![ABP Premium](https://cdn.abplive.com/imagebank/Premium-ad-Icon.png)
Neeru Bajwa: ਰਣਜੀਤ ਬਾਵਾ ਤੇ ਨੀਰੂ ਬਾਜਵਾ ਕਰਨਗੇ ਧਮਾਕਾ, ਗਾਇਕ ਦੇ ਨਵੇਂ ਗੀਤ 'ਪੰਜਾਬ ਵਰਗੀ' 'ਚ ਨਜ਼ਰ ਆਵੇਗੀ ਨੀਰੂ
Ranjiit Bawa: ਰਣਜੀਤ ਬਾਵਾ ਨੇ ਇੱਕ ਹੋਰ ਨਵੇਂ ਗੀਤ 'ਪੰਜਾਬ ਵਰਗੀ' ਦਾ ਐਲਾਨ ਕਰ ਦਿੱਤਾ ਹੈ। ਇਸ ਗਾਣੇ 'ਚ ਬਾਵਾ ਦੇ ਨਾਲ ਨੀਰੂ ਬਾਜਵਾ ਵੀ ਐਕਟਿੰਗ ਕਰਦੀ ਨਜ਼ਰ ਆਉਣ ਵਾਲੀ ਹੈ। ਰਣਜੀਤ ਬਾਵਾ ਨੇ ਰਿਲੀਜ਼ ਤੋਂ ਪਹਿਲਾਂ ਗਾਣੇ ਦਾ ਪੋਸਟਰ ਸ਼ੇਅਰ ਕੀਤਾ
![Neeru Bajwa: ਰਣਜੀਤ ਬਾਵਾ ਤੇ ਨੀਰੂ ਬਾਜਵਾ ਕਰਨਗੇ ਧਮਾਕਾ, ਗਾਇਕ ਦੇ ਨਵੇਂ ਗੀਤ 'ਪੰਜਾਬ ਵਰਗੀ' 'ਚ ਨਜ਼ਰ ਆਵੇਗੀ ਨੀਰੂ punjabi singer ranjit bawa announces his new song punjab vargi featuring actress neeru bajwa Neeru Bajwa: ਰਣਜੀਤ ਬਾਵਾ ਤੇ ਨੀਰੂ ਬਾਜਵਾ ਕਰਨਗੇ ਧਮਾਕਾ, ਗਾਇਕ ਦੇ ਨਵੇਂ ਗੀਤ 'ਪੰਜਾਬ ਵਰਗੀ' 'ਚ ਨਜ਼ਰ ਆਵੇਗੀ ਨੀਰੂ](https://feeds.abplive.com/onecms/images/uploaded-images/2023/08/01/ce4282abb16251bd20f28af2e004078a1690899808802469_original.jpg?impolicy=abp_cdn&imwidth=1200&height=675)
Ranjit Bawa New Song: ਰਣਜੀਤ ਬਾਵਾ ਪੰਜਾਬੀ ਇੰਡਸਟਰੀ ਦੇ ਟੌਪ ਕਲਾਕਾਰਾਂ ਵਿੱਚੋਂ ਇੱਕ ਹੈ। ਉਸ ਨੂੰ ਸਾਫ ਸੁਥਰੀ ਤੇ ਅਰਥ ਭਰਪੂਰ ਗਾਇਕੀ ਦੇ ਲਈ ਜਾਣਿਆ ਜਾਂਦਾ ਹੈ। ਹਾਲ ਹੀ 'ਚ ਰਣਜੀਤ ਬਾਵਾ ਦਾ ਗਾਣਾ 'ਨੀ ਮਿੱਟੀਏ' ਰਿਲੀਜ਼ ਹੋਇਆ ਸੀ। ਇਸ ਗਾਣੇ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ।
ਇਸ ਤੋਂ ਬਾਅਦ ਹੁਣ ਬਾਵਾ ਨੇ ਇੱਕ ਹੋਰ ਨਵੇਂ ਗੀਤ 'ਪੰਜਾਬ ਵਰਗੀ' ਦਾ ਐਲਾਨ ਕਰ ਦਿੱਤਾ ਹੈ। ਇਸ ਗਾਣੇ 'ਚ ਬਾਵਾ ਦੇ ਨਾਲ ਨੀਰੂ ਬਾਜਵਾ ਵੀ ਐਕਟਿੰਗ ਕਰਦੀ ਨਜ਼ਰ ਆਉਣ ਵਾਲੀ ਹੈ। ਰਣਜੀਤ ਬਾਵਾ ਨੇ ਰਿਲੀਜ਼ ਤੋਂ ਪਹਿਲਾਂ ਗਾਣੇ ਦਾ ਪੋਸਟਰ ਸ਼ੇਅਰ ਕੀਤਾ, ਪੋਸਟਰ 'ਤੇ ਨੀਰੂ ਦੀ ਤਸਵੀਰ ਨਜ਼ਰ ਆ ਰਹੀ ਹੈ। ਤਸਵੀਰ 'ਚ ਨੀਰੂ ਦਾ ਸਾਦਗੀ ਭਰਿਆ ਲੁੱਕ ਸਭ ਦਾ ਮਨ ਮੋਹ ਰਿਹਾ ਹੈ।
ਰਣਜੀਤ ਬਾਵਾ ਨੇ ਇਸ ਗਾਣੇ ਦੀ ਰੱਜ ਕੇ ਤਾਰੀਫ ਕੀਤੀ ਹੈ। ਉਸ ਨੇ ਕਿਹਾ, 'ਪੰਜਾਬ ਵਰਗੀ - ਚਰਨ ਲਿਖਾਰੀ ਵੀਰੇ ਨੇ ਜਦੋਂ ਇਹ ਗੀਤ ਭੇਜਿਆ ਮੈ ਇਸ ਗੀਤ ਨੂੰ ਇੰਨੀ ਵਾਰ ਸੁਣਿਆ ਕਿ ਕਿਵੇ ਇੱਕ ਪੰਜਾਬ ਦੀ ਕੁੜੀ ਦੀ ਤਾਰੀਫ ਇੰਨੇ ਸੋਹਣੇ ਤਰੀਕੇ ਨਾਲ ਕੀਤੀ ਜਾ ਸਕਦੀ , ਮੈਨੂੰ ਨਹੀ ਲੱਗਦਾ ਅੱਜ ਤੱਕ ਇਸਤੋਂ ਸੋਹਣੀ ਤਾਰੀਫ ਇੱਕ ਖਿਆਲ ਦੇ ਰੂਪ ਵਿੱਚ ਗੀਤ ਬਣਾ ਕੇ ਕੀਤੀ ਗਈ ਹੋਵੇ 🙏🏻ਇੱਕ ਕੁੜੀ ਦੇ ਦਿਲ ਦੀ ਗੱਲ , ਉਸਦੀ ਨਿਮਰਤਾ , ਉਦਾਸੀ , ਹਾਸਾ , ਹੁਸਨ, ਅਕਲ , ਦਲੇਰੀ , ਇੱਜਤ , ਲਿਆਕਤ, ਹੋਰ ਵੀ ਕਿੰਨਾ ਈ ਕੁਝ ।
ਪੰਜਾਬ ਦੀ ਹਰ ਕੁੜੀ ਮੈਨੂੰ ਇਸ ਗੀਤ ਵਰਗੀ ਲੱਗਦੀ ਹੈ । ਜਦ ਕਦੇ ਵੀ ਮੈ ਚਰਨ ਭਾਜੀ ਦਾ ਗੀਤ ਗਾਉਣਾ ਹੁੰਦਾ ਇੱਕ ਬਹੁਤ ਵੱਡੀ ਜਿੰਮੇਵਾਰੀ ਹੁੰਦੀ ਕਿ ਇਹ ਗੀਤ ਗਾਇਆ ਤੇ ਬਣਾਇਆ ਵੀ ਉੁਨ੍ਹਾਂ ਹੀ ਸੋਹਣਾ ਜਾਵੇ ਜਿੰਨਾ ਭਾਜੀ ਬਾਕਮਾਲ ਲਿਖਦੇ 🙏🏻ਮਾਣ ਵੀ ਮਹਿਸੂਸ ਹੁੰਦਾ ਕਿ ਇਹੋ ਜਿਹੇ ਗੀਤ ਮੇਰੇ ਹਿੱਸੇ ਆਉਦੇਂ , ਬਹੁਤ ਧੰਨਵਾਦ @neerubajwa ਜੀ ਦਾ ਜਿੰਨ੍ਹਾ ਇਸ ਗੀਤ ਨੂੰ ਹੋਰ ਜਿਆਦਾ ਖੂਬਸੂਰਤ ਬਣਾ ਦਿੱਤਾ । ਇਹ ਗੀਤ ਪੰਜਾਬ ਦੀ ਹਰ ਮੁਟਿਆਰ ਦੇ ਨਾਮ 🙏🏻ਸੁਣਕੇ ਮਾਣ ਮਹਿਸੂਸ ਕਰਿਉ ਪੰਜਾਬ ਦੀਉ ਕੁੜੀਉ 🙏🏻😊ਪੰਜਾਬ ਵਰਗੀ।'
View this post on Instagram
ਕਾਬਿਲੇਗ਼ੌਰ ਹੈ ਕਿ ਰਣਜੀਤ ਬਾਵਾ ਦਾ ਇਹ ਗਾਣਾ ਜਲਦ ਹੀ ਰਿਲੀਜ਼ ਹੋ ਸਕਦਾ ਹੈ। ਬਾਵਾ ਨੂੰ ਉਸ ਦੀ ਸਾਫ ਸੁਥਰੀ ਗਾਇਕੀ ਦੇ ਲਈ ਜਾਣਿਆ ਜਾਂਦਾ ਹੈ। ਇਸ ਦੇ ਨਾਲ ਨਾਲ ਬਾਵਾ ਹਾਲ ਹੀ 'ਚ ਮਾਹਿਰਾ ਸ਼ਰਮਾ ਦੇ ਨਾਲ ਫਿਲਮ 'ਲੈਂਬਰਗਿਨੀ' 'ਚ ਨਜ਼ਰ ਆਇਆ ਸੀ। ਦੂਜੇ ਪਾਸੇ, ਨੀਰੂ ਬਾਜਵਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਹ ਹਾਲ ਹੀ 'ਚ ਸਤਿੰਦਰ ਸਰਤਾਜ ਦੇ ਨਾਲ ਫਿਲਮ 'ਕਲੀ ਜੋਟਾ' 'ਚ ਨਜ਼ਰ ਆਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)