ਜੇ ਤੁਸੀਂ ਪੁਰਾਣੇ ਅੰਡਰਵਿਅਰ ਨੂੰ ਸਿੱਧਾ ਸੁੱਟ ਦਿੰਦੇ ਹੋ ਤਾਂ ਸਾਵਧਾਨ! ਅਜਿਹਾ ਕਰਨ ਨਾਲ ਹੁੰਦੇ ਇਹ ਨੁਕਸਾਨ, ਜਾਣੋ ਇਨ੍ਹਾਂ ਨੂੰ ਡੀਕੰਪੋਜ਼ ਕਰਨ ਦਾ ਸਹੀ ਤਰੀਕਾ
ਪੁਰਾਣੇ ਅੰਡਰਵੇਅਰ, ਵੈਸਟ ਜਾਂ ਬਰਾ ਵਰਗੀਆਂ ਚੀਜ਼ਾਂ ਨੂੰ ਕਿਵੇਂ ਵਰਤਣਾ ਚਾਹੀਦਾ ਹੈ, ਇਹ ਹਰ ਕਿਸੇ ਦੇ ਮਨ ਦੇ ਵਿੱਚ ਇਹ ਪ੍ਰਸ਼ਨ ਜ਼ਰੂਰ ਹੁੰਦਾ ਹੈ। ਬਹੁਤ ਸਾਰੇ ਲੋਕ ਦਾਨ ਕਰ ਦੇਂਦੇ ਹਨ ਜਾਂ ਫਿਰ ਰੱਦੀ ਜਾਂ ਫਿਰ ਕੂੜੇ ਵਿੱਚ ਸੁੱਟ ਦੇਂਦੇ ਹਨ।
ਜਿਵੇਂ ਹੀ ਅੰਡਰਗਾਰਮੈਂਟਸ ਪੁਰਾਣੇ ਹੋ ਜਾਂਦੇ ਹਨ, ਬਹੁਤ ਸਾਰੇ ਲੋਕ ਇਨ੍ਹਾਂ ਨੂੰ ਕਿਸੇ ਨੂੰ ਦਾਨ ਕਰ ਦੇਂਦੇ ਹਨ ਜਾਂ ਫਿਰ ਰੱਦੀ ਜਾਂ ਫਿਰ ਕੂੜੇ ਵਿੱਚ ਸੁੱਟ ਦੇਂਦੇ ਹਨ। ਖਾਸ ਕਰਕੇ ਘਰਾਂ ਵਿੱਚ ਔਰਤ-ਮਰਦਾਂ ਦੇ ਅੰਡਰਵੇਅਰ ਜਾਂ ਬਨਿਆਨ ਕਿਸੇ ਹੋਰ ਕੰਮ ਨਹੀਂ ਆਉਂਦੇ। ਪਰ ਮੰਨਤਾ ਹੈ ਕਿ ਆਪਣੇ ਅੰਡਰਵੇਅਰ ਜਾਂ ਬਨਿਆਨ ਕਿਸੇ ਨੂੰ ਵੀ ਨਾ ਦਿਓ ਅਤੇ ਨਾ ਹੀ ਸਿੱਧਾ ਕੂੜੇ ਵਿੱਚ ਸੁੱਟੋ। ਇਹ ਦੋਵੇਂ ਕੰਮ ਤੁਹਾਡੇ ਲਈ ਨੁਕਸਾਨਦਾਇਕ ਹੋ ਸਕਦੇ ਹਨ। ਇਸ ਲਈ, ਜਾਣੋ ਅੰਡਰਗਾਰਮੈਂਟਸ ਨੂੰ ਫੇਂਕਣ ਜਾਂ ਦੁਬਾਰਾ ਵਰਤਣ ਦਾ ਠੀਕ ਤਰੀਕਾ।
ਅੰਡਰਗਾਰਮੈਂਟਸ ਨੂੰ ਕਿਸੇ ਨੂੰ ਦੇਣ ਜਾਂ ਸੁੱਟਣ ਦੇ ਨੁਕਸਾਨ
ਜੇ ਤੁਸੀਂ ਪੁਰਾਣੇ ਅੰਡਰਗਾਰਮੈਂਟਸ ਕਿਸੇ ਹੋਰ ਨੂੰ ਦੇ ਦਿੰਦੇ ਹੋ ਜਾਂ ਵਰਤਣ ਤੋਂ ਬਾਅਦ ਸਿੱਧੇ ਸੁੱਟ ਦੇਂਦੇ ਹੋ ਤਾਂ ਸਾਵਧਾਨ ਹੋ ਜਾਓ। ਮੰਨਿਆ ਜਾਂਦਾ ਹੈ ਕਿ ਅਜਿਹਾ ਕਰਨ ਨਾਲ ਸਰੀਰ ਦੀ ਪੌਜ਼ਿਟਿਵ ਊਰਜਾ ਖਤਮ ਹੋ ਜਾਂਦੀ ਹੈ। ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਇਸ ਤਰ੍ਹਾਂ ਤੁਹਾਡਾ ਭਾਗ ਕਿਸੇ ਹੋਰ ਦੇ ਕੋਲ ਚਲਾ ਜਾਂਦਾ ਹੈ। ਇਸਦੇ ਇਲਾਵਾ, ਜੇ ਤੁਸੀਂ ਅੰਡਰਗਾਰਮੈਂਟਸ ਨੂੰ ਕਚਰੇ ਵਿੱਚ ਸੁੱਟ ਦਿੰਦੇ ਹੋ, ਤਾਂ ਕੁਝ ਲੋਕ ਉਨ੍ਹਾਂ ਨੂੰ ਚੁੱਕ ਕੇ ਗਲਤ ਤਰੀਕੇ ਨਾਲ ਵੀ ਵਰਤ ਸਕਦੇ ਹਨ, ਜਿਸ ਨਾਲ ਤੁਹਾਡੇ ਸਰੀਰ ਉੱਤੇ ਨਕਾਰਾਤਮਕ ਅਸਰ ਪੈ ਸਕਦਾ ਹੈ।
ਅੰਡਰਗਾਰਮੈਂਟਸ ਨੂੰ ਡੀਕੰਪੋਜ਼ ਕਰਨ ਦਾ ਸਹੀ ਤਰੀਕਾ ਕੀ ਹੈ?
ਜਦੋਂ ਵੀ ਤੁਸੀਂ ਅਪਣਾ ਅੰਡਰਵੇਅਰ ਜਾਂ ਬਨਿਆਨ ਕਿਸੇ ਨੂੰ ਦੇਣਾ ਚਾਹੁੰਦੇ ਹੋ ਜਾਂ ਫੇਰ ਸੁੱਟਣਾ ਹੋਵੇ, ਤਾਂ ਉਸ ਉੱਤੇ ਕੱਟ ਜ਼ਰੂਰ ਬਣਾ ਦੇਣਾ ਚਾਹੀਦਾ ਹੈ। ਜੇ ਤੁਸੀਂ ਸਹੀ-ਸਲਾਮਤ ਬਰਾ, ਅੰਡਰਵੇਅਰ ਜਾਂ ਬਨਿਆਨ ਵਰਗੀਆਂ ਚੀਜ਼ਾਂ ਕਿਸੇ ਨੂੰ ਦਿੰਦੇ ਹੋ, ਤਾਂ ਉਨ੍ਹਾਂ ਵਿੱਚ ਕੈਂਚੀ ਨਾਲ ਥੋੜ੍ਹਾ ਜਿਹਾ ਕੱਟ ਜ਼ਰੂਰ ਲਾਓ। ਤਾਂ ਜੋ ਤੁਹਾਡੇ ਸਰੀਰ ਦੀ ਊਰਜਾ ਉਸ ਕੱਪੜੇ ਤੋਂ ਨਿਕਲ ਜਾਏ।
ਕਾਫੀ ਸਾਰੇ ਲੋਕ ਪੁਰਾਣੇ ਪਰ ਸਹੀ-ਸਲਾਮਤ ਅੰਡਰਗਾਰਮੈਂਟਸ ਨੂੰ ਦਾਨ ਕਰਨ ਦੀ ਸਲਾਹ ਦਿੰਦੇ ਹਨ, ਪਰ ਪੁਰਾਣੀਆਂ ਮੰਨਤਾਵਾਂ ਅਨੁਸਾਰ, ਅਜਿਹਾ ਕਰਦਿਆਂ ਵੀ ਉਸ ਵਿੱਚ ਛੋਟਾ ਜਿਹਾ ਕੱਟ ਜ਼ਰੂਰ ਲਗਾਉਣਾ ਚਾਹੀਦਾ ਹੈ।
ਇਹਨਾਂ ਤਰੀਕਿਆਂ ਨਾਲ ਕਦੇ ਵੀ ਵਰਤੋਂ ਨਾ ਕਰੋ:
- ਕਦੇ ਵੀ ਵਰਤੇ ਹੋਏ ਪੁਰਾਣੇ ਅੰਡਰਗਾਰਮੈਂਟਸ ਨੂੰ ਪੋਚਾ ਬਣਾਕੇ ਵਰਤਣਾ ਨਹੀਂ ਚਾਹੀਦਾ। ਇਸ ਨਾਲ ਅੰਡਰਗਾਰਮੈਂਟਸ ਵਿੱਚ ਮੌਜੂਦ ਬੈਕਟੀਰੀਆ ਘਰ ਦੇ ਹੋਰ ਹਿੱਸਿਆਂ 'ਚ ਫੈਲ ਸਕਦੇ ਹਨ।
- ਅੰਡਰਗਾਰਮੈਂਟਸ ਨੂੰ ਕਦੇ ਵੀ ਭੁੱਲ ਕੇ ਵੀ ਰਸੋਈ ਵਰਗੀਆਂ ਥਾਵਾਂ 'ਤੇ ਵਰਤਣਾ ਨਹੀਂ ਚਾਹੀਦਾ। ਇਨ੍ਹਾਂ ਵਿੱਚ ਮੌਜੂਦ ਬੈਕਟੀਰੀਆ ਖਾਣੇ ਰਾਹੀਂ ਸਰੀਰ ਵਿੱਚ ਪਹੁੰਚ ਸਕਦੇ ਹਨ।
- ਪੁਰਾਣੇ ਬਨਿਆਨ ਜਾਂ ਵੈਸਟ ਨੂੰ ਹੱਥ ਸੁੱਕਾਉਣ ਵਾਲਾ ਤੌਲੀਆ ਵਿਚ ਬਦਲਣਾ ਨਹੀਂ ਚਾਹੀਦਾ। ਪੁਰਾਣੀ ਮੰਨਤਾ ਹੈ ਕਿ ਅਜਿਹਾ ਕਰਨ ਨਾਲ ਭਾਗ ਨੂੰ ਨੁਕਸਾਨ ਪਹੁੰਚਦਾ ਹੈ।
ਪੁਰਾਣੇ ਅੰਡਰਗਾਰਮੈਂਟਸ ਨੂੰ ਵਰਤਣ ਦਾ ਤਰੀਕਾ
ਹੁਣ ਹਰ ਕਿਸੇ ਦੇ ਮਨ ਵਿੱਚ ਇਹ ਗੱਲ ਹੋ ਸਕਦੀ ਹੈ ਕਿ ਆਖਿਰ ਪੁਰਾਣੇ ਅੰਡਰਗਾਰਮੈਂਟਸ ਦਾ ਕਰੀਏ ਕੀ? ਤਾਂ ਚਿੰਤਾ ਨਾ ਕਰੋ, ਜਾਣੋ ਇਨ੍ਹਾਂ ਨੂੰ ਵਰਤਣ ਦੇ ਇਹ ਸਮਾਰਟ ਤਰੀਕੇ:
ਰੀਸਾਈਕਲ ਲਈ ਦਿਓ
ਆਪਣੇ ਪੁਰਾਣੇ ਅੰਡਰਵੇਅਰ ਅਤੇ ਵੈਸਟ ਨੂੰ ਹਮੇਸ਼ਾ ਕੱਟ ਕੇ ਰੀਸਾਈਕਲ ਕਰਨ ਲਈ ਦਿਓ। ਇਸ ਲਈ ਹਮੇਸ਼ਾ ਕਾਟਨ ਵਾਲੇ ਅੰਡਰਵੇਅਰ ਦੀ ਵਰਤੋਂ ਕਰੋ, ਜੋ ਆਸਾਨੀ ਨਾਲ ਰੀਸਾਈਕਲ ਹੋ ਸਕਣ। ਰੀਸਾਈਕਲ ਕਰਨ ਵਾਲੇ ਸੈਂਟਰ ਆਮ ਤੌਰ 'ਤੇ ਕੱਟੇ-ਫਟੇ ਅੰਡਰਗਾਰਮੈਂਟਸ ਨੂੰ ਹੀ ਲੈਂਦੇ ਹਨ।
ਪਿਲੋ ਜਾਂ ਕੁਸ਼ਨ ਵਿੱਚ ਭਰਨ ਲਈ ਵਰਤੋਂ
ਆਪਣੇ ਪੁਰਾਣੇ ਅੰਡਰਵੇਅਰ, ਵੈਸਟ ਜਾਂ ਬਰਾ ਵਰਗੀਆਂ ਚੀਜ਼ਾਂ ਦੇ ਹੂਕ, ਸਟਰੈਪ ਆਦਿ ਹਟਾਕੇ ਉਨ੍ਹਾਂ ਨੂੰ ਪਿਲੋ ਜਾਂ ਕੁਸ਼ਨ ਭਰਨ ਲਈ ਵਰਤਿਆ ਜਾ ਸਕਦਾ ਹੈ। ਇਹ ਉਨ੍ਹਾਂ ਨੂੰ ਵਰਤਣ ਦਾ ਸਭ ਤੋਂ ਸੁਰੱਖਿਅਤ ਅਤੇ ਸਾਫ-ਸੁਥਰਾ ਤਰੀਕਾ ਹੈ, ਕਿਉਂਕਿ ਇਸ ਤਰ੍ਹਾਂ ਤੁਸੀਂ ਸਿੱਧੇ ਅੰਡਰਗਾਰਮੈਂਟਸ ਦੇ ਸੰਪਰਕ ਵਿੱਚ ਨਹੀਂ ਆਉਂਦੇ।
ਸ਼ੂ ਪੈਡ
ਜੇ ਜੂਤੇ ਥੋੜ੍ਹੇ ਵੱਡੇ ਹਨ ਤਾਂ ਤੁਸੀਂ ਆਪਣੇ ਪੁਰਾਣੇ ਅੰਡਰਗਾਰਮੈਂਟਸ ਨੂੰ ਸਿੱਲ ਕੇ ਉਨ੍ਹਾਂ ਨੂੰ ਸ਼ੂ ਪੈਡ ਵਜੋਂ ਵਰਤ ਸਕਦੇ ਹੋ। ਇਹ ਇੱਕ ਸਮਾਰਟ ਅਤੇ ਕੰਫਰਟੇਬਲ ਤਰੀਕਾ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
