Quit smoking: ਜਦੋਂ ਕੋਈ ਸਿਗਰੇਟ ਛੱਡਦਾ ਤਾਂ ਕੀ ਹੁੰਦਾ? ਘੰਟਿਆਂ ਦੇ ਹਿਸਾਬ ਨਾਲ ਸਰੀਰ 'ਚ ਹੁੰਦੇ ਇਹ ਬਦਲਾਅ
Heath After Quit Smoking: ਜਦੋਂ ਕੋਈ ਲੰਬੇ ਸਮੇਂ ਤੋਂ ਸਿਗਰਟ ਪੀਂਦਾ ਰਹਿੰਦਾ ਹੈ ਅਤੇ ਛੱਡ ਦਿੰਦਾ ਹੈ, ਤਾਂ ਉਸ ਦੇ ਸਰੀਰ ਵਿੱਚ ਕਾਫੀ ਬਦਲਾਅ ਆਉਂਦੇ ਹਨ। ਤਾਂ ਆਓ ਜਾਣਦੇ ਹਾਂ ਕਿ ਇਹ ਕਿਹੜੇ ਬਦਲਾਅ ਹਨ।
Heath After Quit Smoking: ਤੁਸੀਂ ਸਾਰੇ ਜਾਣਦੇ ਹੋ ਕਿ ਸਿਗਰਟ ਸਰੀਰ ਲਈ ਖਤਰਨਾਕ ਹੁੰਦੀ ਹੈ ਅਤੇ ਇਹ ਹੌਲੀ-ਹੌਲੀ ਫੇਫੜਿਆਂ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ। ਸਿਗਰਟ 'ਚ ਪਾਏ ਜਾਣ ਵਾਲੇ ਜ਼ਹਿਰੀਲੇ ਪਦਾਰਥ ਸਰੀਰ ਨੂੰ ਪੂਰੀ ਤਰ੍ਹਾਂ ਖੋਖਲਾ ਬਣਾ ਦਿੰਦੇ ਹਨ, ਇਸ ਲਈ ਇਸ ਨੂੰ ਛੱਡਣਾ ਸਹੀ ਓਪਸ਼ਨ ਹੈ। ਜਦੋਂ ਕੋਈ ਸਿਗਰਟ ਪੀਂਦਾ ਹੈ, ਤਾਂ ਉਸ ਦੇ ਸਰੀਰ 'ਚ ਕਾਫੀ ਬਦਲਾਅ ਹੁੰਦੇ ਹਨ। ਉਵੇਂ ਹੀ ਸਿਗਰਟ ਛੱਡਣ ਕਰਕੇ ਵੀ ਸਰੀਰ 'ਚ ਕਈ ਬਦਲਾਅ ਹੁੰਦੇ ਹਨ ਜੋ ਕਿ ਸਰੀਰ ਲਈ ਚੰਗੇ ਹੁੰਦੇ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਟਾਈਮਲਾਈਨ ਦੇ ਹਿਸਾਬ ਨਾਲ ਦੱਸ ਰਹੇ ਹਾਂ ਕਿ ਸਿਗਰਟ ਛੱਡਣ 'ਤੇ ਸਰੀਰ 'ਚ ਕੀ ਬਦਲਾਅ ਹੁੰਦੇ ਹਨ ਅਤੇ ਸਰੀਰ ਦੁਬਾਰਾ ਕਿਵੇਂ ਠੀਕ ਹੁੰਦਾ ਹੈ।
ਇੱਕ ਘੰਟੇ ਬਾਅਦ
ਆਖਰੀ ਸਿਗਰਟ ਪੀਣ ਤੋਂ ਲਗਭਗ 20 ਮਿੰਟ ਬਾਅਦ, ਦਿਲ ਦੀ ਧੜਕਣ ਘੱਟ ਜਾਵੇਗੀ ਅਤੇ ਆਮ ਪੜਾਅ 'ਤੇ ਵਾਪਸ ਆ ਜਾਵੇਗੀ। ਨਾਲ ਹੀ ਬਲੱਡ ਪ੍ਰੈਸ਼ਰ ਵੀ ਸਥਿਰ ਹੋਣਾ ਸ਼ੁਰੂ ਹੋ ਜਾਵੇਗਾ।
12 ਘੰਟੇ ਬਾਅਦ
ਸਿਗਰਟ ਵਿੱਚ ਕਾਰਬਨ ਮੋਨੋਆਕਸਾਈਡ ਵਰਗੇ ਕਈ ਜ਼ਹਿਰੀਲੇ ਪਦਾਰਥ ਹੁੰਦੇ ਹਨ, ਜਿਸ ਨਾਲ ਖੂਨ ਅਤੇ ਦਿਲ ਨੂੰ ਆਕਸੀਜਨ ਪ੍ਰਾਪਤ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ। ਜੇਕਰ ਤੁਸੀਂ 12 ਘੰਟੇ ਬਿਨਾਂ ਸਿਗਰਟ ਤੋਂ ਰਹਿੰਦੇ ਹੋ ਤਾਂ ਸਰੀਰ ਕਾਰਬਨ ਮੋਨੋਆਕਸਾਈਡ ਨੂੰ ਘੱਟ ਕਰਦਾ ਹੈ ਅਤੇ ਇਸ ਦਾ ਪੱਧਰ ਕੰਟਰੋਲ 'ਚ ਰਹਿੰਦਾ ਹੈ ਅਤੇ ਸਰੀਰ 'ਚ ਆਕਸੀਜਨ ਦਾ ਪੱਧਰ ਵਧਦਾ ਹੈ।
ਇਹ ਵੀ ਪੜ੍ਹੋ: Polycystic Ovary Syndrome: ਔਰਤਾਂ 'ਚ ਕਿਉਂ ਵਧ ਜਾਂਦਾ ਮਰਦਾਂ ਵਾਲਾ ਹਾਰਮੋਨ? ਸਮੱਸਿਆ ਹੋ ਸਕਦੀ ਬਹੁਤ ਹੀ ਘਾਤਕ
ਇੱਕ ਦਿਨ ਬਾਅਦ
ਸਿਗਰੇਟ ਛੱਡਣ ਤੋਂ ਸਿਰਫ 1 ਦਿਨ ਬਾਅਦ ਦਿਲ ਦੇ ਦੌਰੇ ਦਾ ਖਤਰਾ ਘੱਟ ਹੋਣਾ ਸ਼ੁਰੂ ਹੋ ਜਾਂਦਾ ਹੈ। ਸਿਗਰਟ ਖੂਨ ਦੇ ਥੱਕੇ ਬਣਨ ਦੇ ਖਤਰੇ ਨੂੰ ਵਧਾਉਂਦੀ ਹੈ ਅਤੇ ਹਾਈ ਬਲੱਡ ਪ੍ਰੈਸ਼ਰ ਨਾਲ ਬਹੁਤ ਪਰੇਸ਼ਾਨੀ ਦਾ ਕਾਰਨ ਬਣਦੀ ਹੈ। ਪਰ ਇੱਕ ਦਿਨ ਬਾਅਦ, ਬਲੱਡ ਪ੍ਰੈਸ਼ਰ ਕੰਟਰੋਲ ਹੋ ਜਾਂਦਾ ਹੈ ਅਤੇ ਆਕਸੀਜਨ ਦਾ ਪੱਧਰ ਵਧਣਾ ਸ਼ੁਰੂ ਹੋ ਜਾਂਦਾ ਹੈ।
ਦੋ ਦਿਨ ਬਾਅਦ
ਸਿਗਰਟ ਛੱਡਣ ਤੋਂ ਬਾਅਦ ਕਈ ਨਸਾਂ ਚੰਗੀ ਤਰ੍ਹਾਂ ਕੰਮ ਕਰਨ ਲੱਗ ਜਾਂਦੀਆਂ ਹਨ, ਜਿਸ ਨਾਲ ਦੋ ਦਿਨਾਂ ਬਾਅਦ ਸਵਾਦ ਅਤੇ ਸੁੰਘਣ ਦੀ ਸ਼ਕਤੀ ਵੱਧ ਜਾਂਦੀ ਹੈ।
ਤਿੰਨ ਦਿਨ ਬਾਅਦ
ਸਿਗਰਟ ਛੱਡਣ ਤੋਂ 3 ਦਿਨਾਂ ਬਾਅਦ ਨਿਕੋਟੀਨ ਦਾ ਪੱਧਰ ਕਾਫ਼ੀ ਘੱਟ ਜਾਂਦਾ ਹੈ। ਨਿਕੋਟੀਨ ਘੱਟ ਹੋਣ ਤੋਂ 3 ਦਿਨਾਂ ਬਾਅਦ, ਲੋਕਾਂ ਦਾ ਮੂਡ ਖਰਾਬ ਹੋ ਸਕਦਾ ਹੈ ਅਤੇ ਚਿੜਚਿੜਾਪਣ, ਗੰਭੀਰ ਸਿਰ ਦਰਦ ਆਦਿ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਇੱਕ ਮਹੀਨੇ ਬਾਅਦ
ਇੱਕ ਮਹੀਨੇ ਬਾਅਦ ਫੇਫੜਿਆਂ ਵਿੱਚ ਮਹੱਤਵਪੂਰਣ ਸੁਧਾਰ ਹੁੰਦਾ ਹੈ। ਫੇਫੜਿਆਂ ਦੇ ਠੀਕ ਹੋਣ ਨਾਲ ਦੌੜਨੇ, ਘੁੰਮਣੇ ਅਤੇ ਚੱਲਣ ਵਰਗੀਆਂ ਤਾਕਤਾਂ ਵਧਣ ਲੱਗਦੀਆਂ ਹਨ।
ਤਿੰਨ ਮਹੀਨੇ ਬਾਅਦ
ਸਿਗਰਟ ਛੱਡਣ ਤੋਂ ਬਾਅਦ, ਫੇਫੜਿਆਂ, ਖੂਨ, ਦਿਲ ਦਾ ਸੁਧਾਰ ਨਿਰੰਤਰ ਜਾਰੀ ਰਹਿੰਦਾ ਹੈ।
ਨੌਂ ਮਹੀਨੇ ਬਾਅਦ
ਫਿਰ ਨੌਂ ਮਹੀਨਿਆਂ ਬਾਅਦ, ਫੇਫੜੇ ਚੰਗੀ ਤਰ੍ਹਾਂ ਠੀਕ ਹੋ ਜਾਂਦੇ ਹਨ। ਵਾਲਾਂ ਵਰਗੇ ਕਈ ਢਾਂਚੇ ਠੀਕ ਹੋਣੇ ਸ਼ੁਰੂ ਹੋ ਜਾਂਦੇ ਹਨ, ਜੋ ਸਿਗਰਟ ਪੀਣ ਨਾਲ ਨੁਕਸਾਨੇ ਜਾਂਦੇ ਹਨ। ਇਹ ਢਾਂਚੇ ਫੇਫੜਿਆਂ ਨੂੰ ਲਾਗ ਤੋਂ ਬਚਾਉਂਦੇ ਹਨ।
ਲਗਭਗ ਇੱਕ ਸਾਲ ਬਾਅਦ
ਲਗਭਗ ਇੱਕ ਸਾਲ ਬਾਅਦ ਦਿਲ ਨਾਲ ਜੁੜੀਆਂ ਸਮੱਸਿਆਵਾਂ ਲਗਭਗ ਅੱਧੀਆਂ ਹੋ ਜਾਂਦੀਆਂ ਹਨ। ਨਾਲ ਹੀ, ਇਹ ਜੋਖਮ ਘਟਦਾ ਰਹਿੰਦਾ ਹੈ।
ਲਗਭਗ ਪੰਜ ਸਾਲ ਬਾਅਦ
ਪੰਜ ਸਾਲਾਂ ਬਾਅਦ, ਸਰੀਰ ਦੀਆਂ ਨਸਾਂ ਦੁਬਾਰਾ ਚੌੜੀਆਂ ਹੋ ਜਾਂਦੀਆਂ ਹਨ, ਜੋ ਇੱਕ ਸਿਹਤਮੰਦ ਸਰੀਰ ਵਿੱਚ ਹੁੰਦੀਆਂ ਹਨ। ਇਸ ਨਾਲ ਖੂਨ ਦੇ ਥੱਕੇ ਬਣਨ ਦੀ ਸਮੱਸਿਆ ਬਹੁਤ ਘੱਟ ਹੋ ਜਾਂਦੀ ਹੈ। ਇਹ ਪ੍ਰਕਿਰਿਆ ਜਾਰੀ ਰਹਿੰਦੀ ਹੈ ਅਤੇ ਸਰੀਰ ਤੰਦਰੁਸਤ ਰਹਿੰਦਾ ਹੈ।
ਇਹ ਵੀ ਪੜ੍ਹੋ: Mobile Phone: ਜੇਕਰ ਤੁਸੀਂ ਵੀ ਤੁਰਦਿਆਂ-ਤੁਰਦਿਆਂ ਫੋਨ 'ਤੇ ਕਰਦੇ ਹੋ ਗੱਲ, ਤਾਂ ਇਹ ਖਤਰਨਾਕ ਬਿਮਾਰੀ ਦੇ ਰਹੀ ਸੱਦਾ, ਜਾਣੋ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
