Health News: AC ਵਾਲੇ ਕਮਰੇ ਵਿੱਚ ਨਾ ਕਰੋ ਇਹ 5 ਗਲਤੀਆਂ, ਨਹੀਂ ਤਾਂ ਸਿਹਤ ਸਣੇ ਜੇਬ ਨੂੰ ਹੋ ਸਕਦਾ ਨੁਕਸਾਨ
ਅਕਸਰ ਲੋਕ ਏ.ਸੀ. ਦਾ ਸੀਜ਼ਨ ਆਉਂਦੇ ਹੀ ਇੱਕ ਵਾਰੀ ਸਰਵਿਸ ਕਰਵਾ ਲੈਂਦੇ ਹਨ ਤੇ ਫਿਰ ਬਾਅਦ ਵਿੱਚ ਇਸਦੀ ਸਫਾਈ ਜਾਂ ਰਖ-ਰਖਾਵ ਭੁੱਲ ਜਾਂਦੇ ਹਨ। ਉਹ ਸਮਝਦੇ ਹਨ ਕਿ ਇੱਕ ਵਾਰੀ ਸਰਵਿਸ ਕਰਵਾ ਲੈਣ ਨਾਲ ਹੋਰ ਕੋਈ ਜ਼ਰੂਰਤ ਨਹੀਂ ਰਹਿੰਦੀ।
ਗਰਮੀ ਤੋਂ ਰਾਹਤ ਲੈਣ ਲਈ ਜ਼ਿਆਦਾਤਰ ਲੋਕ ਆਪਣੇ ਘਰਾਂ, ਦਫ਼ਤਰਾਂ ਜਾਂ ਦੁਕਾਨਾਂ ਵਿੱਚ ਏਅਰ ਕੰਡੀਸ਼ਨਰ (AC) ਦੀ ਵਰਤੋਂ ਕਰਦੇ ਹਾਂ। ਤਿੱਖੀ ਗਰਮੀ ਵਿੱਚ ਵੀ ਏਸੀ (AC) ਦੀ ਹਵਾ ਠੰਡ ਪ੍ਰਦਾਨ ਕਰਦੀ ਹੈ। ਗਰਮੀ ਨੂੰ ਹਰਾਉਣ ਵਿੱਚ ਏਸੀ ਦੀ ਕੋਈ ਤੁਲਨਾ ਨਹੀਂ, ਪਰ ਜੇਕਰ ਇਸਦੀ ਵਰਤੋਂ ਸਹੀ ਤਰੀਕੇ ਨਾਲ ਨਾ ਕੀਤੀ ਜਾਵੇ ਤਾਂ ਇਹ ਸਿਹਤ ਅਤੇ ਜੇਬ ਦੋਵਾਂ ਲਈ ਨੁਕਸਾਨਦਾਇਕ ਸਾਬਤ ਹੋ ਸਕਦੀ ਹੈ।
ਅਕਸਰ ਅਸੀਂ ਅਣਜਾਣੇ ਵਿੱਚ ਕੁਝ ਅਜਿਹੀਆਂ ਗਲਤੀਆਂ ਕਰ ਬੈਠਦੇ ਹਾਂ ਜੋ ਸਾਡੀ ਸਿਹਤ ਉੱਤੇ ਬੁਰਾ ਅਸਰ ਪਾ ਸਕਦੀਆਂ ਹਨ। ਇਨ੍ਹਾਂ ਗਲਤੀਆਂ ਕਰਕੇ ਨਾ ਸਿਰਫ ਸਾਡੀ ਸਿਹਤ ਖਰਾਬ ਹੋ ਸਕਦੀ ਹੈ, ਸਗੋਂ ਏਸੀ ਨੂੰ ਵੀ ਨੁਕਸਾਨ ਪਹੁੰਚ ਸਕਦਾ ਹੈ। ਆਓ ਜਾਣੀਏ ਉਹਨਾਂ ਆਮ ਗਲਤੀਆਂ ਬਾਰੇ ਜੋ ਏਸੀ ਵਾਲੇ ਕਮਰੇ ਵਿੱਚ ਰਹਿੰਦਿਆਂ ਤੌਰ 'ਤੇ ਟਾਲਣੀਆਂ ਚਾਹੀਦੀਆਂ ਹਨ।
ਭਿੱਜੇ ਕੱਪੜੇ ਜਾਂ ਭਿੱਜੇ ਸਰੀਰ ਨਾਲ AC ਵਾਲੇ ਕਮਰੇ ਵਿੱਚ ਨਾ ਜਾਓ
ਕਦੇ ਵੀ ਨ੍ਹਾਉਣ ਤੋਂ ਬਾਅਦ ਭਿੱਜੇ ਸਰੀਰ ਨਾਲ, ਪਸੀਨੇ ਨਾਲ ਭਿੱਜੇ ਹੋਏ ਹੋ ਕੇ ਜਾਂ ਭਿੱਜੇ ਕੱਪੜੇ ਪਾ ਕੇ ਏ.ਸੀ. ਵਾਲੇ ਕਮਰੇ ਵਿੱਚ ਨਹੀਂ ਜਾਣਾ ਚਾਹੀਦਾ। ਜਦੋਂ ਤੁਸੀਂ ਬਾਹਰੋਂ ਆ ਕੇ ਪਸੀਨੇ ਨਾਲ ਲਥਪਥ ਹੁੰਦੇ ਹੋ ਜਾਂ ਤੁਰੰਤ ਨਹਾ ਕੇ ਠੰਡੇ ਕਮਰੇ ਵਿੱਚ ਚਲੇ ਜਾਂਦੇ ਹੋ, ਤਾਂ ਸਰੀਰ ਦਾ ਤਾਪਮਾਨ ਅਚਾਨਕ ਘਟ ਜਾਂਦਾ ਹੈ। ਇਸ ਕਾਰਨ ਤੁਹਾਨੂੰ ਜੁਕਾਮ, ਸਰਦੀ, ਮਾਸਪੇਸ਼ੀਆਂ ਵਿੱਚ ਖਿੱਚ ਜਾਂ ਜੋੜਾਂ ਦੇ ਦਰਦ ਦੀ ਸਮੱਸਿਆ ਹੋ ਸਕਦੀ ਹੈ। ਇਸਦੇ ਨਾਲ ਹੀ, ਭਿੱਜੇ ਕੱਪੜਿਆਂ ਵਿੱਚ ਏਸੀ ਵਿੱਚ ਬੈਠਣ ਨਾਲ ਠੰਡ ਹੋਰ ਵੱਧ ਜਾਂਦੀ ਹੈ ਅਤੇ ਸਰੀਰ ਕੰਬਣ ਲੱਗਦਾ ਹੈ।
ਏ.ਸੀ. ਦਾ ਤਾਪਮਾਨ ਬਹੁਤ ਘੱਟ ਨਾ ਰੱਖੋ
ਜਦੋਂ ਗਰਮੀ ਬਹੁਤ ਵੱਧ ਜਾਂਦੀ ਹੈ ਤਾਂ ਬਹੁਤੇ ਲੋਕ ਏ.ਸੀ. ਨੂੰ 16 ਜਾਂ 18 ਡਿਗਰੀ ਤੇ ਸੈੱਟ ਕਰ ਦਿੰਦੇ ਹਨ। ਉਹ ਸੋਚਦੇ ਹਨ ਕਿ ਇਸ ਨਾਲ ਕਮਰਾ ਜਲਦੀ ਅਤੇ ਵਧੇਰੇ ਠੰਡਾ ਹੋ ਜਾਵੇਗਾ। ਪਰ ਅਜਿਹਾ ਕਰਨਾ ਸਹੀ ਨਹੀਂ ਹੈ। ਹਕੀਕਤ ਵਿੱਚ, AC ਦਾ ਤਾਪਮਾਨ ਬਹੁਤ ਘੱਟ ਰੱਖਣਾ ਸਿਹਤ ਲਈ ਨੁਕਸਾਨਦਾਇਕ ਹੋ ਸਕਦਾ ਹੈ। ਬਹੁਤ ਘੱਟ ਟੈਮਪਰੇਚਰ ਸਰੀਰ ਦੀ ਰੋਗ-ਪ੍ਰਤੀਰੋਧਕ ਸ਼ਕਤੀ ਨੂੰ ਕਮਜ਼ੋਰ ਕਰ ਸਕਦਾ ਹੈ, ਜਿਸ ਨਾਲ ਵਾਇਰਲ ਇੰਫੈਕਸ਼ਨ ਜਾਂ ਸਾਹ ਲੈਣ ਵਿੱਚ ਸਮੱਸਿਆ ਹੋ ਸਕਦੀ ਹੈ। ਇਸ ਲਈ ਏ.ਸੀ. ਦਾ ਤਾਪਮਾਨ 24 ਤੋਂ 26 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰੱਖਣਾ ਵਧੀਆ ਹੁੰਦਾ ਹੈ।
ਕਮਰੇ ਦਾ ਦਰਵਾਜ਼ਾ ਵਾਰ-ਵਾਰ ਨਾ ਖੋਲ੍ਹੋ ਅਤੇ ਖਿੜਕੀਆਂ ਬੰਦ ਰੱਖੋ
ਏ.ਸੀ. ਕਮਰੇ ਨੂੰ ਠੰਡਾ ਤਾਂ ਤਦ ਹੀ ਢੰਗ ਨਾਲ ਕਰ ਸਕਦਾ ਹੈ ਜਦੋਂ ਕਮਰਾ ਪੂਰੀ ਤਰ੍ਹਾਂ ਬੰਦ ਹੋਵੇ। ਜੇਕਰ ਤੁਸੀਂ ਵਾਰ-ਵਾਰ ਕਮਰੇ ਦਾ ਦਰਵਾਜ਼ਾ ਖੋਲ੍ਹਦੇ ਹੋ ਜਾਂ ਖਿੜਕੀਆਂ ਖੁੱਲੀਆਂ ਛੱਡ ਦਿੰਦੇ ਹੋ, ਤਾਂ ਬਾਹਰ ਦੀ ਗਰਮ ਹਵਾ ਅੰਦਰ ਆ ਜਾਂਦੀ ਹੈ ਅਤੇ ਏ.ਸੀ. ਕਮਰੇ ਨੂੰ ਢੰਗ ਨਾਲ ਠੰਡਾ ਨਹੀਂ ਕਰ ਪਾਂਦਾ। ਇਸਦੇ ਨਾਲ ਨਾਲ, ਵਾਰ-ਵਾਰ ਕਮਰਾ ਖੋਲ੍ਹਣ ਜਾਂ ਖਿੜਕੀਆਂ ਖੁੱਲੀਆਂ ਛੱਡਣ ਨਾਲ ਏ.ਸੀ. ਦੇ ਕੰਪ੍ਰੈਸਰ ਉੱਤੇ ਵੀ ਦਬਾਅ ਪੈਂਦਾ ਹੈ। ਇਸ ਕਾਰਨ ਨਾ ਸਿਰਫ ਬਿਜਲੀ ਦਾ ਬਿਲ ਵੱਧਦਾ ਹੈ, ਸਗੋਂ ਏ.ਸੀ. ਖਰਾਬ ਹੋਣ ਦੇ ਚਾਂਸ ਵੀ ਵੱਧ ਜਾਂਦੇ ਹਨ।
AC ਵਾਲੇ ਕਮਰੇ ਵਿੱਚ ਨਾ ਕਰੋ ਧੂੰਆ – ਨਾ ਹੀ ਸਿਗਰੇਟ ਪੀਓ, ਨਾ ਹੀ ਅਗਰਬੱਤੀ ਜਲਾਓ
ਏ.ਸੀ. ਵਾਲੇ ਕਮਰੇ ਵਿੱਚ ਕਦੇ ਵੀ ਸਿਗਰੇਟ ਨਹੀਂ ਪੀਣੀ ਚਾਹੀਦੀ ਅਤੇ ਨਾ ਹੀ ਅਗਰਬੱਤੀ ਜਾਂ ਹੋਰ ਕੋਈ ਧੂੰਆਂ ਵਾਲੀ ਚੀਜ਼ ਜਲਾਉਣੀ ਚਾਹੀਦੀ ਹੈ। ਅਸਲ ਵਿੱਚ, ਏ.ਸੀ. ਵਾਲਾ ਕਮਰਾ ਆਮ ਤੌਰ 'ਤੇ ਬੰਦ ਹੁੰਦਾ ਹੈ, ਜਿਸ ਕਾਰਨ ਅੰਦਰ ਤਾਜ਼ੀ ਹਵਾ ਘੱਟ ਪਹੁੰਚਦੀ ਹੈ। ਜੇਕਰ ਇਨ੍ਹਾਂ ਬੰਦ ਕਮਰਿਆਂ ਵਿੱਚ ਧੂੰਆ ਵਾਲੀ ਕੋਈ ਚੀਜ਼ ਜਲਾਈ ਜਾਵੇ, ਤਾਂ ਉਹ ਧੂੰਆ ਬਾਹਰ ਨਹੀਂ ਨਿਕਲ ਪਾਂਦਾ। ਇਸ ਨਾਲ ਸਾਹ ਲੈਣ ਵਿੱਚ ਦਿੱਕਤ ਹੋ ਸਕਦੀ ਹੈ। ਇਸਦੇ ਨਾਲ ਹੀ, ਧੂੰਏ ਕਾਰਨ ਏ.ਸੀ. ਦਾ ਫਿਲਟਰ ਵੀ ਗੰਦਾ ਹੋ ਸਕਦਾ ਹੈ, ਜਿਸ ਨਾਲ ਠੰਡਕ ਦੀ ਸਮਰਥਾ ਘੱਟ ਹੋ ਜਾਂਦੀ ਹੈ ਅਤੇ ਏ.ਸੀ. ਤੇ ਵਾਧੂ ਲੋਡ ਪੈਂਦਾ ਹੈ।
ਏ.ਸੀ. ਦੀ ਨਿਯਮਤ ਸਫਾਈ ਨਾ ਕਰਨਾ
ਅਕਸਰ ਲੋਕ ਏ.ਸੀ. ਦਾ ਸੀਜ਼ਨ ਆਉਂਦੇ ਹੀ ਇੱਕ ਵਾਰੀ ਸਰਵਿਸ ਕਰਵਾ ਲੈਂਦੇ ਹਨ ਤੇ ਫਿਰ ਬਾਅਦ ਵਿੱਚ ਇਸਦੀ ਸਫਾਈ ਜਾਂ ਰਖ-ਰਖਾਵ ਭੁੱਲ ਜਾਂਦੇ ਹਨ। ਉਹ ਸਮਝਦੇ ਹਨ ਕਿ ਇੱਕ ਵਾਰੀ ਸਰਵਿਸ ਕਰਵਾ ਲੈਣ ਨਾਲ ਹੋਰ ਕੋਈ ਜ਼ਰੂਰਤ ਨਹੀਂ ਰਹਿੰਦੀ। ਪਰ ਧਿਆਨ ਰਹੇ ਕਿ ਜੇਕਰ ਏ.ਸੀ. ਦੀ ਨਿਯਮਤ ਸਫਾਈ ਨਾ ਕੀਤੀ ਜਾਵੇ ਤਾਂ ਇਸਦੇ ਫਿਲਟਰ 'ਚ ਧੂੜ-ਮਿੱਟੀ ਜੰਮ ਜਾਣੀ ਸ਼ੁਰੂ ਹੋ ਜਾਂਦੀ ਹੈ, ਜਿਸ ਨਾਲ ਏ.ਸੀ. ਤੋਂ ਨਿਕਲਣ ਵਾਲੀ ਹਵਾ ਪ੍ਰਦੂਸ਼ਿਤ ਹੋ ਜਾਂਦੀ ਹੈ।
ਇਹ ਹਵਾ ਸਿਹਤ ਲਈ ਨੁਕਸਾਨਦਾਇਕ ਹੋ ਸਕਦੀ ਹੈ ਅਤੇ ਸਾਹ ਦੀਆਂ ਸਮੱਸਿਆਵਾਂ ਪੈਦਾ ਕਰ ਸਕਦੀ ਹੈ। ਇਸ ਲਈ ਏ.ਸੀ. ਦੀ ਸਮੇਂ-ਸਮੇਂ 'ਤੇ ਸਫਾਈ ਕਰਵਾਣੀ ਬਹੁਤ ਜ਼ਰੂਰੀ ਹੈ।
ਇਸ ਕਾਰਨ ਚਮੜੀ ਦੀ ਬਿਮਾਰੀ, ਅੱਖਾਂ ਵਿੱਚ ਜਲਣ ਅਤੇ ਐਲਰਜੀ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸਦੇ ਨਾਲ ਨਾਲ ਜੇਕਰ ਏ.ਸੀ. ਦੀ ਨਿਯਮਤ ਸਫਾਈ ਨਾ ਕੀਤੀ ਜਾਵੇ ਤਾਂ ਇਹ ਖਰਾਬ ਵੀ ਹੋ ਸਕਦਾ ਹੈ। ਇਨ੍ਹਾਂ ਸਭ ਸਮੱਸਿਆਵਾਂ ਤੋਂ ਬਚਣ ਲਈ ਹਰ ਦੋ ਤੋਂ ਤਿੰਨ ਮਹੀਨੇ ਵਿੱਚ ਏ.ਸੀ. ਦੀ ਸਰਵਿਸਿੰਗ ਕਰਵਾਉਣੀ ਚਾਹੀਦੀ ਹੈ ਅਤੇ ਵਿਚਕਾਰ ਵੀ ਸਫਾਈ ਦਾ ਖਿਆਲ ਰੱਖਣਾ ਚਾਹੀਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
