(Source: ECI/ABP News)
Cannes Film Festival: 5 ਲੱਖ ਕਿਸਾਨਾਂ ਨੇ 2-2 ਰੁਪਏ ਦੇ ਕੇ ਬਣਵਾਈ ਸੀ ਇਹ ਫਿਲਮ, 48 ਸਾਲ ਬਾਅਦ ਕਾਨਸ ਫਿਲਮ ਫੈਸਟੀਵਲ 'ਚ ਹੋਵੇਗਾ ਸਪੈਸ਼ਲ ਸ਼ੋਅ
ਇਸ ਫਿਲਮ ਨੂੰ ਹਿੰਦੀ ਸਿਨੇਮਾ ਵਿੱਚ ਮੀਲ ਦਾ ਪੱਥਰ ਮੰਨਿਆ ਜਾਂਦਾ ਹੈ। ਜਿਸ ਨੂੰ ਕਾਨਸ ਫਿਲਮ ਫੈਸਟੀਵਲ ਦੌਰਾਨ ਸਾਲੇ ਬੁਨੁਅਲ 'ਚ ਦਿਖਾਇਆ ਜਾ ਰਿਹਾ ਹੈ। ਇਹ ਫ਼ਿਲਮ ਸ਼ਿਆਮ ਬੈਨੇਗਲ ਦੀ ਯਾਦਗਾਰ ਰਚਨਾ ਮੰਥਨ ਹੈ।
Manthan Film At Cannes Film Festival: ਕਾਨਸ ਫਿਲਮ ਫੈਸਟੀਵਲ ਦਾ 77ਵਾਂ ਐਡੀਸ਼ਨ ਦਰਸ਼ਕਾਂ ਲਈ ਇਕ ਸ਼ਾਨਦਾਰ ਹਿੰਦੀ ਫਿਲਮ ਬਣਨ ਜਾ ਰਿਹਾ ਹੈ। ਇਸ ਫਿਲਮ ਨੂੰ ਹਿੰਦੀ ਸਿਨੇਮਾ ਵਿੱਚ ਮੀਲ ਦਾ ਪੱਥਰ ਮੰਨਿਆ ਜਾਂਦਾ ਹੈ। ਜਿਸ ਨੂੰ ਕਾਨ ਫਿਲਮ ਫੈਸਟੀਵਲ ਦੌਰਾਨ ਸਾਲੇ ਬੁਨੁਅਲ 'ਚ ਦਿਖਾਇਆ ਜਾ ਰਿਹਾ ਹੈ। ਇਹ ਫ਼ਿਲਮ ਸ਼ਿਆਮ ਬੈਨੇਗਲ ਦੀ ਯਾਦਗਾਰ ਰਚਨਾ ਮੰਥਨ ਹੈ, ਜਿਸ ਵਿੱਚ ਸਮਿਤਾ ਪਾਟਿਲ ਦੀ ਸ਼ਾਨਦਾਰ ਅਦਾਕਾਰੀ ਦੇਖਣ ਨੂੰ ਮਿਲੀ ਸੀ। ਇਹ ਇਕਲੌਤੀ ਭਾਰਤੀ ਫ਼ਿਲਮ ਹੈ ਜਿਸ ਨੂੰ ਇਸ ਸਾਲ ਕਾਨਸ ਦੇ ਕਲਾਸਿਕ ਸੈਕਸ਼ਨ ਵਿੱਚ ਦਿਖਾਉਣ ਲਈ ਚੁਣਿਆ ਗਿਆ ਹੈ। ਸਮਿਤਾ ਪਾਟਿਲ ਤੋਂ ਇਲਾਵਾ ਫਿਲਮ ਵਿੱਚ ਨਸੀਰੂਦੀਨ ਸ਼ਾਹ, ਗਿਰੀਸ਼ ਕਰਨਾਡ, ਕੁਲਭੂਸ਼ਣ ਖਰਬੰਦਾ, ਮੋਹਨ ਆਗਾਸੇ, ਆਨੰਦ ਨਾਗ ਅਤੇ ਅਮਰੀਸ਼ ਪੁਰੀ ਵੀ ਹਨ।
ਸ਼ਿਆਮ ਬੈਨੇਗਲ ਦੀ ਮੰਥਨ ਫਿਲਮ ਦੇਸ਼ ਦੀ ਮਸ਼ਹੂਰ ਦੁੱਧ ਕ੍ਰਾਂਤੀ 'ਤੇ ਆਧਾਰਿਤ ਹੈ, ਜਿਸ ਦੀ ਸ਼ੁਰੂਆਤ ਕਦੇ ਵਰਗੀਸ ਕੁਰੀਅਨ ਨੇ ਦੇਸ਼ 'ਚ ਕੀਤੀ ਸੀ। ਉਨ੍ਹਾਂ ਨੂੰ ਦੇਸ਼ ਵਿੱਚ ਚਿੱਟੀ ਕ੍ਰਾਂਤੀ ਦਾ ਪਿਤਾਮਾ ਵੀ ਕਿਹਾ ਜਾਂਦਾ ਹੈ। ਫਿਲਮ ਦੀ ਖਾਸ ਗੱਲ ਇਹ ਹੈ ਕਿ ਇਸ ਦੇ ਨਿਰਮਾਤਾ ਕੋਈ ਵੱਡਾ ਅਮੀਰ ਪ੍ਰੋਡਕਸ਼ਨ ਹਾਊਸ ਨਹੀਂ, ਸਗੋਂ ਪੰਜ ਲੱਖ ਡੇਅਰੀ ਫਾਰਮਰ ਸਨ। ਜੋ ਗੁਜਰਾਤ ਕੋਆਪ੍ਰੇਟਿਵ ਮਿਲਕ ਮਾਰਕੀਟਿੰਗ ਫੈਡਰੇਸ਼ਨ ਨਾਲ ਜੁੜੇ ਹੋਏ ਸਨ। ਗੁਜਰਾਤ ਦੀ ਪਿੱਠਭੂਮੀ 'ਤੇ ਬਣੀ ਇਹ ਫਿਲਮ ਦੇਸ਼ ਦੀ ਪਹਿਲੀ ਕਰਾਊਡ ਫੰਡਿੰਗ (ਬਹੁਤੇ ਲੋਕਾਂ ਵੱਲੋਂ ਜਾਰੀ ਕੀਤਾ ਫੰਡ ਜਾਂ ਲਾਏ ਗਏ ਪੈਸੇ) ਵਾਲੀ ਫਿਲਮ ਸੀ। ਜਿਸ ਲਈ ਦੇਸ਼ ਭਰ ਦੇ ਪੰਜ ਲੱਖ ਕਿਸਾਨਾਂ ਨੂੰ ਰੁ. ਦਾਨ ਕੀਤਾ ਸੀ। ਵਰਗੀਸ ਕੁਰੀਅਨ ਨੇ ਖੁਦ ਵਿਜੇ ਤੇਂਦੁਲਕਰ ਨਾਲ ਮਿਲ ਕੇ ਫਿਲਮ ਦੀ ਕਹਾਣੀ ਲਿਖੀ ਸੀ।
ਮੰਥਨ ਫਿਲਮ ਨੇ ਸਾਲ 1977 ਵਿੱਚ ਦੋ ਨੈਸ਼ਨਲ ਫਿਲਮ ਅਵਾਰਡ ਜਿੱਤੇ ਸਨ। ਇੱਕ ਬੈਸਟ ਫੀਚਰ ਫਿਲਮ ਲਈ ਸੀ ਅਤੇ ਦੂਜੀ ਬੈਸਟ ਸਕ੍ਰੀਨਪਲੇ ਲਈ ਸੀ, ਜੋ ਵਿਜੇ ਤੇਂਦੁਲਕਰ ਨੂੰ ਦਿੱਤੀ ਗਈ ਸੀ। 1976 ਵਿੱਚ, ਇਹ ਆਸਕਰ ਲਈ ਭਾਰਤੀ ਅਧਿਕਾਰਤ ਐਂਟਰੀ ਵੀ ਬਣ ਗਿਆ। ਹੁਣ ਜਦੋਂ ਇਹ ਫਿਲਮ ਕਾਨਸ 'ਚ ਦਿਖਾਈ ਜਾ ਰਹੀ ਹੈ ਤਾਂ ਨਸੀਰੂਦੀਨ ਸ਼ਾਹ ਅਤੇ ਸਮਿਤਾ ਪਾਟਿਲ ਦੇ ਪਰਿਵਾਰ ਵੀ ਇਸ ਨੂੰ ਦੇਖਣ ਆਉਣਗੇ। ਫਿਲਮ ਦੇ ਨਿਰਮਾਤਾ ਅਤੇ ਫਿਲਮ ਹੈਰੀਟੇਜ ਫਾਊਂਡੇਸ਼ਨ ਦੇ ਸ਼ਵਿੰਦਰ ਸਿੰਘ ਡੂੰਗਰਪੁਰ ਵੀ ਉਥੇ ਮੌਜੂਦ ਰਹਿਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
