ਗਿੱਪੀ ਗਰੇਵਾਲ ਨੇ ਵੀਡੀਓ ਕੀਤਾ ਸ਼ੇਅਰ, ਫ਼ੈਨਜ਼ ਤੋਂ ਪੁੱਛਿਆ, ਦੱਸੋ ਚਿੱਬੜ ਨੂੰ ਇੰਗਲਿਸ਼ `ਚ ਕੀ ਕਹਿੰਦੇ ਆ, ਕਦੇ ਚਿੱਬੜਾਂ ਦੀ ਚਟਨੀ ਖਾਧੀ ਆ
Gippy Grewal Video: ਗਿੱਪੀ ਗਰੇਵਾਲ ਆਪਣੇ ਫ਼ੈਨਜ਼ ਨੂੰ ਪੁੱਛਦੇ ਹਨ ਕਿ ਤੁਸੀਂ ਦੱਸੋ ਚਿੱਬੜ ਨੂੰ ਕੀ ਕਹਿੰਦੇ ਹਨ। ਕਦੇ ਚਿੱਬੜਾਂ ਦੀ ਚਟਨੀ ਖਾਧੀ ਆ।
Gippy Grewal Shares Funny Video: ਗਿੱਪੀ ਗਰੇਵਾਲ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਆਉਂਦੀ 2 ਸਤੰਬਰ ਨੂੰ ਉਨ੍ਹਾਂ ਦੀ ਫ਼ਿਲਮ `ਯਾਰ ਮੇਰਾ ਤਿਤਲੀਆਂ ਵਰਗਾ` ਰਿਲੀਜ਼ ਹੋਣ ਜਾ ਰਿਹਾ ਹੈ, ਜਿਸ ਨੂੰ ਲੈਕੇ ਫ਼ਿਲਮ ਦੀ ਟੀਮ ਪੂਰੀ ਤਰ੍ਹਾਂ ਸਰਗਰਮ ਹੈ। ਫ਼ਿਲਮ ਦੀ ਟੀਮ ਪੂਰੇ ਪੰਜਾਬ `ਚ ਫ਼ਿਲਮ ਨੂੰ ਪ੍ਰਮੋਟ ਕਰ ਰਹੀ ਹੈ। ਇਸ ਦੇ ਨਾਲ ਨਾਲ ਦਰਸ਼ਕ ਵੀ ਇਸ ਫ਼ਿਲਮ ਦਾ ਪੂਰੀ ਬੇਸਵਰੀ ਦੇ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਗਿੱਪੀ ਨੇ ਫ਼ੈਨਜ਼ ਨੂੰ ਪੁੱਛਿਆ ਦੱਸੋ ਚਿੱਬੜ ਨੂੰ ਇੰਗਲਿਸ਼ `ਚ ਕੀ ਕਹਿੰਦੇ ਨੇ?
ਦੂਜੇ ਪਾਸੇ ਫ਼ਿਲਮ ਦੀ ਸਟਾਰ ਕਾਸਟ ਆਪੋ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ ਤੇ ਹਰ ਰੋਜ਼ ਫ਼ਿਲਮ ਦੇ ਸੈੱਟ ਤੋਂ ਫ਼ਨੀ ਵੀਡੀਓਜ਼ ਸ਼ੇਅਰ ਕਰਦੇ ਰਹਿੰਦੇ ਹਨ। ਇੱਕ ਹੋਰ ਵੀਡੀਓ ਪੰਜਾਬੀ ਕਲਾਕਾਰ ਕਰਮਜੀਤ ਅਨਮੋਲ ਨੇ ਇੰਸਟਾਗ੍ਰਾਮ `ਤੇ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ `ਚ `ਯਾਰ ਮੇਰਾ ਤਿਤਲੀਆਂ ਵਰਗਾ` ਦੀ ਸਟਾਰ ਕਾਸਟ ਨਜ਼ਰ ਆ ਰਹੀ ਹੈ। ਵੀਡੀਓ `ਚ ਗਿੱਪੀ ਗਰੇਵਾਲ, ਕਰਮਜੀਤ ਅਨਮੋਲ ਤੇ ਨਰੇਸ਼ ਕਥੂਰੀਆ ਖ਼ੂਬ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਦੇਖੋ ਵੀਡੀਓ:
View this post on Instagram
ਵੀਡੀਓ `ਚ ਨਰੇਸ਼ ਕਥੂਰੀਆ ਖਾਣਾ ਖਾ ਰਹੇ ਹਨ, ਜਦਕਿ ਗਿੱਪੀ ਗਰੇਵਾਲ ਉਨ੍ਹਾਂ ਨੂੰ ਛੇੜ ਰਹੇ ਹਨ। ਇਸ ਦੌਰਾਨ ਗਿੱਪੀ ਗਰੇਵਾਲ ਕਥੂਰੀਆ ਦੀ ਲੱਤ ਖਿੱਚਦੇ ਹਨ ਅਤੇ ਉਨ੍ਹਾਂ ਨੂੰ ਡਾਈਟ ਕਾਂਸ਼ੀਅਸ ਯਾਨਿ ਡਾਈਟ ਦਾ ਖਿਆਲ ਰੱਖਣ ਵਾਲਾ ਇਨਸਾਨ ਕਹਿੰਦੇ ਹਨ। ਇਸ ਦੇ ਨਾਲ ਨਾਲ ਗਿੱਪੀ ਗਰੇਵਾਲ ਕਹਿੰਦੇ ਹਨ ਕਿ ਸੈੱਟ ਤੇ ਜ਼ਿਆਦਾਤਰ ਕਲਾਕਾਰ ਬਹੁਤ ਡਾਈਟ ਕਾਂਸ਼ੀਅਸ ਰਹਿੰਦੇ ਹਨ, ਪਰ ਅੱਜ ਕਰਮਜੀਤ ਅਨਮੋਲ ਆਪਣੇ ਘਰੋਂ ਮੇਥੀ ਦੇ ਪਰੌਠੇ ਤੇ ਚਿੱਬੜਾਂ ਦੀ ਚਟਨੀ ਲੈਕੇ ਆ ਗਏ ਤੇ ਸਭ ਨੇ ਬੜੇ ਸਵਾਦ ਨਾਲ ਉਹ ਚਟਨੀ ਨਾਲ ਪਰੌਠੇ ਖਾਧੇ।
ਇਸ ਦੌਰਾਨ ਗਿੱਪੀ ਗਰੇਵਾਲ ਨਰੇਸ਼ ਕਥੂਰੀਆ ਨੂੰ ਪੁੱਛਦੇ ਹਨ ਕਿ ਕੀ ਉਨ੍ਹਾਂ ਨੂੰ ਪਤਾ ਹੈ ਕਿ ਚਿੱਬੜ ਨੂੰ ਇੰਗਲਿਸ਼ `ਚ ਕੀ ਕਹਿੰਦੇ ਹਨ। ਕਥੂਰੀਆ ਇਸ ਦਾ ਜਵਾਬ ਨਹੀਂ ਦੇ ਪਾਉਂਦੇ। ਕਰਮਜੀਤ ਅਨਮੋਲ ਕਹਿੰਦੇ ਹਨ ਕਿ ਚਿੱਬੜ ਨੂੰ ਇੰਗਲਿਸ਼ `ਚ ਚਿੱਬੜ ਕਹਿੰਦੇ ਨੇ। ਫ਼ਿਰ ਗਿੱਪੀ ਗਰੇਵਾਲ ਆਪਣੇ ਫ਼ੈਨਜ਼ ਨੂੰ ਪੁੱਛਦੇ ਹਨ ਕਿ ਤੁਸੀਂ ਦੱਸੋ ਚਿੱਬੜ ਨੂੰ ਕੀ ਕਹਿੰਦੇ ਹਨ। ਕਦੇ ਚਿੱਬੜਾਂ ਦੀ ਚਟਨੀ ਖਾਧੀ ਆ।
ਕਰਮਜੀਤ ਅਨਮੋਲ ਦੀ ਵੀਡੀਓ ਤੇ ਹੁਣ ਤੱਕ ਹਜ਼ਾਰਾਂ ਲਾਈਕ ਤੇ ਕਮੈਂਟਸ ਆ ਚੁੱਕੇ ਹਨ। ਫ਼ੈਨਜ਼ ਇਸ ਵੀਡੀਓ `ਤੇ ਫ਼ਨੀ ਰਿਐਕਸ਼ਨਜ਼ ਦੇ ਰਹੇ ਹਨ। ਇੱਕ ਫ਼ੈਨ ਨੇ ਕਿਹਾ, "ਮੈਨੂੰ ਤਾਂ ਇਹੀ ਨੀ ਪਤਾ ਕਿ ਚਿੱਬੜ ਹੁੰਦਾ ਕੀ ਆ?" ਇੱਕ ਹੋਰ ਫ਼ੈਨ ਨੇ ਕਿਹਾ ਕਿ ਮੈਂ ਤਾਂ ਪਹਿਲੀ ਵਾਰ ਸੁਣਿਆ ਕਿ ਚਿੱਬੜਾਂ ਦੀ ਚਟਨੀ ਹੁੰਦੀ ਆ।
ਦੱਸ ਦਈਏ ਕਿ ਯਾਰ ਮੇਰਾ ਤਿਤਲੀਆਂ ਵਰਗਾ ਫ਼ਿਲਮ 2 ਸਤੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫ਼ਿਲਮ `ਚ ਗਿੱਪੀ ਗਰੇਵਾਲ, ਤਨੂ ਗਰੇਵਾਲ, ਕਰਮਜੀਤ ਅਨਮੋਲ ਦੇ ਨਾਲ ਨਾਲ ਹੋਰ ਕਈ ਦਿੱਗਜ ਕਲਾਕਾਰ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
