ਜਦੋਂ ਰਣਬੀਰ ਕਪੂਰ ਨੂੰ 10ਵੀਂ `ਚ ਮਿਲੇ 53% ਨੰਬਰ, ਪਰਿਵਾਰ `ਚ ਹੋਈ ਸ਼ਾਨਦਾਰ ਪਾਰਟੀ, ਖਾਨਦਾਨ `ਚ ਪਹਿਲੀ ਵਾਰ ਕਿਸੇ ਨੇ ਕੀਤੀ ਸੀ 10ਵੀਂ ਪਾਸ
ਰਣਬੀਰ ਕਪੂਰ ਨੇ ਦਸਿਆ ਕਿ ਉਨ੍ਹਾਂ ਨੂੰ 10ਵੀਂ ਕਲਾਸ `ਚ 53% ਨੰਬਰ ਮਿਲੇ। ਉਹ ਆਪਣੇ ਖਾਨਦਾਨ ਦੇ ਇਕਲੌਤੇ ਸ਼ਖ਼ਸ ਹਨ, ਜਿਸ ਨੇ 10ਵੀਂ ਪਾਸ ਕੀਤੀ ਹੈ। 10ਵੀਂ ਦੇ ਨਤੀਜੇ ਆਉਣ ਤੋਂ ਬਾਅਦ ਉਨ੍ਹਾਂ ਦੇ ਖਾਨਦਾਨ `ਚ ਬਹੁਤ ਵੱਡੀ ਪਾਰਟੀ ਵੀ ਹੋਈ ਸੀ।
ਲੰਬੇ ਸਮੇਂ ਬਾਅਦ ਰਣਬੀਰ ਕਪੂਰ ਵੱਡੇ ਪਰਦੇ 'ਤੇ ਵਾਪਸੀ ਕਰ ਰਹੇ ਹਨ। ਉਹ ਆਖਰੀ ਵਾਰ 2018 'ਚ ਫਿਲਮ 'ਸੰਜੂ' 'ਚ ਨਜ਼ਰ ਆਏ ਸਨ। ਸੰਜੇ ਦੱਤ ਦੇ ਜੀਵਨ 'ਤੇ ਆਧਾਰਿਤ ਇਹ ਫਿਲਮ ਬਾਕਸ ਆਫਿਸ 'ਤੇ ਕਾਫੀ ਹਿੱਟ ਰਹੀ ਸੀ ਅਤੇ ਰਣਬੀਰ ਦੇ ਕੰਮ ਦੀ ਵੀ ਤਾਰੀਫ ਹੋਈ ਸੀ। ਹੁਣ ਉਹ ਇਸ ਸਾਲ ਇਕ ਤੋਂ ਬਾਅਦ ਇਕ ਫਿਲਮਾਂ ਦੇ ਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਖੁਸ਼ ਕਰਨ ਜਾ ਰਹੇ ਹਨ। ਫਿਲਹਾਲ ਰਣਬੀਰ ਆਪਣੀ ਮੋਸਟ ਅਵੇਟਿਡ ਫਿਲਮ 'ਸ਼ਮਸ਼ੇਰਾ' ਦੇ ਪ੍ਰਮੋਸ਼ਨ 'ਚ ਰੁੱਝੇ ਹੋਏ ਹਨ ਅਤੇ ਇਸ ਸਿਲਸਿਲੇ 'ਚ ਉਨ੍ਹਾਂ ਨੇ ਆਪਣੀ ਪੜ੍ਹਾਈ ਨਾਲ ਜੁੜੀਆਂ ਕਪੂਰ ਪਰਿਵਾਰ ਦੀਆਂ ਕੁਝ ਅਜਿਹੀਆਂ ਗੱਲਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਬਾਰੇ ਸ਼ਾਇਦ ਹੀ ਕੋਈ ਜਾਣਦਾ ਹੋਵੇ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਰਣਬੀਰ ਨੇ ਕੀ ਕਿਹਾ, ਜੋ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਰਣਬੀਰ ਕਪੂਰ ਨੂੰ 10ਵੀਂ ਬੋਰਡ ਵਿੱਚ 53% ਨੰਬਰ ਮਿਲੇ
ਹੁਣ ਜਿਵੇਂ ਕਿ ਅਸੀਂ ਤੁਹਾਨੂੰ ਦੱਸਿਆ ਹੈ ਕਿ ਉਹ ਆਪਣੀ ਪੀਰੀਅਡ-ਐਕਸ਼ਨ ਫਿਲਮ 'ਸ਼ਮਸ਼ੇਰਾ' ਦੇ ਪ੍ਰਮੋਸ਼ਨ ਵਿੱਚ ਕੋਈ ਕਸਰ ਨਹੀਂ ਛੱਡ ਰਹੇ ਹਨ, ਇਸਦੇ ਲਈ ਉਹ ਸੋਸ਼ਲ ਮੀਡੀਆ ਸਟਾਰ ਡੌਲੀ ਸਿੰਘ ਨਾਲ ਇੱਕ ਵੀਡੀਓ ਵਿੱਚ ਵੀ ਨਜ਼ਰ ਆਏ। ਇਸ ਦੌਰਾਨ ਉਸ ਨੇ ਆਪਣੇ 10ਵੀਂ ਜਮਾਤ ਦੇ ਨਤੀਜੇ ਦਾ ਖੁਲਾਸਾ ਕੀਤਾ। ਰਣਬੀਰ ਨੇ ਦੱਸਿਆ ਕਿ ਉਸ ਨੇ 10ਵੀਂ ਜਮਾਤ ਵਿੱਚ 53% ਅੰਕ ਪ੍ਰਾਪਤ ਕੀਤੇ ਸਨ।
ਕਪੂਰ ਪਰਿਵਾਰ 'ਚ 10ਵੀਂ ਪਾਸ ਕਰਨ ਵਾਲੇ ਇਕੱਲੇ ਸ਼ਖ਼ਸ
ਡੌਲੀ ਸਿੰਘ ਨੇ ਰਣਬੀਰ ਤੋਂ ਉਸਦੀ 10ਵੀਂ ਬੋਰਡ ਪ੍ਰੀਖਿਆ ਪ੍ਰਤੀਸ਼ਤਤਾ ਬਾਰੇ ਪੁੱਛਿਆ। ਇਸ ਦੇ ਜਵਾਬ 'ਚ ਰਣਬੀਰ ਨੇ ਕਿਹਾ ਕਿ ਉਨ੍ਹਾਂ ਨੂੰ 53.4 ਫੀਸਦੀ ਅੰਕ ਮਿਲੇ ਹਨ। ਰਣਬੀਰ ਨੇ ਅੱਗੇ ਕਿਹਾ, "ਜਦੋਂ ਮੇਰਾ ਨਤੀਜਾ ਆਇਆ, ਮੇਰਾ ਪਰਿਵਾਰ ਇੰਨਾ ਖੁਸ਼ ਸੀ ਕਿ ਸਾਰਿਆਂ ਨੇ ਮੇਰੇ ਲਈ ਇੱਕ ਵੱਡੀ ਪਾਰਟੀ ਦਿੱਤੀ ਗਈ। ਕਪੂਰ ਨੇ ਦਸਿਆ ਕਿ ਉਨ੍ਹਾਂ ਦੇ ਪਰਿਵਾਰ ਨੂੰ ਇਸ ਦੀ ਉਮੀਦ ਨਹੀਂ ਸੀ। ਕਪੂਰ ਪਰਿਵਾਰ 'ਚ ਮੈਂ ਇਕਲੌਤਾ ਲੜਕਾ ਸੀ, ਜਿਸ ਨੇ 10ਵੀਂ ਜਮਾਤ ਦੀ ਪ੍ਰੀਖਿਆ ਪਾਸ ਕੀਤੀ ਸੀ।'' ਵੈਸੇ ਰਣਬੀਰ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਹ ਪੜ੍ਹਾਈ 'ਚ ਕਾਫੀ ਕਮਜ਼ੋਰ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਰਣਬੀਰ ਕਪੂਰ ਇਸ ਸਮੇਂ 'ਸ਼ਮਸ਼ੇਰਾ' ਦੇ ਨਾਲ-ਨਾਲ 'ਬ੍ਰਹਮਾਸਤਰ' ਨੂੰ ਲੈ ਕੇ ਕਾਫੀ ਚਰਚਾ 'ਚ ਹਨ। ਇਸ 'ਚ ਉਨ੍ਹਾਂ ਦੀ ਪਤਨੀ ਅਤੇ ਅਦਾਕਾਰਾ ਆਲੀਆ ਭੱਟ ਵੀ ਨਜ਼ਰ ਆਵੇਗੀ। ਦੋਵਾਂ ਦੀ ਇਕੱਠੇ ਇਹ ਪਹਿਲੀ ਫਿਲਮ ਹੈ। ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਰਣਬੀਰ ਅਤੇ ਆਲੀਆ ਮਾਤਾ-ਪਿਤਾ ਬਣਨ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ। ਆਲੀਆ ਰਣਵੀਰ ਨਾਲ ਕੁਆਲਿਟੀ ਟਾਈਮ ਬਿਤਾਉਣ ਲਈ ਆਊਟਡੋਰ ਸ਼ੂਟਿੰਗ ਤੋਂ ਵਾਪਸ ਆ ਗਈ ਹੈ। ਉਹ ਕਾਫੀ ਸਮੇਂ ਤੋਂ ਆਪਣੀ ਪਹਿਲੀ ਹਾਲੀਵੁੱਡ ਫਿਲਮ 'ਹਾਰਟ ਆਫ ਸਟੋਨ' ਦੀ ਸ਼ੂਟਿੰਗ 'ਚ ਰੁੱਝੀ ਹੋਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
