Shah Rukh Khan: ਸ਼ਾਹਰੁਖ ਖਾਨ ਨੂੰ ਕਪਿਲ ਸ਼ਰਮਾ ਨਾਲ ਪੰਗਾ ਲੈਣਾ ਪਿਆ ਸੀ ਮਹਿੰਗਾ, ਸਭ ਦੇ ਸਾਹਮਣੇ ਕਪਿਲ ਨੇ ਕੀਤੀ ਸੀ ਬੇਇੱਜ਼ਤੀ
Kapil Sharma Shah Rukh Khan: ਵੀਡੀਓ 'ਚ ਕਪਿਲ ਸ਼ਰਮਾ ਤੇ ਸ਼ਾਹਰੁਖ ਖਾਨ ਇਕੱਠੇ ਸਟੇਜ 'ਤੇ ਨਜ਼ਰ ਆ ਰਹੇ ਹਨ। ਇਹ ਵੀਡੀਓ ਕਿਸੇ ਐਵਾਰਡ ਸ਼ੋਅ ਤੋਂ ਲਿਆ ਗਿਆ ਹੈ।
Shah Rukh Khan Kapil Sharma: ਸ਼ਾਹਰੁਖ ਖਾਨ ਨੇ 'ਪਠਾਨ' ਫਿਲਮ ਨਾਲ ਫਿਲਮਾਂ 'ਚ ਧਮਾਕੇਦਾਰ ਵਾਪਸੀ ਕੀਤੀ ਹੈ। ਉਨ੍ਹਾਂ ਦੀ ਫਿਲਮ ਨੇ ਪੂਰੀ ਦੁਨੀਆ 'ਚ ਬਾਕਸ ਆਫਿਸ 'ਤੇ ਹਨੇਰੀਆਂ ਲਿਆ ਦਿੱਤੀਆਂ ਹਨ। ਇਸੇ ਦਰਮਿਆਨ ਸ਼ਾਹਰੁਖ ਖਾਨ ਸੋਸ਼ਲ ਮੀਡੀਆ 'ਤੇ ਵੀ ਪੂਰੀ ਤਰ੍ਹਾਂ ਛਾਏ ਹੋਏ ਹਨ। ਸ਼ਾਹਰੁਖ ਦੇ ਕਈ ਸਾਰੇ ਪੁਰਾਣੇ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ।
ਇਨ੍ਹਾਂ ਵਿੱਚੋਂ ਇੱਕ ਹੋਰ ਵੀਡੀਓ ਇੰਨੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ 'ਚ ਹੈ। ਇਸ ਵੀਡੀਓ 'ਚ ਕਪਿਲ ਸ਼ਰਮਾ ਤੇ ਸ਼ਾਹਰੁਖ ਖਾਨ ਇਕੱਠੇ ਸਟੇਜ 'ਤੇ ਨਜ਼ਰ ਆ ਰਹੇ ਹਨ। ਇਹ ਵੀਡੀਓ ਕਿਸੇ ਐਵਾਰਡ ਸ਼ੋਅ ਤੋਂ ਲਿਆ ਗਿਆ ਹੈ। ਵੀਡੀਓ 'ਚ ਸ਼ਾਹਰੁਖ ਖਾਨ ਨੇ ਕਪਿਲ ਸ਼ਰਮਾ ਨੂੰ ਇਹ ਕਹਿ ਕੇ ਛੇੜਿਆ ਕਿ 'ਹੁਣ ਮੈਂ ਟੀਵੀ ਵਾਲਿਆਂ ਨੂੰ ਫਿਲਮਾਂ ਦੀਆਂ ਗੱਲਾਂ ਕਿਵੇਂ ਸਮਝਾਵਾਂ। ਇਹ ਟੀਵੀ ਤੋਂ ਆਏ ਹੋਏ ਲੋਕ ਹਨ, ਇਨ੍ਹਾਂ ਨੂੰ ਫਿਲਮਾਂ ਦੀ ਕੀ ਸਮਝ।' ਇਸ 'ਤੇ ਕਪਿਲ ਨੇ ਸ਼ਾਹਰੁਖ ਖਾਨ ਨੂੰ ਮੂੰਹਤੋੜ ਜਵਾਬ ਦਿੱਤਾ ਕਿ ਸ਼ਾਹਰੁਖ ਖਾਨ ਨੂੰ ਅੱਗੋਂ ਕਪਿਲ ਮੂਹਰੇ ਕੋਈ ਗੱਲ ਨਹੀਂ ਆਈ। ਸ਼ਾਹਰੁਖ ਦੀ ਗੱਲ 'ਤੇ ਕਪਿਲ ਨੇ ਕਿਹਾ, 'ਤੁਸੀਂ ਤਾਂ ਬੜਾ ਟਾਈਟੈਨਿਕ ਤੋਂ ਸ਼ੁਰੂਆਤ ਕੀਤੀ ਸੀ। ਤੁਸੀਂ ਵੀ ਟੀਵੀ ਤੋਂ ਹੀ ਸ਼ੁਰੂਆਤ ਕੀਤੀ ਸੀ। ਮੈਂ ਤਾਂ ਫਿਰ ਵੀ ਸੋਨੀ ਟੀਵੀ ਤੋਂ ਸ਼ੁਰੂਆਤ ਕੀਤੀ ਸੀ, ਤੁਸੀਂ ਤਾਂ ਸਰਕਾਰੀ ਚੈਨਲ ਤੋਂ ਕਰੀਅਰ ਸ਼ੁਰੂ ਕੀਤਾ ਸੀ।' ਕਪਿਲ ਦੇ ਇਹ ਕਹਿੰਦੇ ਹੀ ਸ਼ਾਹਰੁਖ ਦੇ ਹਾਵ ਭਾਵ ਬਦਲਦੇ ਨਜ਼ਰ ਆ ਰਹੇ ਹਨ। ਦੇਖੋ ਇਹ ਵੀਡੀਓ:
View this post on Instagram
ਕਾਬਿਲੇਗ਼ੌਰ ਹੈ ਕਿ ਹਾਲ ਹੀ 'ਚ ਸ਼ਾਹਰੁਖ ਖਾਨ ਦੀ ਫਿਲਮ 'ਪਠਾਨ' ਰਿਲੀਜ਼ ਹੋਈ ਹੈ। ਇਹ ਫਿਲਮ ਹੁਣ ਤੱਕ 500 ਕਰੋੜ ਤੋਂ ਵੱਧ ਕਮਾਈ ਕਰ ਚੱੁੱਕੀ ਹੈ। ਜੇ ਪੂਰੀ ਦੁਨੀਆ 'ਚ ਕਲੈਕਸ਼ਨ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਫਿਲਮ 1000 ਕਰੋੜ ਕਮਾਉਣ ਦੇ ਕਾਫੀ ਕਰੀਬ ਹੈ। ਇਸ ਫਿਲਮ ਨਾਲ ਸ਼ਾਹਰੁਖ ਨੇ ਇੰਡਸਟਰੀ 'ਚ ਧਮਾਕੇਦਾਰ ਵਾਪਸੀ ਕੀਤੀ ਹੈ।
ਇਹ ਵੀ ਪੜ੍ਹੋ: ਸਿਧਾਰਥ ਕਿਆਰਾ ਨੇ ਵਿਆਹ ਹੁੰਦੇ ਹੀ ਫੈਨਜ਼ ਨੂੰ ਦਿੱਤੀ ਵੱਡੀ ਖੁਸ਼ਖਬਰੀ, ਕਿਸੇ ਨੂੰ ਨਹੀਂ ਹੋ ਰਿਹਾ ਯਕੀਨ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
