ਸਾਰਾ ਤੇਂਦੁਲਕਰ ਤੇ ਸ਼ੁਭਮਨ ਗਿੱਲ ਦੀ ਡੇਟਿੰਗ ਨੂੰ ਸਾਰਾ ਅਲੀ ਖਾਨ ਨੇ ਕੀਤਾ ਕਨਫਰਮ, ਕੌਫੀ ਵਿਦ ਕਰਨ 'ਚ ਖੁੱਲਿਆ 'ਸਾਰਾ' ਰਾਜ਼
Koffee With Karan 8: ਕੌਫੀ ਵਿਦ ਕਰਨ 8 ਦਾ ਅਗਲਾ ਐਪੀਸੋਡ ਜਲਦੀ ਹੀ ਆਉਣ ਵਾਲਾ ਹੈ। ਇਸ ਐਪੀਸੋਡ ਦੇ ਮਹਿਮਾਨ ਸਾਰਾ ਅਲੀ ਖਾਨ ਅਤੇ ਅਨੰਨਿਆ ਪਾਂਡੇ ਹੋਣਗੇ, ਜਿਸਦੀ ਇੱਕ ਝਲਕ ਪ੍ਰੋਮੋ ਵਿੱਚ ਦੇਖਣ ਨੂੰ ਮਿਲੀ ਹੈ।
Koffee With Karan 8 Promo: ਕਰਨ ਜੌਹਰ ਦਾ ਮਸ਼ਹੂਰ ਟਾਕ ਸ਼ੋਅ 'ਕੌਫੀ ਵਿਦ ਕਰਨ ਸੀਜ਼ਨ 8' ਸ਼ੁਰੂ ਹੋ ਗਿਆ ਹੈ। ਸ਼ੋਅ ਦੇ ਹੁਣ ਤੱਕ ਦੋ ਐਪੀਸੋਡ ਸਟ੍ਰੀਮ ਕੀਤੇ ਜਾ ਚੁੱਕੇ ਹਨ। ਇਸ ਦੇ ਨਾਲ ਹੀ ਪ੍ਰਸ਼ੰਸਕ ਹੁਣ ਇਸ ਦੇ ਤੀਜੇ ਐਪੀਸੋਡ ਦਾ ਇੰਤਜ਼ਾਰ ਕਰ ਰਹੇ ਹਨ, ਜਿਸ ਦਾ ਪ੍ਰੋਮੋ ਵੀ ਸਾਹਮਣੇ ਆਇਆ ਹੈ। ਕਰਨ ਦੇ ਸ਼ੋਅ ਦੀ ਅਗਲੀ ਮਹਿਮਾਨ ਬਾਲੀਵੁੱਡ ਦੀਆਂ ਦੋ ਸੁੰਦਰੀਆਂ ਯਾਨੀ ਸਾਰਾ ਅਲੀ ਖਾਨ ਅਤੇ ਅਨੰਨਿਆ ਪਾਂਡੇ ਹੋਣ ਜਾ ਰਹੀਆਂ ਹਨ। ਦੋਵੇਂ ਸ਼ੋਅ 'ਚ ਕਈ ਵੱਡੇ ਰਾਜ਼ ਖੋਲਦੀ ਨਜ਼ਰ ਆਉਣਗੀਆਂ। ਇਸ ਦੌਰਾਨ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਸਾਰਾ ਨੇ ਸ਼ੁਭਮਨ ਗਿੱਲ ਦਾ ਰਾਜ਼ ਖੋਲ੍ਹਿਆ ਹੈ।
ਇਹ ਵੀ ਪੜ੍ਹੋ: ਫਿਰ ਤੋਂ ਇੱਕੋ ਛੱਤ ਹੇਠਾਂ ਇਕੱਠੇ ਨਜ਼ਰ ਆਏ ਸਲਮਾਨ ਖਾਨ-ਐਸ਼ਵਰਿਆ ਰਾਏ, ਦੋਵਾਂ ਦੀਆਂ ਤਸਵੀਰਾਂ ਵਾਇਰਲ
ਕਿਸ ਨੂੰ ਡੇਟ ਕਰ ਰਿਹਾ ਹੈ ਸ਼ੁਭਮਨ ਗਿੱਲ? ਸਾਰਾ ਅਲੀ ਖਾਨ ਨੇ ਕੀਤੀ ਪੁਸ਼ਟੀ
ਦਰਅਸਲ, ਕਰਨ ਜੌਹਰ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੋਅ ਦਾ ਲੇਟੈਸਟ ਪ੍ਰੋਮੋ ਪੋਸਟ ਕੀਤਾ ਹੈ। ਇਸ ਵੀਡੀਓ 'ਚ ਉਹ ਸਾਰਾ ਅਲੀ ਖਾਨ ਅਤੇ ਅਨੰਨਿਆ ਪਾਂਡੇ ਨਾਲ ਗੱਲਬਾਤ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ 'ਚ ਕਰਨ, ਸਾਰਾ ਨੂੰ ਪੁੱਛਦੇ ਹੋਏ ਨਜ਼ਰ ਆ ਰਹੇ ਹਨ ਕਿ ਤੁਹਾਡੇ ਅਤੇ ਸ਼ੁਭਮਨ ਗਿੱਲ ਨੂੰ ਡੇਟ ਕਰਨ ਨੂੰ ਲੈ ਕੇ ਕਾਫੀ ਅਫਵਾਹਾਂ ਸਨ, ਜਿਸ ਦੇ ਜਵਾਬ 'ਚ ਅਭਿਨੇਤਰੀ ਕਹਿੰਦੀ ਹੈ- "ਤੁਸੀਂ ਗਲਤ ਸਾਰਾ ਨੂੰ ਲੈ ਕੇ ਆਏ ਹੋ, ਕਰਨ..." ਜਿਸ ਤੋਂ ਬਾਅਦ ਅਦਾਕਾਰਾ ਮੁਸਕਰਾਉਂਦੇ ਹੋਏ ਕਹਿੰਦੀ ਹੈ। - 'ਸਾਰੀ ਦੁਨੀਆ ਗਲਤ ਸਾਰਾ ਦੇ ਮਗਰ ਹੈ'।
ਸਾਰਾ ਨੇ ਅਨਨਿਆ ਅਤੇ ਆਦਿਤਿਆ ਰਾਏ ਕਪੂਰ ਦੇ ਰਿਸ਼ਤੇ ਬਾਰੇ ਵੀ ਇਸ਼ਾਰਾ ਕੀਤਾ
ਤੁਹਾਨੂੰ ਦੱਸ ਦੇਈਏ ਕਿ ਇਸ ਐਪੀਸੋਡ ਵਿੱਚ ਸਾਰਾ ਅਲੀ ਖਾਨ ਨੇ ਨਾ ਸਿਰਫ ਸ਼ੁਭਮਨ ਅਤੇ ਸਾਰਾ ਤੇਂਦੁਲਕਰ ਦੇ ਰਿਸ਼ਤੇ ਦੀ ਪੁਸ਼ਟੀ ਕੀਤੀ ਹੈ ਬਲਕਿ ਅਨੰਨਿਆ ਪਾਂਡੇ ਅਤੇ ਆਦਿਤਿਆ ਰਾਏ ਕਪੂਰ ਦੇ ਰਿਸ਼ਤੇ ਦਾ ਰਾਜ਼ ਵੀ ਖੋਲ੍ਹਿਆ ਹੈ। ਵੀਡੀਓ ਵਿੱਚ, ਕਰਨ ਇੱਕ ਗੇਮ ਦੌਰਾਨ ਸਾਰਾ ਤੋਂ ਪੁੱਛਦਾ ਹੈ, ਅਨੰਨਿਆ ਕੋਲ ਕੀ ਹੈ ਜੋ ਤੁਹਾਡੇ ਕੋਲ ਨਹੀਂ ਹੈ। ਜਵਾਬ ਵਿੱਚ, ਸਾਰਾ ਕਹਿੰਦੀ ਹੈ ਕਿ ਦਿ ਨਾਈਟ ਮੈਨੇਜਰ... ਇਹ ਸੁਣ ਕੇ ਅਨੰਨਿਆ ਸ਼ਰਮ ਨਾਲ ਅੱਖਾਂ ਨੀਵੀਆਂ ਕਰਦੀ ਨਜ਼ਰ ਆ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਆਦਿਤਿਆ ਰਾਏ ਕਪੂਰ 'ਦਿ ਨਾਈਟ ਮੈਨੇਜਰ' ਵੈੱਬ ਸੀਰੀਜ਼ 'ਚ ਨਜ਼ਰ ਆਏ ਸਨ।
View this post on Instagram
ਸ਼ੁਭਮਨ ਅਤੇ ਸਾਰਾ ਤੇਂਦੁਲਕਰ ਨੂੰ ਕਈ ਵਾਰ ਇਕੱਠੇ ਹੋ ਚੁੱਕੇ ਸਪੌਟ
ਕਈ ਦਿਨ ਪਹਿਲਾਂ ਭਾਰਤੀ ਕ੍ਰਿਕਟਰ ਸ਼ੁਭਮਨ ਗਿੱਲ ਅਤੇ ਸਾਰਾ ਅਲੀ ਖਾਨ ਦੇ ਡੇਟਿੰਗ ਦੀਆਂ ਅਫਵਾਹਾਂ ਸਾਹਮਣੇ ਆਈਆਂ ਸਨ, ਜਿਸ ਤੋਂ ਬਾਅਦ ਸ਼ੁਭਮਨ ਦਾ ਨਾਂ ਸਚਿਨ ਤੇਂਦੁਲਕਰ ਦੀ ਬੇਟੀ ਸਾਰਾ ਅਲੀ ਖਾਨ ਨਾਲ ਜੁੜ ਗਿਆ ਸੀ। ਉਦੋਂ ਤੋਂ ਲੈ ਕੇ ਹੁਣ ਤੱਕ ਸਾਰਾ ਤੇਂਦੁਕਲਰ ਨੂੰ ਕਈ ਵਾਰ ਸ਼ੁਭਮਨ ਨਾਲ ਗੁਪਤ ਰੂਪ ਨਾਲ ਦੇਖਿਆ ਜਾ ਚੁੱਕਾ ਹੈ। ਹਾਲ ਹੀ 'ਚ ਸਾਰਾ ਤੇਂਦੁਲਕਰ ਨੂੰ ਆਈਸੀਸੀ ਦੇ ਇਕ ਮੈਚ 'ਚ ਸ਼ੁਭਮਨ ਗਿੱਲ ਨੂੰ ਚੀਅਰ ਕਰਦੇ ਦੇਖਿਆ ਗਿਆ। ਸਾਰਾ ਨੇ ਕ੍ਰਿਕਟਰ ਦੇ ਅਰਧ ਸੈਂਕੜੇ 'ਤੇ ਖੜ੍ਹੇ ਹੋ ਕੇ ਸਵਾਗਤ ਕੀਤਾ। 'ਕੌਫੀ ਵਿਦ ਕਰਨ 8' ਦਾ ਇਹ ਐਪੀਸੋਡ ਵੀਰਵਾਰ ਨੂੰ ਡਿਜ਼ਨੀ ਪਲੱਸ ਹੌਟਸਟਾਰ 'ਤੇ ਪ੍ਰਸਾਰਿਤ ਹੋਵੇਗਾ।
ਇਹ ਵੀ ਪੜ੍ਹੋ: ਅਨੁਸ਼ਕਾ ਸ਼ਰਮਾ ਦੇ ਗਾਣੇ 'ਤੇ ਪਤੀ ਵਿਰਾਟ ਕੋਹਲੀ ਨੇ ਮੈਚ ਦੌਰਾਨ ਕੀਤਾ ਅਜਿਹਾ ਡਾਂਸ, ਵੀਡੀਓ ਹੋਇਆ ਵਾਇਰਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
