ਯਾਦਦਾਸ਼ਤ 'ਚ ਸੁਧਾਰ ਕਰਨ ਲਈ ਖਮੀਰ ਫਾਇਦੇਮੰਦ

ਤਹਿਰਾਨ  : ਅਲਜਾਇਮਰ ਰੋਗੀਆਂ ਲਈ ਖਮੀਰ ਅਤੇ ਲਾਈਵ ਬੈਕਟੀਰੀਆ (ਪ੍ਰੋਬਾਇਓਟਿਕਸ) ਫਾਇਦੇਮੰਦ ਹੋ ਸਕਦੇ ਹਨ। ਇਸ ਦੀ ਰੋਜ਼ਾਨਾ ਵਰਤੋਂ ਨਾਲ ਇਨ੍ਹਾਂ ਰੋਗੀਆਂ ਦੀ ਯਾਦਦਾਸ਼ਤ 'ਚ ਸੁਧਾਰ ਹੋ ਸਕਦਾ ਹੈ। ਇਹ ਦਾਅਵਾ ਨਵੀਂ ਖੋਜ 'ਚ ਕੀਤਾ ਗਿਆ ਹੈ। ਖੋਜਾਰਥੀਆਂ ਦੇ ਮੁਤਾਬਕ ਪ੍ਰੋਬਾਇਟਿਕਸ ਨੂੰ ਪਾਚਨ ਤੰਤਰ ਲਈ ਚੰਗਾ ਮੰਨਿਆ ਜਾਂਦਾ ਹੈ। ਇਹ ਡਾਇਰੀਆ, ਇਰੀਟੇਬਲ ਬੋਲਲ ਸਿੰਡਰੋਮ, ਐਕਜ਼ਿਮਾ, ਐਲਰਜੀ ਅਤੇ ਜੁਕਾਮ ਵਰਗੇ ਲਾਗ ਤੋਂ ਬਚਾਅ ਕਰਦਾ ਹੈ। ਪ੍ਰੋਬਾਇਓਟਿਕਸ ਨਾਲ ਯਾਦਦਾਸ਼ਤ ਵੀ ਬਿਹਤਰ ਹੋ ਸਕਦੀ ਹੈ। ਇਸ ਦਾ 60 ਤੋਂ 95 ਸਾਲ ਦੇ 52 ਅਲਜਾਇਮਰ ਰੋਗੀਆਂ 'ਤੇ ਕਲੀਨਿਕਲ ਟ੍ਰਾਇਲ ਕੀਤਾ ਗਿਆ। ਇਨ੍ਹਾਂ ਨੂੰ 12 ਹਫਤੇ ਤਕ ਹਰ ਰੋਜ਼ ਪ੍ਰੋਬਾਇਓਟਿਕਸ ਦੀ ਖ਼ੁਰਾਕ ਦਿੱਤੀ ਗਈ। ਇਸ ਨਾਲ ਇਨ੍ਹਾਂ ਦੀ ਯਾਦਦਾਸ਼ਤ ਭਾਵੇਂ ਸੀਮਤ ਪਰ ਸ਼ਾਨਦਾਰ ਸੁਧਾਰ ਪਾਇਆ ਗਿਆ। ਕਸ਼ਾਨ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਮਹਿਮੂਦ ਸਲਾਮੀ ਨੇ ਕਿਹਾ ਕਿ ਸਿੱਟਿਆਂ ਤੋਂ ਸੰਕੇਤ ਮਿਲਿਆ ਹੈ ਕਿ ਮੈਟਾਬੋਲਿਕ 'ਚ ਕੁਝ ਬਦਲਾਅ ਕੀਤੇ ਜਾਣ ਨਾਲ ਇਸ ਦਾ ਅਲਜਾਇਮਰ ਅਤੇ ਦਿਮਾਗ ਸਬੰਧੀ ਦੂਜੇ ਨੁਕਸਾਂ 'ਤੇ ਜ਼ਿਆਦਾ ਅਸਰ ਪੈਣ ਦੀ ਉਮੀਦ ਹੈ।