![ABP Premium](https://cdn.abplive.com/imagebank/Premium-ad-Icon.png)
Masaba Gupta: ਪ੍ਰੈਗਨੈਂਟ ਹੈ ਮਸ਼ਹੂਰ ਬਾਲੀਵੁੱਡ ਅਦਾਕਾਰਾ ਨੀਨਾ ਗੁਪਤਾ ਦੀ ਧੀ ਮਸਾਬਾ, ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਖੁਸ਼ਖਬਰੀ
Masaba Gupta Announces 1st Pregnancy: ਨੀਨਾ ਗੁਪਤਾ ਦੇ ਘਰ 'ਚ ਜਲਦ ਹੀ ਖੁਸ਼ੀਆਂ ਆਉਣ ਵਾਲੀਆਂ ਹਨ। ਅਦਾਕਾਰਾ ਨਾਨੀ ਬਣਨ ਜਾ ਰਹੀ ਹੈ। ਉਨ੍ਹਾਂ ਦੀ ਬੇਟੀ ਮਸਾਬਾ ਗੁਪਤਾ ਗਰਭਵਤੀ ਹੈ।
![Masaba Gupta: ਪ੍ਰੈਗਨੈਂਟ ਹੈ ਮਸ਼ਹੂਰ ਬਾਲੀਵੁੱਡ ਅਦਾਕਾਰਾ ਨੀਨਾ ਗੁਪਤਾ ਦੀ ਧੀ ਮਸਾਬਾ, ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਖੁਸ਼ਖਬਰੀ masaba-gupta-and-satyadeep-misra-announce-first-pregnancy-neena-gupta-shares-photo Masaba Gupta: ਪ੍ਰੈਗਨੈਂਟ ਹੈ ਮਸ਼ਹੂਰ ਬਾਲੀਵੁੱਡ ਅਦਾਕਾਰਾ ਨੀਨਾ ਗੁਪਤਾ ਦੀ ਧੀ ਮਸਾਬਾ, ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਖੁਸ਼ਖਬਰੀ](https://feeds.abplive.com/onecms/images/uploaded-images/2024/04/19/41d8bb13de6967d44b908c013b2eb08a1713499518251469_original.png?impolicy=abp_cdn&imwidth=1200&height=675)
Masaba Gupta Announces 1st Pregnancy: ਮਸਾਬਾ ਗੁਪਤਾ ਅਤੇ ਉਸ ਦਾ ਪਤੀ ਸਤਿਆਦੀਪ ਮਿਸ਼ਰਾ ਜਲਦ ਹੀ ਆਪਣੇ ਘਰ ਇੱਕ ਛੋਟੇ ਮਹਿਮਾਨ ਦਾ ਸਵਾਗਤ ਕਰਨ ਜਾ ਰਹੇ ਹਨ। ਮਸਾਬਾ ਗੁਪਤਾ ਗਰਭਵਤੀ ਹੈ ਅਤੇ ਜਲਦੀ ਹੀ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦੇਣ ਜਾ ਰਹੀ ਹੈ। ਮਸਾਬਾ ਅਤੇ ਸਤਿਆਦੀਪ ਮਿਸ਼ਰਾ ਨੇ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਨਾਲ ਇਹ ਖੁਸ਼ਖਬਰੀ ਸਾਂਝੀ ਕੀਤੀ ਹੈ।
ਮਾਂ ਬਣਨ ਜਾ ਰਹੀ ਮਸਾਬਾ ਗੁਪਤਾ
ਉਸ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਪਿਆਰੀ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ ਕਿ ਦੋ ਛੋਟੇ ਕਦਮ ਜਲਦੀ ਹੀ ਸਾਡੇ ਵੱਲ ਵਧ ਰਹੇ ਹਨ। ਤੁਹਾਡੇ ਪਿਆਰ ਅਤੇ ਦੁਆਵਾਂ ਦੇ ਨਾਲ-ਨਾਲ ਕੇਲੇ ਦੇ ਚਿਪਸ ਦੀ ਵੀ ਸਖ਼ਤ ਲੋੜ ਹੈ। ਇਹ ਖੁਸ਼ਖਬਰੀ ਸਾਹਮਣੇ ਆਉਂਦੇ ਹੀ ਵਧਾਈਆਂ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ। ਪੋਸਟ 'ਤੇ ਕਮੈਂਟਸ ਦਾ ਹੜ੍ਹ ਆ ਗਿਆ ਹੈ। ਹਰ ਕੋਈ ਜੋੜੇ ਨੂੰ ਮਾਤਾ-ਪਿਤਾ ਬਣਨ ਲਈ ਵਧਾਈਆਂ ਦੇ ਰਿਹਾ ਹੈ।
View this post on Instagram
ਨੀਨਾ ਗੁਪਤਾ ਨੇ ਜ਼ਾਹਰ ਕੀਤੀ ਖੁਸ਼ੀ
ਇੱਕ ਪਾਸੇ ਜਿੱਥੇ ਮਸਾਬਾ ਨੇ ਇਹ ਖੁਸ਼ਖਬਰੀ ਸਾਂਝੀ ਕੀਤੀ ਹੈ, ਉੱਥੇ ਹੀ ਦੂਜੇ ਪਾਸੇ ਨੀਨਾ ਗੁਪਤਾ ਵੀ ਨਾਨੀ ਬਣਨ ਦੀ ਖੁਸ਼ੀ ਵਿੱਚ ਝੂਮ ਰਹੀ ਹੈ। ਇੰਸਟਾਗ੍ਰਾਮ 'ਤੇ ਮਸਾਬਾ ਅਤੇ ਸਤਿਆਦੀਪ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਨੀਨਾ ਗੁਪਤਾ ਨੇ ਲਿਖਿਆ, 'ਸਾਡੇ ਬੱਚਿਆਂ ਦਾ ਬੱਚਾ ਆਉਣ ਵਾਲਾ ਹੈ। ਇਸ ਤੋਂ ਵੱਡੀ ਖੁਸ਼ੀ ਕੀ ਹੋ ਸਕਦੀ ਹੈ...'
View this post on Instagram
ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਜਨਵਰੀ 2023 ਵਿੱਚ ਮਸਾਬਾ ਅਤੇ ਸਤਿਆਦੀਪ ਦਾ ਵਿਆਹ ਹੋਇਆ ਸੀ। ਪਤਾ ਲੱਗਾ ਹੈ ਕਿ ਸਤਿਆਦੀਪ ਅਤੇ ਮਸਾਬਾ ਦੋਵਾਂ ਦਾ ਇਹ ਦੂਜਾ ਵਿਆਹ ਹੈ। ਸਤਿਆਦੀਪ ਬਾਲੀਵੁੱਡ ਅਦਾਕਾਰਾ ਅਦਿਤੀ ਰਾਓ ਹੈਦਰੀ ਦਾ ਸਾਬਕਾ ਪਤੀ ਹੈ। ਸਤਿਆਦੀਪ ਤੋਂ ਪਹਿਲਾਂ ਮਸਾਬਾ ਨੇ ਸਾਲ 2015 'ਚ ਨਿਰਮਾਤਾ ਮਧੂ ਮੰਟੇਨਾ ਨਾਲ ਵਿਆਹ ਕੀਤਾ ਸੀ। ਪਰ ਬਦਕਿਸਮਤੀ ਨਾਲ ਉਨ੍ਹਾਂ ਦਾ ਰਿਸ਼ਤਾ ਜ਼ਿਆਦਾ ਦਿਨ ਨਹੀਂ ਚੱਲ ਸਕਿਆ ਅਤੇ ਸਾਲ 2019 'ਚ ਉਨ੍ਹਾਂ ਦਾ ਤਲਾਕ ਹੋ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)