Avatar The Way Of Water: ਹਾਲੀਵੁੱਡ ਫਿਲਮ ‘ਅਵਤਾਰ 2’ ਨੇ ਰਿਲੀਜ਼ ਤੋਂ ਪਹਿਲਾਂ ਹੀ ਭਾਰਤ ‘ਚ ਬਣਾਇਆ ਇਹ ਰਿਕਾਰਡ, ਰਿਕਾਰਡਤੋੜ ਐਡਵਾਂਸ ਬੁਕਿੰਗ
Avatar The Way Of Water: ਜੇਮਸ ਕੈਮਰਨ ਦੀ ਆਉਣ ਵਾਲੀ ਫਿਲਮ Avatar: The Way of Water ਲਈ ਐਡਵਾਂਸ ਬੁਕਿੰਗ ਸ਼ੁਰੂ ਹੋ ਗਈ ਹੈ, ਜਿਸ ਨੂੰ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।
Avatar The Way Of Water: ਪ੍ਰਸ਼ੰਸਕ ਮਸ਼ਹੂਰ ਫਿਲਮਕਾਰ ਜੇਮਸ ਕੈਮਰਨ ਦੀ ਫਿਲਮ 'ਅਵਤਾਰ ਦ ਵੇਅ ਆਫ਼ ਵਾਟਰ' (Avatar: The Way of Water) ਦੇ ਰਿਲੀਜ਼ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਹ ਫਿਲਮ ਸਾਲ 2009 'ਚ ਰਿਲੀਜ਼ ਹੋਈ 'ਅਵਤਾਰ' ਦਾ ਸੀਕਵਲ ਹੈ, ਜਿਸ ਦਾ ਕ੍ਰੇਜ਼ ਅੱਜ ਵੀ ਲੋਕਾਂ ਦੇ ਸਿਰ 'ਤੇ ਹੈ। ਕੁਝ ਦਿਨ ਪਹਿਲਾਂ ਇਸ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਸੀ, ਜਿਸ ਨੂੰ ਪ੍ਰਸ਼ੰਸਕਾਂ ਵੱਲੋਂ ਜ਼ਬਰਦਸਤ ਹੁੰਗਾਰਾ ਮਿਲਿਆ ਸੀ। ਹੁਣ 'ਅਵਤਾਰ: ਦ ਵੇ ਆਫ ਵਾਟਰ' ਦੀ ਰਿਲੀਜ਼ ਤੋਂ ਪਹਿਲਾਂ ਭਾਰਤ 'ਚ ਇਸ ਦੀਆਂ ਟਿਕਟਾਂ ਦੀ ਐਡਵਾਂਸ ਬੁਕਿੰਗ ਸ਼ੁਰੂ ਹੋ ਗਈ ਹੈ।
3 ਤਿੰਨ ਵਿੱਚ ਵਿਕ ਗਈਆਂ ਇੰਨੀਆਂ ਟਿਕਟਾਂ
ਈ-ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਸਿਰਫ ਤਿੰਨ ਦਿਨਾਂ 'ਚ 'ਅਵਤਾਰ: ਦ ਵੇ ਆਫ ਵਾਟਰ' ਦੀਆਂ 15 ਹਜ਼ਾਰ ਤੋਂ ਵੱਧ ਟਿਕਟਾਂ ਵਿਕ ਚੁੱਕੀਆਂ ਹਨ। ਇਹ ਐਡਵਾਂਸ ਬੁਕਿੰਗ ਸਿਰਫ 45 ਸਕ੍ਰੀਨਾਂ 'ਤੇ ਪ੍ਰੀਮੀਅਮ ਫਾਰਮੈਟ ਵਿੱਚ ਸੀ। ਐਡਵਾਂਸ ਬੁਕਿੰਗ ਲਈ ਮਿਲ ਰਹੇ ਹੁੰਗਾਰੇ ਨੂੰ ਦੇਖਦੇ ਹੋਏ ਕੁਝ ਹੋਰ ਸਕਰੀਨਾਂ ਵਧਾਈਆਂ ਜਾ ਰਹੀਆਂ ਹਨ।
On December 16, experience #AvatarTheWayOfWater. pic.twitter.com/WcQOlu9yLD
— Avatar (@officialavatar) November 2, 2022
ਕਈ ਭਾਸ਼ਾਵਾਂ 'ਚ ਰਿਲੀਜ਼ ਹੋਵੇਗੀ ਫਿਲਮ
ਫਿਲਮ 'ਅਵਤਾਰ: ਦ ਵੇ ਆਫ ਵਾਟਰ' 16 ਦਸੰਬਰ, 2022 ਨੂੰ ਦੇਸ਼ ਭਰ ਵਿੱਚ ਅੰਗਰੇਜ਼ੀ ਤੋਂ ਇਲਾਵਾ ਹਿੰਦੀ, ਤਾਮਿਲ, ਤੇਲਗੂ, ਕੰਨੜ ਅਤੇ ਮਲਿਆਲਮ ਵਰਗੀਆਂ ਭਾਸ਼ਾਵਾਂ ਵਿੱਚ ਰਿਲੀਜ਼ ਹੋਵੇਗੀ। ਕੁਝ ਸਮਾਂ ਪਹਿਲਾਂ, ਜੇਮਸ ਕੈਮਰਨ ਨੇ 'ਅਵਤਾਰ' ਨੂੰ ਸਿਨੇਮਾਘਰਾਂ ਵਿੱਚ ਦੁਬਾਰਾ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ, ਤਾਂ ਜੋ ਪ੍ਰਸ਼ੰਸਕਾਂ ਨੂੰ ਇੱਕ ਵਾਰ ਫਿਰ ਪਾਂਡੋਰਾ ਦੀ ਦੁਨੀਆ ਤੋਂ ਜਾਣੂ ਕਰਵਾਇਆ ਜਾ ਸਕੇ। ਇਸ ਵਾਰ ਫਿਲਮ 'ਚ ਇਨਸਾਨਾਂ ਅਤੇ ਪਾਂਡੋਰਾ ਦੇ ਵਾਸੀਆਂ ਵਿਚਾਲੇ ਪਾਣੀ ਦੇ ਅੰਦਰ ਦੀ ਲੜਾਈ ਹੋਵੇਗੀ, ਜਿਵੇਂ ਕਿ ਟ੍ਰੇਲਰ ਤੋਂ ਸਾਫ ਹੋ ਗਿਆ ਹੈ।
ਅਵਤਾਰ 2 ਸਭ ਤੋਂ ਮਹਿੰਗੀਆਂ ਫਿਲਮਾਂ ਵਿੱਚੋਂ ਇੱਕ ਹੈ
ਜੇਮਸ ਕੈਮਰਨ ਮਹਿੰਗੀਆਂ ਫਿਲਮਾਂ ਬਣਾਉਣ ਲਈ ਜਾਣੇ ਜਾਂਦੇ ਹਨ। ਰਿਪੋਰਟਾਂ ਮੁਤਾਬਕ 'ਅਵਤਾਰ: ਦ ਵੇ ਆਫ ਵਾਟਰ' ਨੂੰ 250 ਮਿਲੀਅਨ ਡਾਲਰ 'ਚ ਬਣਾਇਆ ਗਿਆ ਹੈ। ਅਜਿਹੇ 'ਚ ਬਲਾਕਬਸਟਰ ਬਣਨ ਲਈ ਕਾਫੀ ਪੈਸਾ ਕਮਾਉਣਾ ਹੋਵੇਗਾ। ਇਸ ਦੇ ਪਿਛਲੇ ਭਾਗ ਨੇ ਦੁਨੀਆ ਭਰ ਵਿੱਚ 2.9 ਬਿਲੀਅਨ ਡਾਲਰ ਦੀ ਕਮਾਈ ਕੀਤੀ ਸੀ, ਜੋ ਅੱਜ ਵੀ ਇਤਿਹਾਸ ਦੇ ਪੰਨਿਆਂ ਵਿੱਚ ਦਰਜ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
