ਸਾਵਧਾਨ! ਕਿਤੇ ਤੁਸੀਂ ਵੀ ਚਿਕਨ ਬਣਾਉਣ ਤੋਂ ਪਹਿਲਾਂ ਕਰਦੇ ਹੋ ਇਹ ਗਲਤੀ? ਸਿਹਤ ਲਈ ਹੋ ਸਕਦੀ ਘਾਤਕ
ਖਾਣਾ ਬਣਾਉਂਦੇ ਸਮੇਂ ਅਸੀਂ ਕਈ ਗਲਤੀਆਂ ਕਰਦੇ ਹਾਂ ਪਰ ਇਸ ਬਾਰੇ ਸਾਨੂੰ ਗਿਆਨ ਹੀ ਨਹੀਂ ਹੁੰਦਾ। ਅਜਿਹੀਆਂ ਗਲਤੀਆਂ ਕਈ ਵਾਰ ਸਾਡੀ ਸਿਹਤ ਲਈ ਵੀ ਘਾਤਕ ਹੋ ਸਕਦੀਆਂ ਹਨ।
Don't Wash Chicken Before Cooking: ਖਾਣਾ ਬਣਾਉਂਦੇ ਸਮੇਂ ਅਸੀਂ ਕਈ ਗਲਤੀਆਂ ਕਰਦੇ ਹਾਂ ਪਰ ਇਸ ਬਾਰੇ ਸਾਨੂੰ ਗਿਆਨ ਹੀ ਨਹੀਂ ਹੁੰਦਾ। ਅਜਿਹੀਆਂ ਗਲਤੀਆਂ ਕਈ ਵਾਰ ਸਾਡੀ ਸਿਹਤ ਲਈ ਵੀ ਘਾਤਕ ਹੋ ਸਕਦੀਆਂ ਹਨ। ਆਮ ਤੌਰ 'ਤੇ ਕੋਈ ਵੀ ਚੀਜ਼ ਖਾਣ ਤੋਂ ਪਹਿਲਾਂ ਅਸੀਂ ਉਸ ਨੂੰ ਧੋਂਦੇ ਹਾਂ। ਫਲ ਹੋਵੇ ਜਾਂ ਕੋਈ ਸਬਜ਼ੀ, ਅਸੀਂ ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਖਾਣ ਤੋਂ ਪਹਿਲਾਂ ਧੋ ਲੈਂਦੇ ਹਾਂ, ਤਾਂ ਜੋ ਇਨ੍ਹਾਂ 'ਤੇ ਲੱਗੇ ਕੀਟਾਣੂ ਸਾਡੇ ਪੇਟ 'ਚ ਨਾ ਜਾਣ।
ਤੁਸੀਂ ਵੇਖਿਆ ਹੋਏਗਾ ਸਾਡੀ ਰਸੋਈ ਵਿੱਚ ਸ਼ਾਇਦ ਅਜਿਹਾ ਕੁਝ ਵੀ ਨਹੀਂ ਹੈ ਜੋ ਸਾਡੀ ਮਾਂ ਖਾਣਾ ਬਣਾਉਣ ਜਾਂ ਭੋਜਨ ਦੇਣ ਤੋਂ ਪਹਿਲਾਂ ਚੰਗੀ ਤਰ੍ਹਾਂ ਨਾ ਧੋਂਦੀ ਹੋਵੇਗੀ। ਫਲਾਂ ਤੇ ਸਬਜ਼ੀਆਂ ਤੋਂ ਲੈ ਕੇ ਦਾਲਾਂ ਤੱਕ, ਸ਼ਾਇਦ ਹੀ ਕੋਈ ਚੀਜ਼ ਹੋਵੇ ਜੋ ਧੋਣ ਤੋਂ ਪਹਿਲਾਂ ਵਰਤੋਂ ਵਿੱਚ ਲਿਆਂਦੀ ਹੋਵੇ। ਗੱਲ ਤਾਂ ਫਲਾਂ ਤੇ ਸਬਜ਼ੀਆਂ ਦੀ ਹੈ ਪਰ ਜੇਕਰ ਤੁਸੀਂ ਨਾਨ-ਵੈਜ ਦੇ ਸ਼ੌਕੀਨ ਹੋ ਤੇ ਤੁਸੀਂ ਅਕਸਰ ਘਰ 'ਚ ਚਿਕਨ ਪਕਾ ਕੇ ਖਾਂਦੇ ਹੋ ਤਾਂ ਇਹ ਆਰਟੀਕਲ ਸਿਰਫ ਤੁਹਾਡੇ ਲਈ ਹੈ। ਪਕਾਉਣ ਤੋਂ ਪਹਿਲਾਂ ਕੱਚੇ ਚਿਕਨ ਨੂੰ ਧੋਣ ਨਾਲ ਤੁਹਾਡੀ ਸਿਹਤ 'ਤੇ ਬੁਰਾ ਪ੍ਰਭਾਵ ਪੈ ਸਕਦਾ ਹੈ।
ਕੀ ਤੁਸੀਂ ਪਕਾਉਣ ਤੋਂ ਪਹਿਲਾਂ ਚਿਕਨ ਨੂੰ ਵੀ ਧੋਂਦੇ ਹੋ?
ਅਮਰੀਕਨ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ (CDC) ਅਨੁਸਾਰ, ਕੱਚੇ ਚਿਕਨ ਨੂੰ ਧੋਣ ਦੇ ਕੁਝ ਗੰਭੀਰ ਸਿਹਤ ਪ੍ਰਭਾਵ ਹੋ ਸਕਦੇ ਹਨ। ਚੇਨਈ ਵਿੱਚ ਐਮਜੀਐਮ ਹੈਲਥਕੇਅਰ ਦੇ ਮੁੱਖ ਆਹਾਰ ਵਿਗਿਆਨੀ ਐਨ.ਐਨ. ਵਿਜੇਸ਼੍ਰੀ ਦੱਸਦੀ ਹੈ, ਕੱਚੇ ਚਿਕਨ ਨੂੰ ਪਕਾਉਣ ਤੋਂ ਪਹਿਲਾਂ ਧੋਣ ਨਾਲ ਚਿਕਨ ਵਿੱਚ ਮੌਜੂਦ ਕੈਂਪੀਲੋਬੈਕਟਰ ਜੇਜੂਨੀ, ਸਾਲਮੋਨੇਲਾ, ਕਲੋਸਟ੍ਰਿਡੀਅਮ ਪਰਫ੍ਰਿੰਜੇਨਸ ਅਤੇ ਸਟੈਫ਼ੀਲੋਕੋਕਸ ਔਰੀਅਸ ਵਰਗੇ ਬੈਕਟੀਰੀਆ ਤੋਂ ਫੂਡ ਪੋਇਜ਼ਨਿੰਗ ਦਾ ਖਤਰਾ ਵੱਧ ਸਕਦਾ ਹੈ। ਜਦੋਂ ਤੁਸੀਂ ਚਿਕਨ ਨੂੰ ਧੋ ਰਹੇ ਹੁੰਦੇ ਹੋ, ਤਾਂ ਸੀਡੀਸੀ ਦੀ ਵੈੱਬਸਾਈਟ ਅਨੁਸਾਰ, ਇਸ ਬੈਕਟੀਰੀਆ ਵਾਲੇ ਮੀਟ ਦਾ ਰਸ ਪੂਰੀ ਰਸੋਈ ਵਿੱਚ ਫੈਲ ਸਕਦਾ ਹੈ ਅਤੇ ਹੋਰ ਭੋਜਨਾਂ, ਬਰਤਨਾਂ ਅਤੇ ਕਾਊਂਟਰਟੌਪਸ ਨੂੰ ਦੂਸ਼ਿਤ ਕਰ ਸਕਦਾ ਹੈ।
ਪਕਾਉਣ ਤੋਂ ਪਹਿਲਾਂ ਤੁਹਾਨੂੰ ਚਿਕਨ ਨੂੰ ਕਿਵੇਂ ਸਾਫ਼ ਕਰਨਾ ਚਾਹੀਦਾ?
ਚਿਕਨ ਨੂੰ ਪਕਾਉਣ ਤੇ ਉਬਾਲਣ ਤੋਂ ਨਿਕਲਣ ਵਾਲੀ ਗਰਮੀ ਹਾਨੀਕਾਰਕ ਬੈਕਟੀਰੀਆ ਨੂੰ ਮਾਰਨ ਲਈ ਕਾਫੀ ਹੁੰਦੀ ਹੈ। ਹਾਲਾਂਕਿ, ਜੇਕਰ ਤੁਸੀਂ ਫਿਰ ਵੀ ਸਹਿਮਤ ਨਹੀਂ ਹੋ, ਤਾਂ ਤੁਸੀਂ ਕੱਚੇ ਚਿਕਨ ਨੂੰ ਸਾਫ਼ ਕਰਨ ਲਈ ਨਮਕ, ਸਿਰਕੇ ਜਾਂ ਨਿੰਬੂ ਦੀ ਵਰਤੋਂ ਕਰ ਸਕਦੇ ਹੋ। ਅੱਧੇ ਕੱਟੇ ਹੋਏ ਨਿੰਬੂ ਦੇ ਨਾਲ ਚਿਕਨ ਦੀ ਪਰਤ ਨੂੰ ਰਗੜੋ।
ਤੁਸੀਂ ਚਿਕਨ 'ਤੇ ਨਮਕ ਵੀ ਰਗੜ ਸਕਦੇ ਹੋ ਤੇ ਇਸ ਨੂੰ ਇੱਕ ਘੰਟੇ ਲਈ ਫਰਿੱਜ ਦੇ ਅੰਦਰ ਇੱਕ ਸਾਫ਼ ਬਰਤਨ ਵਿੱਚ ਢੱਕ ਕੇ ਰੱਖ ਸਕਦੇ ਹੋ। ਇਸ ਦੇ ਨਾਲ ਹੀ ਕੁਦਰਤੀ ਐਂਟੀਬਾਇਓਟਿਕ ਗੁਣਾਂ ਵਾਲੀ ਹਲਦੀ ਵਰਗੇ ਰਵਾਇਤੀ ਭਾਰਤੀ ਮਸਾਲਿਆਂ ਦੀ ਵਰਤੋਂ ਕਰਨ ਨਾਲ ਵੀ ਬੈਕਟੀਰੀਆ ਖ਼ਤਮ ਹੋ ਜਾਂਦਾ ਹੈ। ਵਾਸਤਵ ਵਿੱਚ, ਕੌਲ ਕੱਚੇ ਚਿਕਨ ਨੂੰ ਫ੍ਰੀਜ਼ ਕਰਨ ਦੀ ਸਲਾਹ ਦਿੰਦੇ ਹਨ ਕਿਉਂਕਿ ਇਹ ਸਫਾਈ ਬਣਾਈ ਰੱਖਣ ਵਿੱਚ ਮਦਦ ਕਰ ਸਕਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
