Shikhar Dhawan: ਬਾਲੀਵੁੱਡ `ਚ ਕੰਮ ਕਰਨ ਨੂੰ ਲੈਕੇ ਸ਼ਿਖਰ ਧਵਨ ਦਾ ਖੁਲਾਸਾ, ਕਿਹਾ- ਇਸ ਵਜ੍ਹਾ ਕਰਕੇ `ਡਬਲ ਐਕਸਐਲ` ਲਈ ਕੀਤੀ ਹਾਂ
Double XL: ਟੀਮ ਇੰਡੀਆ ਦੇ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਜਲਦ ਹੀ ਫਿਲਮ 'ਡਬਲ XL' ਨਾਲ ਫਿਲਮੀ ਦੁਨੀਆ 'ਚ ਕਦਮ ਰੱਖਣ ਜਾ ਰਹੇ ਹਨ। ਇਸ ਦੌਰਾਨ ਸ਼ਿਖਰ ਨੇ ਆਪਣੇ ਬਾਲੀਵੁੱਡ ਡੈਬਿਊ ਨੂੰ ਲੈ ਕੇ ਵੱਡੀ ਗੱਲ ਕਹੀ ਹੈ।
Shikhar Dhawan Double XL: ਭਾਰਤੀ ਕ੍ਰਿਕਟ ਟੀਮ ਦੇ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਕ੍ਰਿਕਟ ਦੇ ਮੈਦਾਨ ਤੋਂ ਬਾਅਦ ਹੁਣ ਫਿਲਮੀ ਦੁਨੀਆ ਦੇ ਮੰਚ 'ਤੇ ਵੀ ਕਮਾਲ ਦਿਖਾਉਂਦੇ ਨਜ਼ਰ ਆਉਣਗੇ। ਸ਼ਿਖਰ ਧਵਨ ਬਾਲੀਵੁੱਡ ਅਭਿਨੇਤਰੀ ਸੋਨਾਕਸ਼ੀ ਸਿਨਹਾ ਅਤੇ ਹੁਮਾ ਕੁਰੈਸ਼ੀ ਦੀ ਫਿਲਮ ਡਬਲ ਐਕਸਐਲ ਨਾਲ ਇੰਡਸਟਰੀ ਵਿੱਚ ਡੈਬਿਊ ਕਰਨ ਜਾ ਰਹੇ ਹਨ। ਅਜਿਹੇ 'ਚ ਸ਼ਿਖਰ ਧਵਨ ਨੇ ਆਪਣੇ ਬਾਲੀਵੁੱਡ ਡੈਬਿਊ ਨੂੰ ਲੈ ਕੇ ਵੱਡਾ ਖੁਲਾਸਾ ਕੀਤਾ ਹੈ। ਇਸ ਦੇ ਨਾਲ ਹੀ ਗੱਬਰ ਯਾਨੀ ਕਿ ਕ੍ਰਿਕਟ ਦੇ ਸ਼ਿਖਰ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੇ ਫਿਲਮ ਡਬਲ ਐਕਸਐਲ ਲਈ ਕਿਉਂ ਹਾਂ ਕਿਹਾ ਹੈ।
ਇਸ ਕਾਰਨ ਸ਼ਿਖਰ ਧਵਨ ਬਣੇ ਡਬਲ ਐਕਸਐੱਲ ਦਾ ਹਿੱਸਾ
ਸ਼ਿਖਰ ਧਵਨ ਨੇ ਫਿਲਮ ਡਬਲ ਐਕਸਐਲ ਸਾਈਨ ਕਰਨ ਪਿੱਛੇ ਵੱਡਾ ਕਾਰਨ ਦੱਸਿਆ ਹੈ। ਹਿੰਦੁਸਤਾਨ ਟਾਈਮਜ਼ ਦੀ ਖਬਰ ਮੁਤਾਬਕ ਸ਼ਿਖਰ ਧਵਨ ਨੇ ਦੱਸਿਆ ਕਿ ਮੈਨੂੰ ਫਿਲਮ ਦੀ ਕਹਾਣੀ ਬਹੁਤ ਦਿਲਚਸਪ ਲੱਗੀ। ਫਿਲਮ ਸਰੀਰਕ ਦਿੱਖ ਦੇ ਮੁੱਦੇ ਨਾਲ ਨਜਿੱਠਦੀ ਹੈ, ਜੋ ਕਿ ਸੁੰਦਰਤਾ ਪ੍ਰਤੀ ਸਮਾਜ ਦੀ ਧਾਰਨਾ ਦਾ ਮੁੱਖ ਕਾਰਨ ਹੈ। ਇਸ ਫਿਲਮ ਤੋਂ ਲੋਕਾਂ ਤੱਕ ਇਕ ਖਾਸ ਸੰਦੇਸ਼ ਪਹੁੰਚੇਗਾ। ਇਹੀ ਕਾਰਨ ਹੈ ਕਿ ਮੈਂ ਇਸ ਫਿਲਮ ਲਈ ਹਾਂ ਕਹਿ ਦਿੱਤੀ ਹੈ। ਫਿਲਮ ਦੀ ਕਹਾਣੀ ਨੇ ਮੇਰੇ 'ਤੇ ਡੂੰਘਾ ਪ੍ਰਭਾਵ ਪਾਇਆ। ਮੇਰਾ ਮੰਨਣਾ ਹੈ ਕਿ ਫਿਲਮ ਦੇਖਣ ਤੋਂ ਬਾਅਦ ਸਮਾਜ ਵਿੱਚ ਰਹਿੰਦੇ ਜ਼ਿਆਦਾਤਰ ਨੌਜਵਾਨ ਲੜਕੇ-ਲੜਕੀਆਂ, ਭਾਵੇਂ ਕੁਝ ਵੀ ਹੋਵੇ, ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਅੱਗੇ ਵਧਣ ਲਈ ਪ੍ਰੇਰਿਤ ਹੋਣਗੇ।
View this post on Instagram
ਕਿਹੋ ਜਿਹਾ ਰਿਹਾ ਸ਼ਿਖਰ ਧਵਨ ਦਾ ਸ਼ੂਟਿੰਗ ਦਾ ਅਨੁਭਵ?
ਸ਼ਿਖਰ ਧਵਨ ਨੇ ਕਿਹਾ ਹੈ ਕਿ- 'ਫਿਲਮ ਦੀ ਸ਼ੂਟਿੰਗ ਦੌਰਾਨ ਮੈਂ ਇਕ ਨਵਾਂ ਅਨੁਭਵ ਕੀਤਾ ਹੈ। ਮੈਨੂੰ ਉਮੀਦ ਹੈ ਕਿ ਲੋਕ ਮੇਰੀ ਇਸ ਨਵੀਂ ਭੂਮਿਕਾ ਨੂੰ ਪਸੰਦ ਕਰਨਗੇ। ਫਿਲਮ 'ਚ ਭਾਵੇਂ ਮੇਰੀ ਛੋਟੀ ਜਿਹੀ ਭੂਮਿਕਾ ਹੈ ਪਰ ਇਹ ਦਰਸ਼ਕਾਂ 'ਤੇ ਆਪਣੀ ਛਾਪ ਛੱਡਣ ਲਈ ਕਾਫੀ ਹੈ। ਫਿਲਮ ਦੇ ਸੈੱਟ 'ਤੇ ਪਹਿਲੇ ਦਿਨ ਮੇਕਰਸ ਨੇ ਮੈਨੂੰ ਡਾਂਸ ਕਰਨਾ ਸਿਖਾਇਆ। ਜੋ ਮੈਂ ਪੂਰੀ ਇਮਾਨਦਾਰੀ ਨਾਲ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਸ਼ਿਖਰ ਧਵਨ, ਹੁਮਾ ਕੁਰੈਸ਼ੀ ਅਤੇ ਸੋਨਾਕਸ਼ੀ ਸਿਨਹਾ ਦੀ ਫਿਲਮ ਡਬਲ ਐਕਸਐੱਲ 4 ਨਵੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
