Gurnam Bhullar: ਗੁਰਨਾਮ ਭੁੱਲਰ ਦੀ ਇਹ ਫਿਲਮ ਵਿਵਾਦਾਂ 'ਚ, ਜਾਣੋ ਕਿਸ ਨੇ ਲਾਏ ਮੇਕਰਸ 'ਤੇ ਗੰਭੀਰ ਇਲਜ਼ਾਮ, ਸ਼ਹਿਰ 'ਚ ਪੋਸਟਰ ਲਾ ਕੇ ਮੰਗੇ ਪੈਸੇ
Parind Paar Gaya Controversy: ਫਿਲਮ ਦੇ ਮੇਕਰਸ 'ਤੇ ਕਿਸੇ ਸ਼ਖਸ ਨੇ ਸੰਗੀਨ ਇਲਜ਼ਾਮ ਲਗਾਏ ਹਨ। ਇਸ ਸ਼ਖਸ ਨੇ ਭੜਾਸ ਕੱਢਣ ਲਈ ਸ਼ਹਿਰ 'ਚ ਫਿਲਮ ਦੇ ਪੋਸਟਰ ਉਲਟੇ ਕਰਕੇ ਲਾਏ ਤੇ ਉੱਪਰ ਪੱਟੀ ਲਿਖ ਕੇ ਲਗਾਈ, 'ਕਿਰਪਾ ਕਰਕੇ ਮੇਰੀ ਬਕਾਇਆ ਪੇਮੈਂਟ ਦਿਓ'
Gurnam Bhullar Movie Lands Iin Controversy: ਪੰਜਾਬੀ ਸਿੰਗਰ ਤੇ ਐਕਟਰ ਗੁਰਨਾਮ ਭੁੱਲਰ ਦਾ ਨਾਮ ਸੁਰਖੀਆਂ 'ਚ ਆ ਗਿਆ ਹੈ। ਦਰਅਸਲ, ਸਿੰਗਰ ਕਮ ਐਕਟਰ ਦੀ ਫਿਲਮ 'ਪਰਿੰਦਾ ਪਾਰ ਗਿਆ' ਵਿਵਾਦਾਂ 'ਚ ਘਿਰ ਗਈ ਹੈ। ਫਿਲਮ ਦੇ ਮੇਕਰਸ 'ਤੇ ਕਿਸੇ ਅਣਪਛਾਤੇ ਸ਼ਖਸ ਨੇ ਸੰਗੀਨ ਇਲਜ਼ਾਮ ਲਗਾਏ ਹਨ। ਇਹੀ ਨਹੀਂ ਇਸ ਸ਼ਖਸ ਨੇ ਆਪਣੀ ਭੜਾਸ ਕੱਢਣ ਲਈ ਸ਼ਹਿਰ 'ਚ ਫਿਲਮ ਦੇ ਪੋਸਟਰ ਉਲਟੇ ਕਰਕੇ ਲਾਏ ਅਤੇ ਉੱਪਰ ਪੱਟੀ ਲਿਖ ਕੇ ਲਗਾਈ, 'ਕਿਰਪਾ ਕਰਕੇ ਮੇਰੀ ਬਕਾਇਆ ਪੇਮੈਂਟ ਦਿਓ।' ਹੁਣ ਇਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ।
ਦੱਸ ਦਈਏ ਕਿ ਗੁਰਨਾਮ ਭੁੱਲਰ ਦੀ ਇਹ ਫਿਲਮ 24 ਨਵੰਬਰ ਨੂੰ ਰਿਲੀਜ਼ ਹੋਈ ਸੀ। ਫਿਲਮ ਦਾ ਨਿਰਮਾਣ ਜੀਐਸ ਗੋਗਾ ਪ੍ਰੋਡਕਸ਼ਨਜ਼ ਤੇ ਆਰਆਰਜੀ ਪ੍ਰੋਡਕਸ਼ਨਜ਼ ਨੇ ਮਿਲ ਕੇ ਕੀਤਾ ਸੀ। ਇਹ ਫਿਲਮ ਬੁਰੀ ਤਰ੍ਹਾਂ ਫਲੌਪ ਹੋਈ ਸੀ। ਇਸ ਫਿਲਮ 'ਚ ਗੁਰਨਾਮ ਭੁੱਲਰ ਦੇ ਨਾਲ ਰੂਪੀ ਗਿੱਲ ਵੀ ਮੁੱਖ ਕਿਰਦਾਰ 'ਚ ਨਜ਼ਰ ਆਈ ਸੀ।
View this post on Instagram
ਕਾਬਿਲੇਗ਼ੌਰ ਹੈ ਕਿ ਪੰਜਾਬੀ ਸਿਨੇਮਾ ਇੱਕ ਪਾਸੇ ਜਿੱਥੇ ਤੇਜ਼ੀ ਨਾਲ ਉਚਾਈ ਵੱਲ ਵਧ ਰਿਹਾ ਹੈ, ਉੱਥੇ ਹੀ ਦੂਜੇ ਪਾਸੇ ਪੰਜਾਬੀ ਫਿਲਮਾਂ ਦੇ ਕਈ ਵਿਵਾਦ ਵੀ ਸਾਹਮਣੇ ਆ ਰਹੇ ਹਨ। ਇਸ ਬਾਰੇ ਕਈ ਦਿੱਗਜ ਕਲਾਕਾਰ ਵੀ ਖੁੱਲ੍ਹ ਕੇ ਬੋਲ ਚੁੱਕੇ ਹਨ। ਹਾਲ ਹੀ 'ਚ ਨਿਰਮਲ ਰਿਸ਼ੀ ਨੇ ਕਿਹਾ ਸੀ ਕਿ ਕਈ ਫਿਲਮ ਮੇਕਰਸ ਨੇ ਉਨ੍ਹਾਂ ਦੇ ਪੈਸੇ ਮਾਰ ਲਏ ਅਤੇ ਕਦੇ ਵੀ ਨਹੀਂ ਦਿਤੇ। ਇਸ ਦੇ ਨਾਲ ਨਾਲ ਸਰਗੁਣ ਮਹਿਤਾ ਨੇ ਵੀ ਕਿਹਾ ਸੀ ਕਿ ਉਸ ਦੇ 3-4 ਫਿਲਮਾਂ ਦੇ ਪੈਸੇ ਫਸੇ ਹੋਏ ਹਨ ਅਤੇ ਮੇਕਰਸ ਨੇ ਹਾਲੇ ਤੱਕ ਉਸ ਦੇ ਪੈਸੇ ਨਹੀਂ ਦਿੱਤੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
