Parmish Verma: ਪਰਮੀਸ਼ ਵਰਮਾ ਪੱਬ 'ਚ ਲੋਕਾਂ ਨੂੰ ਸ਼ਰਾਬ ਸਰਵ ਕਰਦਾ ਆਇਆ ਨਜ਼ਰ, ਗਾਇਕ ਬਣਨ ਤੋਂ ਪਹਿਲਾਂ ਕਰਦਾ ਸੀ ਇਹ ਨੌਕਰੀ
Parmish Verma Video: ਪਰਮੀਸ਼ ਵਰਮਾ ਇੰਨੀਂ ਦਿਨੀਂ ਮੱਧ ਪ੍ਰਦੇਸ਼ ਦੇ ਸ਼ਹਿਰ ਇੰਦੌਰ ਵਿੱਚ ਹੈ। ਇੱਥੇ ਉਹ ਇੱਕ ਪੱਬ 'ਚ ਲੋਕਾਂ ਨੂੰ ਸ਼ਰਾਬ ਸਰਵ ਕਰਦਾ ਨਜ਼ਰ ਆਇਆ। ਉਸ ਨੇ ਕਿਹਾ ਕਿ ਉਹ ਆਪਣੀਆਂ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕਰ ਰਿਹਾ ਹੈ।
ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Parmish Verma First Job: ਪਰਮੀਸ਼ ਵਰਮਾ ਪੰਜਾਬੀ ਇੰਡਸਟਰੀ ਦੇ ਟੌਪ ਗਾਇਕਾਂ ਵਿੱਚੋਂ ਇੱਕ ਹੈ। ਉਸ ਨੇ ਆਪਣੇ ਗਾਇਕੀ ਦੇ ਕਰੀਅਰ 'ਚ ਇੰਡਸਟਰੀ ਨੂੰ ਇੱਕ ਤੋਂ ਇੱਕ ਸ਼ਾਨਦਾਰ ਗਾਣੇ ਤੇ ਐਲਬਮਾਂ ਦਿੱਤੀਆਂ ਹਨ। ਇਸ ਦੇ ਨਾਲ ਨਾਲ ਗਾਇਕ ਅਕਸਰ ਹੀ ਲਾਈਮਲਾਈਟ 'ਚ ਰਹਿੰਦਾ ਹੈ। ਹੁਣ ਪਰਮੀਸ਼ ਵਰਮਾ ਦੀ ਇੱਕ ਸੋਸ਼ਲ ਮੀਡੀਆ ਪੋਸਟ ਚਰਚਾ 'ਚ ਬਣੀ ਹੋਈ ਹੈ। ਦਰਅਸਲ, ਗਾਇਕ ਨੂੰ ਆਪਣੇ ਪੁਰਾਣੇ ਦਿਨ ਯਾਦ ਆਏ ਹਨ। ਉਸ ਨੇ ਦੱਸਿਆ ਕਿ ਉਹ ਸ਼ਰਾਬ ਦੇ ਠੇਕੇ 'ਤੇ ਬਾਰਟੈਂਡਰ ਵਜੋਂ ਨੌਕਰੀ ਕਰਦਾ ਹੁੰਦਾ ਸੀ।
ਦੱਸ ਦਈਏ ਕਿ ਗਾਇਕ ਇੰਨੀਂ ਦਿਨੀਂ ਮੱਧ ਪ੍ਰਦੇਸ਼ ਦੇ ਸ਼ਹਿਰ ਇੰਦੌਰ ਵਿੱਚ ਹੈ। ਇੱਥੇ ਉਹ ਇੱਕ ਪੱਬ 'ਚ ਲੋਕਾਂ ਨੂੰ ਸ਼ਰਾਬ ਸਰਵ ਕਰਦਾ ਨਜ਼ਰ ਆਇਆ। ਉਸ ਨੇ ਕਿਹਾ ਕਿ ਉਹ ਆਪਣੀਆਂ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕਰ ਰਿਹਾ ਹੈ, ਜਦੋਂ ਉਹ ਬਾਰਟੈਂਡਰ ਦੀ ਨੌਕਰੀ ਕਰਦਾ ਸੀ।
View this post on Instagram
ਆਸਟਰੇਲੀਆ 'ਚ ਪੜ੍ਹਾਈ ਦੇ ਨਾਲ ਨਾਲ ਕਰਦਾ ਸੀ ਨੌਕਰੀ
ਕੀ ਤੁਹਾਨੂੰ ਪਤਾ ਹੈ ਕਿ ਪਰਮੀਸ਼ ਵਰਮਾ ਗਾਇਕ ਬਣਨ ਤੋਂ ਪਹਿਲਾਂ ਕੀ ਕੰਮ ਕਰਦਾ ਸੀ। ਸ਼ਾਇਦ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਉਹ ਵੀਡੀਓ ਡਾਇਰੈਕਟਰ ਸੀ, ਪਰ ਅਸੀਂ ਇਸ ਤੋਂ ਵੀ ਪਹਿਲਾਂ ਦੀ ਗੱਲ ਕਰ ਰਹੇ ਹਾਂ। ਜੇ ਤੁਹਾਨੂੰ ਨਹੀਂ ਪਤਾ ਤਾਂ ਅਸੀਂ ਦੱਸਦੇ ਹਾਂ ਕਿ ਪਰਮੀਸ਼ ਵਰਮਾ ਗਾਇਕ ਬਣਨ ਤੋਂ ਪਹਿਲਾਂ ਆਸਟਰੇਲੀਆ 'ਚ ਪੜ੍ਹਾਈ ਕਰਦਾ ਸੀ ਤੇ ਨਾਲ ਨਾਲ ਉੱਥੇ ਦੇ ਹੀ ਇੱਕ ਪੱਬ/ਬਾਰ ਵਿੱਚ ਬਾਰਟੈਂਡਰ ਦਾ ਕੰਮ ਕਰਦਾ ਸੀ। ਇੱਥੇ ਉਸ ਨੂੰ ਇੱਕ ਹਫਤੇ 'ਚ 1500 ਡਾਲਰ ਦੀ ਕਮਾਈ ਹੁੰਦੀ ਸੀ।
ਪੱਬ ਦੇ ਮਾਲਕ ਨੇ ਪਰਮੀਸ਼ 'ਤੇ ਚੋਰੀ ਦਾ ਇਲਜ਼ਾਮ ਲਗਾ ਨੌਕਰੀ ਤੋਂ ਕੱਢਿਆ ਸੀ ਬਾਹਰ
ਇੱਕ ਦਿਨ ਪਰਮੀਸ਼ ਦੇ ਬੌਸ ਨੇ ਉਸ 'ਤੇ 20 ਡਾਲਰ ਦੀ ਚੋਰੀ ਦਾ ਇਲਜ਼ਾਮ ਲਗਾਇਆ। ਇਸ 'ਤੇ ਪਰਮੀਸ਼ ਵਰਮਾ ਕਾਫੀ ਨਾਰਾਜ਼ ਹੋਇਆ। ਉਸ ਨੇ ਆਪਣੇ ਬੌਸ ਨੂੰ ਸਮਝਾਇਆ ਕਿ ਉਹ ਇੱਕ ਹਫਤੇ 'ਚ 1500 ਡਾਲਰ ਦੀ ਕਮਾਈ ਕਰਦਾ ਹੈ, ਉਸ ਨੂੰ 20 ਡਾਲਰ ਦੀ ਠੱਗੀ ਮਾਰਨ ਦੀ ਲੋੜ ਨਹੀਂ। ਪਰ ਉਸ ਦੇ ਸੀਨੀਅਰਜ਼ ਨੇ ਉਸ ਦੀ ਗੱਲ 'ਤੇ ਵਿਸ਼ਵਾਸ ਨਹੀਂ ਕੀਤਾ ਅਤੇ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ। ਇਸ ਤੋਂ ਬਾਅਦ ਕੋਈ 5-7 ਸਾਲਾਂ ਬਾਅਦ ਜਦੋਂ ਪਰਮੀਸ਼ ਸਟਾਰ ਬਣਿਆ ਤਾਂ ਆਸਟਰੇਲੀਆ ਦੇ ਉਸੇ ਪੱਬ 'ਚ ਗਿਆ ਅਤੇ ਅੱਗੇ ਜੋ ਹੋਇਆ ਦੇਖੋ ਇਸ ਵੀਡੀਓ 'ਚ:
View this post on Instagram
ਪਰਮੀਸ਼ ਵਰਮਾ ਇੰਨੀਂ ਦਿਨੀਂ ਇੰਦੌਰ ਵਿੱਚ ਹੈ। ਲੱਗਦਾ ਹੈ ਕਿ ਉਹ ਇੰਦੌਰ ਵਿੱਚ ਹੀ ਆਪਣਾ ਨਿਊ ਈਅਰ ਮਨਾਵੇਗਾ। ਕਿਉਂਕਿ ਇੱਥੇ ਪਰਮੀਸ਼ ਵਰਮਾ ਲਾਈਵ ਸ਼ੋਅ ਕਰਨ ਲਈ ਆਇਆ ਹੋਇਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
