Kantara Box Office: ਇੱਕ ਹੋਰ ਸਾਊਥ ਦੀ ਫ਼ਿਲਮ ਨੇ ਭਾਰਤ `ਚ ਮਚਾਇਆ ਤਹਿਲਕਾ, 2 ਦਿਨਾਂ `ਚ ਰਿਕਾਰਡਤੋੜ ਕਮਾਈ
Kantara Collection: KGF ਮੇਕਰਸ ਦੀ ਫਿਲਮ 'ਕਾਂਤਾਰਾ' ਦਾ ਬਾਕਸ ਆਫਿਸ ਕਲੈਕਸ਼ਨ ਵਧਦਾ ਜਾ ਰਿਹਾ ਹੈ। ਫਿਲਮ ਹੁਣ ਹਿੰਦੀ ਅਤੇ ਤੇਲਗੂ ਸੰਸਕਰਣਾਂ ਵਿੱਚ ਵੀ ਰਿਲੀਜ਼ ਹੋਈ ਹੈ ਅਤੇ ਕਮਾਈ ਦੇ ਸਾਰੇ ਰਿਕਾਰਡ ਤੋੜ ਰਹੀ ਹੈ।
Kantara Box Office: ਸਾਊਥ ਫ਼ਿਲਮਾਂ ਦੇ ਨਿਰਦੇਸ਼ਕ ਅਤੇ ਅਭਿਨੇਤਾ ਰਿਸ਼ਬ ਸ਼ੈੱਟੀ ਦੀ ਕੰਨੜ ਫਿਲਮ 'ਕਾਂਤਾਰਾ' ਗਲੋਬਲ ਬਲਾਕਬਸਟਰ ਸਾਬਤ ਹੋ ਰਹੀ ਹੈ। ਇਸ ਫਿਲਮ ਨੇ ਹੁਣ ਤੱਕ ਦੁਨੀਆ ਭਰ 'ਚ 100 ਕਰੋੜ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਇਸ ਦੇ ਨਾਲ ਹੀ, ਫਿਲਮ ਨੂੰ ਹਿੰਦੀ, ਤਾਮਿਲ ਅਤੇ ਤੇਲਗੂ ਭਾਸ਼ਾਵਾਂ ਵਿੱਚ ਵੀਕੈਂਡ 'ਤੇ ਡਬ ਕਰਕੇ ਰਿਲੀਜ਼ ਕੀਤਾ ਗਿਆ ਹੈ। ਟ੍ਰੇਡ ਰਿਪੋਰਟਾਂ ਦੇ ਅਨੁਸਾਰ, ਫਿਲਮ ਨੇ ਹੋਰ ਭਾਸ਼ਾਵਾਂ ਵਿੱਚ ਵੀ ਉਮੀਦ ਤੋਂ ਵੱਧ ਪ੍ਰਦਰਸ਼ਨ ਕੀਤਾ ਹੈ। ਤੇਲਗੂ ਰਾਜ ਵਿੱਚ ਫਿਲਮ ਨੇ ਸਿਰਫ ਦੋ ਦਿਨਾਂ ਵਿੱਚ 100 ਕਰੋੜ ਤੋਂ ਵੱਧ ਦੀ ਕਮਾਈ ਕਰਕੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ।
ਕੀ ਹੈ ਕਾਂਤਰਾ ਫਿਲਮ ਦੀ ਕਹਾਣੀ
ਫਿਲਮ ਕੰਤਾਰਾ ਇੱਕ ਰਹੱਸਮਈ ਜੰਗਲ ਦੀ ਕਹਾਣੀ ਹੈ। ਜਿਸ ਵਿੱਚ ਇੱਕ ਸਥਾਨਕ ਦੇਵੀ (ਭੂਤ) ਦੀ ਕਹਾਣੀ ਦੱਸੀ ਗਈ ਹੈ, 1870 ਵਿੱਚ ਇੱਕ ਰਾਜਾ ਆਦਿਵਾਸੀਆਂ ਅਤੇ ਜੰਗਲ ਦੇ ਲੋਕਾਂ ਦੀ ਖੁਸ਼ੀ ਲਈ ਇੱਕ ਪੱਥਰ ਦੇ ਬਦਲੇ ਆਪਣੀ ਜ਼ਮੀਨ ਤੋਹਫ਼ੇ ਵਿੱਚ ਦਿੰਦਾ ਹੈ। ਕਈ ਸਾਲਾਂ ਬਾਅਦ, ਜਦੋਂ ਰਾਜੇ ਦਾ ਪੁੱਤਰ ਲਾਲਚੀ ਹੋ ਜਾਂਦਾ ਹੈ ਅਤੇ ਜ਼ਮੀਨ ਵਾਪਸ ਚਾਹੁੰਦਾ ਹੈ, ਤਾਂ ਉਹ ਭੂਤ ਦੇ ਕ੍ਰੋਧ ਦੁਆਰਾ ਮਾਰਿਆ ਜਾਂਦਾ ਹੈ।
ਕਾਂਤਾਰਾ ਦੇ ਹਿੰਦੀ ਸੰਸਕਰਣ ਦਾ ਕਲੈਕਸ਼ਨ
ਵਪਾਰਕ ਸੂਤਰਾਂ ਦੇ ਅਨੁਸਾਰ, ਫਿਲਮ ਦੇ ਤੇਲਗੂ ਅਤੇ ਹਿੰਦੀ ਸੰਸਕਰਣਾਂ ਨੇ ਠੋਸ ਨੰਬਰ ਦਰਜ ਕੀਤੇ ਹਨ ਅਤੇ ਉਮੀਦਾਂ ਤੋਂ ਵੱਧ ਪ੍ਰਦਰਸ਼ਨ ਕੀਤਾ ਹੈ। ਇਸ ਦੇ ਨਾਲ ਹੀ ਟ੍ਰੇਡ ਐਨਾਲਿਸਟ ਤਰਣ ਆਦਰਸ਼ ਨੇ ਟਵਿੱਟਰ 'ਤੇ ਲਿਖਿਆ ਕਿ ਕਾਂਤਾਰਾ ਦੇ ਹਿੰਦੀ ਸੰਸਕਰਣ 'ਚ ਦੂਜੇ ਦਿਨ ਕਾਫੀ ਵਾਧਾ ਹੋਇਆ ਹੈ। ਇਸ ਨੇ ਬਾਕਸ ਆਫਿਸ 'ਤੇ ਦੋ ਦਿਨਾਂ 'ਚ 4.2 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਤੇਲਗੂ ਰਾਜਾਂ ਵਿੱਚ, ਬਾਕਸ ਆਫਿਸ ਟਰੈਕਿੰਗ ਪੋਰਟਲ ਆਂਧਰਾ ਬਾਕਸ ਆਫਿਸ ਦੇ ਅਨੁਸਾਰ, ਫਿਲਮ ਦੇ ਤੇਲਗੂ ਸੰਸਕਰਣ ਨੇ ਦੋ ਦਿਨਾਂ ਵਿੱਚ ਲਗਭਗ 10 ਕਰੋੜ ਦੀ ਕਮਾਈ ਕੀਤੀ ਹੈ।
ਦੁਨੀਆ ਭਰ 'ਚ 100 ਕਰੋੜ ਤੋਂ ਵੱਧ ਦੀ ਕਮਾਈ
ਰਿਸ਼ਬ ਸ਼ੈੱਟੀ ਦੀ ਕਾਂਤਾਰਾ 30 ਸਤੰਬਰ ਨੂੰ ਰਿਲੀਜ਼ ਹੋਈ ਸੀ। PS 1 ਅਤੇ Vikram Vedha ਵਰਗੀਆਂ ਫਿਲਮਾਂ ਦੀ ਰਿਲੀਜ਼ ਦੇ ਵਿਚਕਾਰ ਕਾਂਤਾਰਾ ਨੂੰ ਜ਼ਬਰਦਸਤ ਹੁੰਗਾਰਾ ਮਿਲ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕਾਂਤਾਰਾ ਦੀ ਦੁਨੀਆ ਭਰ ਦੀ ਕਲੈਕਸ਼ਨ 100 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋ ਗਈ ਹੈ। ਸਿਰਫ਼ 16 ਕਰੋੜ ਦੇ ਬਜਟ ਵਿੱਚ ਬਣੀ ਇਸ ਫ਼ਿਲਮ ਦੀ ਕਮਾਈ ਨੇ ਸਾਬਤ ਕਰ ਦਿੱਤਾ ਹੈ ਕਿ ਕੰਤਾਰਾ ਇੱਕ ਸ਼ਾਨਦਾਰ ਫ਼ਿਲਮ ਹੈ ਜਿਸ ਨੂੰ ਦੇਖਣਾ ਮਿਸ ਨਹੀਂ ਕੀਤਾ ਜਾ ਸਕਦਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
