Grammy Awards 2023: ਗਰੈਮੀ ਐਵਾਰਡਜ਼ 'ਚ ਭਾਰਤ ਦੀ ਬੱਲੇ-ਬੱਲੇ, ਭਾਰਤੀ ਸੰਗੀਤਕਾਰ ਰਿੱਕੀ ਕੇਜ ਨੇ ਰਚਿਆ ਇਤਿਹਾਸ
Ricky Kej Grammy Awards 2023: ਭਾਰਤ ਦੇ ਰਿੱਕੀ ਕੇਜ ਨੇ ਇੱਕ ਵਾਰ ਫਿਰ ਦੇਸ਼ ਦਾ ਨਾਂ ਰੌਸ਼ਨ ਕਰਨ ਦਾ ਮੌਕਾ ਦਿੱਤਾ ਹੈ। ਦਰਅਸਲ, ਉਨ੍ਹਾਂ ਨੇ ਤੀਜੀ ਵਾਰ ਬਹੁਤ ਹੀ ਵੱਕਾਰੀ ਗ੍ਰੈਮੀ ਅਵਾਰਡ ਜਿੱਤਿਆ ਹੈ।
Grammy Awards 2023: ਸਾਲ 2023 ਦੇ ਮੋਸਟ ਅਵੇਟਿਡ ਮਿਊਜ਼ਿਕ ਅਵਾਰਡ ਗ੍ਰੈਮੀ ਅਵਾਰਡਸ ਵਿੱਚ, ਬੈਂਗਲੁਰੂ ਸਥਿਤ ਕੰਪੋਜ਼ਰ ਰਿੱਕੀ ਕੇਜ ਨੇ ਤੀਜਾ ਗ੍ਰੈਮੀ ਅਵਾਰਡ ਜਿੱਤ ਕੇ ਦੇਸ਼ ਦਾ ਮਾਣ ਵਧਾਇਆ ਹੈ। ਰਿਕੀ ਨੂੰ ਉਸ ਦੀ ਐਲਬਮ 'ਡਿਵਾਈਨ ਟਾਈਡਜ਼' ਲਈ ਗ੍ਰੈਮੀ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ: ਪੰਜਾਬੀ ਮਾਡਲ ਕਮਲ ਚੀਮਾ ਨੇ ਬਿਆਨ ਕੀਤਾ '84 ਭਿਆਨਕ ਮੰਜ਼ਰ, ਦੱਸਿਆ ਕਿਵੇਂ ਹੋਇਆ ਸੀ ਪਰਿਵਾਰ 'ਤੇ ਹਮਲਾ
ਰਿਕੀ ਕੇਜ ਤਿੰਨ ਗ੍ਰੈਮੀ ਜਿੱਤਣ ਵਾਲਾ ਇਕਲੌਤਾ ਭਾਰਤੀ
ਦੱਸ ਦੇਈਏ ਕਿ ਰਿਕੀ ਕੇਜ ਦੀ ਐਲਬਮ ਨੂੰ 'ਬੈਸਟ ਇਮਰਸਿਵ ਆਡੀਓ ਐਲਬਮ' ਸ਼੍ਰੇਣੀ ਵਿੱਚ ਨਾਮਜ਼ਦ ਕੀਤਾ ਗਿਆ ਸੀ। ਉਸਨੇ ਸਟੀਵਰਟ ਕੋਪਲੈਂਡ, ਆਈਕੋਨਿਕ ਬ੍ਰਿਟਿਸ਼ ਰਾਕ ਬੈਂਡ ਦ ਪੁਲਿਸ ਦੇ ਡਰਮਰ ਨਾਲ ਅਵਾਰਡ ਸਾਂਝਾ ਕੀਤਾ। ਸਟੀਵਰਟ ਕੋਪਲੈਂਡ ਨੇ ਇਸ ਐਲਬਮ 'ਤੇ ਰਿਕੀ ਨਾਲ ਸਹਿਯੋਗ ਕੀਤਾ। ਇਸ ਪ੍ਰਾਪਤੀ ਨਾਲ ਕੇਜ ਤਿੰਨ ਗ੍ਰੈਮੀ ਐਵਾਰਡ ਜਿੱਤਣ ਵਾਲਾ ਇਕਲੌਤਾ ਭਾਰਤੀ ਬਣ ਗਿਆ ਹੈ।
ਇਸ ਸ਼੍ਰੇਣੀ ਵਿੱਚ ਹੋਰ ਨੌਮਿਨੇਸ਼ਨਜ਼ 'ਚ ਕ੍ਰਿਸਟੀਨਾ ਐਗੁਇਲੇਰਾ (ਐਗੁਇਲੇਰਾ), ਦ ਚੇਨਸਮੋਕਰਜ਼ (ਮੈਮੋਰੀਜ਼... ਡੂ ਨਾਟ ਓਪਨ), ਜੈਨ ਇਰਾਬਲੂਮ (ਪਿਕਚਰਿੰਗ ਦਿ ਇਨਵਿਜ਼ਿਬਲ - ਫੋਕਸ 1), ਅਤੇ ਨਿਦਾਰੋਸਡੋਮੇਂਸ ਗੈਂਟਕੋਰ ਅਤੇ ਟ੍ਰਾਂਡੇਹੇਮਸੂਲੀਸਟਿਨ (ਟੂਵਾਹਿਊਨ - ਬੀਟੀਟਿਊਡਜ਼ ਫਾਰ ਏ ਵੂੰਡੇਡ ਵਰਲਡ) ਵਰਗੇ ਕਲਾਕਾਰਾਂ ਦੇ ਗਾਣੇ ਸ਼ਾਮਲ ਸਨ। ਆਪਣਾ ਤੀਜਾ ਗ੍ਰੈਮੀ ਅਵਾਰਡ ਜਿੱਤਣ ਤੋਂ ਬਾਅਦ, ਰਿਕੀ ਕੇਜ ਨੇ ਆਪਣੇ ਹਮਰੁਤਬਾ ਨਾਲ ਤਸਵੀਰਾਂ ਸਾਂਝੀਆਂ ਕੀਤੀਆਂ ਅਤੇ ਲਿਖਿਆ, "ਬਹੁਤ ਸ਼ੁਕਰਗੁਜ਼ਾਰ, ਮੇਰਾ ਤੀਜਾ ਗ੍ਰੈਮੀ ਪੁਰਸਕਾਰ।" ਇਵੈਂਟ ਦੌਰਾਨ ਕੇਜ ਰਵਾਇਤੀ ਲੁੱਕ 'ਚ ਨਜ਼ਰ ਆਏ। ਉਸਨੇ ਸ਼ੇਰਵਾਨੀ ਸੂਟ ਪਹਿਨਿਆ ਹੋਇਆ ਸੀ।
ਕੰਗਨਾ ਰਣੌਤ ਨੇ ਟਵੀਟ ਕਰਕੇ ਦਿੱਤੀ ਵਧਾਈ
ਰਿੱਕੀ ਕੇਜ ਨੇ ਦੇਸ਼ ਨੂੰ ਮਾਣ ਮਹਿਸੂਸ ਕਰਵਾਇਆ ਹੈ, ਅਜਿਹੇ 'ਚ ਹਰ ਭਾਰਤੀ ਬੇਹੱਦ ਖੁਸ਼ ਹੈ। ਬਾਲੀਵੁੱਡ ਸੈਲੇਬਸ ਵੀ ਰਿਕੀ ਨੂੰ ਵਧਾਈ ਦੇ ਰਹੇ ਹਨ। ਬੀ ਟਾਊਨ ਦੀ ਅਦਾਕਾਰਾ ਕੰਗਨਾ ਰਣੌਤ ਨੇ ਵੀ ਟਵੀਟ ਕਰਕੇ ਰਿਕੀ ਨੂੰ ਵਧਾਈ ਦਿੱਤੀ ਹੈ। ਕੰਗਨਾ ਨੇ ਆਪਣੇ ਟਵੀਟ 'ਚ ਲਿਖਿਆ ਹੈ, 'ਤੁਹਾਨੂੰ ਵਧਾਈ ਸਰ।'
ਰਿੱਕੀ ਕੇਜ ਨੂੰ ਪਹਿਲਾਂ ਵੀ ਦੋ ਵਾਰ ਮਿਲ ਚੁੱਕਾ ਗ੍ਰੈਮੀ ਐਵਾਰਡ
ਭਾਰਤੀ ਸੰਗੀਤਕਾਰ ਨੇ 64ਵੇਂ ਗ੍ਰੈਮੀ ਅਵਾਰਡਸ 2022 ਵਿੱਚ ਬੈਸਟ ਨਿਊ ਏਜ ਐਲਬਮ ਸ਼੍ਰੇਣੀ ਵਿੱਚ ਆਪਣਾ ਦੂਜਾ ਗ੍ਰੈਮੀ ਜਿੱਤਿਆ। ਉਸਨੇ ਰਾਕ ਲੀਜੈਂਡ ਸਟੀਵਰਟ ਕੋਪਲੈਂਡ ਨਾਲ ਉਸੇ ਐਲਬਮ ਲਈ ਪੁਰਸਕਾਰ ਜਿੱਤਿਆ। 2015 ਵਿੱਚ, ਉਸਨੇ ਵਿੰਡਸ ਆਫ ਸੰਸਾਰ ਲਈ ਆਪਣਾ ਪਹਿਲਾ ਗ੍ਰੈਮੀ ਜਿੱਤਿਆ। ਗਾਲਾ ਅਵਾਰਡ ਸਮਾਰੋਹ 6 ਫਰਵਰੀ ਨੂੰ ਲਾਸ ਏਂਜਲਸ, ਸੰਯੁਕਤ ਰਾਜ ਵਿੱਚ Crypto.com ਅਰੇਨਾ ਵਿਖੇ ਆਯੋਜਿਤ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਲਤਾ ਮੰਗੇਸ਼ਕਰ ਦੀ ਅੱਜ ਪਹਿਲੀ ਬਰਸੀ, ਜਾਣੋ ਉਨ੍ਹਾਂ ਬਾਰੇ ਕੁੱਝ ਦਿਲਚਸਪ ਅਨਸੁਣੀ ਕਹਾਣੀਆਂ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
