First Blade Production: ਬਲੇਡ 'ਚ ਬਣੇ ਇਸ ਡਿਜ਼ਾਈਨ ਦਾ ਬਹੁਤ ਘੱਟ ਲੋਕ ਜਾਣਦੇ ਰਾਜ! ਜਾਣੋ ਇਸ ਦਾ ਕੀ ਅਰਥ ਤੇ ਕਿਸ ਨੇ ਕੀਤਾ ਸ਼ੁਰੂ?

First Blade Production Update: ਤੁਸੀਂ ਬਲੇਡ (Blade) ਦੀ ਵਰਤੋਂ ਕਿਸੇ ਨਾ ਕਿਸੇ ਸਮੇਂ ਜ਼ਰੂਰ ਕੀਤੀ ਹੋਣੀ ਹੈ। ਬਲੇਡ ਵਿਚਕਾਰ ਬਣੇ ਡਿਜ਼ਾਈਨ ਨੂੰ ਦੇਖ ਕੇ ਮਨ 'ਚ ਸਵਾਲ ਉੱਠਦਾ ਹੈ ਕਿ ਇਹ ਡਿਜ਼ਾਈਨ ਕਿਉਂ ਸ਼ੁਰੂ ਕੀਤਾ ਗਿਆ

ਬਲੇਡ ਡਿਜ਼ਾਈਨ

First Blade Production: ਤੁਸੀਂ ਬਲੇਡ (Blade) ਦੀ ਵਰਤੋਂ ਕਿਸੇ ਨਾ ਕਿਸੇ ਸਮੇਂ ਜ਼ਰੂਰ ਕੀਤੀ ਹੋਣੀ ਹੈ। ਬਲੇਡ ਵਿਚਕਾਰ ਬਣੇ ਡਿਜ਼ਾਈਨ ਨੂੰ ਦੇਖ ਕੇ ਮਨ 'ਚ ਸਵਾਲ ਉੱਠਦਾ ਹੈ ਕਿ ਇਹ ਡਿਜ਼ਾਈਨ ਕਿਉਂ ਸ਼ੁਰੂ ਕੀਤਾ ਗਿਆ। ਇਹ ਵੀ ਹੈਰਾਨੀ ਵਾਲੀ ਗੱਲ ਹੈ ਕਿ ਭਾਰਤ (India) ਵਿੱਚ ਹੀ ਨਹੀਂ, ਦੁਨੀਆ ਦੇ ਕਿਸੇ ਵੀ ਹਿੱਸੇ ਵਿੱਚ ਚਲੇ ਜਾਓ, ਪਰ ਇਹੀ ਡਿਜ਼ਾਈਨ ਅਜਿਹੇ ਬਲੇਡਾਂ ਵਿੱਚ ਮਿਲ ਜਾਵੇਗਾ।

ਇਸ ਦੇ ਡਿਜ਼ਾਈਨ 'ਚ ਤਿੰਨ ਮੋਰੀਆਂ ਦੇ ਨਾਲ ਹੋਰ ਡਿਜ਼ਾਈਨ ਵੀ ਬਣਾਏ ਗਏ ਹਨ। ਇਹ ਇੱਕ ਖਾਸ ਅਰਥ ਨਾਲ ਬਣਾਇਆ ਗਿਆ ਸੀ। ਇਹ ਦੀ ਸ਼ੁਰੂਆਤ 1904 ਵਿੱਚ ਕੀਤੀ ਗਈ ਸੀ। ਬਲੇਡ (First Blade Production) ਪਹਿਲੀ ਵਾਰ ਇਸੇ ਸਾਲ ਤਿਆਰ ਕੀਤਾ ਗਿਆ ਸੀ। ਪਹਿਲੇ ਉਤਪਾਦਨ ਦੇ ਦੌਰਾਨ 165 ਬਲੇਡ ਬਣਾਏ ਗਏ ਸਨ। ਬਲੇਡ ਵਿੱਚ ਡਿਜ਼ਾਈਨ ਦੀ ਖੋਜ ਕਿਸ ਨੇ ਕੀਤੀ, ਇਸ ਦਾ ਕੀ ਅਰਥ ਹੈ ਤੇ ਦੁਨੀਆ ਭਰ ਦੀਆਂ ਕੰਪਨੀਆਂ ਕਦੇ ਵੀ ਡਿਜ਼ਾਈਨ ਕਿਉਂ ਨਹੀਂ ਬਦਲਦੀਆਂ? ਜਾਣੋ ਇਨ੍ਹਾਂ ਸਵਾਲਾਂ ਦੇ ਜਵਾਬ…

ਇਸ ਤਰ੍ਹਾਂ ਬਲੇਡ ਦੀ ਸ਼ੁਰੂਆਤ ਹੋਈ?
1901 ਵਿੱਚ ਬਲੇਡ ਪੇਸ਼ ਕੀਤਾ ਗਿਆ ਸੀ। ਇਸ ਦੀ ਸ਼ੁਰੂਆਤ ਦਾ ਸਿਹਰਾ ਮਸ਼ਹੂਰ ਕੰਪਨੀ ਜਿਲੇਟ ਦੇ ਸੰਸਥਾਪਕ ਕਿੰਗ ਕੈਂਪ ਜਿਲੇਟ (King Camp Gillette) ਨੂੰ ਜਾਂਦਾ ਹੈ। ਕਿੰਗ ਕੈਂਪ ਨੇ ਵਿਲੀਅਮ ਨਿੱਕਰਸਨ ਦੀ ਮਦਦ ਨਾਲ ਪਹਿਲਾ ਬਲੇਡ ਬਣਾਇਆ ਸੀ। ਬਲੇਡ ਬਣਾਉਣ ਤੋਂ ਬਾਅਦ ਇਸ ਨੂੰ ਵੱਡੀ ਪ੍ਰਾਪਤੀ ਦੱਸਿਆ ਗਿਆ ਸੀ। ਇਹੀ ਕਾਰਨ ਸੀ ਕਿ ਕਿੰਗ ਕੈਂਪ ਨੇ ਉਸੇ ਸਾਲ ਇਸ ਨੂੰ ਪੇਟੈਂਟ ਕਰਵਾਇਆ ਤੇ 1904 ਤੋਂ ਇਸ ਦਾ ਉਤਪਾਦਨ ਸ਼ੁਰੂ ਕੀਤਾ। ਉਤਪਾਦਨ ਦੇ ਪਹਿਲੇ ਬੈਚ ਵਿੱਚ, 165 ਬਲੇਡ ਬਣਾਏ ਗਏ ਸਨ।

ਇਸ ਲਈ ਦਿੱਤਾ ਗਿਆ ਇਹ ਡਿਜ਼ਾਈਨ
ਜਿਸ ਯੁੱਗ ਵਿੱਚ ਬਲੇਡ ਬਣਾਇਆ ਗਿਆ, ਉਸ ਦੌਰ ਵਿੱਚ ਇਸ ਦੀ ਵਰਤੋਂ ਸਿਰਫ ਸ਼ੇਵ ਕਰਨ ਲਈ ਕੀਤੀ ਜਾਂਦੀ ਸੀ। ਇਸੇ ਲਈ ਇਸ ਵਿੱਚ ਵਿਸ਼ੇਸ਼ ਡਿਜ਼ਾਈਨ ਬਣਾਏ ਗਏ ਸਨ। ਡਿਜ਼ਾਈਨ ਇਸ ਤਰ੍ਹਾਂ ਬਣਾਏ ਗਏ ਸਨ ਕਿ ਇਸ ਨੂੰ ਸ਼ੇਵਿੰਗ ਰੇਜ਼ਰ ਵਿੱਚ ਫਿੱਟ ਕੀਤਾ ਜਾ ਸਕੇ। ਇਸ 'ਚ ਮੌਜੂਦ ਤਿੰਨ ਛੇਕ ਹੋਣ ਕਾਰਨ ਬਲੇਡ ਸ਼ੇਵਿੰਗ ਰੇਜ਼ਰ ਇੰਨੀ ਚੰਗੀ ਤਰ੍ਹਾਂ ਫਿੱਟ ਹੋ ਗਿਆ ਕਿ ਸ਼ੇਵ ਕਰਨ 'ਚ ਕੋਈ ਦਿੱਕਤ ਨਹੀਂ ਆਈ ਤੇ ਨਾ ਹੀ ਇਸ 'ਚ ਕੋਈ ਹਿਲਜੁਲ ਨਹੀਂ ਹੋਈ। ਇਸ ਤੋਂ ਬਾਅਦ ਕਿੰਗ ਜਿਲੇਟ ਨੇ ਸ਼ੇਵਿੰਗ ਰੇਜ਼ਰ ਦਾ ਪੇਟੈਂਟ ਵੀ ਲੈ ਲਿਆ ਜੋ ਬਲੇਡ ਲਈ ਤਿਆਰ ਕੀਤਾ ਗਿਆ ਸੀ।

ਅਹਿਮ ਗੱਲ ਹੈ ਕਿ ਕਿਉਂਕਿ ਜਿਲੇਟ ਨੇ ਪਹਿਲਾਂ ਹੀ ਬਲੇਡ ਤੇ ਸ਼ੇਵਿੰਗ ਰੇਜ਼ਰ ਦਾ ਪੇਟੈਂਟ ਲੈ ਲਿਆ ਸੀ, ਇਸ ਲਈ ਬਾਅਦ ਵਿੱਚ ਦੂਜੀਆਂ ਕੰਪਨੀਆਂ ਨੇ ਉਸੇ ਡਿਜ਼ਾਈਨ ਨੂੰ ਅਪਣਾਉਂਦੇ ਹੋਏ ਇਸ ਨੂੰ ਬਣਾਉਣਾ ਸ਼ੁਰੂ ਕੀਤਾ ਜੋ ਜਿਲੇਟ ਨੇ ਪਹਿਲਾਂ ਬਣਾਇਆ ਸੀ। ਅੱਜ ਵੀ, ਦਹਾਕਿਆਂ ਬਾਅਦ ਵੀ ਬਲੇਡ ਦਾ ਉਹੀ ਡਿਜ਼ਾਈਨ ਬਰਕਰਾਰ ਹੈ। ਵਰਤਮਾਨ ਵਿੱਚ ਦੁਨੀਆ ਭਰ ਵਿੱਚ ਇੱਕ ਮਿਲੀਅਨ ਬਲੇਡ ਬਣਾਏ ਜਾਂਦੇ ਹਨ, ਪਰ ਡਿਜ਼ਾਈਨ ਉਹੀ ਰਹਿੰਦਾ ਹੈ। ਸਮੇਂ ਦੇ ਨਾਲ, ਜਿਲੇਟ ਨੇ ਆਪਣੇ ਉਤਪਾਦ ਵਿੱਚ ਕਈ ਬਦਲਾਅ ਕੀਤੇ। ਬਲੇਡ ਤੇ ਸ਼ੇਵਿੰਗ ਰੇਜ਼ਰ ਦੇ ਪ੍ਰੀਮੀਅਮ ਉਤਪਾਦ ਪੇਸ਼ ਕੀਤੇ ਜੋ ਉੱਚ ਮੱਧ ਵਰਗ ਦੇ ਲੋਕਾਂ ਵਿੱਚ ਖਾਸ ਕਰਕੇ ਰੁਜ਼ਗਾਰ ਪ੍ਰਾਪਤ ਲੋਕਾਂ ਵਿੱਚ ਬਹੁਤ ਮਸ਼ਹੂਰ ਹੋ ਗਿਆ ਸੀ।