾਮ 'ਤੇ ਰਿਵਿਊ ਦਿੱਤਾ, 'ਨਿਮਰਤ ਖਹਿਰਾ ਸਟੇਜ 'ਤੇ ਵੀ ਕਮਾਲ ਦੀ ਲੱਗਦੀ ਹੈ, ਤੇ ਹੁਣ ਉਹ ਫਿਲਮ 'ਚ ਇਸ ਤੋਂ ਵੀ ਕਮਾਲ ਲੱਗੀ ਹੈ। ਉਸ ਦੀ ਐਕਟਿੰਗ ਕਮਾਲ ਦੀ ਹੈ।'

ਇੱਕ ਹੋਰ ਸ਼ਖਸ ਨੇ ਲਿਖਿਆ, 'ਮੈਂ ਤਿੰਨ ਸਾਲਾ ਤੋਂ ਫਿਲਮ ਰਿਲੀਜ਼ ਹੋਣ ਦੀ ਉਡੀਕ ਕਰ ਰਿਹਾ ਸੀ, ਤੇ ਅੱਜ ਜਾ ਕੇ ਮੇਰਾ ਇੰਤਜ਼ਾਰ ਖਤਮ ਹੋਇਆ। ਕਮਾਲ ਦੀ ਫਿਲਮ ਹੈ।' ਪੜ੍ਹੋ ਪੂਰਾ ਰਿਵਿਊ:

ਇੱਕ ਸ਼ਖਸ ਨੇ ਲਿਖਿਆ ਕਿ ਉਹ ਫਿਲਮ ਦੇਖਣ ਤੋਂ ਬਾਅਦ ਰੋ ਪਿਆ। ਇਸ ਦੇ ਨਾਲ ਨਾਲ ਉਸ ਨੇ ਦਿਲਜੀਤ-ਨਿਮਰਤ ਦੀ ਐਕਟਿੰਗ ਦੀ ਰੱਜ ਕੇ ਤਾਰੀਫ ਕੀਤੀ।

ਕਾਬਿਲੇਗ਼ੌਰ ਹੈ ਕਿ ਦਿਲਜੀਤ-ਦੋਸਾਂਝ ਨਿਮਰਤ ਖਹਿਰਾ ਦੀ ਫਿਲਮ ਨੇ 2020 'ਚ ਰਿਲੀਜ਼ ਹੋਣਾ ਸੀ, ਪਰ ਕੋਵਿਡ ਕਰਕੇ ਇਸ ਫਿਲਮ ਦੀ ਰਿਲੀਜ਼ ਨੂੰ ਅੱਗੇ ਵਧਾਇਆ ਗਿਆ। ਇਸ ਤੋਂ ਬਾਅਦ ਇਹ ਫਿਲਮ 2023 'ਚ ਹੁਣ ਰਿਲੀਜ਼ ਹੋਈ ਹੈ। ਇਸ ਫਿਲਮ ਨੂੰ ਕਾਫੀ ਜ਼ਿਆਦਾ ਪਸੰਦ ਕੀਤਾ ਜਾ ਰਿਹਾ ਹੈ। ਖਾਸ ਕਰਕੇ ਦਿਲਜੀਤ ਨਿਮਰਤ ਦੀ ਕੈਮਿਸਟਰੀ ਤੇ ਦੋਵਾਂ ਦੀ ਐਕਟਿੰਗ ਦਿਲ ਜਿੱਤ ਰਹੀ ਹੈ।