ਟੈਂਸ਼ਨ ਦੂਰ ਕਰਨ ‘ਚ ਮਦਦਗਾਰ ਹੈ ਠੰਡਾ ਪਾਣੀ, ਜਾਣੋ ਕਿਵੇਂ ਕਰਨਾ ਇਸਤੇਮਾਲ
ਦੌੜ-ਭੱਜ ਭਰੀ ਜ਼ਿੰਦਗੀ ਅਤੇ ਵੱਧਦੀਆਂ ਜ਼ਿੰਮੇਵਾਰੀਆਂ ਦੇ ਵਿਚਕਾਰ ਅੱਜਕੱਲ੍ਹ ਟੈਂਸ਼ਨ ਹਰ ਉਮਰ ਦੇ ਲੋਕਾਂ ਲਈ ਆਮ ਸਮੱਸਿਆ ਬਣ ਚੁੱਕੀ ਹੈ। ਦਵਾਈਆਂ ਅਤੇ ਥੈਰੇਪੀ ਦੇ ਵਿਚਕਾਰ ਜੇਕਰ ਤੁਸੀਂ ਕੋਈ ਆਸਾਨ, ਘਰੇਲੂ ਅਤੇ ਬਿਨਾਂ ਸਾਈਡ ਇਫੈਕਟ ਵਾਲਾ...
ਦੌੜ-ਭੱਜ ਭਰੀ ਜ਼ਿੰਦਗੀ ਅਤੇ ਵੱਧਦੀਆਂ ਜ਼ਿੰਮੇਵਾਰੀਆਂ ਦੇ ਵਿਚਕਾਰ ਅੱਜਕੱਲ੍ਹ ਟੈਂਸ਼ਨ ਹਰ ਉਮਰ ਦੇ ਲੋਕਾਂ ਲਈ ਆਮ ਸਮੱਸਿਆ ਬਣ ਚੁੱਕੀ ਹੈ। ਦਵਾਈਆਂ ਅਤੇ ਥੈਰੇਪੀ ਦੇ ਵਿਚਕਾਰ ਜੇਕਰ ਤੁਸੀਂ ਕੋਈ ਆਸਾਨ, ਘਰੇਲੂ ਅਤੇ ਬਿਨਾਂ ਸਾਈਡ ਇਫੈਕਟ ਵਾਲਾ ਉਪਾਅ ਲੱਭ ਰਹੇ ਹੋ, ਤਾਂ ਠੰਡਾ ਪਾਣੀ ਤੁਹਾਡੇ ਲਈ ਰਾਮਬਾਣ ਸਾਬਤ ਹੋ ਸਕਦਾ ਹੈ। ਤੁਸੀਂ ਵੇਖਿਆ ਹੋਵੇਗਾ ਕਿ ਕਈ ਸਲੇਬ੍ਰਿਟੀ ਵੀ ਠੰਡੇ ਪਾਣੀ ਨਾਲ ਮੂੰਹ ਧੋ ਕੇ ਆਈਸ ਫੇਸ਼ਲ ਕਰਦੇ ਹਨ। ਇਸ ਨਾਲ ਉਨ੍ਹਾਂ ਦੇ ਚਿਹਰੇ ਦੀ ਰੌਣਕ ਵਧਦੀ ਹੈ ਅਤੇ ਤਾਜ਼ਗੀ ਮਿਲਦੀ ਹੈ। ਐਕਸਪਰਟ ਵੀ ਕਹਿੰਦੇ ਹਨ ਕਿ ਠੰਡਾ ਪਾਣੀ ਭਾਵੇਂ ਪੀਣ ਲਈ ਹਮੇਸ਼ਾਂ ਠੀਕ ਨਹੀਂ ਹੁੰਦਾ ਪਰ ਚਿਹਰਾ ਧੋਣ ਲਈ ਸਭ ਤੋਂ ਵਧੀਆ ਹੈ।
ਸਟ੍ਰੈੱਸ ਘਟਾਉਣਾ ਕਿਉਂ ਜ਼ਰੂਰੀ ਹੈ?
ਕੈਂਸਰ ਐਕਸਪਰਟ ਡਾਕਟਰ ਤਰੰਗ ਕ੍ਰਿਸ਼ਨ ਦੱਸਦੇ ਹਨ ਕਿ ਉਨ੍ਹਾਂ ਕੋਲ ਅਜਿਹੇ ਕਈ ਮਾਮਲੇ ਆਏ ਹਨ, ਜਿਨ੍ਹਾਂ ਵਿੱਚ ਸਟ੍ਰੈੱਸ ਕੈਂਸਰ ਦੀ ਵੱਡੀ ਵਜ੍ਹਾ ਬਣਿਆ ਹੈ। ਸਟ੍ਰੈੱਸ ਕਾਰਨ ਲੋਕ ਡਿਪ੍ਰੈਸ਼ਨ ਵਿੱਚ ਚਲੇ ਜਾਂਦੇ ਹਨ, ਜਿਸ ਤੋਂ ਬਾਅਦ ਸਰੀਰ ਦੇ ਕੁਝ ਹਿੱਸਿਆਂ ਵਿੱਚ ਅਜਿਹੇ ਸੈੱਲ ਬਣਦੇ ਹਨ ਜੋ ਕੈਂਸਰ ਨੂੰ ਜਨਮ ਦਿੰਦੇ ਹਨ। ਟੈਂਸ਼ਨ ਵਿੱਚ ਰਹਿਣ ਨਾਲ ਇਸਦਾ ਨਕਾਰਾਤਮਕ ਅਸਰ ਸਾਡੇ ਸਰੀਰ 'ਤੇ ਵੀ ਦਿਖਾਈ ਦਿੰਦਾ ਹੈ। ਇਹ ਨਿਊਰੋ ਸਮੱਸਿਆਵਾਂ ਦਾ ਵੀ ਵੱਡਾ ਕਾਰਣ ਹੈ। ਇਸ ਲਈ ਸਟ੍ਰੈੱਸ ਨੂੰ ਘਟਾਉਣਾ ਬਹੁਤ ਜ਼ਰੂਰੀ ਹੋ ਗਿਆ ਹੈ।
ਠੰਡਾ ਪਾਣੀ ਕਰੇਗਾ ਇਲਾਜ
ਹੈਲਥ ਕੋਚ ਦਿਨਾਜ ਵਰਤਵਾਲਾ ਦੱਸਦੀਆਂ ਹਨ ਕਿ ਠੰਡਾ ਪਾਣੀ ਸਿਰਫ਼ ਮੇਕਅਪ ਤੋਂ ਪਹਿਲਾਂ ਵਰਤਣ ਲਈ ਹੀ ਨਹੀਂ ਹੁੰਦਾ। ਹਾਂ, ਇਸ ਤਰ੍ਹਾਂ ਕਰਨ ਨਾਲ ਵੀ ਫਾਇਦਾ ਹੁੰਦਾ ਹੈ ਪਰ ਤਾਜ਼ੇ ਠੰਡੇ ਪਾਣੀ ਨਾਲ ਮੂੰਹ ਧੋਣ ਨਾਲ ਦਿਮਾਗ 'ਤੇ ਵੀ ਚੰਗਾ ਅਸਰ ਪੈਂਦਾ ਹੈ। ਇਸ ਨਾਲ ਟੈਂਸ਼ਨ ਘਟਦੀ ਹੈ ਅਤੇ ਹਾਰਮੋਨਜ਼ ਦਾ ਉਤਾਰ-ਚੜ੍ਹਾਅ ਵੀ ਕਾਬੂ ਵਿੱਚ ਰਹਿੰਦਾ ਹੈ। ਜੇ ਤੁਸੀਂ ਠੰਡੇ ਪਾਣੀ ਨਾਲ ਮੂੰਹ ਧੋਦੇ ਹੋ ਤਾਂ ਐਂਡੋਰਫਿਨ ਨਾਂ ਦਾ ਹਾਰਮੋਨ ਵੀ ਰਿਲੀਜ਼ ਹੁੰਦਾ ਹੈ। ਇਹ ਹੈਪੀ ਹਾਰਮੋਨ ਹੁੰਦਾ ਹੈ, ਜੋ ਮੂਡ ਸਵਿੰਗਜ਼ ਦੀ ਸਮੱਸਿਆ ਨੂੰ ਘਟਾਉਂਦਾ ਹੈ।
ਕਿਹੋ ਜਿਹਾ ਪਾਣੀ ਵਰਤਣਾ ਚਾਹੀਦਾ ਹੈ ਅਤੇ ਕਦੋਂ?
ਠੰਡੇ ਪਾਣੀ ਨਾਲ ਤੁਹਾਨੂੰ ਮੂੰਹ ਧੋਣਾ ਹੈ ਜਾਂ ਇੱਕ ਵੱਡੇ ਬੌਲ ਵਿੱਚ ਪਾਣੀ ਭਰ ਕੇ ਆਪਣੇ ਚਿਹਰੇ ਨੂੰ ਉਸ ਵਿੱਚ ਡੁਬੋਣਾ ਹੈ। ਆਮ ਤੌਰ 'ਤੇ ਤਾਜ਼ਾ, ਠੰਡਾ ਅਤੇ ਸਾਫ਼ ਪਾਣੀ ਵਰਤਣਾ ਸਭ ਤੋਂ ਠੀਕ ਹੁੰਦਾ ਹੈ। ਪਰ ਕੁਝ ਲੋਕ ਬਰਫ਼ ਦੇ ਟੁਕੜੇ ਪਾਣੀ ਵਿੱਚ ਪਾ ਕੇ ਵੀ ਮੂੰਹ ਡੁਬੋਦੇ ਹਨ। ਇਸ ਤਰੀਕੇ ਨਾਲ ਓਪਨ ਪੋਰਜ਼ ਦੀ ਸਮੱਸਿਆ ਘੱਟਦੀ ਹੈ। ਮੇਕਅਪ ਤੋਂ ਪਹਿਲਾਂ ਇਸ ਤਰੀਕੇ ਨਾਲ ਮੂੰਹ ਧੋਣਾ ਵਧੀਆ ਮੰਨਿਆ ਜਾਂਦਾ ਹੈ। ਹੈਲਥ ਕੋਚ ਦੇ ਮੁਤਾਬਕ, ਤੁਸੀਂ ਦੋਵੇਂ ਤਰੀਕੇ ਅਪਣਾ ਸਕਦੇ ਹੋ। ਠੰਡੇ ਪਾਣੀ ਨਾਲ ਹਰ ਰੋਜ਼ 3 ਤੋਂ 4 ਵਾਰ ਮੂੰਹ ਧੋ ਸਕਦੇ ਹੋ। ਇਸ ਤਰ੍ਹਾਂ ਕਰਨ ਨਾਲ ਟੈਂਸ਼ਨ ਕਾਫ਼ੀ ਘੱਟ ਹੋ ਸਕਦਾ ਹੈ। ਤੁਸੀਂ ਚਾਹੋ ਤਾਂ ਸਵੇਰੇ ਆਈਸ ਫੇਸ਼ਲ ਕਰ ਸਕਦੇ ਹੋ ਅਤੇ ਦਿਨ ਦੇ ਬਾਕੀ ਸਮੇਂ ਸਿਰਫ਼ ਮੂੰਹ ਧੋ ਸਕਦੇ ਹੋ।
ਠੰਡੇ ਪਾਣੀ ਨਾਲ ਮੂੰਹ ਧੋਣ ਤੋਂ ਪਹਿਲਾਂ ਧਿਆਨ ਰੱਖੋ ਕੁਝ ਗੱਲਾਂ
ਜੇਕਰ ਤੁਸੀਂ ਸਾਇਨਸ ਜਾਂ ਸਰਦੀ-ਜ਼ੁਕਾਮ ਦੀ ਸਮੱਸਿਆ ਨਾਲ ਪੀੜਤ ਹੋ, ਤਾਂ ਇਹ ਨਾ ਕਰੋ ਕਿਉਂਕਿ ਇਹ ਤੁਹਾਡੀ ਤਕਲੀਫ਼ ਵਧਾ ਸਕਦਾ ਹੈ।
ਸਰਦੀਆਂ ਵਿੱਚ ਬਰਫ਼ ਜਾਂ ਬਹੁਤ ਜ਼ਿਆਦਾ ਠੰਡਾ ਪਾਣੀ ਵੀ ਸਿਹਤ ਲਈ ਨੁਕਸਾਨਦੇਹ ਹੋ ਸਕਦਾ ਹੈ।
ਆਪਣੇ ਚਿਹਰੇ ਨੂੰ ਸਿਰਫ਼ ਕੁਝ ਸਕਿੰਟ ਲਈ ਹੀ ਪਾਣੀ ਵਿੱਚ ਡੁਬੋਵੋ।
ਸੰਵੇਦਨਸ਼ੀਲ (ਸੈਂਸਿਟਿਵ) ਚਮੜੀ ਵਾਲੇ ਲੋਕ ਵੀ ਇਸ ਤੋਂ ਪਰਹੇਜ਼ ਕਰਨ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
