Salman Khan ਨੂੰ ਏਅਰਪੋਰਟ ਤੋਂ ਰੋਕ ਕੇ ਚੈਕਿੰਗ ਕਰਨ ਵਾਲੇ CISF ਜਵਾਨ ਨੂੰ ਦਿੱਤਾ ਗਿਆ ਇਨਾਮ 

ਹਾਲ ਹੀ ਵਿੱਚ, ਅਦਾਕਾਰ ਸਲਮਾਨ ਖਾਨ ਦਾ ਮੁੰਬਈ ਏਅਰਪੋਰਟ ਤੇ ਇੱਕ ਵੀਡੀਓ ਵਾਇਰਲ ਹੋਇਆ ਸੀ ਜਿਸ ਵਿੱਚ ਮੁੰਬਈ ਏਅਰਪੋਰਟ ਦੀ ਸੁਰੱਖਿਆ ਵਿੱਚ ਤਾਇਨਾਤ ਇੱਕ ਸੀਆਈਐਸਐਫ ਜਵਾਨ ਉਸਦੀ ਜਾਂਚ ਕਰ ਰਿਹਾ ਸੀ।

salman_khan_(2)

ਹਾਲ ਹੀ ਵਿੱਚ, ਅਦਾਕਾਰ ਸਲਮਾਨ ਖਾਨ ਦਾ ਮੁੰਬਈ ਏਅਰਪੋਰਟ ਤੇ ਇੱਕ ਵੀਡੀਓ ਵਾਇਰਲ ਹੋਇਆ ਸੀ ਜਿਸ ਵਿੱਚ ਮੁੰਬਈ ਏਅਰਪੋਰਟ ਦੀ ਸੁਰੱਖਿਆ ਵਿੱਚ ਤਾਇਨਾਤ ਇੱਕ ਸੀਆਈਐਸਐਫ ਜਵਾਨ ਉਸਦੀ ਜਾਂਚ ਕਰ ਰਿਹਾ ਸੀ। ਇਸ ਵੀਡੀਓ ਨੂੰ ਲੈ ਕੇ ਜਵਾਨ ਦੀ ਬਹੁਤ ਪ੍ਰਸ਼ੰਸਾ ਕੀਤੀ ਗਈ ਸੀ, ਪਰ ਹਾਲ ਹੀ ਵਿੱਚ ਖ਼ਬਰ ਆਈ ਸੀ ਕਿ ਇਸ ਕਾਰਨ ਉਸ ਨੂੰ ਸਜ਼ਾ ਦਿੱਤੀ ਗਈ, ਪਰ ਸੀਆਈਐਸਐਫ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਨ੍ਹਾਂ ਨੇ ਆਪਣੇ ਜਵਾਨ ਨੂੰ ਸਜ਼ਾ ਨਹੀਂ ਦਿੱਤੀ ਬਲਕਿ ਆਪਣੀ ਡਿਊਟੀ ਸਹੀ ਢੰਗ ਨਾਲ ਨਿਭਾਉਣ ਲਈ ਇਨਾਮ ਦਿੱਤਾ ਹੈ।

 

ਦਰਅਸਲ ਇਹ ਵੀਡੀਓ ਉਸ ਸਮੇਂ ਦੇ ਹਨ ਜਦੋਂ ਸਲਮਾਨ ਖਾਨ ਆਪਣੀ ਫਿਲਮ ਟਾਈਗਰ 3 ਦੀ ਸ਼ੂਟਿੰਗ ਲਈ ਮੁੰਬਈ ਏਅਰਪੋਰਟ ਤੋਂ ਰੂਸ ਲਈ ਰਵਾਨਾ ਹੋ ਰਹੇ ਸਨ। ਸਲਮਾਨ ਬਿਨਾਂ ਜਾਂਚ ਕੀਤੇ ਅੰਦਰ ਜਾ ਰਹੇ ਸਨ, ਜਦੋਂ ਸੋਮਨਾਥ ਮੋਹੰਤੀ ਨਾਂ ਦੇ ਜਵਾਨ ਨੇ ਉਨ੍ਹਾਂ ਨੂੰ ਰੋਕ ਕੇ ਚੈਕ ਕੀਤਾ। ਇਹ ਜਵਾਨ ਸਲਮਾਨ ਖਾਨ ਦੇ ਪ੍ਰਭਾਵ ਵਿੱਚ ਆਏ ਬਿਨਾਂ ਆਪਣੀ ਡਿਊਟੀ ਵਧੀਆ ਢੰਗ ਨਾਲ ਨਿਭਾ ਰਿਹਾ ਸੀ। ਇਹ ਵੀਡੀਓ ਦੇਖਦੇ ਹੀ ਦੇਖਦੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ, ਨੇਟੀਜ਼ਨਾਂ ਨੇ ਕੰਮ ਪ੍ਰਤੀ ਉਸਦੇ ਸਮਰਪਣ ਦੀ ਪ੍ਰਸ਼ੰਸਾ ਕਰਨੀ ਸ਼ੁਰੂ ਕਰ ਦਿੱਤੀ।

 

ਅਜਿਹੇ ਸਮੇਂ ਜਦੋਂ ਸਲਮਾਨ ਦੇ ਫੈਨਸ ਉਸ ਨੂੰ ਦੇਖ ਕੇ ਸਭ ਕੁਝ ਭੁੱਲ ਜਾਂਦੇ ਹਨ, ਸੋਮਨਾਥ ਮੋਹੰਤੀ ਬਿਨਾਂ ਕਿਸੇ ਪ੍ਰਤੀਕਰਮ ਦੇ ਆਪਣਾ ਕੰਮ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਖਬਰ ਤੋਂ ਬਾਅਦ ਇੱਕ ਹੋਰ ਸੀਆਈਐਸਐਫ ਜਵਾਨ ਦੇ ਹਵਾਲੇ ਨਾਲ ਇਹ ਖਬਰ ਆਈ ਕਿ ਸੋਮਨਾਥ ਮੋਹੰਤੀ ਨੂੰ ਇਸਦੇ ਲਈ ਸਜ਼ਾ ਦਿੱਤੀ ਗਈ ਹੈ। ਉਸ ਦਾ ਫੋਨ ਜ਼ਬਤ ਕਰ ਲਿਆ ਗਿਆ ਹੈ ਤਾਂ ਜੋ ਉਹ ਕਿਸੇ ਵੀ ਮੀਡੀਆ ਨਾਲ ਗੱਲ ਨਾ ਕਰ ਸਕੇ। ਪਰ ਹੁਣ ਸੀਆਈਐਸਐਫ ਨੇ ਇਸ ਬਾਰੇ ਸਪਸ਼ਟੀਕਰਨ ਦਿੱਤਾ ਹੈ। ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ ਰਾਹੀਂ ਇਹ ਜਾਣਕਾਰੀ ਦਿੱਤੀ ਗਈ ਹੈ ਕਿ ਸੋਮਨਾਥ ਮੋਹੰਤੀ ਨੂੰ ਇਸ ਲਈ ਸਜ਼ਾ ਨਹੀਂ ਦਿੱਤੀ ਗਈ ਹੈ ਬਲਕਿ ਇਨਾਮ ਦਿੱਤਾ ਗਿਆ ਹੈ। ਕਿਉਂਕਿ ਉਸਨੇ ਆਪਣੀ ਡਿਊਟੀ ਚੰਗੀ ਤਰ੍ਹਾਂ ਨਿਭਾਈ।

 

 

ਇਸ ਟਵੀਟ ਵਿੱਚ ਗਲਤ ਜਾਣਕਾਰੀ ਦਿੱਤੀ ਗਈ ਹੈ। ਸੱਚਾਈ ਇਹ ਹੈ ਕਿ ਜਵਾਨ ਨੂੰ ਆਪਣੀ ਡਿਊਟੀ ਨਿਭਾਉਣ ਲਈ ਢੁਕਵਾਂ ਇਨਾਮ ਦਿੱਤਾ ਗਿਆ ਹੈ। ਸਲਮਾਨ ਖਾਨ ਇਨ੍ਹੀਂ ਦਿਨੀਂ ਰੂਸ ਵਿੱਚ ਟਾਈਗਰ 3 ਦੀ ਸ਼ੂਟਿੰਗ ਕਰ ਰਹੇ ਹਨ, ਜਿਸ ਦੀਆਂ ਕਈ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਕੈਟਰੀਨਾ ਕੈਫ ਹੈ। ਇਸ ਫਿਲਮ ਦਾ ਨਿਰਦੇਸ਼ਨ ਅਮਿਤ ਸ਼ਰਮਾ ਕਰ ਰਹੇ ਹਨ।