Guru Randhawa: ਗੁਰੂ ਰੰਧਾਵਾ ਤੇ ਸ਼ਹਿਨਾਜ਼ ਗਿੱਲ ਫਿਰ ਇੱਕ ਦੂਜੇ ਦੀ ਤਾਰੀਫ ਕਰਦੇ ਆਏ ਨਜ਼ਰ, ਸਨਾ ਨੇ ਗੁਰੂ ਨੂੰ ਕਿਹਾ- ਤੂੰ ਮੇਰਾ ਪਰਿਵਾਰ

Shehnaaz Gill Guru Randhawa: ਸ਼ਹਿਨਾਜ਼ ਤੇ ਗੁਰੂ ਦੋਵਾਂ ਨੇ ਇੱਕ ਦੂਜੇ ਦੀ ਫਿਰ ਸੋਸ਼ਲ ਮੀਡੀਆ ‘ਤੇ ਜੰਮ ਕੇ ਤਾਰੀਫ ਕੀਤੀ ਹੈ। ਜਿਸ ਨੇ ਦੋਵਾਂ ਵਿਚਾਲੇ ਰਿਸ਼ਤੇ ਦੀ ਗੱਲ ‘ਤੇ ਫੈਨਜ਼ ਨੂੰ ਕਨਫਿਊਜ਼ ਕਰ ਦਿੱਤਾ ਹੈ। ਦੇਖੋ ਦੋਵਾਂ ਦੀਆਂ ਪੋਸਟਾਂ;

ਗੁਰੂ ਰੰਧਾਵਾ, ਸ਼ਹਿਨਾਜ਼ ਗਿੱਲ

ਅਮੈਲੀਆ ਪੰਜਾਬੀ ਦੀ ਰਿਪੋਰਟ

Guru Randhawa Shehnaaz Gill: ਪੰਜਾਬ ਦੀ ਕੈਟਰੀਨਾ ਕੈਫ ਦੇ ਨਾਂ ਨਾਲ ਮਸ਼ਹੂਰ ਸ਼ਹਿਨਾਜ਼ ਗਿੱਲ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ ‘ਚ ਰਹਿੰਦੀ ਹੈ। ਹਾਲ ਹੀ ‘ਚ ਸ਼ਹਿਨਾਜ਼ ਦਾ ਨਵਾਂ ਗਾਣਾ ‘ਘਣੀ ਸਿਆਣੀ’ ਰਿਲੀਜ਼ ਹੋਇਆ ਹੈ, ਜਿਸ ਵਿੱਚ ਉਸ ਨੇ ਨਾਗਿਨ ਬਣ ਕੇ ਸਾਰੀ ਮਹਿਫਲ ਲੁੱਟ ਲਈ ਹੈ। ਇਸ ਦੇ ਨਾਲ ਹਾਲ ਹੀ ‘ਚ ਸ਼ਹਿਨਾਜ਼ ਗਿੱਲ ਦਾ ਨਾਂ ਗੁਰੂ ਰੰਧਾਵਾ ਨਾਲ ਜੋੜਿਆ ਜਾਣ ਲੱਗ ਪਿਆ ਹੈ। ਇਸ ਦੀ ਵਜ੍ਹਾ ਇਹ ਹੈ ਕਿ ਅਦਾਕਾਰਾ ਗੁਰੂ ਦੇ ਨਾਲ ਦੁਬਈ ‘ਚ ਇਕ ਸਮੁੰਦਰੀ ਜਹਾਜ਼ ‘ਤੇ ਚਾਂਦਨੀ ਰਾਤ ‘ਚ ਕੱਪਲ ਡਾਂਸ ਕਰਦੀ ਨਜ਼ਰ ਆਈ ਸੀ। ਇਸ ਤੋਂ ਬਾਅਦ ਗੁਰੂ ਨੇ ਸ਼ਹਿਨਾਜ਼ ਨਾਲ ਇੱਕ ਗਾਣਾ ਕਰਨ ਦਾ ਐਲਾਨ ਕੀਤਾ ਤੇ ਨਾਲ ਹੀ ਜੰਮ ਕੇ ਸ਼ਹਿਨਾਜ਼ ਦੀ ਤਾਰੀਫ ਵੀ ਕੀਤੀ ਸੀ। 

ਹੁਣ ਗੁਰੂ ਰੰਧਾਵਾ ਤੇ ਸ਼ਹਿਨਾਜ਼ ਗਿੱਲ ਫਿਰ ਤੋਂ ਲਾਈਮਲਾਈਟ ਵਿੱਚ ਆ ਗਏ ਹਨ। ਦਰਅਸਲ ਬੀਤੇ ਦਿਨ ਸ਼ਹਿਨਾਜ਼ ਦਾ ਗਾਣਾ ‘ਘਣੀ ਸਿਆਣੀ’ ਰਿਲੀਜ਼ ਹੋਇਆ। ਇਸ ਦੇ ਲਈ ਗੁਰੂ ਰੰਧਾਵਾ ਨੇ ਸਪੈਸ਼ਲ ਪੋਸਟ ਪਾ ਕੇ ਸ਼ਹਿਨਾਜ਼ ਨੂੰ ਵਧਾਈ ਦਿੱਤੀ ਇਸ ਦੇ ਨਾਲ ਹੀ ਗੁਰੂ ਨੇ ਇਹ ਵੀ ਕਿਹਾ ਕਿ ਲੱਗਦਾ ਹੈ ਕਿ ਗਾਇਕੀ ਦੇ ਖੇਤਰ ਵਿਚ ਉਨ੍ਹਾਂ ਦੇ ਸਾਹਮਣੇ ਇੱਕ ਵਿਰੋਧੀ ਖੜਾ ਹੈ। ਇਹ ਪੋਸਟ ਗੁਰੂ ਰੰਧਾਵਾ ਨੇ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ ‘ਚ ਸ਼ੇਅਰ ਕੀਤੀ ਸੀ। ਦੇਖੋ ਗੁਰੂ ਪੋਸਟ:

ਦੂਜੇ ਪਾਸੇ ਸ਼ਹਿਨਾਜ਼ ਵੀ ਗੁਰੂ ਦੀ ਪੋਸਟ ‘ਤੇ ਰਿਪਲਾਈ ਕਰਨ ਤੋਂ ਖੁਦ ਨੂੰ ਰੋਕ ਨਹੀਂ ਸਕੀ। ਸ਼ਹਿਨਾਜ਼ ਨੇ ਰੋਮਾਂਟਿਕ ਅੰਦਾਜ਼ ਵਿੱਚ ਗੁਰੂ ਦੇ ਮੈਸੇਜ ਦਾ ਰਿਪਲਾਈ ਕੀਤਾ। ਸ਼ਹਿਨਾਜ਼ ਗਿੱਲ ਨੇ ਇੰਸਟਾਗ੍ਰਾਮ ‘ਤੇ ਸਟੋਰੀ ਸ਼ੇਅਰ ਕਰ ਲਿਖਿਆ, “ਸੋ ਸਵੀਟ। ਨਹੀਂ ਗੁਰੂ ਤੂੰ ਮੇਰਾ ਕੰਪੀਟਿਸ਼ਨ ਨਹੀਂ ਹੈ, ਤੂੰ ਮੇਰੀ ਫੈਮਿਲੀ ਹੈ।” ਸ਼ਹਿਨਾਜ਼ ਦਾ ਇਸ ਤਰ੍ਹਾਂ ਦਾ ਰਿਪਲਾਈ ਇਨ੍ਹਾਂ ਅਫਵਾਹਾਂ ਨੂੰ ਹੋਰ ਹਵਾ ਦੇ ਰਿਹਾ ਹੈ ਕਿ ਕੀ ਸ਼ਹਿਨਾਜ਼ ਤੇ ਗੁਰੂ ਵਿਚਾਲੇ ਦੋਸਤੀ ਨਾਲੋਂ ਜ਼ਿਆਦਾ ਕੋਈ ਰਿਸ਼ਤਾ ਹੈ ਜਾਂ ਫਿਰ ਇੱਕ ਖੂਬਸੂਰਤ ਰਿਸ਼ਤੇ ਦੀ ਸ਼ੁਰੂਆਤ ਹੋ ਰਹੀ ਹੈ?

ਦਸ ਦਈਏ ਕਿ ਗੁਰੂ ਤੇ ਸ਼ਹਿਨਾਜ਼ ਦੀ ਕਹਾਣੀ ਇੱਕ ਦੂਜੇ ਤੋਂ ਜ਼ਿਆਦਾ ਵੱਖ ਨਹੀਂ ਹੈ। ਦੋਵਾਂ ਨੇ ਆਪਣੇ ਕਰੀਅਰ ਬਣਾਉਣ ਲਈ ਆਪਣਾ ਘਰ ਛੱਡਿਆ ਸੀ। ਦੋਵੇਂ ਹੀ ਆਪੋ ਆਪਣੇ ਖੇਤਰ ‘ਚ ਬਹੁਤ ਜ਼ਿਆਦਾ ਸਫਲ ਹਨ। ਦੋਵੇਂ ਹੀ ਜਲਦ ਬਾਲੀਵੁੱਡ ‘ਚ ਡੈਬਿਊ ਕਰਨ ਜਾ ਰਹੇ ਹਨ।