Gadar: 'ਗਦਰ-ਏਕ ਪ੍ਰੇਮ ਕਥਾ' ਕੱਲ੍ਹ ਨੂੰ ਥੀਏਟਰਾਂ 'ਚ ਹੋ ਰਹੀ ਰਿਲੀਜ਼, ਸੰਨੀ ਦਿਓਲ ਦੀ ਫਿਲਮ 'ਤੇ ਇੱਕ ਨਾਲ ਇੱਕ ਟਿਕਟ ਫਰੀ ਦੀ ਆਫਰ

ਗਦਰ- ਏਕ ਪ੍ਰੇਮ ਕਥਾ: ਸੰਨੀ ਦਿਓਲ-ਅਮੀਸ਼ਾ ਪਟੇਲ ਸਟਾਰਰ ਫਿਲਮ 'ਗਦਰ: ਏਕ ਪ੍ਰੇਮ ਕਥਾ' 9 ਜੂਨ ਨੂੰ ਸਿਨੇਮਾਘਰਾਂ 'ਚ ਮੁੜ ਰਿਲੀਜ਼ ਹੋਵੇਗੀ। ਇੱਕ ਫਿਲਮ ਦੀ ਟਿਕਟ ਖਰੀਦਣ 'ਤੇ ਦੂਜੀ ਬਿਲਕੁਲ ਮੁਫਤ ਮਿਲੇਗੀ।

'ਗਦਰ-ਏਕ ਪ੍ਰੇਮ ਕਥਾ' ਕੱਲ੍ਹ ਨੂੰ ਥੀਏਟਰਾਂ 'ਚ ਹੋ ਰਹੀ ਰਿਲੀਜ਼, ਸੰਨੀ ਦਿਓਲ ਦੀ ਫਿਲਮ ਦੀ ਟਿਕਟ 'ਤੇ ਦੂਜਾ ਟਿਕਦ ਮਿਲੇਗਾ ਫਰੀ

Gadar: Ek Prem katha Ticket Offer: ਨਿਰਦੇਸ਼ਕ ਅਨਿਲ ਸ਼ਰਮਾ ਦੀ 2001 ਦੀ ਬਲਾਕਬਸਟਰ ਫਿਲਮ 'ਗਦਰ: ਏਕ ਪ੍ਰੇਮ ਕਥਾ' (Gadar: Ek Prem Katha) 9 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਇੱਕ ਵਾਰ ਫਿਰ ਰਿਲੀਜ਼ ਹੋਣ ਲਈ ਤਿਆਰ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ 'ਗਦਰ' ਦਾ ਸੀਕਵਲ 11 ਅਗਸਤ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ। ਭਾਗ 2 ਦੀ ਰਿਲੀਜ਼ ਤੋਂ ਪਹਿਲਾਂ, ਫਿਲਮ ਦੇ ਨਿਰਮਾਤਾਵਾਂ ਨੇ ਭਾਗ 1 ਨੂੰ ਦੁਬਾਰਾ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਲਈ, ਜੇਕਰ ਤੁਸੀਂ ਅਜੇ ਤੱਕ ਇਹ ਫਿਲਮ ਨਹੀਂ ਦੇਖੀ ਹੈ, ਤਾਂ ਤੁਸੀਂ ਥੀਏਟਰ ਵਿੱਚ ਜਾ ਕੇ ਇਸ ਸੁਪਰਹਿੱਟ ਫਿਲਮ ਦਾ ਅਨੰਦ ਲੈ ਸਕਦੇ ਹੋ।

ਇੱਕ ਨਾਲ ਇੱਕ ਟਿਕਟ ਫਰੀ ਦੀ ਆਫਰ
ਇੰਨਾ ਹੀ ਨਹੀਂ ETimes ਦੀ ਇਕ ਰਿਪੋਰਟ ਮੁਤਾਬਕ ਗਦਰ ਦੇ ਨਿਰਮਾਤਾਵਾਂ ਨੇ ਫੈਸਲਾ ਕੀਤਾ ਹੈ ਕਿ 'ਗਦਰ: ਏਕ ਪ੍ਰੇਮ ਕਥਾ' ਦੀ ਫਿਲਮ ਟਿਕਟ ਦੀ ਕੀਮਤ ਕਿਸੇ ਵੀ ਥੀਏਟਰ ਵਿਚ 150 ਰੁਪਏ ਤੋਂ ਵੱਧ ਨਹੀਂ ਹੋਵੇਗੀ ਅਤੇ ਇਸ ਦੇ ਨਾਲ ਹੀ ਇੱਕ ਨਾਲ ਇੱਕ ਟਿਕਟ ਵੀ ਮੁਫਤ ਮਿਲੇਗੀ। ਇਸ ਤਰ੍ਹਾਂ ਇਕ ਵਿਅਕਤੀ ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਇਹ ਫਿਲਮ ਸਿਰਫ 75 ਰੁਪਏ 'ਚ ਦੇਖ ਸਕਦਾ ਹੈ। ਸੰਨੀ ਦਿਓਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਹ ਵੀ ਦੱਸਿਆ ਹੈ ਕਿ ਫਿਲਮ ਦੀ ਇਕ ਟਿਕਟ ਨਾਲ ਦੂਜੀ ਮੁਫਤ ਮਿਲੇਗੀ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Gadar (@gadarmovie_official)

9 ਜੂਨ ਨੂੰ ਹੋਵੇਗਾ ਫਿਲਮ ਦਾ ਪ੍ਰੀਮੀਅਰ
ਖਾਸ ਗੱਲ ਇਹ ਹੈ ਕਿ ਫਿਲਮ ਦਾ ਪ੍ਰੀਮੀਅਰ ਵੀ 9 ਜੂਨ ਨੂੰ ਹੋਵੇਗਾ, ਜਿਸ 'ਚ ਫਿਲਮ ਦੀ ਕਾਸਟ ਅਤੇ ਕਰੂ ਦੇ ਨਾਲ-ਨਾਲ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਵੀ ਸੱਦਾ ਦਿੱਤਾ ਗਿਆ ਹੈ। ਅਮੀਸ਼ਾ ਪਟੇਲ ਦੇ ਪਿਤਾ ਦੀ ਭੂਮਿਕਾ ਨਿਭਾਉਣ ਵਾਲੇ ਮਰਹੂਮ ਅਦਾਕਾਰ ਅਮਰੀਸ਼ ਪੁਰੀ ਦੇ ਪਰਿਵਾਰ ਅਤੇ ਗੀਤਕਾਰ ਆਨੰਦ ਬਖਸ਼ੀ ਦੇ ਪਰਿਵਾਰ ਨੂੰ ਵੀ ਫਿਲਮ ਦੇ ਪ੍ਰੀਮੀਅਰ ਲਈ ਸੱਦਾ ਦਿੱਤਾ ਗਿਆ ਹੈ।

ਸੰਨੀ ਦਿਓਲ ਨੇ ਸਾਂਝਾ ਕੀਤਾ 'ਗਦਰ: ਏਕ ਪ੍ਰੇਮ ਕਥਾ' ਦਾ ਟ੍ਰੇਲਰ
26 ਮਈ ਨੂੰ ਸੰਨੀ ਦਿਓਲ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ 'ਗਦਰ: ਏਕ ਪ੍ਰੇਮ ਕਥਾ' ਦਾ ਟ੍ਰੇਲਰ ਸ਼ੇਅਰ ਕੀਤਾ ਸੀ, ਜਿਸ 'ਚ ਫਿਲਮ ਦੇ ਕੁਝ ਸੀਨ ਨਜ਼ਰ ਆ ਰਹੇ ਹਨ। ਜਦੋਂ ਤਾਰਾ ਸਿੰਘ ਸਕੀਨਾ (ਅਮੀਸ਼ਾ ਪਟੇਲ) ਨੂੰ ਭਾਰਤ ਵਾਪਸ ਲਿਆਉਣ ਲਈ ਪਾਕਿਸਤਾਨ ਪਹੁੰਚਦਾ ਹੈ। ਇਸ ਦੌਰਾਨ ਤਾਰਾ ਸਿੰਘ ਦੀ ਅਸ਼ਰਫ਼ ਅਲੀ (ਅਮਰੀਸ਼ ਪੁਰੀ) ਨਾਲ ਤਿੱਖੀ ਬਹਿਸ ਹੋ ਗਈ। ਟ੍ਰੇਲਰ ਨੂੰ ਦੇਖ ਕੇ ਪ੍ਰਸ਼ੰਸਕ ਖੁਸ਼ ਹਨ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ 'ਗਦਰ' ਨੂੰ ਥੀਏਟਰ 'ਚ ਦੇਖਣ ਦਾ ਉਨ੍ਹਾਂ ਦਾ ਸੁਪਨਾ ਪੂਰਾ ਹੋਣ ਵਾਲਾ ਹੈ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Studios (@zeestudiosofficial)

'ਗਦਰ 2' ਦੀ ਗੱਲ ਕਰੀਏ ਤਾਂ ਫਿਲਮ ਦੇ ਪੋਸਟ ਪ੍ਰੋਡਕਸ਼ਨ ਦਾ ਕੰਮ ਜ਼ੋਰਾਂ 'ਤੇ ਹੈ। ਫਿਲਮ ਦੇ ਨਿਰਦੇਸ਼ਕ ਅਨਿਲ ਸ਼ਰਮਾ ਨੂੰ ਯਕੀਨ ਹੈ ਕਿ 'ਗਦਰ 2' ਨੂੰ ਵੀ ਓਨਾ ਹੀ ਪਿਆਰ ਮਿਲੇਗਾ ਜਿੰਨਾ 'ਗਦਰ: ਏਕ ਪ੍ਰੇਮ ਕਥਾ' ਨੂੰ ਮਿਲਿਆ ਹੈ।