Gippy Grewal: ਗਿੱਪੀ ਗਰੇਵਾਲ ਦੀ ਫਿਲਮ 'ਵਾਰਨਿੰਗ 2' ਵੀ ਕਰੇਗੀ 100 ਕਰੋੜ ਦੀ ਕਮਾਈ? ਪੰਜਾਬੀ ਸਿਨੇਮਾ ਦੇ ਸਭ ਤੋਂ ਵੱਡੇ ਸਟਾਰ ਬਣ ਜਾਣਗੇ ਗਿੱਪੀ

Gippy Grewal Warning 2: ਗਿੱਪੀ ਗਰੇਵਾਲ ਨੇ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ 'ਤੇ ਇੱਕ ਸਕ੍ਰੀਨਸ਼ੌਟ ਸ਼ੇਅਰ ਕੀਤਾ। ਵਾਰਨਿੰਗ 2 ਟਵਿੱਟਰ 'ਤੇ ਪਹਿਲੇ ਨੰਬਰ 'ਤੇ ਟਰੈਂਡ ਕਰ ਰਹੀ ਸੀ। ਜਦਕਿ ਗਿੱਪੀ ਗਰੇਵਾਲ 6ਵੇਂ ਨੰਬਰ 'ਤੇ ਟਰੈਂਡ ਕਰ ਰਹੇ ਸੀ।

ਗਿੱਪੀ ਗਰੇਵਾਲ ਦੀ ਫਿਲਮ 'ਵਾਰਨਿੰਗ 2' ਵੀ ਕਰੇਗੀ 100 ਕਰੋੜ ਦੀ ਕਮਾਈ? ਪੰਜਾਬੀ ਸਿਨੇਮਾ ਦੇ ਸਭ ਤੋਂ ਵੱਡੇ ਸਟਾਰ ਬਣ ਜਾਣਗੇ ਗਿੱਪੀ

ਅਮੈਲੀਆ ਪੰਜਾਬੀ ਦੀ ਰਿਪੋਰਟ

Warning 2 Trending On Twitter: ਗਿੱਪੀ ਗਰੇਵਾਲ ਇੱਕ ਵਾਰ ਫਿਰ ਤੋਂ ਸੁਰਖੀਆਂ 'ਚ ਹਨ। ਗਿੱਪੀ ਦੀ ਫਿਲਮ 'ਵਾਰਨਿੰਗ 2' ਦਾ ਦਮਦਾਰ ਟਰੇਲਰ ਰਿਲੀਜ਼ ਹੋ ਗਿਆ ਹੈ। ਟਰੇਲਰ ਨੇ ਰਿਲੀਜ਼ ਹੁੰਦਿਆਂ ਸਾਰ ਧਮਾਲਾਂ ਪਾ ਦਿੱਤੀਆਂ ਸੀ। ਜਿਵੇਂ ਹੀ 'ਵਾਰਨਿੰਗ 2' ਦਾ ਟਰੇਲਰ ਰਿਲੀਜ਼ ਹੋਇਆ, 'ਵਾਰਨਿੰਗ 2' ਤੇ ਗਿੱਪੀ ਗਰੇਵਾਲ ਦੋਵੇਂ ਟਵਿੱਟਰ 'ਤੇ ਟਰੈਂਡ ਕਰਨ ਲੱਗੇ। ਇਸ ਬਾਰੇ ਗਿੱਪੀ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕਰਕੇ ਜਾਣਕਾਰੀ ਸਾਂਝੀ ਕੀਤੀ। 

ਗਿੱਪੀ ਗਰੇਵਾਲ ਨੇ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ 'ਤੇ ਇੱਕ ਸਕ੍ਰੀਨਸ਼ੌਟ ਸ਼ੇਅਰ ਕੀਤਾ, ਜੋ ਕਿ ਟਵਿੱਟਰ ਦੇ ਟਰੈਂਡਿੰਗ ਟੌਪਿਕਸ ਦਾ ਹੈ। ਵਾਰਨਿੰਗ 2 ਟਵਿੱਟਰ 'ਤੇ ਪਹਿਲੇ ਨੰਬਰ 'ਤੇ ਟਰੈਂਡ ਕਰ ਰਹੀ ਸੀ। ਜਦਕਿ ਗਿੱਪੀ ਗਰੇਵਾਲ 6ਵੇਂ ਨੰਬਰ 'ਤੇ ਟਰੈਂਡ ਕਰ ਰਹੇ ਸੀ।

'ਵਾਰਨਿੰਗ 2' ਵੀ ਕਰੇਗੀ 100 ਕਰੋੜ ਦੀ ਕਮਾਈ?
ਦੱਸ ਦਈਏ ਕਿ ਗਿੱਪੀ ਗਰੇਵਾਲ ਦੀ ਸਾਲ 2024 ਦੀ ਇਹ ਪਹਿਲੀ ਫਿਲਮ ਹੈ। ਜਿਸ ਹਿਸਾਬ ਨਾਲ ਫਿਲਮ ਦੇ ਟਰੇਲਰ ਨੂੰ ਪਿਆਰ ਮਿਿਲਿਆ ਹੈ ਤੇ ਵਾਰਨਿੰਗ 2 ਟਵਿੱਟਰ 'ਤੇ ਟਰੈਂਡ ਕਰ ਰਹੀ ਸੀ, ਉਸ ਨੂੰ ਦੇਖ ਕੇ ਤਾਂ ਇਹੀ ਲੱਗਦਾ ਹੈ ਕਿ ਗਿੱਪੀ ਗਰੇਵਾਲ ਇੱਕ ਵਾਰ ਫਿਰ ਤੋਂ ਵੱਡਾ ਧਮਾਕਾ ਕਰਨ ਦੀ ਤਿਆਰੀ ਕਰ ਰਹੇ ਹਨ। 

'ਕੈਰੀ ਆਨ ਜੱਟਾ 3' ਤੋਂ ਬਾਅਦ 'ਵਾਰਨਿੰਗ 2' ਗਿੱਪੀ ਦੀ ਦੂਜੀ ਧਮਾਕੇਦਾਰ ਕਮਾਈ ਕਰਨ ਵਾਲੀ ਫਿਲਮ ਹੋ ਸਕਦੀ ਹੈ। ਆਓ ਤੁਹਾਨੂੰ ਇਸ ਦੀ ਵਜ੍ਹਾ ਵੀ ਦੱਸ ਦਿੰਦੇ ਹਾਂ।

ਇਸ ਦੀ ਸਭ ਤੋਂ ਪਹਿਲੀ ਵਜ੍ਹਾ ਹੈ ਕਿ ਲੋਕਾਂ ਦੇ ਦਰਮਿਆਨ 'ਵਾਰਨਿੰਗ 2' ਦਾ ਕਰੇਜ਼ ਬਣਿਆ ਹੋਇਆ ਹੈ। ਕਿਉਂਕਿ ਵਾਰਨਿੰਗ ਫਿਲਮ ਜੋ ਕਿ 2018 'ਚ ਰਿਲੀਜ਼ ਹੋਈ ਸੀ, ਲੋਕਾਂ ਨੂੰ ਕਾਫੀ ਪਸੰਦ ਆਈ ਸੀ। ਖਾਸ ਕਰਕੇ ਪ੍ਰਿੰਸ ਕੰਵਲਜੀਤ ਦੀ ਐਕਟਿੰਗ ਕਮਾਲ ਦੀ ਸੀ। ਹੁਣ ਲੋਕਾਂ 'ਚ ਇਸ ਦੇ ਦੂਜੇ ਪਾਰਟ ਨੂੰ ਲੈਕੇ ਕਾਫੀ ਕਰੇਜ਼ ਬਣਿਆ ਹੋਇਆ ਹੈ। ਤਾਂ ਜ਼ਾਹਰ ਹੈ ਕਿ ਫਿਲਮ ਵਧੀਆ ਕਮਾਈ ਕਰ ਸਕਦੀ ਹੈ।

 

ਫਿਲਮ ਦਾ ਟਵਿੱਟਰ 'ਤੇ ਟਰੈਂਡ ਕਰਨਾ
ਪੰਜਾਬੀ ਕਲਾਕਾਰ ਤੇ ਫਿਲਮਾਂ ਟਵਿੱਟਰ ਵਰਗੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਘੱਟ ਹੀ ਟਰੈਂਡ ਕਰਦੇ ਹਨ ਤੇ ਜਦੋਂ ਇਹ ਟਵਿੱਟਰ 'ਤੇ ਟਰੈਂਡ ਕਰ ਰਹੇ ਹਨ, ਤਾਂ ਮਤਲਬ ਕਿ ਇਹ ਬਹੁਤ ਹੀ ਵੱਡੀ ਗੱਲ ਹੈ। ਇਸ ਦਾ ਮਤਲਬ ਕਿ ਗਿੱਪੀ ਦੀ ਇਹ ਫਿਲਮ ਵੀ ਵੱਡਾ ਧਮਾਕਾ ਕਰ ਸਕਦੀ ਹੈ।

ਕਾਬਿਲੇਗ਼ੌਰ ਹੈ ਕਿ ਗਿੱਪੀ ਗਰੇਵਾਲ ਦੀ ਫਿਲਮ 'ਵਾਰਨਿੰਗ 2' 2 ਫਰਵਰੀ 2024 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ 'ਚ ਗਿੱਪੀ ਤੋਂ ਇਲਾਵਾ ਪ੍ਰਿੰਸ ਕੰਵਲਜੀਤ ਸਿੰਘ, ਰਾਹੁਲ ਦੇਵ ਤੇ ਜੈਸਮੀਨ ਭਸੀਨ ਵੀ ਮੁੱਖ ਕਿਰਦਾਰਾਂ 'ਚ ਨਜ਼ਰ ਆ ਰਹੇ ਹਨ।