(Source: ECI/ABP News/ABP Majha)
ਲੂਣ ਕਾਰਨ ਹਰ ਸਾਲ ਹੋ ਰਹੀ 18 ਲੱਖ ਲੋਕਾਂ ਦੀ ਮੌਤ, WHO ਦੀ ਰਿਪੋਰਟ ਨੇ ਦੁਨੀਆ ਕੀਤੀ ਹੈਰਾਨ !
ਕਿਰਿਆਸ਼ੀਲ ਮਨੁੱਖੀ ਸੈੱਲਾਂ ਲਈ ਲੂਣ ਬਹੁਤ ਮਹੱਤਵਪੂਰਨ ਹੈ। ਇਸ ਤੋਂ ਇਲਾਵਾ ਜੇ ਅਸੀਂ ਲੋੜੀਂਦੇ ਸੋਡੀਅਮ ਦਾ ਸੇਵਨ ਨਹੀਂ ਕਰਦੇ ਹਾਂ ਤਾਂ ਸਾਡੀ ਮੌਤ ਵੀ ਹੋ ਸਕਦੀ ਹੈ।
ਜੇ ਖਾਣੇ ਵਿੱਚ ਲੂਣ ਨਾ ਹੋਵੇ ਤਾਂ ਭੋਜਨ ਦਾ ਸਵਾਦ ਨਾਂਹ ਦੇ ਬਰਾਬਰ ਹੋ ਜਾਂਦਾ ਹੈ। ਅੱਜ ਤੁਸੀਂ ਲੂਣ ਤੋਂ ਬਿਨਾਂ ਆਪਣੀ ਜ਼ਿੰਦਗੀ ਦੀ ਕਲਪਨਾ ਵੀ ਨਹੀਂ ਕਰ ਸਕਦੇ। ਤੁਸੀਂ ਇਸ ਗੱਲ ਤੋਂ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਲੂਣ ਕਿੰਨਾ ਜ਼ਰੂਰੀ ਹੈ ਕਿ ਇਸ ਦੇ ਲਈ ਭਾਰਤ ਵਿਚ ਦੇਸ਼ ਵਿਆਪੀ ਅੰਦੋਲਨ ਹੋਇਆ ਸੀ। ਤੁਸੀਂ ਇਸ ਨੂੰ ਡਾਂਡੀ ਮਾਰਚ ਜਾਂ ਲੂਣ ਸੱਤਿਆਗ੍ਰਹਿ ਵਜੋਂ ਜਾਣਦੇ ਹੋ। ਆਓ ਹੁਣ ਅਸੀਂ ਤੁਹਾਨੂੰ ਇਸ ਲੇਖ ਵਿਚ ਦੱਸਦੇ ਹਾਂ ਕਿ ਨਮਕ ਸਾਡੇ ਸਰੀਰ ਲਈ ਕਿੰਨਾ ਜ਼ਰੂਰੀ ਹੈ ਅਤੇ ਇਸ ਕਾਰਨ ਹਰ ਸਾਲ ਕਿੰਨੇ ਲੱਖਾਂ ਲੋਕਾਂ ਦੀ ਮੌਤ ਹੋ ਜਾਂਦੀ ਹੈ।
ਬੀਬੀਸੀ ਵਰਲਡ ਸਰਵਿਸ ਨੇ ਇਸ 'ਤੇ ਇੱਕ ਪ੍ਰੋਗਰਾਮ 'ਦ ਫੂਡ ਚੇਨ' ਕੀਤਾ ਹੈ। ਇਹ ਦੱਸਦਾ ਹੈ ਕਿ ਨਮਕ ਸਾਡੇ ਸਰੀਰ ਲਈ ਕਿੰਨਾ ਖਤਰਨਾਕ ਹੋ ਸਕਦਾ ਹੈ। ਹਾਲਾਂਕਿ, ਬਹੁਤ ਸਾਰੇ ਮਾਹਰ ਹਨ ਜੋ ਕਹਿੰਦੇ ਹਨ ਕਿ ਨਮਕ ਸਾਡੇ ਸਰੀਰ ਲਈ ਬਹੁਤ ਜ਼ਰੂਰੀ ਹੈ। ਉਦਾਹਰਨ ਲਈ ਅਮਰੀਕਾ ਦੀ ਰਟਗਰਸ ਯੂਨੀਵਰਸਿਟੀ ਦੇ ਪੋਸ਼ਣ ਵਿਗਿਆਨ ਦੇ ਪ੍ਰੋਫੈਸਰ ਪਾਲ ਬ੍ਰੇਸਲਿਨ ਨੇ ਬੀਬੀਸੀ ਨਾਲ ਗੱਲ ਕਰਦੇ ਹੋਏ ਕਿਹਾ, 'ਨਮਕ ਜੀਵਨ ਲਈ ਜ਼ਰੂਰੀ ਹੈ।'
ਇਹ ਇਸ ਲਈ ਹੈ ਕਿਉਂਕਿ ਲੂਣ ਕਿਰਿਆਸ਼ੀਲ ਮਨੁੱਖੀ ਸੈੱਲਾਂ ਲਈ ਬਹੁਤ ਮਹੱਤਵਪੂਰਨ ਹੈ। ਇਸ ਤੋਂ ਇਲਾਵਾ ਜੇ ਅਸੀਂ ਲੋੜੀਂਦੇ ਸੋਡੀਅਮ ਦਾ ਸੇਵਨ ਨਹੀਂ ਕਰਦੇ ਹਾਂ ਤਾਂ ਸਾਡੀ ਮੌਤ ਵੀ ਹੋ ਸਕਦੀ ਹੈ। ਵਾਸਤਵ ਵਿੱਚ, ਸੋਡੀਅਮ ਦੀ ਘਾਟ ਹਾਈਪੋਨੇਟ੍ਰੀਮੀਆ ਨਾਮਕ ਬਿਮਾਰੀ ਦਾ ਕਾਰਨ ਬਣ ਸਕਦੀ ਹੈ, ਜਿਸ ਨਾਲ ਉਲਝਣ, ਉਲਟੀਆਂ, ਦੌਰੇ, ਚਿੜਚਿੜਾਪਨ ਅਤੇ ਕੋਮਾ ਵਰਗੀਆਂ ਗੰਭੀਰ ਸਥਿਤੀਆਂ ਹੋ ਸਕਦੀਆਂ ਹਨ।
ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ (WHO) ਦੇ ਅਨੁਸਾਰ ਰੋਜ਼ਾਨਾ ਖੁਰਾਕ ਵਿੱਚ 5 ਗ੍ਰਾਮ ਨਮਕ ਦਾ ਸੇਵਨ ਕਰਨਾ ਜ਼ਰੂਰੀ ਹੈ। 5 ਗ੍ਰਾਮ ਲੂਣ ਵਿਚ ਲਗਭਗ 2 ਗ੍ਰਾਮ ਸੋਡੀਅਮ ਹੁੰਦਾ ਹੈ, ਜੋ ਇੱਕ ਚਮਚ ਦੇ ਬਰਾਬਰ ਹੁੰਦਾ ਹੈ। ਹਾਲਾਂਕਿ ਲੋਕ ਸਿਰਫ 5 ਗ੍ਰਾਮ ਨਮਕ ਹੀ ਨਹੀਂ ਖਾਂਦੇ ਸਗੋਂ ਇਸ ਦੀ ਦੁੱਗਣੀ ਵਰਤੋਂ ਕਰਦੇ ਹਨ। WHO ਦੀ ਰਿਪੋਰਟ ਮੁਤਾਬਕ ਵਿਸ਼ਵ ਪੱਧਰ 'ਤੇ ਲੋਕ ਹਰ ਰੋਜ਼ ਔਸਤਨ 11 ਗ੍ਰਾਮ ਨਮਕ ਖਾਂਦੇ ਹਨ। ਇਸ ਕਾਰਨ ਦਿਲ ਦੇ ਰੋਗ, ਪੇਟ ਦਾ ਕੈਂਸਰ, ਓਸਟੀਓਪੋਰੋਸਿਸ, ਮੋਟਾਪਾ ਅਤੇ ਗੁਰਦਿਆਂ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵੱਧ ਜਾਂਦਾ ਹੈ।
ਹਰ ਸਾਲ ਲੂਣ ਕਾਰਨ ਹੋਣ ਵਾਲੀਆਂ ਮੌਤਾਂ ਦੀ ਗੱਲ ਕਰੀਏ ਤਾਂ ਵਿਸ਼ਵ ਸਿਹਤ ਸੰਗਠਨ ਦਾ ਅੰਦਾਜ਼ਾ ਹੈ ਕਿ ਹਰ ਸਾਲ ਦੁਨੀਆ ਭਰ ਵਿੱਚ ਲੂਣ ਕਾਰਨ ਲਗਭਗ 18.9 ਲੱਖ ਲੋਕ ਮਰਦੇ ਹਨ। ਇਨ੍ਹਾਂ ਮੌਤਾਂ ਵਿੱਚ ਲੂਣ ਸਿੱਧੀ ਭੂਮਿਕਾ ਨਹੀਂ ਨਿਭਾਉਂਦਾ। ਇਸ ਦੀ ਬਜਾਇ, ਲੂਣ ਬਿਮਾਰੀਆਂ ਦੇ ਵਾਪਰਨ ਅਤੇ ਵਧਣ ਵਿਚ ਭੂਮਿਕਾ ਨਿਭਾਉਂਦਾ ਹੈ ਜੋ ਲੋਕਾਂ ਦੀ ਮੌਤ ਦਾ ਕਾਰਨ ਬਣਦੇ ਹਨ। ਇਸ ਲਈ ਸਿਹਤ ਮਾਹਿਰ ਹਮੇਸ਼ਾ ਨਮਕ ਦੀ ਵਰਤੋਂ ਘੱਟ ਤੋਂ ਘੱਟ ਕਰਨ ਦੀ ਸਲਾਹ ਦਿੰਦੇ ਹਨ। ਇਸ ਤਰ੍ਹਾਂ ਦੀ ਸਲਾਹ ਲੋਕਾਂ ਨੂੰ ਸ਼ੂਗਰ ਲਈ ਵੀ ਦਿੱਤੀ ਜਾਂਦੀ ਹੈ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
