Entertainment News Live: ਬਿੱਗ ਬੌਸ 17 ਦੇ ਜੇਤੂ ਬਣੇ ਮੁਨੱਵਰ ਫਾਰੂਕੀ, ਬਿਬਾਲ ਸਈਦ ਨੇ ਗੁੱਸੇ 'ਚ ਫੈਨਜ਼ 'ਤੇ ਵਗਾਹ ਮਾਰਿਆ ਮਾਈਕ ਸਣੇ ਅਹਿਮ ਖਬਰਾਂ
Entertainment News Live Today : ਬਾਲੀਵੁੱਡ ਤੋਂ ਪਾਲੀਵੁੱਡ ਅਤੇ ਹਾਲੀਵੁੱਡ ਤੱਕ ਸਾਰੀਆਂ ਤਾਜ਼ਾ ਖਬਰਾਂ ਲਈ ਸਾਡੇ ਨਾਲ ਜੁੜੋ। ਮਨੋਰੰਜਨ ਜਗਤ ਦੀਆਂ ਹਰ ਖਬਰਾਂ ਅਤੇ ਮਸ਼ਹੂਰ ਹਸਤੀਆਂ ਨਾਲ ਸਬੰਧਤ ਲਾਈਵ ਅਪਡੇਟਸ ਲਈ ਜੁੜੇ ਰਹੋ ।
LIVE
Background
Entertainment News Live Today: ਬਿੱਗ ਬੌਸ 17 ਦਾ ਫਿਨਾਲੇ ਖਤਮ ਹੋ ਗਿਆ ਹੈ ਅਤੇ ਸ਼ੋਅ ਨੂੰ ਆਪਣਾ ਵਿਨਰ ਮਿਲ ਗਿਆ ਹੈ। ਮੁਨੱਵਰ ਫਾਰੂਕੀ ਜੇਤੂ ਬਣੇ ਹਨ। ਟਰਾਫੀ ਦੇ ਨਾਲ ਹੀ ਮੁਨੱਵਰ ਨੂੰ 50 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਵੀ ਮਿਲੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਹੁੰਡਈ ਦੀ ਨਵੀਂ ਕ੍ਰੇਟਾ ਕਾਰ ਵੀ ਮਿਲੇਗੀ।
ਇਹ ਖੁਸ਼ੀ ਮੁਨੱਵਰ ਫਾਰੂਕੀ ਲਈ ਹੋਰ ਵੀ ਜ਼ਿਆਦਾ ਹੈ ਕਿਉਂਕਿ ਫਾਈਨਲ ਵਾਲੇ ਦਿਨ ਯਾਨੀ 28 ਜਨਵਰੀ ਨੂੰ ਉਨ੍ਹਾਂ ਦਾ ਜਨਮ ਦਿਨ ਸੀ। ਅਭਿਸ਼ੇਕ ਕੁਮਾਰ ਇਸ ਸ਼ੋਅ ਦੇ ਪਹਿਲੇ ਰਨਰ ਅੱਪ ਰਹੇ।
ਮੁਨੱਵਰ-ਅਭਿਸ਼ੇਕ ਆਖਰੀ ਸਮੇਂ ਭਾਵੁਕ ਹੋ ਗਏ
ਬਿੱਗ ਬੌਸ ਨੇ ਜਦੋਂ ਆਖਰੀ ਵਾਰ ਮੁਨੱਵਰ ਅਤੇ ਅਭਿਸ਼ੇਕ ਨਾਲ ਗੱਲ ਕੀਤੀ ਤਾਂ ਦੋਵੇਂ ਕਾਫੀ ਭਾਵੁਕ ਹੋ ਗਏ। ਮੁਨੱਵਰ ਅਤੇ ਅਭਿਸ਼ੇਕ ਆਪਣੇ ਹੰਝੂਆਂ 'ਤੇ ਕਾਬੂ ਨਹੀਂ ਰੱਖ ਸਕੇ ਅਤੇ ਫੁੱਟ-ਫੁੱਟ ਕੇ ਰੋਣ ਲੱਗੇ। ਇਸ ਦੌਰਾਨ ਅਭਿਸ਼ੇਕ ਦੇ ਪਿਤਾ ਵੀ ਕਾਫੀ ਭਾਵੁਕ ਹੋ ਗਏ। ਇਸ ਤੋਂ ਬਾਅਦ ਆਖਰੀ ਪਲ ਅਭਿਸ਼ੇਕ ਨੇ ਬਿੱਗ ਬੌਸ ਤੋਂ ਮਾਫੀ ਮੰਗੀ। ਤਾਂ ਉਸੇ ਮੁਨੱਵਰ ਨੇ ਉਸਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਸਨੂੰ ਇੱਕ ਬਿਹਤਰ ਵਿਅਕਤੀ ਬਣਾਉਣ ਲਈ ਬਿੱਗ ਬੌਸ ਦਾ ਧੰਨਵਾਦ।
ਤੁਹਾਨੂੰ ਦੱਸ ਦੇਈਏ ਕਿ ਬਿੱਗ ਬੌਸ ਟੌਪ 2 ਦੇ ਐਲਾਨ ਤੋਂ ਬਾਅਦ ਵੋਟਿੰਗ ਲਾਈਨ ਵੀ 10 ਮਿੰਟ ਲਈ ਖੁੱਲ੍ਹੀ ਸੀ ਅਤੇ ਪ੍ਰਸ਼ੰਸਕਾਂ ਨੇ ਪੂਰੇ ਦਿਲ ਨਾਲ ਮੁਨੱਵਰ ਨੂੰ ਵੋਟ ਦਿੱਤੀ।
ਸ਼ੋਅ 'ਚ ਮੁਨੱਵਰ ਅਤੇ ਅਭਿਸ਼ੇਕ ਦੀ ਦੋਸਤੀ ਨਜ਼ਰ ਆਈ
ਸ਼ੋਅ 'ਚ ਅਭਿਸ਼ੇਕ ਅਤੇ ਮੁਨੱਵਰ ਵਿਚਾਲੇ ਚੰਗੀ ਦੋਸਤੀ ਦੇਖਣ ਨੂੰ ਮਿਲੀ। ਸ਼ੋਅ 'ਚ ਜਦੋਂ ਮੁਨੱਵਰ ਦਾ ਬ੍ਰੇਕਡਾਊਨ ਹੋਇਆ ਤਾਂ ਅਭਿਸ਼ੇਕ ਨੇ ਹੀ ਉਨ੍ਹਾਂ ਦੀ ਦੇਖਭਾਲ ਕੀਤੀ। ਅਭਿਸ਼ੇਕ ਉਸ ਦੀ ਹਮਾਇਤ 'ਚ ਖੜ੍ਹੇ ਹੋ ਕੇ ਸਮਝਾਉਂਦੇ ਰਹੇ। ਮੁਨੱਵਰ ਅਤੇ ਅਭਿਸ਼ੇਕ ਦੀ ਦੋਸਤੀ ਸ਼ੋਅ ਦੇ ਅੰਤ ਤੱਕ ਗੂੜ੍ਹੀ ਹੋ ਗਈ।
Congratulations @munawar0018 for this victory. Your journey truly inspired many. 🥳🏆#BB17 #BiggBoss17 #BiggBoss @BeingSalmanKhan #GrandFinale #BiggBoss17Finale pic.twitter.com/DjKBQCXvcv
— ColorsTV (@ColorsTV) January 28, 2024
ਇਹ ਸ਼ੋਅ ਦੇ ਟਾਪ 5 ਸਨ
ਟਾਪ 5 ਵਿੱਚ ਮੁਨੱਵਰ ਫਾਰੂਕੀ, ਅੰਕਿਤਾ ਲੋਖੰਡੇ, ਅਭਿਸ਼ੇਕ ਕੁਮਾਰ, ਮੰਨਾਰਾ ਚੋਪੜਾ ਅਤੇ ਅਰੁਣ ਮਹਾਸ਼ੇਟੀ ਸਨ। ਅਰੁਣ ਮਹਾਸ਼ੇਟੀ ਟਾਪ 5 ਵਿੱਚੋਂ ਬਾਹਰ ਹੋਣ ਵਾਲੇ ਪਹਿਲੇ ਮੁਕਾਬਲੇਬਾਜ਼ ਸਨ। ਇਸ ਤੋਂ ਬਾਅਦ ਅੰਕਿਤਾ ਲੋਖੰਡੇ ਸ਼ੋਅ ਤੋਂ ਬਾਹਰ ਹੋ ਗਈ। ਮੰਨਾਰਾ ਚੋਪੜਾ ਟਾਪ 3 'ਤੇ ਪਹੁੰਚ ਗਈ ਹੈ। ਹਾਲਾਂਕਿ ਮੰਨਾਰਾ ਚੋਪੜਾ ਟਾਪ-2 ਦਾ ਹਿੱਸਾ ਨਹੀਂ ਬਣ ਸਕੀ।
ਬਿੱਗ ਬੌਸ 17 ਕਦੋਂ ਸ਼ੁਰੂ ਹੋਇਆ?
ਬਿੱਗ ਬੌਸ 17 ਦੀ ਗੱਲ ਕਰੀਏ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਸ਼ੋਅ ਦਾ ਪ੍ਰੀਮੀਅਰ 15 ਅਕਤੂਬਰ ਨੂੰ ਹੋਇਆ ਸੀ। ਇਸ ਵਾਰ ਸ਼ੋਅ ਦਾ ਵਿਸ਼ਾ ਦਿਲ, ਦਿਮਾਗ ਅਤੇ ਸ਼ਕਤੀ 'ਤੇ ਆਧਾਰਿਤ ਸੀ। ਬਿੱਗ ਬੌਸ ਨੇ ਤਿੰਨ ਵੱਖ-ਵੱਖ ਘਰ ਬਣਾਏ ਸਨ, ਜਿਨ੍ਹਾਂ ਦਾ ਨਾਂ ਸੀ ਦਿਲ-ਦਿਮਾਗ ਅਤੇ ਦਮ। ਪਰਿਵਾਰ ਦੇ ਜੀਅ ਤਿੰਨ ਕਮਰਿਆਂ ਵਿੱਚ ਵੰਡੇ ਹੋਏ ਸਨ। ਘਰ ਨੂੰ ਬ੍ਰੇਨ ਦੇ ਪਰਿਵਾਰ ਨੇ ਪਹਿਲੇ ਕਈ ਹਫਤਿਆਂ ਤੱਕ ਚਲਾਇਆ ਸੀ। ਸ਼ੋਅ 'ਚ ਸਾਰੇ ਪ੍ਰਤੀਯੋਗੀਆਂ ਨੇ ਆਪਣਾ ਬੈਸਟ ਦਿੱਤਾ। ਇਸ ਵਾਰ ਸ਼ੋਅ ਨੇ ਗੇਮ ਦੀ ਬਜਾਏ ਮੁਕਾਬਲੇਬਾਜ਼ਾਂ ਦੀ ਨਿੱਜੀ ਜ਼ਿੰਦਗੀ 'ਤੇ ਜ਼ਿਆਦਾ ਧਿਆਨ ਦਿੱਤਾ।
Entertainment News Live Today: ਸਰਗੀ ਮਾਨ 'ਤੇ ਖੂਬ ਭੜਕੇ ਇੰਦਰਜੀਤ ਨਿੱਕੂ, ਬੋਲੇ- ''ਜਿਸਮਾਂ ਤੋਂ ਪਾਰ ਦੀ ਗੱਲ' ਮੇਰਾ ਗਾਣਾ, ਕਰੈਡਿਟ ਲੈ ਗਏ ਰੀਲਾਂ ਵਾਲੇ'
Inderjit Nikku Slams Sargi Maan: ਇੰਦਰਜੀਤ ਨਿੱਕੂ ਅਕਸਰ ਹੀ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ 'ਚ ਬਣੇ ਰਹਿੰਦੇ ਹਨ। ਉਹ ਆਪਣੇ ਸਮੇਂ ਦੇ ਟੌਪ ਦੇ ਗਾਇਕ ਰਹੇ ਹਨ, ਪਰ ਲੱਗਦਾ ਹੈ ਕਿ ਆਪਣੀ ਦੂਜੀ ਪਾਰੀ 'ਚ ਕਿਸਮਤ ਇੰਦਰਜੀਤ ਨਿੱਕੂ ਦਾ ਸਾਥ ਨਹੀਂ ਦੇ ਰਹੀ ਹੈ। ਨਿੱਕੂ ਦੇ ਗਾਏ ਜ਼ਿਆਦਾਤਰ ਗਾਣੇ ਫਲੌਪ ਹੋਏ ਹਨ ਅਤੇ ਕਿਸੇ ਗਾਣੇ ਦਾ ਕਰੈਡਿਟ ਕਿਸੇ ਹੋਰ ਨੂੰ ਮਿਲ ਗਿਆ।
Entertainment News Live: ਪੰਜਾਬੀ ਗਾਇਕ ਗੁਰਨਾਮ ਭੁੱਲਰ ਨੇ ਕਿਉਂ ਨਹੀਂ ਸ਼ੇਅਰ ਕੀਤੀ ਆਪਣੇ ਵਿਆਹ ਫੋਟੋ? ਕਿਹਾ- 'ਮੈਂ ਨਹੀਂ ਚਾਹੁੰਦਾ ਕਿ ਮੇਰੀ ਵਾਈਫ...'
Gurnam Bhullar Video: ਪੰਜਾਬੀ ਗਾਇਕ ਤੇ ਐਕਟਰ ਗੁਰਨਾਮ ਭੁੱਲਰ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਿਹਾ ਹੈ। ਉਸ ਦੀ ਫਿਲਮ 'ਖਿਡਾਰੀ' 9 ਫਰਵਰੀ 2024 ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ। ਜਿਸ ਦੀ ਐਕਟਰ ਰੱਜ ਕੇ ਪ੍ਰਮੋਸ਼ਨ ਕਰ ਰਿਹਾ ਹੈ। ਇਸ ਤੋਂ ਇਲਾਵਾ 2023 'ਚ ਗੁਰਨਾਮ ਭੁੱਲਰ ਨੇ ਵਿਆਹ ਵੀ ਕੀਤਾ ਸੀ, ਜਿਸ ਦੀ ਕਾਫੀ ਚਰਚਾ ਹੋਈ ਸੀ। ਗੁਰਨਾਮ ਨੇ ਆਪਣੀ ਪਤਨੀ ਨਾਲ ਗੁਪਤ ਵਿਆਹ ਕੀਤਾ ਸੀ, ਜਿਸ ਵਿੱਚ ਪਰਿਵਾਰ ਵਾਲੇ ਤੇ ਕਰੀਬੀ ਦੋਸਤ ਤੇ ਰਿਸ਼ਤੇਦਾਰ ਹੀ ਸ਼ਾਮਲ ਹੋਏ। ਵਿਆਹ ਦਾ ਖੁਲਾਸਾ ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਸਾਹਮਣੇ ਆਉਣ ਤੋਂ ਬਾਅਦ ਹੋਇਆ ਸੀ। ਗੁਰਨਾਮ ਨੇ ਖੁਦ ਆਪਣੇ ਵਿਆਹ ਦੀ ਕੋਈ ਤਸਵੀਰ ਨਾ ਤਾਂ ਸ਼ੇਅਰ ਕੀਤੀ ਸੀ ਤੇ ਨਾ ਹੀ ਵਿਆਹ ਬਾਰੇ ਕੋਈ ਅਪਡੇਟ ਦਿੱਤੀ ਸੀ। ਹੁਣ ਗਾਇਕ ਨੇ ਖੁਦ ਇਸ ਦੀ ਵਜ੍ਹਾ ਦੱਸੀ ਹੈ।
Entertainment News Live Today: ਅਨਮੋਲ ਕਵਾਤਰਾ ਨੇ ਫਿਰ ਚੁੱਕੇ ਸਿਹਤ ਸਿਸਟਮ 'ਤੇ ਸਵਾਲ, ਪੈਸੇ ਨਾ ਹੋਣ ਕਰਕੇ ਮਰੀਜ਼ ਨੂੰ ਨਹੀਂ ਦਿੱਤੀ ਗਈ ਦਵਾਈ, ਦੇਖੋ ਵੀਡੀਓ
Anmol Kwatra Video: ਸਮਾਜਸੇਵੀ ਅਨਮੋਲ ਕਵਾਤਰਾ ਹਮੇਸ਼ ਹੀ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ 'ਚ ਰਹਿੰਦਾ ਹੈ। ਆਪਣੀ ਅਣਥੱਕ ਤੇ ਨਿਰਸੁਆਰਥ ਸੇਵਾ ਦੇ ਨਾਲ ਨਾਲ ਅਨਮੋਲ ਆਪਣੀ ਬੇਬਾਕੀ ਲਈ ਵੀ ਮਸ਼ਹੂਰ ਹੈ। ਉਹ ਆਪਣੀ ਵੀਡੀਓਜ਼ ਰਾਹੀਂ ਸਰਕਾਰ 'ਤੇ ਵੀ ਤਿੱਖੇ ਹਮਲੇ ਕਰਦਾ ਰਹਿੰਦਾ ਹੈ। ਹੁਣ ਕਵਾਤਰਾ ਨੇ ਇੱਕ ਵਾਰ ਫਿਰ ਤੋਂ ਪੰਜਾਬ ਦੇ ਸਿਹਤ ਸਿਸਟਮ ਨੂੰ ਕਟਿਹਰੇ ਲਿਆ ਕੇ ਖੜਾ ਕਰ ਦਿੱਤਾ ਹੈ।
Entertainment News Live: ਰਣਜੀਤ ਬਾਵਾ ਨੇ ਨਵੇਂ ਗਾਣੇ 'ਚ ਸਿੱਧੂ ਮੂਸੇਵਾਲਾ ਦੇ ਸਟਾਇਲ ਦੀ ਕੀਤੀ ਕਾਪੀ, ਫੈਨਜ਼ ਨੇ ਕੀਤਾ ਟਰੋਲ, ਬੋਲੇ- ਜੱਟ ਦੀ ਰੀਸ ਨੀ ਹੋਣੀ
Ranjit Bawa New Song Unmask Teaser: ਪੰਜਾਬੀ ਗਾਇਕ ਰਣਜੀਤ ਬਾਵਾ ਨੇ ਜਦੋਂ ਤੋਂ ਆਪਣੀ ਨਵੀਂ ਈਪੀ 'ਓਵਰ ਦ ਮੂਨ' ਦਾ ਐਲਾਨ ਕੀਤਾ ਸੀ, ਉਦੋਂ ਤੋਂ ਹੀ ਫੈਨਜ਼ ਬੜੀ ਬੇਸਵਰੀ ਦੇ ਨਾਲ ਉਸ ਦੀ ਨਵੀਂ ਐਲਬਮ ਦੀ ਉਡੀਕ ਕਰ ਰਹੇ ਸੀ। ਹੁਣ ਸਿੰਗਰ ਨੇ ਆਪਣੀ ਈਪੀ ਦੇ ਪਹਿਲੇ ਗੀਤ 'ਅਨਮਾਸਕ' ਦਾ ਟੀਜ਼ਰ ਵੀ ਰਿਲੀਜ਼ ਕਰ ਦਿੱਤਾ ਹੈ, ਪਰ ਇਸ ਦੇ ਨਾਲ ਹੀ ਬਾਵਾ ਨੂੰ ਫੈਨਜ਼ ਟਰੋਲ ਵੀ ਕਰ ਰਹੇ ਹਨ। ਕਿਉਂਕਿ ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਬਾਵਾ ਨੇ ਆਪਣੇ ਇਸ ਗਾਣੇ 'ਚ ਸਿੱਧੂ ਮੂਸੇਵਾਲਾ ਦੇ ਸਟਾਇਲ ਦੀ ਕਾਪੀ ਕੀਤੀ ਹੈ।
Entertainment News Live Today: ਬਿੱਗ ਬੌਸ ਦੇ ਘਰ ਤੋਂ ਬਾਹਰ ਆਉਂਦੇ ਹੀ ਮੰਨਾਰਾ ਚੋਪੜਾ ਨੇ ਅੰਕਿਤਾ ਲੋਖੰਡੇ 'ਤੇ ਕੱਸੇ ਤਿੱਖੇ ਤੰਜ, ਵੀਡੀਓ 'ਚ ਦੇਖੋ ਕੀ ਬੋਲੀ
Bigg Boss 17 Finale: ਮਸ਼ਹੂਰ ਸਟੈਂਡਅੱਪ ਕਾਮੇਡੀਅਨ ਮੁਨੱਵਰ ਫੇਰੂਕੀ ਨੇ 'ਬਿੱਗ ਬੌਸ 17' ਦਾ ਖਿਤਾਬ ਜਿੱਤ ਲਿਆ ਹੈ। ਸਾਰੇ ਮੁਕਾਬਲੇਬਾਜ਼ਾਂ ਨੂੰ ਹਰਾ ਕੇ ਮੁਨੱਵਰ ਨੇ ਆਖਰਕਾਰ 'ਬਿੱਗ ਬੌਸ 17' ਦੀ ਟਰਾਫੀ ਜਿੱਤ ਲਈ। ਬੀਤੀ ਰਾਤ ਸਲਮਾਨ ਖਾਨ ਦੇ ਸ਼ੋਅ ਦਾ ਗ੍ਰੈਂਡ ਫਿਨਾਲੇ ਹੋਇਆ, ਜਿਸ ਦੀ ਕਾਫੀ ਚਰਚਾ ਹੋਈ। ਫਿਨਾਲੇ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
