LSD 2: 'ਲਵ ਸੈਕਸ ਔਰ ਧੋਖਾ 2' ਦਾ ਟੀਜ਼ਰ ਰਿਲੀਜ਼, ਉਰਫੀ ਜਾਵੇਦ ਨੇ ਲਾਇਆ ਬੋਲਡਨੈਸ ਦਾ ਤੜਕਾ, ਫੈਮਿਲੀ ਨਾਲ ਨਾ ਦੇਖਣਾ ਇਹ ਫਿਲਮ
LSD 2 Teaser: ਏਕਤਾ ਕਪੂਰ ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ 'LSD 2' ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਏਕਤਾ ਕਪੂਰ ਦੀ ਇਸ ਬੋਲਡ ਫਿਲਮ 'ਚ ਉਰਫੀ ਜਾਵੇਦ ਅਤੇ ਅਨੁ ਮਲਿਕ ਨੇ ਵੀ ਐਂਟਰੀ ਕੀਤੀ ਹੈ।
LSD 2 Teaser: ਏਕਤਾ ਕਪੂਰ ਦੀ ਬਹੁਤ ਹੀ ਉਡੀਕੀ ਜਾ ਰਹੀ ਫਿਲਮ 'LSD' (ਲਵ ਸੈਕਸ ਔਰ ਧੋਖਾ) ਦੇ ਸੀਕਵਲ ਨੂੰ ਲੈ ਕੇ ਕਾਫੀ ਸਮੇਂ ਤੋਂ ਚਰਚਾ ਸੀ। ਇਹ ਫਿਲਮ ਆਪਣੇ ਐਲਾਨ ਤੋਂ ਬਾਅਦ ਤੋਂ ਹੀ ਸੁਰਖੀਆਂ ਵਿੱਚ ਹੈ। ਇਸ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕ ਵੀ ਕਾਫੀ ਉਤਸ਼ਾਹਿਤ ਹਨ। ਹੁਣ ਮੇਕਰਸ ਨੇ ਫਿਲਮ ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ, ਜੋ ਕਾਫੀ ਬੋਲਡ ਅਤੇ ਖਤਰਨਾਕ ਹੈ।
'LSD 2' ਦਾ ਟੀਜ਼ਰ
ਟੀਜ਼ਰ ਵਿੱਚ ਡਿਜੀਟਲ ਯੁੱਗ ਦੀਆਂ ਪ੍ਰੇਮ ਕਹਾਣੀਆਂ ਨੂੰ ਦਰਸਾਇਆ ਗਿਆ ਹੈ, ਜਿੱਥੇ ਅੱਜ ਦੀ ਪੀੜ੍ਹੀ ਬਿਨਾਂ ਸੋਚੇ-ਸਮਝੇ ਪਿਆਰ ਵਿੱਚ ਕਿਸੇ ਵੀ ਹੱਦ ਤੱਕ ਚਲੀ ਜਾਂਦੀ ਹੈ। ਖਾਸ ਗੱਲ ਇਹ ਹੈ ਕਿ ਟੀਜ਼ਰ 'ਚ ਉਰਫੀ ਜਾਵੇਦ ਦੀ ਝਲਕ ਵੀ ਦੇਖਣ ਨੂੰ ਮਿਲ ਰਹੀ ਹੈ।
View this post on Instagram
ਲੋਕਾਂ ਨੇ ਕੀਤੇ ਨੈਗਟਿਵ ਕਮੈਂਟਸ
ਫਿਲਮ ਦੇ ਟੀਜ਼ਰ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋ ਰਹੀ ਹੈ। ਟੀਜ਼ਰ 'ਤੇ ਕਮੈਂਟਸ ਦਾ ਹੜ੍ਹ ਆ ਗਿਆ ਹੈ। ਟੀਜ਼ਰ ਨੂੰ ਲੈ ਕੇ ਯੂਜ਼ਰਸ ਵਲੋਂ ਨਕਾਰਾਤਮਕ ਸਮੀਖਿਆਵਾਂ ਆ ਰਹੀਆਂ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਇਨ੍ਹਾਂ ਲੋਕਾਂ ਨੇ ਅੱਜ ਦੀ ਨੌਜਵਾਨ ਪੀੜ੍ਹੀ ਨੂੰ ਬਰਬਾਦ ਕਰਨ 'ਚ ਕੋਈ ਕਸਰ ਨਹੀਂ ਛੱਡੀ। ਜਿਸ ਕਾਰਨ ਲੋਕ ਡਿਪ੍ਰੈਸ਼ਨ ਵਿੱਚ ਜਾ ਰਹੇ ਹਨ। ਇਸ ਲਈ ਇਕ ਹੋਰ ਯੂਜ਼ਰ ਨੇ ਇਸ ਨੂੰ 'ਥਰਡ ਕਲਾਸ' ਫਿਲਮ ਕਿਹਾ ਹੈ। ਤਾਂ ਇੱਕ ਵਿਅਕਤੀ ਨੇ ਲਿਖਿਆ, 'ਇਹ ਕੀ ਬਣਾ ਦਿੱਤਾ ਯਾਰ...'
ਟੀਜ਼ਰ ਰਿਲੀਜ਼ ਤੋਂ ਪਹਿਲਾਂ ਨਿਰਦੇਸ਼ਕ ਨੇ ਦਿੱਤੀ ਸੀ ਚੇਤਾਵਨੀ
ਟੀਜ਼ਰ ਰਿਲੀਜ਼ ਤੋਂ ਇਕ ਦਿਨ ਪਹਿਲਾਂ ਫਿਲਮ ਦੇ ਨਿਰਦੇਸ਼ਕ ਦਿਬਾਰਕਰ ਬੈਨਰਜੀ ਨੇ ਇਕ ਡਿਸਕਲੇਮਰ ਜਾਰੀ ਕੀਤਾ ਸੀ, ਜਿਸ 'ਚ ਉਨ੍ਹਾਂ ਨੇ ਲੋਕਾਂ ਨੂੰ ਅਜੀਬ ਅਪੀਲ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਸੀ ਕਿ 'ਜਿਸ ਤਰ੍ਹਾਂ ਅਸੀਂ ਐਲਐਸਡੀ ਦਾ ਪਹਿਲਾ ਭਾਗ ਬਣਾਇਆ ਸੀ, ਇਸ ਦਾ ਸੀਕਵਲ ਵੀ ਅਜਿਹਾ ਹੀ ਹੈ। ਅਸੀਂ ਫਿਲਮ ਵਿੱਚ ਆਪਣੇ ਆਲੇ-ਦੁਆਲੇ ਦੀ ਸੱਚਾਈ ਨੂੰ ਹੀ ਦਿਖਾਇਆ ਹੈ। ਪਰ ਅੱਜ ਕੱਲ੍ਹ ਸੱਚ ਨੂੰ ਮੰਨਣ ਦੀ ਬਜਾਏ ਇਸ ਨੂੰ ਨਜ਼ਰਅੰਦਾਜ਼ ਕਰਨ ਦਾ ਫੈਸ਼ਨ ਕੁਝ ਵੱਧ ਗਿਆ ਹੈ। ਜੇਕਰ ਤੁਸੀਂ ਵੀ ਇਸ ਫੈਸ਼ਨ 'ਚ ਹੋ ਤਾਂ ਫਿਲਮ ਦਾ ਟੀਜ਼ਰ ਨਾ ਦੇਖੋ।
ਨਿਰਦੇਸ਼ਕ ਨੇ ਬੱਚਿਆਂ ਨੂੰ ਇਸ ਦਾ ਟ੍ਰੇਲਰ ਦੇਖਣ ਤੋਂ ਵੀ ਮਨ੍ਹਾ ਕੀਤਾ ਹੈ। ਉਨ੍ਹਾਂ ਨੇ ਬਾਲਗਾਂ ਨੂੰ ਵੀ ਪਰਿਵਾਰ ਨਾਲ ਫਿਲਮ ਨਾ ਦੇਖਣ ਦੀ ਸਲਾਹ ਦਿੱਤੀ। ਤੁਹਾਨੂੰ ਦੱਸ ਦੇਈਏ ਕਿ 'LSD 2' 19 ਅਪ੍ਰੈਲ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਲਈ ਤਿਆਰ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
