(Source: ECI/ABP News/ABP Majha)
Diabetes Care: ਡਾਇਬਿਟੀਜ਼ ਨੂੰ ਕੰਟਰੋਲ 'ਚ ਰੱਖਣ ਦੇ ਸਮਾਰਟ ਤਰੀਕੇ, ਵਾਰ-ਵਾਰ ਸ਼ੂਗਰ ਵਧਣ ਦੀ ਸਮੱਸਿਆ ਤੋਂ ਇੰਝ ਪਾਓ ਛੁਟਕਾਰਾ
ਮਠਿਆਈਆਂ ਖਾਣ ਨਾਲ ਵੀ ਸ਼ੂਗਰ ਨੂੰ ਕੰਟਰੋਲ 'ਚ ਰੱਖਿਆ ਜਾ ਸਕਦਾ ਹੈ। ਤੁਹਾਨੂੰ ਸਿਰਫ਼ ਇਹ ਜਾਣਨ ਦੀ ਲੋੜ ਹੈ ਕਿ ਕੀ, ਕਿੰਨਾ ਅਤੇ ਕਦੋਂ ਖਾਣਾ ਹੈ।
Sugar Disease: ਸ਼ੂਗਰ ਜ਼ਿੰਦਗੀ ਭਰ ਪਿੱਛਾ ਨਾ ਛੱਡਣ ਵਾਲੀ ਬਿਮਾਰੀ ਹੈ। ਆਯੁਰਵੈਦਿਕ ਤਰੀਕਿਆਂ ਨਾਲ ਸ਼ੂਗਰ ਨੂੰ ਇਸ ਹੱਦ ਤੱਕ ਕਾਬੂ ਕੀਤਾ ਜਾ ਸਕਦਾ ਹੈ ਕਿ ਤੁਸੀਂ ਮਹਿਸੂਸ ਕਰੋਗੇ ਕਿ ਇਹ ਪੂਰੀ ਤਰ੍ਹਾਂ ਠੀਕ ਹੋ ਗਈ ਹੈ। ਜ਼ਿਆਦਾਤਰ ਲੋਕ ਆਯੁਰਵੈਦਿਕ ਇਲਾਜ ਤੇ ਖੁਰਾਕ ਦਾ ਪਾਲਣ ਨਹੀਂ ਕਰ ਪਾਉਂਦੇ। ਇਹੀ ਕਾਰਨ ਹੈ ਕਿ ਇਸ ਬਿਮਾਰੀ ਨੂੰ ਸਾਰੀ ਉਮਰ ਝੱਲਣਾ ਪੈਂਦਾ ਹੈ। ਅਸੀਂ ਤੁਹਾਡੇ ਲਈ ਇੱਥੇ ਕੁਝ ਆਸਾਨ ਤਰੀਕੇ ਲੈ ਕੇ ਆਏ ਹਾਂ, ਜਿਨ੍ਹਾਂ ਨੂੰ ਆਪਣੀ ਰੋਜ਼ਾਨਾ ਜ਼ਿੰਦਗੀ 'ਚ ਅਪਣਾ ਕੇ ਤੁਸੀਂ ਸ਼ੂਗਰ ਨੂੰ ਕੰਟਰੋਲ 'ਚ ਰੱਖ ਸਕਦੇ ਹੋ ਤੇ ਵਾਰ-ਵਾਰ ਸ਼ੂਗਰ ਲੈਵਲ ਵਧਣ ਨਾਲ ਹੋਣ ਵਾਲੀਆਂ ਸਮੱਸਿਆਵਾਂ ਤੋਂ ਬਚ ਸਕਦੇ ਹੋ।
- ਜੇਕਰ ਮਿੱਠਾ ਖਾਣਾ ਪਸੰਦ ਤਾਂ ਕੀ ਕਰਨਾ ਚਾਹੀਦਾ ਹੈ?
ਮਿੱਠਾ ਖਾਣਾ ਪਸੰਦ ਹੈ ਪਰ ਸ਼ੂਗਰ ਕਾਰਨ ਇਸ ਨੂੰ ਖਾਣ ਦੀ ਮਨਾਹੀ ਹੈ। ਫਿਰ ਵੀ ਤੁਸੀਂ ਡਾਕਟਰ ਤੇ ਪਰਿਵਾਰ ਤੋਂ ਲੁਕ-ਛਿਪ ਕੇ ਮਿੱਠਾ ਖਾਂਦੇ ਹੋ। ਅਜਿਹਾ ਕਰਨ ਨਾਲ ਸੁਆਦ ਤਾਂ ਜ਼ਰੂਰ ਮਿਲਦਾ ਹੈ ਪਰ ਸਿਹਤ ਖਰਾਬ ਹੁੰਦੀ ਹੈ। ਆਪਣੀ ਮਿੱਠੇ ਦੀ ਲਾਲਸਾ ਨੂੰ ਦੂਰ ਕਰਨ ਦਾ ਸਭ ਤੋਂ ਵਧੀਆ ਤਰੀਕਾ ਇਹ ਹੈ ਕਿ ਖਾਣੇ ਤੋਂ ਪਹਿਲਾਂ ਮਿੱਠੇ ਵਿੱਚ ਥੋੜ੍ਹਾ ਜਿਹਾ ਗੁੜ ਖਾਓ। ਧਿਆਨ ਰਹੇ ਕਿ ਖਾਣਾ ਖਾਣ ਤੋਂ ਪਹਿਲਾਂ ਤੁਹਾਨੂੰ ਇਹ ਕੰਮ ਕਰਨਾ ਹੈ।
- ਡੇਜਰਟ ਦੀ ਆਦਤ ਤੋਂ ਬਚੋ
ਪੱਛਮੀ ਦੇਸ਼ਾਂ ਦੀ ਜੀਵਨ ਸ਼ੈਲੀ ਦੀ ਨਕਲ ਕਰਦਿਆਂ ਸਾਡੇ ਦੇਸ਼ ਵਿੱਚ ਖਾਣਾ ਖਾਣ ਤੋਂ ਬਾਅਦ ਲੋਕਾਂ ਦੀ ਮੇਜ਼ਾਂ 'ਤੇ ਮਿੱਠਾ ਆਉਣਾ ਸ਼ੁਰੂ ਹੋ ਗਿਆ ਹੈ। ਵਿਸ਼ਵਾਸ ਕਰੋ, ਇਹ ਗਲਤ ਪਰੰਪਰਾ ਸਾਡੇ ਦੇਸ਼ ਵਿੱਚ ਸ਼ੂਗਰ ਦੇ ਮਰੀਜ਼ਾਂ ਦੀ ਵਧਦੀ ਗਿਣਤੀ ਦਾ ਸਭ ਤੋਂ ਵੱਡਾ ਕਾਰਨ ਬਣ ਗਈ ਹੈ। ਜੇਕਰ ਖਾਣਾ ਖਾਣ ਤੋਂ ਬਾਅਦ ਮਿੱਠਾ ਖਾਣਾ ਹੀ ਖਾਣਾ ਹੈ ਤਾਂ ਸੌਂਫ ਅਤੇ ਮਿਸਰੀ ਜਾਂ ਘਿਓ ਨਾਲ ਬੂਰਾ ਖਾਓ। ਜਾਂ ਫੇਰ ਤੁਸੀਂ ਬਹੁਤ ਘੱਟ ਗੁੜ ਖਾ ਸਕਦੇ ਹੋ ਹੋਰ ਕੁਝ ਨਹੀਂ। ਅਜਿਹਾ ਕਰਨ ਨਾਲ ਤੁਸੀਂ ਸਾਰੀ ਉਮਰ ਸ਼ੂਗਰ ਰੋਗ ਤੋਂ ਦੂਰ ਰਹਿ ਸਕਦੇ ਹੋ।
- ਆਪਣੇ ਦਿਨ ਦੀ ਸ਼ੁਰੂਆਤ ਕਰੋ
ਸ਼ੂਗਰ ਹੋਣ ਤੋਂ ਬਚਾਅ ਅਤੇ ਜੇਕਰ ਇਹ ਬਿਮਾਰੀ ਹੋ ਗਈ ਹੈ ਤਾਂ ਇਸਨੂੰ ਹਮੇਸ਼ਾ ਲਈ ਕੰਟਰੋਲ ਵਿੱਚ ਰੱਖਣਾ, ਇਹਨਾਂ ਦੋਵਾਂ ਸਥਿਤੀਆਂ ਵਿੱਚ, ਤੁਹਾਡੇ ਦਿਨ ਦੀ ਸ਼ੁਰੂਆਤ ਬਹੁਤ ਮਹੱਤਵਪੂਰਨ ਹੈ। ਤੁਹਾਡੇ ਦਿਨ ਦੀ ਸ਼ੁਰੂਆਤ ਤਾਜ਼ੇ ਪਾਣੀ ਨਾਲ ਕਰਨੀ ਚਾਹੀਦੀ ਹੈ। ਸਰਦੀਆਂ ਦੇ ਮੌਸਮ 'ਚ ਤੁਸੀਂ ਇਸ ਨੂੰ ਗਰਮਾ-ਗਰਮ ਪੀ ਸਕਦੇ ਹੋ। ਜਦੋਂ ਕਿ ਬਾਕੀ ਦੇ ਮੌਸਮ ਵਿੱਚ ਰਾਤ ਨੂੰ ਤਾਂਬੇ ਦੇ ਭਾਂਡੇ ਵਿੱਚ ਰਖਿਆ ਪਾਣੀ ਪੀਓ। ਘੱਟੋ-ਘੱਟ ਇੱਕ ਗਲਾਸ ਪਾਣੀ ਜ਼ਰੂਰ ਪੀਣਾ ਚਾਹੀਦਾ ਹੈ। ਇਹ ਸਰੀਰ ਨੂੰ ਅੰਦਰੋਂ ਸਾਫ਼ ਕਰਨ ਵਿੱਚ ਬਹੁਤ ਮਦਦ ਕਰਦਾ ਹੈ।
- ਇਹ ਕੰਮ ਸੰਭਵ ਨਾ ਹੋਣ 'ਤੇ ਵੀ ਕਰਨਾ ਪੈਂਦਾ
ਜ਼ਿਆਦਾਤਰ ਲੋਕਾਂ ਦਾ ਕਹਿਣਾ ਹੈ ਕਿ ਦਫ਼ਤਰੀ ਜ਼ਿੰਮੇਵਾਰੀਆਂ ਅਤੇ ਕੰਮ ਕਾਰਨ ਸਵੇਰੇ ਸੈਰ ਕਰਨਾ ਸੰਭਵ ਨਹੀਂ ਹੈ। ਇਸ 'ਤੇ ਤੁਹਾਨੂੰ ਇੱਕ ਗੱਲ ਪਤਾ ਹੋਣੀ ਚਾਹੀਦੀ ਹੈ ਕਿ ਜ਼ਿੰਦਗੀ ਵਿੱਚ ਸਭ ਕੁਝ ਉਦੋਂ ਹੀ ਜ਼ਰੂਰੀ ਹੈ ਜਦੋਂ ਤੁਸੀਂ ਖੁਦ ਜ਼ਿੰਦਾ ਤੇ ਸਿਹਤਮੰਦ ਹੋ, ਨਹੀਂ ਤਾਂ ਕਿਸੇ ਕੰਮ ਦਾ ਕੋਈ ਮੁੱਲ ਨਹੀਂ। ਇਸ ਲਈ ਆਪਣੀ ਸਿਹਤ ਨੂੰ ਸਭ ਤੋਂ ਉੱਪਰ ਰੱਖਦੇ ਹੋਏ, ਕਿਸੇ ਵੀ ਤਰੀਕੇ ਨਾਲ ਸਵੇਰ ਦੀ ਸੈਰ ਲਈ ਸਮਾਂ ਕੱਢੋ। ਜੇ ਜ਼ਿਆਦਾ ਨਹੀਂ, ਤਾਂ ਸਿਰਫ਼ 15 ਮਿੰਟ ਦੀ ਤੇਜ਼ ਸੈਰ ਕਰੋ। ਸ਼ੂਗਰ ਨੂੰ ਕੰਟਰੋਲ ਕਰਨ ਲਈ ਇਹ ਆਦਤ ਬਹੁਤ ਜ਼ਰੂਰੀ ਹੈ।
- ਭੁੱਖ ਨੂੰ ਬਰਦਾਸ਼ਤ ਨਾ ਕਰੋ
ਤੁਹਾਨੂੰ ਸ਼ੂਗਰ ਹੈ ਜਾਂ ਨਹੀਂ, ਹਮੇਸ਼ਾ ਧਿਆਨ ਰੱਖੋ ਕਿ ਭੁੱਖ ਨੂੰ ਬਰਦਾਸ਼ਤ ਕਰਨ ਦੀ ਆਦਤ ਨਾ ਬਣਾਓ। ਕਿਉਂਕਿ ਅਜਿਹਾ ਕਰਨ ਨਾਲ ਸਰੀਰ 'ਚ ਕਈ ਬਦਲਾਅ ਆਉਣੇ ਸ਼ੁਰੂ ਹੋ ਜਾਂਦੇ ਹਨ, ਜੋ ਹੌਲੀ-ਹੌਲੀ ਸਰੀਰ ਦੇ ਅੰਦਰ ਕਈ ਬੀਮਾਰੀਆਂ ਦੇ ਵਧਣ ਦਾ ਕਾਰਨ ਬਣ ਜਾਂਦੇ ਹਨ। ਸ਼ੂਗਰ ਵੀ ਇਹਨਾਂ ਵਿੱਚੋਂ ਇੱਕ ਹੋ ਸਕਦੀ ਹੈ।
- ਨਾਪਸੰਦ ਹੋਣ 'ਤੇ ਵੀ ਇਹ ਕੰਮ ਕਰੋ
ਜੇਕਰ ਤੁਸੀਂ ਸ਼ੂਗਰ ਨੂੰ ਕੰਟਰੋਲ 'ਚ ਰੱਖਣਾ ਚਾਹੁੰਦੇ ਹੋ ਤਾਂ ਯੋਗਾ ਤੇ ਮੈਡੀਟੇਸ਼ਨ ਨੂੰ ਆਪਣੀ ਜ਼ਿੰਦਗੀ ਦਾ ਜ਼ਰੂਰੀ ਹਿੱਸਾ ਬਣਾਓ। ਭਾਵੇਂ ਤੁਹਾਨੂੰ ਯੋਗਾ ਤੇ ਧਿਆਨ ਕਰਨਾ ਕਿੰਨਾ ਵੀ ਨਾਪਸੰਦ ਕਰਦੇ ਹੋਵੇ। ਇਹ ਦੋਵੇਂ ਬੋਰਿੰਗ ਕੰਮ ਸਰੀਰ ਨੂੰ ਡਾਇਬਟੀਜ਼ ਤੋਂ ਛੁਟਕਾਰਾ ਦਿਵਾਉਣ ਲਈ ਬਹੁਤ ਕਾਰਗਰ ਹਨ।
- ਇਹ ਅਣਦੇਖੀ ਪੈਂਦੀ ਭਾਰੀ
ਦੇਰ ਰਾਤ ਤੱਕ ਜਾਗਣਾ ਅਤੇ ਹਰ ਰੋਜ਼ 8 ਘੰਟੇ ਦੀ ਨੀਂਦ ਨਾ ਲੈਣਾ। ਇਹ ਦੋਵੇਂ ਅਜਿਹੇ ਕਾਰਨ ਹਨ, ਜੋ ਸ਼ੂਗਰ ਨੂੰ ਖਤਰਨਾਕ ਪੱਧਰ 'ਤੇ ਲੈ ਜਾਣ ਦਾ ਕੰਮ ਕਰਦੇ ਹਨ। ਇਸ ਲਈ ਇਨ੍ਹਾਂ ਦੋਹਾਂ ਆਦਤਾਂ ਨੂੰ ਸੁਧਾਰਦੇ ਹੋਏ ਹਰ ਰੋਜ਼ ਸਮੇਂ 'ਤੇ ਸੌਂਦੇ ਹੋਏ ਪੂਰੀ ਨੀਂਦ ਲਓ।
Disclaimer: ਇਸ ਲੇਖ ਵਿੱਚ ਦੱਸੇ ਗਏ ਤਰੀਕੇ, ਤਰੀਕਿਆਂ ਅਤੇ ਦਾਅਵਿਆਂ ਨੂੰ ਸਿਰਫ਼ ਸੁਝਾਵਾਂ ਵਜੋਂ ਲਿਆ ਜਾਣਾ ਹੈ, ਏਬੀਪੀ ਨਿਊਜ਼ ਇਹਨਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਅਜਿਹੇ ਕਿਸੇ ਵੀ ਇਲਾਜ/ਦਵਾਈ/ਖੁਰਾਕ ਦੀ ਪਾਲਣਾ ਕਰਨ ਤੋਂ ਪਹਿਲਾਂ, ਡਾਕਟਰ ਨਾਲ ਸਲਾਹ ਕਰੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
