ਧੋਣ ਤੋਂ ਬਾਅਦ ਵੀ ਕੰਬਲ ‘ਚੋਂ ਆ ਰਹੀ ਸੀਲਨ ਦੀ ਬੂ? ਧੁੱਪ ‘ਚ ਸੁਕਾਉਣ ਤੋਂ ਬਾਅਦ ਕਰੋ ਇਹ 3 ਕੰਮ...ਨਵੇਂ ਵਰਗੇ ਹੋ ਜਾਣਗੇ
ਬਹੁਤ ਸਾਰੇ ਲੋਕ ਅਕਸਰ ਹੀ ਇਸ ਗੱਲ ਤੋਂ ਪ੍ਰੇਸ਼ਾਨ ਰਹਿੰਦੇ ਹਨ ਕਿ ਉਨ੍ਹਾਂ ਦੇ ਕੰਬਲਾਂ ਤੋਂ ਬੂ ਨਹੀਂ ਜਾਂਦੀ ਭਾਵੇਂ ਧੋ ਕੇ ਧੁੱਪ ਵੀ ਲਗਵਾ ਲਓ। ਪਰ ਅੱਜ ਅਸੀਂ ਤੁਹਾਨੂੰ ਇਸ ਮੁਸ਼ਕਿਲ ਦਾ ਬਹੁਤ ਹੀ ਆਸਾਨ ਹੱਲ ਦੱਸਾਂਗੇ। ਇਨ੍ਹਾਂ ਘਰੇਲੂ ਉਪਾਅ..
ਪੇਟੀ ਜਾਂ ਲੱਕੜ ਵਾਲੇ ਬੋਕਸ-ਬੈਡ ਤੋਂ ਕੱਢਣ ਤੋਂ ਬਾਅਦ ਕੰਬਲ ਵਿੱਚੋਂ ਸੀਲਨ ਦੀ ਬੂ ਆਉਣਾ ਬਹੁਤ ਆਮ ਗੱਲ ਹੈ। ਪਰ ਮੁਸ਼ਕਲ ਤਦੋਂ ਵੱਧ ਜਾਂਦੀ ਹੈ ਜਦੋਂ ਇਹ ਬਦਬੂ ਧੋਣ ਤੋਂ ਬਾਅਦ ਵੀ ਘਟਦੀ ਨਹੀਂ। ਕਈ ਵਾਰ ਅਸੀਂ ਕੰਬਲ ਨੂੰ ਚੰਗੀ ਤਰ੍ਹਾਂ ਧੁੱਪ ‘ਚ ਸੁਕਾ ਵੀ ਲੈਂਦੇ ਹਾਂ, ਪਰ ਫਿਰ ਵੀ ਕੰਬਲ ਜਾਂ ਰਜਾਈ ਵਿੱਚੋਂ ਹੌਲੀ-ਹੌਲੀ ਬੂ ਆਉਂਦੀ ਰਹਿੰਦੀ ਹੈ। ਇਹ ਬਦਬੂ ਨਾ ਸਿਰਫ਼ ਸੌਣ ਵਿੱਚ ਤਕਲੀਫ਼ ਦਿੰਦੀ ਹੈ, ਸਗੋਂ ਐਲਰਜੀ ਤੇ ਖਾਂਸੀ ਵਰਗੀਆਂ ਸਮੱਸਿਆਵਾਂ ਨੂੰ ਵੀ ਵਧਾ ਸਕਦੀ ਹੈ। ਜੇ ਤੁਹਾਡੇ ਨਾਲ ਵੀ ਇਹੀ ਦਿੱਕਤ ਆ ਰਹੀ ਹੈ ਤਾਂ ਇਸਨੂੰ ਵਾਰ-ਵਾਰ ਧੋਣ ਦੀ ਬਜਾਏ ਕੁਝ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ ਤਾਂ ਜੋ ਕੰਬਲ ਨੂੰ ਤਾਜ਼ਾ ਰੱਖਿਆ ਜਾ ਸਕੇ।
ਕੰਬਲ ਨੂੰ ਸੁਕਾਉਣ ਤੋਂ ਬਾਅਦ ਕਰੋ ਇਹ 3 ਕੰਮ
ਗੁਲਾਬ ਜਲ ਦਾ ਕਰੋ ਇਸਤੇਮਾਲ
ਧੁੱਪ ਵਿੱਚ ਸੁਕਾਉਣ ਤੋਂ ਬਾਅਦ ਕੰਬਲ ‘ਤੇ ਗੁਲਾਬ ਜਲ ਦਾ ਛਿੜਕਾਅ ਕਰੋ। ਇਸ ਨਾਲ ਇਸ ਵਿਚੋਂ ਆਉਣ ਵਾਲੀ ਬਦਬੂ ਖ਼ਤਮ ਹੋ ਜਾਂਦੀ ਹੈ। ਗੁਲਾਬ ਜਲ ਬਹੁਤ ਹੀ ਸੁਗੰਧੀਦਾਰ ਹੁੰਦਾ ਹੈ, ਜਿਸਦਾ ਵਰਤੋਂ ਜ਼ਿਆਦਾਤਰ ਸੁੰਦਰਤਾ ਲਈ ਕੀਤਾ ਜਾਂਦਾ ਹੈ। ਹਾਲਾਂਕਿ, ਜੇ ਤੁਸੀਂ ਚਾਹੋ ਤਾਂ ਕੰਬਲ ਨੂੰ ਧੋਂਦੇ ਸਮੇਂ ਮਸ਼ੀਨ ਵਿੱਚ ਗੁਲਾਬ ਦੀਆਂ ਪੱਤੀਆਂ ਵੀ ਪਾ ਸਕਦੇ ਹੋ।
ਸੁੱਕਣ ਤੋਂ ਬਾਅਦ ਕਪੂਰ ਨਾਲ ਤਹਿ ਕਰਕੇ ਰੱਖੋ ਕੰਬਲ
ਤੁਸੀਂ ਕੰਬਲ ਸੁਕਾਉਣ ਤੋਂ ਬਾਅਦ ਕਪੂਰ ਦਾ ਇਸਤੇਮਾਲ ਕਰ ਸਕਦੇ ਹੋ। ਕੰਬਲ (blanket) ਨੂੰ ਤਹਿ ਕਰਦੇ ਸਮੇਂ ਕਪੂਰ ਰੱਖਣਾ ਫਾਇਦਾਮੰਦ ਹੁੰਦਾ ਹੈ। ਇਸ ਨਾਲ ਕੰਬਲ ਵਿੱਚ ਰਹਿ ਗਈ ਸੀਲਨ ਦੀ ਬਦਬੂ ਆਸਾਨੀ ਨਾਲ ਦੂਰ ਹੋ ਜਾਂਦੀ ਹੈ, ਕਿਉਂਕਿ ਕਪੂਰ ਕੁਦਰਤੀ ਤੌਰ ‘ਤੇ ਸੁਗੰਧੀਦਾਰ ਹੁੰਦਾ ਹੈ।
ਇਸਦੇ ਇਲਾਵਾ, ਤੁਸੀਂ ਕਪੂਰ ਦਾ ਪਾਊਡਰ ਕਾਗਜ਼ ਵਿੱਚ ਲਪੇਟ ਕੇ ਵੀ ਕੰਬਲ ਦੇ ਅੰਦਰ ਰੱਖ ਸਕਦੇ ਹੋ।
ਕੰਬਲ ਨੂੰ ਪੂਰੀ ਤਰ੍ਹਾਂ ਸੁਕਾਓ
ਕਈ ਵਾਰ ਕੰਬਲ ਪੂਰੀ ਤਰ੍ਹਾਂ ਨਹੀਂ ਸੁੱਕਦਾ ਅਤੇ ਅਸੀਂ ਇਸਨੂੰ ਅੱਧ-ਸੁੱਕੇ ਹਾਲਤ ਵਿੱਚ ਹੀ ਅਲਮਾਰੀ ਵਿੱਚ ਰੱਖ ਦਿੰਦੇ ਹਾਂ। ਕੁਝ ਸਮੇਂ ਬਾਅਦ ਇਸ ਵਿੱਚੋਂ ਬਦਬੂ ਆਉਣ ਲੱਗਦੀ ਹੈ। ਇਸ ਲਈ ਇਹ ਗਲਤੀ ਕਦੇ ਨਾ ਕਰੋ।
ਕੰਬਲ ਨੂੰ ਚੰਗੀ ਤਰ੍ਹਾਂ ਸੁੱਕਣ ਦਿਓ ਅਤੇ ਇਸ ਵਿੱਚੋਂ ਨਮੀ ਪੂਰੀ ਤਰ੍ਹਾਂ ਖ਼ਤਮ ਹੋਣ ਦਿਓ। ਜੇ ਤੁਹਾਨੂੰ ਲੱਗੇ ਕਿ ਕੰਬਲ ਧੁੱਪ ਵਿੱਚ ਵੀ ਠੀਕ ਤਰ੍ਹਾਂ ਨਹੀਂ ਸੁੱਕ ਰਿਹਾ, ਤਾਂ ਤੁਸੀਂ ਪ੍ਰੈੱਸ ਦਾ ਇਸਤੇਮਾਲ ਕਰ ਸਕਦੇ ਹੋ।
ਇਹ ਟਿੱਪਸ ਜ਼ਰੂਰ ਫਾਲੋ ਕਰੋ
ਕੰਬਲ ਧੋਂਦੇ ਸਮੇਂ ਪਾਣੀ ਵਿੱਚ ਸਫ਼ੈਦ ਸਿਰਕੇ ਦਾ ਇੱਕ ਢੱਕਣ ਪਾ ਦਿਓ। ਇਸ ਨਾਲ ਬਦਬੂ ਪਹਿਲਾਂ ਹੀ ਘੱਟ ਹੋ ਜਾਏਗੀ।
ਬਹੁਤ ਭਾਰੀ ਕੰਬਲ ਨੂੰ ਵਾਸ਼ਿੰਗ ਮਸ਼ੀਨ ਵਿੱਚ ਓਵਰਲੋਡ ਨਾ ਕਰੋ, ਨਹੀਂ ਤਾਂ ਇਹ ਠੀਕ ਤਰ੍ਹਾਂ ਸਾਫ਼ ਨਹੀਂ ਹੋਣਗੇ ਅਤੇ ਤੁਹਾਡੀ ਮਸ਼ੀਨ ਖਰਾਬ ਹੋਣ ਦਾ ਖਤਰਾ ਵੀ ਵੱਧ ਜਾਂਦਾ ਹੈ।
ਕੰਬਲ ਪੂਰੀ ਤਰ੍ਹਾਂ ਸੁੱਕਣ ਤੋਂ ਪਹਿਲਾਂ ਕਦੇ ਵੀ ਇਸਨੂੰ ਤਹਿ ਕਰਕੇ ਨਾ ਰੱਖੋ, ਨਹੀਂ ਤਾਂ ਸੀਲਨ ਦੀ ਬਦਬੂ ਮੁੜ ਆ ਜਾਏਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
