Shareek ਬਣ ਵੱਡੇ ਪਰਦੇ 'ਤੇ ਇਸ ਦਿਨ ਆ ਰਹੇ ਜਿੰਮੀ ਸ਼ੇਰਗਿੱਲ ਤੇ ਦੇਵ ਖਰੌੜ
ਦੱਸ ਦਈਏ ਕਿ 2015 ਰਿਲੀਜ਼ ਹੋਈ ਸ਼ਰੀਕ ਬਾਕਸ ਆਫਿਸ 'ਤੇ ਵੱਡੀ ਹਿੱਟ ਸਾਬਤ ਹੋਈ ਸੀ ਤੇ ਜਦੋਂ ਤੋਂ ਇਸ ਦੇ ਸੀਕਵਲ ਦੇ ਐਲਾਨ ਕੀਤਾ ਗਿਆ ਫੈਨਸ ਦੀ ਐਕਸਾਈਟਮੈਂਟ ਦਾ ਕੋਈ ਅੰਦਾਜ਼ਾ ਨਹੀਂ ਲਾ ਸਕਦਾ ਸੀ।
Dev Kharoud And Jimmy Sheirgill Starrer Upcoming Punjabi Movie Shareek 2 Gets A New Release Date
ਚੰਡੀਗੜ੍ਹ: 2022 ਨਵੀਆਂ ਪੰਜਾਬੀ ਫਿਲਮਾਂ ਦੇ ਲਿਹਾਜ਼ ਨਾਲ ਕਾਫੀ ਬਿਜ਼ੀ ਨਜ਼ਰ ਆ ਰਿਹਾ ਹੈ। ਐਲਾਨੀਆਂ ਜਾ ਰਹੀਆਂ ਨਵੀਆਂ ਫ਼ਿਲਮਾਂ ਤੋਂ ਇਲਾਵਾ, ਪਹਿਲਾਂ ਐਲਾਨੀਆਂ ਫ਼ਿਲਮਾਂ ਨੂੰ ਵੀ ਨਵੇਂ ਅੰਦਾਜ਼ ਨਾਲ ਪੇਸ਼ ਕੀਤੇ ਜਾਣ ਦੀ ਪੂਰੀ ਤਿਆਰੀ ਹੈ ਤੇ ਉਨ੍ਹਾਂ ਫਿਲਮਾਂ ਨੂੰ ਨਵੀਆਂ ਰਿਲੀਜ਼ ਡੇਟਸ ਵੀ ਮਿਲ ਰਹੀਆਂ ਹਨ। ਹੁਣ ਜਿਸ ਪੰਜਾਬੀ ਫਿਲਮ ਨੂੰ ਨਵੀਂ ਰਿਲੀਜ਼ ਡੇਟ ਮਿਲੀ ਹੈ, ਉਹ ਹੈ Shareek 2, ਜਿਸ 'ਚ ਤੁਹਾਨੂੰ ਜਿੰਮੀ ਸ਼ੇਰਗਿੱਲ ਨਾਲ ਦੇਵ ਖਰੌੜ ਨਜ਼ਰ ਆਉਣਗੇ।
ਦੱਸ ਦਈਏ ਕਿ 2015 ਰਿਲੀਜ਼ ਹੋਈ ਸ਼ਰੀਕ ਬਾਕਸ ਆਫਿਸ 'ਤੇ ਵੱਡੀ ਹਿੱਟ ਸਾਬਤ ਹੋਈ ਸੀ ਤੇ ਜਦੋਂ ਤੋਂ ਇਸ ਦੇ ਸੀਕਵਲ ਦੇ ਐਲਾਨ ਕੀਤਾ ਗਿਆ ਫੈਨਸ ਦੀ ਐਕਸਾਈਟਮੈਂਟ ਦਾ ਕੋਈ ਅੰਦਾਜ਼ਾ ਨਹੀਂ ਲਾ ਸਕਦਾ ਸੀ। 'ਸ਼ਰੀਕ 2' ਦੀ ਰਿਲੀਜ਼ ਦਾ ਲੰਬੇ ਸਮੇਂ ਤੋਂ ਇੰਤਜ਼ਾਰ ਸੀ। ਫਿਲਮ ਪਹਿਲਾਂ 24 ਜੁਲਾਈ, 2020 ਨੂੰ ਰਿਲੀਜ਼ ਹੋਣੀ ਸੀ ਪਰ ਕੋਰੋਨਾਵਾਇਰਸ ਮਹਾਂਮਾਰੀ ਕਾਰਨ ਇਸ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਸੀ। ਫਿਰ ਇਸ ਦੀ 2021 ਵਿੱਚ ਰਿਲੀਜ਼ ਹੋਣ ਦੀ ਉਮੀਦ ਸੀ ਪਰ ਟੀਮ ਵੱਲੋਂ ਇਸ ਦੀਆਂ ਤਰੀਕਾਂ ਨੂੰ ਕਦੇ ਵੀ ਐਲਾਨ ਨਹੀਂ ਕੀਤਾ ਗਿਆ।
View this post on Instagram
2022 ਨੇ ਇਸਦੀ ਰਿਲੀਜ਼ ਦੀਆਂ ਉਮੀਦਾਂ ਨੂੰ ਖ਼ਤਮ ਕੀਤਾ ਤੇ ਸ਼ਰੀਕ 2 ਦੀ ਰਿਲੀਜ਼ ਡੇਟ 29 ਅਪ੍ਰੈਲ 2022 ਤੈਅ ਕੀਤੀ ਗਈ। ਇਸ ਮਹੀਨੇ ਫਿਲਮ ਦੇ ਰਿਲੀਜ਼ ਹੋਣ ਦਾ ਇੰਤਜ਼ਾਰ ਸੀ ਪਰ ਹਾਲ ਹੀ ਵਿੱਚ ਨਿਰਮਾਤਾਵਾਂ ਨੇ ਫਿਲਮ ਦੀ ਇੱਕ ਹੋਰ ਤਾਜ਼ਾ ਰਿਲੀਜ਼ ਡੇਟ ਦੇ ਨਾਲ ਇੱਕ ਪੋਸਟ ਅਪਲੋਡ ਕੀਤੀ ਹੈ। ਇਸ ਪੋਸਟ ਮੁਤਾਬਕ ਹੁਣ ਸ਼ਰੀਕ 2 ਇਸੇ ਸਾਲ 29 ਜੁਲਾਈ 2022 ਨੂੰ ਰਿਲੀਜ਼ ਹੋਵੇਗੀ।
ਇਸ ਫਿਲਮ ਵਿੱਚ ਦੇਵ ਖਰੌੜ ਤੇ ਜਿੰਮੀ ਸ਼ੇਰਗਿੱਲ ਲੀਡ ਰੋਲ ਅਤੇ ਵਿਰੋਧੀ ਭੂਮਿਕਾਵਾਂ ਵਿੱਚ ਹਨ। ਨਵਨੀਤ ਸਿੰਘ ਵਲੋਂ ਨਿਰਦੇਸ਼ਤ ਤੇ ਵ੍ਹਾਈਟ ਹਿੱਲ ਸਟੂਡੀਓਜ਼ ਤੇ ਵਿਵੇਕ ਓਹਰੀ ਦੁਆਰਾ ਨਿਰਮਿਤ, ਦੋ ਭਰਾਵਾਂ ਜਸਵੰਤ ਰੰਧਾਵਾ (ਜਿੰਮੀ) ਤੇ ਗੁਰਬਾਜ਼ ਰੰਧਾਵਾ (ਦੇਵ) ਦੇ ਆਲੇ ਦੁਆਲੇ ਘੁੰਮਦੀ ਹੈ। ਇਸ ਫਿਲਮ ਵਿੱਚ ਯੋਗਰਾਜ ਸਿੰਘ ਵੀ ਨਜ਼ਰ ਆਉਣਗੇ ਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਨ੍ਹਾਂ ਦਾ ਕਿਰਦਾਰ ਜਿੰਮੀ ਤੇ ਦੇਵ ਦੇ ਪਿਤਾ ਦਾ ਕਿਰਦਾਰ ਨਿਭਾਉਣਗੇ।
ਇਹ ਵੀ ਪੜ੍ਹੋ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
