![ABP Premium](https://cdn.abplive.com/imagebank/Premium-ad-Icon.png)
Causes of blackening : ਦੰਦਾਂ ਦੇ ਕਾਲੇਪਨ ਨੂੰ ਕਿਵੇਂ ਕਰੀਏ ਦੂਰ ? ਇੱਥੇ ਜਾਣੋ ਦੰਦਾਂ ਨੂੰ ਸਿਹਤਮੰਦ ਤੇ ਸਾਫ਼ ਰੱਖਣ ਦਾ ਆਸਾਨ ਤਰੀਕਾ
ਕਈ ਵਾਰ ਦੰਦਾਂ 'ਤੇ ਕਾਲੇ ਨਿਸ਼ਾਨ ਦਿਖਾਈ ਦੇਣ ਲੱਗ ਪੈਂਦੇ ਹਨ ਅਤੇ ਦੰਦ ਹੌਲੀ-ਹੌਲੀ ਕਾਲੇ ਹੋ ਜਾਂਦੇ ਹਨ। ਜ਼ਿਆਦਾਤਰ ਲੋਕ ਇਸ ਸਮੱਸਿਆ ਨੂੰ ਆਮ ਸਮੱਸਿਆ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ ਪਰ ਇਹ ਗੰਭੀਰ ਬਿਮਾਰੀ ਦਾ ਲੱਛਣ ਹੋ ਸਕਦਾ ਹੈ।
![Causes of blackening : ਦੰਦਾਂ ਦੇ ਕਾਲੇਪਨ ਨੂੰ ਕਿਵੇਂ ਕਰੀਏ ਦੂਰ ? ਇੱਥੇ ਜਾਣੋ ਦੰਦਾਂ ਨੂੰ ਸਿਹਤਮੰਦ ਤੇ ਸਾਫ਼ ਰੱਖਣ ਦਾ ਆਸਾਨ ਤਰੀਕਾ Causes of blackening: How to remove the blackness of teeth? Here is an easy way to keep teeth healthy and clean Causes of blackening : ਦੰਦਾਂ ਦੇ ਕਾਲੇਪਨ ਨੂੰ ਕਿਵੇਂ ਕਰੀਏ ਦੂਰ ? ਇੱਥੇ ਜਾਣੋ ਦੰਦਾਂ ਨੂੰ ਸਿਹਤਮੰਦ ਤੇ ਸਾਫ਼ ਰੱਖਣ ਦਾ ਆਸਾਨ ਤਰੀਕਾ](https://feeds.abplive.com/onecms/images/uploaded-images/2022/10/10/288df90698e09357b57f3dbc60d756af1665385584133498_original.jpg?impolicy=abp_cdn&imwidth=1200&height=675)
Causes oF Blackening : ਦੰਦ ਤੁਹਾਡੀ ਸੁੰਦਰਤਾ ਨੂੰ ਕਾਫੀ ਪ੍ਰਭਾਵਿਤ ਕਰਦੇ ਹਨ। ਜੇਕਰ ਤੁਹਾਡੇ ਦੰਦ ਖਰਾਬ ਹਨ ਜਾਂ ਟੁੱਟ ਗਏ ਹਨ ਤਾਂ ਤੁਸੀਂ ਕਾਫੀ ਸ਼ਰਮਿੰਦਾ ਮਹਿਸੂਸ ਕਰਦੇ ਹੋ ਅਤੇ ਕਿਸੇ ਨਾਲ ਆਸਾਨੀ ਨਾਲ ਗੱਲ ਵੀ ਨਹੀਂ ਕਰ ਪਾਉਂਦੇ। ਸਮੇਂ ਦੇ ਨਾਲ ਤੇ ਖਾਣ-ਪੀਣ ਬਦਲਣ ਕਾਰਨ ਦੰਦਾਂ ਦੀਆਂ ਕਈ ਸਮੱਸਿਆਵਾਂ (Problems) ਵੀ ਪੈਦਾ ਹੋ ਗਈਆਂ ਹਨ। ਤੁਸੀਂ ਅਕਸਰ ਦੇਖਿਆ ਹੋਵੇਗਾ ਕਿ ਸਾਡੇ ਦੰਦ ਅਚਾਨਕ ਪੀਲੇ ਹੋਣ ਲੱਗਦੇ ਹਨ। ਅਜਿਹਾ ਭੋਜਨ ਦੇ ਕਾਰਨ ਹੁੰਦਾ ਹੈ, ਜੋ ਬੁਰਸ਼ ਕਰਨ ਨਾਲ ਵੀ ਸਾਫ਼ ਹੋ ਜਾਂਦਾ ਹੈ। ਹਾਲਾਂਕਿ, ਕਈ ਵਾਰ ਦੰਦਾਂ 'ਤੇ ਕਾਲੇ ਨਿਸ਼ਾਨ ਦਿਖਾਈ ਦੇਣ ਲੱਗ ਪੈਂਦੇ ਹਨ ਅਤੇ ਦੰਦ ਹੌਲੀ-ਹੌਲੀ ਕਾਲੇ ਹੋ ਜਾਂਦੇ ਹਨ। ਜ਼ਿਆਦਾਤਰ ਲੋਕ ਇਸ ਸਮੱਸਿਆ ਨੂੰ ਆਮ ਸਮੱਸਿਆ ਸਮਝ ਕੇ ਨਜ਼ਰਅੰਦਾਜ਼ (Ignore) ਕਰ ਦਿੰਦੇ ਹਨ ਪਰ ਇਹ ਦੰਦਾਂ ਦੀ ਗੰਭੀਰ ਬਿਮਾਰੀ ਦਾ ਲੱਛਣ ਵੀ ਹੋ ਸਕਦਾ ਹੈ।
ਦੰਦਾਂ ਦਾ ਚਿੱਟਾ ਰੰਗ ਦੰਦਾਂ 'ਤੇ ਬਾਹਰੀ ਸੁਰੱਖਿਆ ਪਰਤ ਇਨੇਮਲ ਵਿਚ ਮੌਜੂਦ ਕੈਲਸ਼ੀਅਮ ਦੀ ਮਾਤਰਾ ਦੇ ਕਾਰਨ ਹੁੰਦਾ ਹੈ। ਜਦੋਂ ਦੰਦਾਂ ਦੀ ਇਹ ਸੁਰੱਖਿਆ ਪਰਤ ਕਮਜ਼ੋਰ ਹੋਣ ਲੱਗਦੀ ਹੈ ਜਾਂ ਖਰਾਬ ਹੋ ਜਾਂਦੀ ਹੈ, ਤਾਂ ਦੰਦਾਂ ਦਾ ਰੰਗ ਬਦਲਣਾ ਸ਼ੁਰੂ ਹੋ ਜਾਂਦਾ ਹੈ, ਜੋ ਤੁਹਾਡੇ ਦੰਦਾਂ ਲਈ ਖਤਰਨਾਕ ਹੋ ਸਕਦਾ ਹੈ, ਤਾਂ ਆਓ ਜਾਣਦੇ ਹਾਂ ਦੰਦਾਂ ਦੇ ਇਸ ਕਾਲੇਪਨ ਨੂੰ ਦੂਰ ਕਰਨ ਦੇ ਉਪਾਅ:-
ਦੰਦਾਂ ਦੇ ਡਾਕਟਰ ਨਾਲ ਸਲਾਹ ਕਰੋ
ਦੰਦਾਂ ਦਾ ਰੰਗ ਬਦਲਣਾ ਵੀ ਗੰਭੀਰ ਸਮੱਸਿਆ ਦਾ ਸੰਕੇਤ ਹੋ ਸਕਦਾ ਹੈ। ਇਸ ਦੇ ਲਈ ਤੁਹਾਨੂੰ ਪਹਿਲਾਂ ਦੰਦਾਂ ਦੇ ਡਾਕਟਰ ਦੀ ਸਲਾਹ (Doctor's Advice) ਲੈਣੀ ਚਾਹੀਦੀ ਹੈ। ਜੇਕਰ ਤੁਹਾਡਾ ਦੰਦਾਂ ਦਾ ਡਾਕਟਰ ਤੁਹਾਨੂੰ ਕੋਈ ਸੁਝਾਅ ਦਿੰਦਾ ਹੈ, ਤਾਂ ਤੁਹਾਨੂੰ ਇਸ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਇਸ ਦੇ ਨਾਲ ਹੀ ਤੁਸੀਂ ਕੁਝ ਘਰੇਲੂ ਨੁਸਖੇ ਵੀ ਕਰ ਸਕਦੇ ਹੋ।
ਫਲੋਰਾਈਡ ਟੂਥਪੇਸਟ ਦੀ ਵਰਤੋਂ
ਦੰਦਾਂ ਨੂੰ ਸਾਫ਼ ਕਰਨ ਅਤੇ ਕਾਲੇਪਨ ਨੂੰ ਦੂਰ ਕਰਨ ਲਈ, ਤੁਸੀਂ ਫਲੋਰਾਈਡ ਵਾਲੇ ਟੂਥਪੇਸਟ (Fluoride Toothpaste) ਦੀ ਵਰਤੋਂ ਕਰ ਸਕਦੇ ਹੋ। ਮਾਹਿਰਾਂ ਅਨੁਸਾਰ ਫਲੋਰਾਈਡ ਵਾਲੇ ਟੂਥਪੇਸਟ ਦੀ ਵਰਤੋਂ ਦਿਨ ਵਿੱਚ ਦੋ ਵਾਰ ਦੰਦਾਂ ਦਾ ਰੰਗ ਨਿਖਾਰਨ ਵਿੱਚ ਮਦਦ ਕਰਦੀ ਹੈ।
ਫਲਾਸਿੰਗ ਜਾਂ ਇੰਟਰਡੈਂਟਲ ਬੁਰਸ਼
ਜੇਕਰ ਤੁਹਾਡੇ ਦੰਦਾਂ ਦਾ ਰੰਗ ਬਦਲ ਰਿਹਾ ਹੈ, ਖਾਸ ਕਰਕੇ ਕਾਲੇ ਹੋ ਰਹੇ ਹਨ, ਤਾਂ ਤੁਸੀਂ ਦਿਨ ਵਿੱਚ ਘੱਟੋ-ਘੱਟ ਇੱਕ ਵਾਰ ਫਲਾਸਿੰਗ ਜਾਂ ਇੰਟਰਡੈਂਟਲ ਬੁਰਸ਼ (Flossing & Interdental Brushing) ਦੀ ਵਰਤੋਂ ਕਰ ਸਕਦੇ ਹੋ। ਇਹ ਤੁਹਾਡੇ ਲਈ ਫਾਇਦੇਮੰਦ ਰਹੇਗਾ।
ਆਪਣੀ ਡਾਈਟ ਵੱਲ ਧਿਆਨ ਦਿਓ
ਫਲ, ਸਬਜ਼ੀਆਂ ਅਤੇ ਸਾਬਤ ਅਨਾਜ ਨੂੰ ਆਪਣੀ ਖੁਰਾਕ ਵਿੱਚ ਸ਼ਾਮਲ ਕਰਨਾ ਚਾਹੀਦਾ ਹੈ। ਇਹ ਸਿਹਤ ਦੇ ਨਾਲ-ਨਾਲ ਦੰਦਾਂ ਲਈ ਵੀ ਫਾਇਦੇਮੰਦ ਹੁੰਦੇ ਹਨ। ਇਸ ਦੇ ਲਈ ਤੁਹਾਨੂੰ ਚਾਹ ਜਾਂ ਕੌਫੀ ਵਰਗੇ ਮਿੱਠੇ ਪਦਾਰਥਾਂ ਦਾ ਸੇਵਨ ਘੱਟ ਕਰਨਾ ਚਾਹੀਦਾ ਹੈ, ਇਹ ਦੰਦਾਂ ਦਾ ਰੰਗ ਕਾਲਾ ਕਰਨ ਲਈ ਜ਼ਿੰਮੇਵਾਰ ਹਨ। ਇਸ ਦੇ ਨਾਲ ਹੀ ਦੰਦਾਂ ਵਿੱਚ ਬੈਕਟੀਰੀਆ (Bacteria) ਜਾਣ ਦਾ ਵੀ ਖਤਰਾ ਰਹਿੰਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)