Health Tips: ਮਹਿੰਗੇ ਪ੍ਰੋਡਕਟ ਨਹੀਂ ਸਗੋਂ ਕੇਲੇ ਦੇ ਛਿਲਕੇ ਚਮਕਾ ਦੇਣਗੇ ਤੁਹਾਡਾ ਚਿਹਰਾ, ਜਾਣੋ ਕੀ ਹੈ ਤਰੀਕਾ ?
ਕੇਲੇ ਦੇ ਛਿਲਕੇ ਦੀ ਵਰਤੋਂ ਕਰਨ ਤੋਂ ਪਹਿਲਾਂ, ਇਸਨੂੰ ਥੋੜ੍ਹੇ ਜਿਹੇ ਹਿੱਸੇ 'ਤੇ ਟੈਸਟ ਕਰੋ ਅਤੇ ਫਿਰ ਆਪਣਾ ਚਿਹਰਾ ਧੋ ਲਓ। ਇਹ ਤੁਹਾਨੂੰ ਦੱਸੇਗਾ ਕਿ ਇਹ ਤੁਹਾਡੇ ਲਈ ਢੁਕਵਾਂ ਹੈ ਜਾਂ ਨਹੀਂ।
Glowing skin : ਅੱਜਕੱਲ੍ਹ, ਹਰ ਰੋਜ਼ ਬਾਜ਼ਾਰ ਵਿੱਚ ਨਵੇਂ ਉਤਪਾਦ ਆ ਰਹੇ ਹਨ ਜੋ ਚਿਹਰੇ ਨੂੰ ਚਮਕਦਾਰ ਬਣਾਉਣ ਤੇ ਇਸਨੂੰ ਬੇਦਾਗ ਰੱਖਣ ਦਾ ਦਾਅਵਾ ਕਰਦੇ ਹਨ। ਅਜਿਹੀ ਸਥਿਤੀ ਵਿੱਚ ਤੁਸੀਂ ਹਰ ਮਹੀਨੇ ਇੱਕ ਨਵੀਂ ਕਰੀਮ, ਫੇਸ ਮਾਸਕ, ਸੀਰਮ ਟੋਨਰ ਆਦਿ ਲਿਆਉਂਦੇ ਹੋ। ਉਨ੍ਹਾਂ ਵਿੱਚੋਂ ਕੁਝ ਤੁਹਾਡੇ ਲਈ ਢੁਕਵੇਂ ਹੁੰਦੇ ਨੇ ਤੇ ਕੁਝ ਨਹੀਂ ਜਿਸ ਕਾਰਨ ਤੁਹਾਡੀ ਚਮੜੀ ਦੀ ਸਿਹਤ ਪ੍ਰਭਾਵਿਤ ਹੁੰਦੀ ਹੈ ਤੇ ਚਮੜੀ ਦੀ ਕੁਦਰਤੀ ਚਮਕ ਹੌਲੀ-ਹੌਲੀ ਘੱਟਣ ਲੱਗਦੀ ਹੈ।
ਇਸ ਲਈ ਰਸਾਇਣਕ ਉਤਪਾਦਾਂ ਨਾਲ ਚਮੜੀ ਦੀ ਦੇਖਭਾਲ ਲਈ ਪ੍ਰਯੋਗ ਕਰਨ ਦੀ ਬਜਾਏ, ਤੁਹਾਨੂੰ ਕੁਝ ਘਰੇਲੂ ਉਪਚਾਰ ਅਪਣਾਉਣੇ ਚਾਹੀਦੇ ਹਨ। ਤੁਸੀਂ ਆਪਣੇ ਚਿਹਰੇ ਦੀ ਦੇਖਭਾਲ ਲਈ ਕੇਲੇ ਦੀ ਵਰਤੋਂ ਕਰ ਸਕਦੇ ਹੋ।
ਦਰਅਸਲ, ਕੇਲੇ ਦੇ ਛਿਲਕੇ ਵਿੱਚ ਪਾਏ ਜਾਣ ਵਾਲੇ ਪੌਸ਼ਟਿਕ ਤੱਤ, ਜਿਵੇਂ ਕਿ ਵਿਟਾਮਿਨ, ਐਂਟੀਆਕਸੀਡੈਂਟ ਅਤੇ ਜ਼ਿੰਕ ਤੁਹਾਡੀ ਚਮੜੀ ਵਿੱਚ ਕੋਲੇਜਨ ਦੇ ਉਤਪਾਦਨ ਨੂੰ ਵਧਾਉਣਗੇ ਜਿਸ ਨਾਲ ਨਾ ਸਿਰਫ਼ ਤੁਹਾਡੀ ਚਮੜੀ ਚਮਕਦਾਰ ਦਿਖਾਈ ਦੇਵੇਗੀ ਸਗੋਂ ਚਮੜੀ 'ਤੇ ਮੁਹਾਸੇ ਦੇ ਨਿਸ਼ਾਨ ਵੀ ਹਲਕੇ ਹੋਣੇ ਸ਼ੁਰੂ ਹੋ ਜਾਣਗੇ।
ਸਭ ਤੋਂ ਪਹਿਲਾਂ ਤੁਹਾਨੂੰ ਆਪਣਾ ਚਿਹਰਾ ਚੰਗੀ ਤਰ੍ਹਾਂ ਸਾਫ਼ ਕਰਨਾ ਪਵੇਗਾ... ਫਿਰ ਤੁਹਾਨੂੰ ਕੇਲੇ ਦੇ ਛਿਲਕੇ ਨੂੰ ਦੋ ਹਿੱਸਿਆਂ ਵਿੱਚ ਵੰਡ ਕੇ ਆਪਣੇ ਚਿਹਰੇ 'ਤੇ ਰਗੜਨਾ ਪਵੇਗਾ ਫਿਰ ਤੁਹਾਨੂੰ ਆਪਣੇ ਚਿਹਰੇ ਨੂੰ 20 ਮਿੰਟਾਂ ਲਈ ਸੁੱਕਣ ਲਈ ਛੱਡ ਦੇਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਆਪਣੇ ਚਿਹਰੇ ਨੂੰ ਚੰਗੀ ਤਰ੍ਹਾਂ ਧੋ ਲਓ ਤੇ ਆਪਣੇ ਚਿਹਰੇ 'ਤੇ ਮਾਇਸਚਰਾਈਜ਼ਰ ਲਗਾਓ। ਤੁਹਾਨੂੰ ਇਸਨੂੰ ਹਫ਼ਤੇ ਵਿੱਚ ਦੋ ਵਾਰ ਵਰਤਣਾ ਪਵੇਗਾ।
ਕੇਲੇ ਦੇ ਛਿਲਕੇ ਤੇ ਸ਼ਹਿਦ ਦਾ ਮਿਸ਼ਰਣ ਤੁਹਾਡੀ ਚਮੜੀ ਨੂੰ ਹਾਈਡ੍ਰੇਟ ਕਰਦਾ ਹੈ ਤੇ ਇਸਨੂੰ ਚਮਕਦਾਰ ਬਣਾਉਣ ਵਿੱਚ ਮਦਦ ਕਰਦਾ ਹੈ। ਪਹਿਲਾਂ 1 ਕੇਲੇ ਦੇ ਛਿਲਕੇ ਨੂੰ ਮੈਸ਼ ਕਰੋ ਤੇ ਉਸ ਵਿੱਚ 1 ਚਮਚ ਸ਼ਹਿਦ ਮਿਲਾਓ। ਹੁਣ ਇਸ ਪੈਕ ਨੂੰ ਆਪਣੇ ਚਿਹਰੇ 'ਤੇ 15 ਤੋਂ 20 ਮਿੰਟ ਲਈ ਛੱਡ ਦਿਓ ਫਿਰ ਇਸਨੂੰ ਕੋਸੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਤੁਹਾਡੀ ਚਮੜੀ ਚਮਕਦਾਰ ਅਤੇ ਨਰਮ ਹੋ ਜਾਵੇਗੀ।
ਕੇਲੇ ਦੇ ਛਿਲਕੇ ਦੀ ਵਰਤੋਂ ਕਰਨ ਤੋਂ ਪਹਿਲਾਂ, ਇਸਨੂੰ ਥੋੜ੍ਹੇ ਜਿਹੇ ਹਿੱਸੇ 'ਤੇ ਟੈਸਟ ਕਰੋ ਅਤੇ ਫਿਰ ਆਪਣਾ ਚਿਹਰਾ ਧੋ ਲਓ। ਇਹ ਤੁਹਾਨੂੰ ਦੱਸੇਗਾ ਕਿ ਇਹ ਤੁਹਾਡੇ ਲਈ ਢੁਕਵਾਂ ਹੈ ਜਾਂ ਨਹੀਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
