Ezra Miller: ਹਾਲੀਵੁੱਡ ਐਕਟਰ `ਤੇ ਲੱਗਿਆ ਗੁਆਂਢੀ ਘਰੋਂ ਸ਼ਰਾਬ ਚੋਰੀ ਕਰਨ ਦਾ ਇਲਜ਼ਾਮ, ਕੋਰਟ ਪਹੁੰਚਿਆ ਮਾਮਲਾ
Ezra Miller Pleaded: 30 ਸਾਲਾ ਅਦਾਕਾਰ ਏਜ਼ਰਾ ਮਿਲਰ ਸੋਮਵਾਰ ਨੂੰ ਆਪਣੇ ਵਕੀਲ ਨਾਲ ਅਦਾਲਤ ਵਿੱਚ ਪੇਸ਼ ਹੋਇਆ। ਅਦਾਕਾਰ 'ਤੇ ਗੁਆਂਢੀ ਦੇ ਘਰੋਂ ਸ਼ਰਾਬ ਚੋਰੀ ਕਰਨ ਦਾ ਦੋਸ਼ ਹੈ।
Ezra Miller Has Pleaded Not Guilty Stealing Liquor: ਹਾਲੀਵੁੱਡ ਦੀਆਂ ਮਸ਼ਹੂਰ ਫਿਲਮਾਂ ਜਿਵੇਂ ਕਿ 'ਫੈਨਟਾਸਟਿਕ ਬੀਸਟ' ਅਤੇ 'ਜਸਟਿਸ ਲੀਗ' ਵਿੱਚ ਕੰਮ ਕਰ ਚੁੱਕਿਆ ਅਦਾਕਾਰ ਏਜ਼ਰਾ ਮਿਲਰ ਇੱਕ ਵਾਰ ਫਿਰ ਵਿਵਾਦਾਂ ;ਚ ਘਿਰ ਗਿਆ ਹੈ। ਇਸ ਵਾਰ ਐਕਟਰ 'ਤੇ ਸ਼ਰਾਬ ਚੋਰੀ ਦਾ ਇਲਜ਼ਾਮ ਲੱਗਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਨੇ ਆਪਣੇ ਗੁਆਂਢੀ ਦੇ ਘਰੋਂ ਸ਼ਰਾਬ ਚੋਰੀ ਕੀਤੀ ਹੈ। ਇਸ ਮਾਮਲੇ 'ਚ ਅਦਾਕਾਰ ਨੇ ਅਦਾਲਤ 'ਚ ਪਟੀਸ਼ਨ ਦਾਇਰ ਕੀਤੀ ਹੈ, ਜਿਸ 'ਚ ਉਸ ਨੇ ਇਸ ਮਾਮਲੇ 'ਚ ਖੁਦ ਨੂੰ ਬੇਕਸੂਰ ਦੱਸਿਆ ਹੈ।
ਐਜ਼ਰਾ ਮਿਲਰ 'ਤੇ ਸ਼ਰਾਬ ਚੋਰੀ ਦਾ ਦੋਸ਼
ਅਭਿਨੇਤਾ ਏਜ਼ਰਾ ਮਿਲਰ (30) ਸੋਮਵਾਰ ਨੂੰ ਆਪਣੇ ਵਕੀਲ ਦੇ ਨਾਲ ਇੱਕ ਚੋਰੀ, ਗੁੰਡਾਗਰਦੀ ਤੇ ਬਲਾਤਕਾਰ ਦੇ ਮਾਮਲੇ ਵਿੱਚ ਅਦਾਲਤ `ਚ ਪੇਸ਼ ਹੋਇਆ। ਜਿੱਥੇ ਮਿਲਰ ਨੇ ਦੱਸਿਆ ਕਿ ਉਸਦਾ ਗੁਆਂਢੀ ਨਾਲ ਕੋਈ ਸਬੰਧ ਨਹੀਂ ਹੈ ਅਤੇ ਨਾ ਹੀ ਉਹ ਉਨ੍ਹਾਂ ਦੇ ਘਰ ਆਉਂਦਾ ਹੈ। ਇਸ ਮਾਮਲੇ 'ਚ ਅਦਾਕਾਰ ਖੁਦ ਨੂੰ ਬੇਕਸੂਰ ਦੱਸ ਰਿਹਾ ਹੈ। ਅਦਾਲਤ ਨੇ ਹੁਣ ਮਾਮਲੇ ਦੀ ਸੁਣਵਾਈ 13 ਜਨਵਰੀ ਤੱਕ ਮੁਲਤਵੀ ਕਰ ਦਿੱਤੀ ਹੈ।
1 ਮਈ ਨੂੰ ਸਟੈਮਫੋਰਡ ਦੇ ਵਰਮਾਂਟ ਪੁਲਿਸ ਸਟੇਸ਼ਨ ਵਿੱਚ ਚੋਰੀ ਦੀ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਜਾਂਚ ਦੌਰਾਨ ਪਾਇਆ ਕਿ ਘਰ ਦੇ ਮਾਲਕ ਦੀ ਗੈਰ-ਮੌਜੂਦਗੀ ਵਿੱਚ ਘਰ ਵਿੱਚ ਸ਼ਰਾਬ ਦੀਆਂ ਬੋਤਲਾਂ ਚੋਰੀ ਹੋ ਗਈਆਂ ਸਨ। ਪੁਲਿਸ ਰਿਪੋਰਟ ਅਨੁਸਾਰ ਮਕਾਨ ਮਾਲਕ ਨੇ ਦੱਸਿਆ ਕਿ ਮਿੱਲਰ ਨਾਲ ਉਸਦੀ ਦੋਸਤੀ 18 ਸਾਲ ਪੁਰਾਣੀ ਹੈ। ਅਤੇ ਡੇਢ ਸਾਲ ਪਹਿਲਾਂ ਉਸਨੇ ਮਿਲਰ ਦੇ ਨਾਲ ਸੀ ਕਸਬੇ ਵਿੱਚ ਇੱਕ ਘਰ ਖਰੀਦਿਆ ਸੀ। ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਅਤੇ ਗਵਾਹਾਂ ਦੇ ਆਧਾਰ ’ਤੇ ਮਿਲਰ ’ਤੇ ਸ਼ਰਾਬ ਚੋਰੀ ਕਰਨ ਦਾ ਦੋਸ਼ ਲਾਇਆ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਏਜ਼ਰਾ ਨੂੰ ਇਸ ਸਾਲ ਦੀ ਸ਼ੁਰੂਆਤ 'ਚ ਦੋ ਵਾਰ ਹਵਾਈ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਫਿਰ ਉਸਨੂੰ ਇੱਕ ਕਰਾਓਕੇ ਬਾਰ ਵਿੱਚ ਜਿਨਸੀ ਸ਼ੋਸ਼ਣ ਅਤੇ ਹਮਲਾ ਕਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਇਸ ਤੋਂ ਪਹਿਲਾਂ 18 ਸਾਲਾ ਅਮਰੀਕੀ ਕਾਰਕੁਨ ਟੋਕਾਟਾ ਆਇਰਨ ਆਈਸ ਦੇ ਮਾਤਾ-ਪਿਤਾ ਨੇ ਵੀ 12 ਸਾਲ ਦੀ ਉਮਰ 'ਚ ਐਜ਼ਰਾ 'ਤੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਗਾਇਆ ਸੀ। ਹਾਲਾਂਕਿ ਬਾਅਦ 'ਚ ਟੋਕਾਟਾ ਨੇ ਇਨ੍ਹਾਂ ਦੋਸ਼ਾਂ ਨੂੰ ਝੂਠਾ ਦੱਸਿਆ। ਇਨ੍ਹਾਂ ਸਾਰੇ ਮਾਮਲਿਆਂ 'ਤੇ ਐਜ਼ਰਾ ਮਿਲਰ ਦੇ ਵਕੀਲ ਨੇ ਅਜੇ ਤੱਕ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
