![ABP Premium](https://cdn.abplive.com/imagebank/Premium-ad-Icon.png)
Jennifer Lopez: ਹਾਲੀਵੁੱਡ ਗਾਇਕਾ ਜੈਨੀਫਰ ਲੋਪੇਜ਼ ਤੇ ਬੈਨ ਅਫਲੈਕ ਨੇ ਲਾਸ ਏਂਜਲਸ 'ਚ ਖਰੀਦਿਆ 494 ਕਰੋੜ ਦਾ ਘਰ, ਦੇਖੋ ਤਸਵੀਰਾਂ
Jennifer Lopez Ben Affleck: ਜੈਨੀਫਰ ਲੋਪੇਜ਼ ਨੇ ਆਪਣੇ ਪਤੀ ਤੇ ਹਾਲੀਵੁੱਡ ਅਦਾਕਾਰਾ ਬੈੱਨ ਅਫਲੈਕ ਨਾਲ ਮਿਲ ਕੇ ਲਾਸ ਏਂਜਲਸ 'ਚ 60 ਮਿਲੀਅਨ ਡਾਲਰ ਯਾਨਿ 494 ਕਰੋੜ ਦਾ ਘਰ ਖਰੀਦਿਆ ਹੈ।
![Jennifer Lopez: ਹਾਲੀਵੁੱਡ ਗਾਇਕਾ ਜੈਨੀਫਰ ਲੋਪੇਜ਼ ਤੇ ਬੈਨ ਅਫਲੈਕ ਨੇ ਲਾਸ ਏਂਜਲਸ 'ਚ ਖਰੀਦਿਆ 494 ਕਰੋੜ ਦਾ ਘਰ, ਦੇਖੋ ਤਸਵੀਰਾਂ hollywood jennifer lopez ben affleck couple buy new home worth rs 494 crore los angeles see photos Jennifer Lopez: ਹਾਲੀਵੁੱਡ ਗਾਇਕਾ ਜੈਨੀਫਰ ਲੋਪੇਜ਼ ਤੇ ਬੈਨ ਅਫਲੈਕ ਨੇ ਲਾਸ ਏਂਜਲਸ 'ਚ ਖਰੀਦਿਆ 494 ਕਰੋੜ ਦਾ ਘਰ, ਦੇਖੋ ਤਸਵੀਰਾਂ](https://feeds.abplive.com/onecms/images/uploaded-images/2023/06/02/cf13de76eea95767300c77eedb48b5a81685699345115469_original.jpg?impolicy=abp_cdn&imwidth=1200&height=675)
ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Jennifer Lopez Ben Affleck Buy New Home: ਜੈਨੀਫਰ ਲੋਪੇਜ਼ ਹਾਲੀਵੁੱਡ ਦੀ ਮਸ਼ਹੂਰ ਗਾਇਕਾ, ਅਦਾਕਾਰਾ ਤੇ ਲੇਖਿਕਾ ਹੈ। ਉਸ ਦੀ ਭਾਰਤ ਵਿੱਚ ਵੀ ਜ਼ਬਰਦਸਤ ਫੈਨ ਫਾਲੋਇੰਗ ਹੈ। ਅਸੀਂ ਤੁਹਾਨੂੰ ਜੈਨੀਫਰ ਲੋਪੇਜ਼ ਬਾਰੇ ਵੱਡੀ ਅਪਡੇਟ ਦੱਸਣ ਜਾ ਰਹੇ ਹਾਂ। ਉਹ ਇਹ ਹੈ ਕਿ ਜੈਨੀਫਰ ਨੇ ਆਪਣੇ ਪਤੀ ਤੇ ਹਾਲੀਵੁੱਡ ਅਦਾਕਾਰਾ ਬੈੱਨ ਅਫਲੈਕ ਨਾਲ ਮਿਲ ਕੇ ਲਾਸ ਏਂਜਲਸ 'ਚ 60 ਮਿਲੀਅਨ ਡਾਲਰ ਯਾਨਿ 494 ਕਰੋੜ ਦਾ ਘਰ ਖਰੀਦਿਆ ਹੈ।
ਦੱਸ ਦਈਏ ਕਿ ਜੋੜੇ ਦਾ ਇਹ ਘਰ 46 ਹਜ਼ਾਰ ਵਰਗ ਫੁੱਟ ਯਾਨਿ 5100 ਗ਼ਜ਼ 'ਚ ਫੈਲਿਆ ਹੋਇਆ ਹੈ। ਇਸ ਬੰਗਲੇ 'ਚ 12 ਕਮਰੇ ਹਨ। ਇਸ ਦੇ ਨਾਲ ਨਾਲ ਬੰਗਲੇ 'ਚ 12 ਕਾਰ ਗੈਰਾਜ ਵੀ ਮੌਜੂਦ ਹਨ। ਇਸ ਦੇ ਨਾਲ ਨਾਲ ਇਹ ਵੀ ਡੀਟੇਲ ਸਾਹਮਣੇ ਆ ਰਹੀ ਹੈ ਕਿ 12 ਕਮਰਿਆਂ ਵਾਲੇ ਇਸ ਸ਼ਾਨਦਾਰ ਬੰਗਲੇ 'ਚ 24 ਬਾਥਰੂਮ ਵੀ ਮੌਜੂਦ ਹਨ।
ਇਸ ਬੰਗਲੇ ਵਿੱਚ ਇੱਕ 12-ਕਾਰ ਗੈਰੇਜ, ਇੱਕ 5,000 ਵਰਗ ਫੁੱਟ ਦਾ ਗੈਸਟ ਪੈਂਟਹਾਊਸ ਅਤੇ ਦੋ ਬੈੱਡਰੂਮ ਵਾਲਾ ਗਾਰਡ ਹਾਊਸ ਵੀ ਹੈ। ਕੁੱਲ ਮਿਲਾ ਕੇ ਇਹ ਘਰ ਜਾਂ ਬੰਗਲਾ ਨਹੀਂ ਸਗੋਂ ਮਹਿਲ ਹੀ ਹੈ। ਦੇਖੋ ਘਰ ਦੀਆਂ ਸ਼ਾਨਦਾਰ ਤਸਵੀਰਾਂ:
View this post on Instagram
ਬੈਨੀਫਰ (ਜੈਨੀਫਰ ਤੇ ਬੈਨ) ਦੇ ਇਸ ਘਰ ਵਿੱਚ ਇੱਕ ਵੱਡਾ ਖੇਡ ਦਾ ਮੈਦਾਨ ਹੈ। ਇਸ ਵਿੱਚ ਇੱਕ ਇਨਡੋਰ ਗੇਮਾਂ ਖੇਡਣ ਲਈ ਵੱਡਾ ਸਾਰਾ ਕਮਰਾ ਵੀ ਹੈ। ਇਸ ਤੋਂ ਇਲਾਵਾ ਬੰਗਲੇ 'ਚ ਇੱਕ ਜਿੰਮ ਤੇ ਸ਼ਰਾਬ ਪੀਣ ਤੇ ਪਾਰਟੀ ਕਰਨ ਲਈ ਵੱਡਾ ਬਾਰ ਵੀ ਹੈ।
ਰਿਪੋਰਟ ਮੁਤਾਬਕ ਜੈਨੀਫਰ ਤੇ ਬੈਨ ਨੇ ਇਹ ਘਰ 2018 ਵਿੱਚ ਪਸੰਦ ਕੀਤਾ ਸੀ। ਪਰ ਉਸ ਸਮੇਂ ਘਰ ਦੇ ਮਾਲਕ ਨੇ ਇਸ ਘਰ ਦੀ ਕੀਮਤ 135 ਮਿਲੀਅਨ ਡਾਲਰ ਰੱਖੀ ਸੀ। ਇਸ ਕਰਕੇ ਜੋੜੇ ਨੇ ਉਦੋਂ ਇਹ ਘਰ ਨਹੀਂ ਖਰੀਦਿਆ ਸੀ। ਪਰ ਹੁਣ ਇਹ ਘਰ ਆਪਣੀ ਅਸਲ ਕੀਮਤ ਤੋਂ ਕਈ ਗੁਣਾ ਘੱਟ ਕੀਮਤ 'ਤੇ (60 ਮਿਲੀਅਨ ਡਾਲਰ) ਵਿਕ ਗਿਆ ਹੈ। ਦੱਸਣਯੋਗ ਹੈ ਕਿ ਜੈਨੀਫਰ ਲੋਪੇਜ਼ ਨੇ ਬੈਨ ਅਫਲੈਕ ਨਾਲ ਸਾਲ 2022 'ਚ ਵਿਆਹ ਕੀਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)