Urfi Javed: ਕਾਮੇਡੀਅਨ ਸੁਨੀਲ ਪਾਲ ਨੇ ਉਰਫ਼ੀ ਜਾਵੇਦ ਨੂੰ ਦਿੱਤੀ ਨਸੀਹਤ, ਕਿਹਾ- ਭੈਣੇ ਸ਼ਰਮ ਹੈ ਔਰਤਾਂ ਦਾ ਗਹਿਣਾ
Sunil Pal on Urfi Javed: ਹੁਣ ਕਾਮੇਡੀਅਨ ਸੁਨੀਲ ਪਾਲ ਨੇ ਉਰਫੀ ਜਾਵੇਦ ਦੀ ਅਸਾਧਾਰਨ ਡਰੈਸਿੰਗ ਸੈਂਸ 'ਤੇ ਹਮਲਾ ਕੀਤਾ ਹੈ। ਉਸ ਨੇ ਵੀਡੀਓ ਪੋਸਟ ਕਰਕੇ ਕਿਹਾ ਕਿ ਉਹ ਪਵਿੱਤਰ ਮੁਸਲਿਮ ਨਾਮ ਨਾਲ ਖੇਡਣਾ ਪਸੰਦ ਨਹੀਂ ਕਰਦਾ।
Sunil Pal Lashes Out on Urfi Javed: ਉਰਫੀ ਜਾਵੇਦ ਆਪਣੇ ਅਸਾਧਾਰਨ ਡਰੈਸਿੰਗ ਸਟਾਈਲ ਕਾਰਨ ਸੋਸ਼ਲ ਮੀਡੀਆ 'ਤੇ ਛਾਈ ਰਹਿੰਦੀ ਹੈ। ਉਸ ਨੂੰ ਆਪਣੇ ਅਜੀਬ ਕੱਪੜਿਆਂ ਲਈ ਕਾਫੀ ਟ੍ਰੋਲ ਵੀ ਕੀਤਾ ਜਾਂਦਾ ਹੈ। ਇਕ ਔਰਤ ਨੇ ਸੋਸ਼ਲ ਮੀਡੀਆ ਸਨਸਨੀ ਉਰਫੀ ਜਾਵੇਦ ਦੇ ਕੱਪੜਿਆਂ ਅਤੇ ਅਰਧ-ਨਗਨ ਦਿੱਖ 'ਤੇ ਇਤਰਾਜ਼ ਜਤਾਉਂਦੇ ਹੋਏ ਕਿਹਾ ਕਿ ਟੀਵੀ ਅਦਾਕਾਰਾ ਖਿਲਾਫ ਫਤਵਾ ਜਾਰੀ ਕੀਤਾ ਜਾਣਾ ਚਾਹੀਦਾ ਹੈ। ਔਰਤ ਨੇ ਉਰਫੀ ਦੀ ਗ੍ਰਿਫਤਾਰੀ ਦੀ ਗੱਲ ਵੀ ਕੀਤੀ। ਜਿਸ ਤੋਂ ਬਾਅਦ ਉਰਫੀ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਔਰਤ ਦੀ ਵੀਡੀਓ ਅਤੇ ਫੋਟੋਆਂ ਸ਼ੇਅਰ ਕੀਤੀਆਂ ਹਨ। ਇਸ ਸਭ ਦੇ ਵਿਚਕਾਰ ਹੁਣ ਮਸ਼ਹੂਰ ਕਾਮੇਡੀਅਨ ਸੁਨੀਲ ਪਾਲ ਨੇ ਉਰਫੀ 'ਤੇ ਨਿਸ਼ਾਨਾ ਸਾਧਿਆ ਹੈ।
ਉਰਫੀ ਸਾਡੇ ਪਵਿੱਤਰ ਮੁਸਲਮਾਨ ਨਾਮ ਨਾਲ ਖੇਡ ਰਹੀ ਹੈ
ਤੁਹਾਨੂੰ ਦੱਸ ਦੇਈਏ ਕਿ ਸੁਨੀਲ ਪਾਲ ਨੇ ਇੱਕ ਵੀਡੀਓ ਪੋਸਟ ਕੀਤਾ ਹੈ। ਆਪਣੇ ਇਸ ਵੀਡੀਓ ਰਾਹੀਂ ਉਨ੍ਹਾਂ ਕਿਹਾ ਕਿ ਉਰਫੀ ਨੂੰ ਸਮਝਾਉਣ ਦੀ ਲੋੜ ਹੈ। ਵੀਡੀਓ 'ਚ ਸੁਨੀਲ ਪਾਲ ਕਹਿੰਦੇ ਹਨ, ''ਯਾਰ ਇਹ ਉਰਫੀ ਜਾਵੇਦ ਪਾਗਲ ਹੈ। ਮੈਂ ਉਸ ਔਰਤ ਦਾ ਧੰਨਵਾਦ ਕਰਨਾ ਚਾਹਾਂਗਾ ਜਿਸ ਨੇ ਉਰਫੀ ਜਾਵੇਦ ਦੇ ਖਿਲਾਫ ਐੱਫ.ਆਈ.ਆਰ. ਕੀਤੀ, ਕਿਉਂਕਿ ਮੈਂ ਕਾਫੀ ਸਮੇਂ ਤੋਂ ਉਰਫੀ ਨੂੰ ਦੇਖ ਰਿਹਾ ਹਾਂ। ਮੈਨੂੰ ਲੱਗਦਾ ਹੈ ਕਿ ਉਹ ਚਾਹੁੰਦੀ ਸੀ ਕਿ ਉਸ ਦੇ ਖਿਲਾਫ ਅਜਿਹਾ ਕੇਸ ਬਣਾਇਆ ਜਾਵੇ ਤਾਂ ਜੋ ਉਹ ਚਰਚਾ ਵਿੱਚ ਆਵੇ। ਭਾਵੇਂ ਇਹ ਗੈਰ-ਕਾਨੂੰਨੀ ਹੋਵੇ। ਉਸ ਦਾ ਨਾਂ ਕਿੰਨਾ ਪਵਿੱਤਰ ਹੈ। ਜਾਵੇਦ ਨਾਂ ਦੀ ਮੁਸਲਿਮ ਧਰਮ `ਚ ਕੀ ਅਹਿਮੀਅਤ ਹੈ ਸਭ ਜਾਣਦੇ ਹਨ। ਅਤੇ ਉਹ ਇਸ ਪਵਿੱਤਰ ਨਾਂ ਦਾ ਮਜ਼ਾਕ ਬਣਾ ਰਹੀ ਹੈ।
ਉਰਫੀ ਖਬਰਾਂ 'ਚ ਆਉਣ ਲਈ ਨਿਊਡ ਹੋ ਜਾਂਦੀ ਸੀ
ਸੁਨੀਲ ਪਾਲ ਵੀਡੀਓ 'ਚ ਅੱਗੇ ਕਹਿੰਦੇ ਹਨ, ''ਮੈਨੂੰ ਲੱਗਦਾ ਹੈ ਕਿ ਸਾਰਿਆਂ ਨੂੰ ਇਕੱਠੇ ਹੋ ਕੇ ਉਸ ਭੈਣ ਨੂੰ ਸਮਝਾਉਣਾ ਚਾਹੀਦਾ ਹੈ। ਉਸ ਨੂੰ ਸਜ਼ਾ ਨਾ ਦਿਓ, ਉਸ ਨੂੰ ਕਹੋ ਕਿ ਪੁੱਤਰ, ਮਿਹਨਤ ਕਰ, ਮਿਹਨਤ ਕਰਕੇ ਅੱਗੇ ਆ। ਨੰਗਪੁਣਾ ਦਿਖਾ ਕੇ ਕੁੱਝ ਹਾਸਲ ਨਹੀਂ ਹੋਣਾ।ਅੰਗ ਪ੍ਰਦਰਸ਼ਨ ਕਰਕੇ ਤੁਹਾਨੂੰ 4 ਦਿਨ ਸਸਤੀ ਸ਼ੋਹਰਤ ਮਿਲ ਜਾਵੇਗੀ, ਪਰ ਅੱਗੇ ਜਾ ਕੇ ਕੰਮ ਤਾਂ ਟੈਲੇਂਟ ਤੇ ਮੇਹਨਤ ਨੇ ਹੀ ਆਉਣਾ ਹੈ। ਖਬਰਾਂ 'ਚ ਆਉਣ ਲਈ ਉਹ ਨਿਊਡ ਹੋ ਕੇ ਰਹਿੰਦੀ ਸੀ। ਮੈਂ ਸਮਝਦਾ ਹਾਂ ਕਿ ਉਹ ਇਸ ਕਿੱਤੇ ਵਿੱਚ ਆਪਣਾ ਨਾਮ ਕਮਾਉਣ ਲਈ ਬਹੁਤ ਗਲਤ ਇਰਾਦੇ ਨਾਲ ਆਈ ਹੈ। ਤੁਹਾਡੇ ਹਾਲਾਤ ਜੋ ਵੀ ਹੋਣ। ਤੁਸੀਂ ਸਖ਼ਤ ਮਿਹਨਤ ਕਰ ਸਕਦੇ ਹੋ। ਬਹੁਤ ਸਾਰੀਆਂ ਕੁੜੀਆਂ ਮਿਹਨਤ ਕਰਕੇ ਅੱਗੇ ਆਈਆਂ ਹਨ।
View this post on Instagram
ਸੁਧਾਂਸ਼ੂ ਪਾਂਡੇ 'ਤੇ ਵੀ ਨਿਸ਼ਾਨਾ ਸਾਧਿਆ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕਿਸੇ ਸੈਲੇਬ ਨੇ ਉਰਫੀ ਜਾਵੇਦ 'ਤੇ ਨਿਸ਼ਾਨਾ ਸਾਧਿਆ ਹੋਵੇ। ਇਸ ਤੋਂ ਪਹਿਲਾਂ 'ਅਨੁਪਮਾ' ਫੇਮ ਅਭਿਨੇਤਾ ਸੁਧਾਂਸ਼ੂ ਪਾਂਡੇ ਵੀ ਉਰਫੀ ਦੇ ਅਜੀਬ ਡਰੈਸਿੰਗ ਸਟਾਈਲ 'ਤੇ ਭੜਕ ਚੁੱਕੇ ਸਨ। ਹਾਲਾਂਕਿ ਉਰਫੀ ਨੇ ਵੀ ਉਲਟਾ ਜਵਾਬ ਦਿੱਤਾ। ਹੁਣ ਦੇਖਣਾ ਹੋਵੇਗਾ ਕਿ ਸੁਨੀਲ ਪਾਲ ਦੀ ਇਸ ਵੀਡੀਓ 'ਤੇ ਸੋਸ਼ਲ ਮੀਡੀਆ ਸਨਸਨੀ ਕੀ ਪ੍ਰਤੀਕਿਰਿਆ ਦਿੰਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
