Cancer and Obesity link: ਮੋਟਾਪੇ ਕਰਕੇ ਤੇਜ਼ੀ ਨਾਲ ਵਧ ਰਿਹਾ ਕੈਂਸਰ? ਤਾਜ਼ਾ ਖੋਜ 'ਚ ਹੋਸ਼ ਉਡਾ ਦੇਣ ਵਾਲਾ ਖੁਲਾਸਾ
ਜ਼ਿਆਦਾਤਰ ਲੋਕ ਮੋਟਾਪੇ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹਨ। ਗਲਤ ਖਾਣ-ਪੀਣ ਤੇ ਮਾੜੀ ਜੀਵਨ ਸ਼ੈਲੀ ਕਾਰਨ ਲੋਕਾਂ ਦਾ ਭਾਰ ਵਧਦਾ ਜਾ ਰਿਹਾ ਹੈ।
Cancer and Obesity link: ਅੱਜ-ਕੱਲ੍ਹ ਜ਼ਿਆਦਾਤਰ ਲੋਕ ਮੋਟਾਪੇ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹਨ। ਗਲਤ ਖਾਣ-ਪੀਣ ਤੇ ਮਾੜੀ ਜੀਵਨ ਸ਼ੈਲੀ ਕਾਰਨ ਲੋਕਾਂ ਦਾ ਭਾਰ ਵਧਦਾ ਜਾ ਰਿਹਾ ਹੈ। ਇੱਕ ਤਾਜ਼ਾ ਅਧਿਐਨ ਮੁਤਾਬਕ ਮੋਟਾਪੇ ਕਾਰਨ ਸਿਹਤ ਸਬੰਧੀ ਸਮੱਸਿਆਵਾਂ ਵਧ ਸਕਦੀਆਂ ਹਨ। ਅਧਿਐਨ ਵਿੱਚ ਸਾਹਮਣੇ ਆਇਆ ਹੈ ਕਿ ਵੱਧ ਭਾਰ ਕਾਰਨ ਕੈਂਸਰ ਦੀ ਗਿਣਤੀ ਕਈ ਗੁਣਾ ਵੱਧ ਰਹੀ ਹੈ।
ਤਾਜ਼ਾ ਅਧਿਐਨ ਵਿੱਚ 4.1 ਮਿਲੀਅਨ ਭਾਗੀਦਾਰ ਸ਼ਾਮਲ ਸਨ। ਇਸ ਨਵੇਂ ਅਧਿਐਨ ਨੇ ਦਿਖਾਇਆ ਹੈ ਕਿ ਮੋਟਾਪੇ ਨਾਲ ਸਬੰਧਤ ਕੈਂਸਰ ਹੁਣ 10 ਵਿੱਚੋਂ 4 ਵਿਅਕਤੀਆਂ ਵਿੱਚ ਪਾਇਆ ਜਾ ਸਕਦਾ ਹੈ। ਅਧਿਐਨਾਂ ਨੇ 30 ਕਿਸਮਾਂ ਦੇ ਕੈਂਸਰ ਨੂੰ ਮੋਟਾਪੇ ਨਾਲ ਜੋੜਿਆ ਹੈ। ਪਹਿਲਾਂ ਮੋਟਾਪੇ ਨਾਲ ਜੁੜੀਆਂ 13 ਤਰ੍ਹਾਂ ਦੀਆਂ ਖਤਰਨਾਕ ਬੀਮਾਰੀਆਂ ਹੋ ਸਕਦੀਆਂ ਸਨ ਪਰ ਹੁਣ ਇਹ ਗਿਣਤੀ ਵਧ ਕੇ 32 ਹੋ ਗਈ ਹੈ।
ਸਿਹਤਮੰਦ ਜੀਵਨ ਸ਼ੈਲੀ ਅਹਿਮ
ਦਰਅਸਲ ਜਿਵੇਂ-ਜਿਵੇ ਸਮਾਜ ਆਰਥਿਕ ਵਿਕਾਸ ਤੇ ਨਵੇਂ ਮੌਕਿਆਂ ਨਾਲ ਖੁਸ਼ਹਾਲ ਹੋ ਰਿਹਾ ਹੈ, ਉਵੇਂ ਹੀ ਦੁਨੀਆ ਭਰ ਦੇ ਵੱਡੀ ਗਿਣਤੀ ਲੋਕਾਂ ਵਿੱਚ ਖੁਰਾਕ ਦੇ ਪੈਟਰਨ ਘੱਟ ਸਿਹਤਮੰਦ ਹੁੰਦੇ ਜਾ ਰਹੇ ਹਨ। ਇਸ ਨਾਲ ਮੋਟਾਪੇ ਬਾਰੇ ਚਿੰਤਾਵਾਂ ਵਧ ਰਹੀਆਂ ਹਨ। ਜਿਵੇਂ ਮਾੜੀ ਖੁਰਾਕ ਸਿਹਤ ਨੂੰ ਨੁਕਸਾਨ ਪਹੁੰਚਾ ਰਹੀ ਹੈ, ਉਸ ਨੂੰ ਦੇਖਦੇ ਹੋਏ ਭਾਰਤੀ ਸਿਹਤ ਅਧਿਕਾਰੀਆਂ ਨੇ ਵੀ ਹਾਲ ਹੀ ਵਿੱਚ ਰੋਜ਼ਾਨਾ ਖੁਰਾਕ ਤੋਂ ਜੰਕ ਫੂਡ ਨੂੰ ਘਟਾਉਣ ਤੇ ਇੱਕ ਸਿਹਤਮੰਦ ਜੀਵਨ ਸ਼ੈਲੀ ਅਪਣਾਉਣ ਲਈ ਐਡਵਾਈਜ਼ਰੀ ਜਾਰੀ ਕੀਤੀ ਹੈ।
ਅਧਿਐਨ ਕਿਵੇਂ ਕੀਤਾ ਗਿਆ?
ਸਵੀਡਨ ਦੇ ਮਾਲਮੋ ਵਿੱਚ ਲੁੰਡ ਯੂਨੀਵਰਸਿਟੀ ਦੁਆਰਾ ਕਰਵਾਏ ਗਏ ਇਸ ਖੋਜ ਵਿੱਚ ਚਾਰ ਦਹਾਕਿਆਂ ਦੀ ਮਿਆਦ ਵਿੱਚ 4.1 ਮਿਲੀਅਨ ਤੋਂ ਵੱਧ ਭਾਗੀਦਾਰਾਂ ਦੇ ਭਾਰ ਤੇ ਜੀਵਨ ਸ਼ੈਲੀ ਦਾ ਅਧਿਐਨ ਕੀਤਾ ਗਿਆ। ਖੋਜਕਰਤਾਵਾਂ ਨੇ ਇੱਕ ਅਧਿਐਨ ਵਿੱਚ ਬਿਮਾਰੀ ਦੀਆਂ 122 ਕਿਸਮਾਂ ਤੇ ਉਪ-ਕਿਸਮਾਂ ਦੀ ਜਾਂਚ ਕੀਤੀ ਤੇ ਮੋਟਾਪੇ ਦੇ ਸਬੰਧ ਵਿੱਚ ਕੈਂਸਰ ਦੇ 32 ਰੂਪਾਂ ਦੀ ਪਛਾਣ ਕੀਤੀ।
ਇਕੱਲੇ 2016 ਵਿੱਚ ਕੈਂਸਰ 'ਤੇ ਖੋਜ ਲਈ ਅੰਤਰਰਾਸ਼ਟਰੀ ਏਜੰਸੀ ਦੁਆਰਾ 13 ਦੀ ਪਛਾਣ ਕੀਤੀ ਗਈ ਸੀ, ਜਿਸ ਵਿੱਚ ਛਾਤੀ, ਅੰਤੜੀ, ਬੱਚੇਦਾਨੀ ਤੇ ਗੁਰਦੇ ਦੇ ਕੈਂਸਰ ਸ਼ਾਮਲ ਹਨ। ਅਧਿਐਨ ਨੇ ਪਹਿਲੀ ਵਾਰ 19 ਸੰਭਾਵੀ ਤੌਰ 'ਤੇ ਮੋਟਾਪੇ ਨਾਲ ਸਬੰਧਤ ਕੈਂਸਰਾਂ ਦੀ ਪਛਾਣ ਕੀਤੀ, ਜਿਸ ਵਿੱਚ ਘਾਤਕ ਮੇਲਾਨੋਮਾ, ਗੈਸਟਿਕ ਟਿਊਮਰ, ਛੋਟੀ ਅੰਤੜੀ ਤੇ ਪਿਟਿਊਟਰੀ ਗ੍ਰੰਥੀਆਂ ਦਾ ਕੈਂਸਰ, ਸਿਰ ਤੇ ਗਰਦਨ ਦਾ ਕੈਂਸਰ, ਵਲਵਰ ਤੇ ਪੇਨਾਇਲ ਕੈਂਸਰ ਸ਼ਾਮਲ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
