Inderjit Nikku: ਸਰਗੀ ਮਾਨ 'ਤੇ ਖੂਬ ਭੜਕੇ ਇੰਦਰਜੀਤ ਨਿੱਕੂ, ਬੋਲੇ- ''ਜਿਸਮਾਂ ਤੋਂ ਪਾਰ ਦੀ ਗੱਲ' ਮੇਰਾ ਗਾਣਾ, ਕਰੈਡਿਟ ਲੈ ਗਏ ਰੀਲਾਂ ਵਾਲੇ'
Inderjit Nikku Slams Sargi Maan: ਇੰਦਰਜੀਤ ਨਿੱਕੂ ਦੀ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ। ਹਾਲਾਂਕਿ ਇਹ ਵੀਡੀਓ ਦਸੰਬਰ ਮਹੀਨੇ ਦੀ ਹੈ, ਪਰ ਵੀਡੀਓ ਨੂੰ ਇਸ ਸਮੇਂ ਕਾਫੀ ਸ਼ੇਅਰ ਕੀਤਾ ਜਾ ਰਿਹਾ ਹੈ।ਵੀਡੀਓ 'ਚ ਨਿੱਕੂ ਸਰਗੀ ਮਾਨ 'ਤੇ ਭੜਕ ਰਹੇ ਹਨ।
ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Inderjit Nikku Slams Sargi Maan: ਇੰਦਰਜੀਤ ਨਿੱਕੂ ਅਕਸਰ ਹੀ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ 'ਚ ਬਣੇ ਰਹਿੰਦੇ ਹਨ। ਉਹ ਆਪਣੇ ਸਮੇਂ ਦੇ ਟੌਪ ਦੇ ਗਾਇਕ ਰਹੇ ਹਨ, ਪਰ ਲੱਗਦਾ ਹੈ ਕਿ ਆਪਣੀ ਦੂਜੀ ਪਾਰੀ 'ਚ ਕਿਸਮਤ ਇੰਦਰਜੀਤ ਨਿੱਕੂ ਦਾ ਸਾਥ ਨਹੀਂ ਦੇ ਰਹੀ ਹੈ। ਨਿੱਕੂ ਦੇ ਗਾਏ ਜ਼ਿਆਦਾਤਰ ਗਾਣੇ ਫਲੌਪ ਹੋਏ ਹਨ ਅਤੇ ਕਿਸੇ ਗਾਣੇ ਦਾ ਕਰੈਡਿਟ ਕਿਸੇ ਹੋਰ ਨੂੰ ਮਿਲ ਗਿਆ।
ਜੀ ਹਾਂ, ਤੁਹਾਨੂੰ ਇੰਦਰਜੀਤ ਨਿੱਕੂ ਦਾ ਗਾਣਾ 'ਜਿਸਮਾਂ ਤੋਂ ਪਾਰ ਦੀ ਗੱਲ' ਤਾਂ ਯਾਦ ਹੋਵੇਗਾ। ਇਹ ਗਾਣਾ ਜਦੋਂ ਇੰਦਰਜੀਤ ਨਿੱਕੂ ਨੇ ਗਾਇਆ ਤਾਂ ਬੁਰੀ ਤਰ੍ਹਾਂ ਫਲੌਪ ਹੋਇਆ, ਪਰ ਇਸ ਨੂੰ ਜਦੋਂ ਗਾਇਕਾ ਸਰਗੀ ਮਾਨ ਨੇ ਗਾਇਆ ਤਾਂ ਇਹੀ ਗਾਣਾ ਸੋਸ਼ਲ ਮੀਡੀਆ 'ਤੇ ਟਰੈਂਡ ਕਰਨ ਲੱਗ ਗਿਆ। ਇਸ ਸਭ 'ਤੇ ਹਾਲ ਹੀ 'ਚ ਇੰਦਰਜੀਤ ਨਿੱਕੂ ਨੇ ਰੱਜ ਕੇ ਭੜਾਸ ਕੱਢੀ ਸੀ।
ਨਿੱਕੂ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਹਾਲਾਂਕਿ ਇਹ ਵੀਡੀਓ ਦਸੰਬਰ ਮਹੀਨੇ ਦੀ ਹੈ, ਪਰ ਇਸ ਵੀਡੀਓ ਨੂੰ ਇਸ ਸਮੇਂ ਕਾਫੀ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ 'ਚ ਨਿੱਕੂ ਸਰਗੀ ਮਾਨ 'ਤੇ ਭੜਕ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ 'ਜਿਸਮਾਂ ਤੋਂ ਪਾਰ ਦੀ ਗੱਲ ਮੇਰਾ ਗਾਣਾ ਆਇਆ। ਐਵਾਰਡ ਕਿਸੇ ਹੋਰ ਨੂੰ ਮਿਲ ਗਿਆ। ਇਸ ਗੱਲ ਦੀ ਕੋਈ ਚਰਚਾ ਨਹੀਂ ਹੋਈ। ਜਿਸ ਨੇ ਗਾਇਆ ਉਹ ਘਰ ਬੈਠਾ ਤੇ ਰੀਲਾਂ ਬਣਾਉਣ ਵਾਲਾ ਬੰਦਾ ਸ਼ੋਅ ਲਾਉਂਦਾ ਪਿਆ। ਰੀਲ ਵਾਲੇ ਬੰਦੇ ਨੂੰ ਐਵਾਰਡ ਮਿਲ ਗਿਆ। ਇਹ ਪਹਿਲੀ ਵਾਰ ਹੋਇਆ। ਮੈਂ ਤਾਂ ਇਹੀ ਸੋਚਦਾ ਹਾਂ ਕਿ ਜਿਹੜੇ ਵੀ ਆਰਟਿਸਟ ਦਾ ਗਾਣਾ ਨਹੀਂ ਚੱਲਦਾ ਉਹ ਰੀਲਾਂ ਵਾਲੇ ਕੁੜੀਆਂ ਮੁੰਡਿਆਂ ਤੋਂ ਗੁਆ ਲਿਆ ਕਰੋ। ਫਿਰ ਭਾਵੇਂ ਚੱਲ ਜਾਵੇ।' ਦੇਖੋ ਇਹ ਵੀਡੀਓ:
View this post on Instagram
ਕਾਬਿਲੇਗ਼ੌਰ ਹੈ ਕਿ ਇੰਦਰਜੀਤ ਨਿੱਕੂ ਸਾਲ 2022 'ਚ ਚਰਚਾ 'ਚ ਆਏ ਸੀ, ਜਦੋਂ ਉਨ੍ਹਾਂ ਦੀ ਬਾਬਾ ਬਾਗੇਸ਼ਵਰ ਦੇ ਦਰਬਾਰ ਤੋਂ ਵੀਡੀਓ ਵਾਇਰਲ ਹੋਈ ਸੀ। ਇਸ ਵੀਡੀਓ 'ਚ ਗਾਇਕ ਨੂੰ ਬਾਬੇ ਦੇ ਪੈਰਾਂ 'ਚ ਬਹਿ ਕੇ ਦੁੱਖੜੇ ਸੁਣਾਉਂਦੇ ਦੇਖਿਆ ਗਿਆ ਸੀ। ਇਸ ਤੋਂ ਬਾਅਦ ਨਿੱਕੂ ਦੀ ਕਾਫੀ ਆਲੋਚਨਾ ਹੋਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
