ਚਾਪਿੰਗ ਬੋਰਡ 'ਤੇ ਹੁੰਦੇ ਟਾਇਲਟ ਸੀਟ ਤੋਂ ਵੱਧ ਬੈਕਟੀਰੀਆ? ਜਾਣ ਲਓ ਪੂਰਾ ਸੱਚ, ਨਹੀਂ ਤਾਂ ਹੋ ਸਕਦੇ ਬਿਮਾਰ
Chopping Board: ਘਰ ਦੀ ਰਸੋਈ ਜਿੰਨੀ ਸਾਫ਼-ਸੁਥਰੀ ਦਿਖਾਈ ਦਿੰਦੀ ਹੈ, ਅਸਲ ਵਿੱਚ ਉੰਨੀ ਨਹੀਂ ਹੁੰਦੀ ਹੈ। ਇਸਤਾਂਬੁਲ ਦੀ ਜੇਲਿਜ਼ਮ ਯੂਨੀਵਰਸਿਟੀ ਦੇ ਇੱਕ ਅਧਿਐਨ ਵਿੱਚ ਕਿਹਾ ਗਿਆ ਹੈ ਕਿ 9% ਬਿਮਾਰੀਆਂ ਸਿਰਫ਼ ਰਸੋਈ ਵਿੱਚ ਵਧਣ ਵਾਲੇ ਬੈਕਟੀਰੀਆ ਕਾਰਨ ਹੁੰਦੀਆਂ ਹਨ।
Chopping Board: ਘਰ ਦੀ ਰਸੋਈ ਜਿੰਨੀ ਸਾਫ਼-ਸੁਥਰੀ ਦਿਖਾਈ ਦਿੰਦੀ ਹੈ, ਅਸਲ ਵਿੱਚ ਉੰਨੀ ਨਹੀਂ ਹੁੰਦੀ ਹੈ। ਇਸਤਾਂਬੁਲ ਦੀ ਜੇਲਿਜ਼ਮ ਯੂਨੀਵਰਸਿਟੀ ਦੇ ਇੱਕ ਅਧਿਐਨ ਵਿੱਚ ਕਿਹਾ ਗਿਆ ਹੈ ਕਿ 9% ਬਿਮਾਰੀਆਂ ਸਿਰਫ਼ ਰਸੋਈ ਵਿੱਚ ਵਧਣ ਵਾਲੇ ਬੈਕਟੀਰੀਆ ਕਾਰਨ ਹੁੰਦੀਆਂ ਹਨ। ਅੱਜ-ਕੱਲ੍ਹ ਇੰਟਰਨੈੱਟ 'ਤੇ ਇਸ ਗੱਲ ਦੀ ਕਾਫੀ ਚਰਚਾ ਹੈ ਕਿ ਰਸੋਈ 'ਚ ਸਭ ਤੋਂ ਜ਼ਿਆਦਾ ਵਰਤਿਆ ਜਾਣ ਵਾਲਾ ਚਾਪਿੰਗ ਜਾਂ ਕਟਿੰਗ ਬੋਰਡ (Cutting Board) ਇਨਫੈਕਸ਼ਨ ਦਾ ਘਰ ਹੈ। ਸਬਜ਼ੀਆਂ ਅਤੇ ਮੀਟ ਨੂੰ ਕੱਟਣ ਲਈ ਵਰਤਿਆ ਜਾਣ ਵਾਲਾ ਚੌਪਿੰਗ ਬੋਰਡ ਟਾਇਲਟ ਸੀਟ ਨਾਲੋਂ ਜ਼ਿਆਦਾ ਗੰਦਾ ਹੁੰਦਾ ਹੈ। ਇਸ ਗੱਲ 'ਚ ਕਿੰਨੀ ਸੱਚਾਈ ਹੈ, ਆਓ ਜਾਣਦੇ ਹਾਂ ਮਾਹਿਰਾਂ ਤੋਂ...
ਬਹੁਤ ਸਾਰੇ ਖੁਰਾਕ ਮਾਹਿਰਾਂ ਦਾ ਕਹਿਣਾ ਹੈ ਕਿ ਕਟਿੰਗ ਬੋਰਡ ਵਿੱਚ ਈ. ਕੋਲੀ ਅਤੇ ਸਾਲਮੋਨੇਲਾ ਵਰਗੇ ਨੁਕਸਾਨਦੇਹ ਬੈਕਟੀਰੀਆ ਹੋ ਸਕਦੇ ਹਨ, ਖਾਸ ਕਰਕੇ ਜਦੋਂ ਉਹ ਕੱਚੇ ਮਾਸ ਅਤੇ ਸਬਜ਼ੀਆਂ ਦੇ ਸੰਪਰਕ ਵਿੱਚ ਆਉਂਦੇ ਹਨ। ਹਾਲਾਂਕਿ, ਇਸਦੀ ਤੁਲਨਾ ਟਾਇਲਟ ਸੀਟ ਨਾਲ ਕਰਨਾ ਬਹੁਤ ਜ਼ਿਆਦਾ ਹੋ ਸਕਦਾ ਹੈ, ਕਿਉਂਕਿ ਕਟਿੰਗ ਬੋਰਡ, ਖਾਸ ਤੌਰ 'ਤੇ ਲੱਕੜ ਵਾਲੇ, ਜੇਕਰ ਚੰਗੀ ਤਰ੍ਹਾਂ ਸਾਫ ਨਾ ਕੀਤਾ ਜਾਵੇ ਤਾਂ ਬੈਕਟੀਰੀਆ ਪੈਦਾ ਹੋਣ ਦੇ ਹੌਟਸਪੋਟ ਹੋ ਸਕਦੇ ਹਨ। ਲਕੜੀ ਦੀਆਂ ਛੋਟੀ-ਛੋਟੀ ਥਾਵਾਂ ਅਤੇ ਦਰਾਰਾਂ ਵਿੱਚ ਬੈਕਟੀਰੀਆ ਵੜਨ ਦੇ ਚਾਂਸ ਵੱਧ ਜਾਂਦੇ ਹਨ। ਇਸ ਕਰਕੇ ਇਸ ਦੀ ਸਾਫ-ਸਫਾਈ ਚੰਗੀ ਤਰ੍ਹਾਂ ਕਰਨੀ ਚਾਹੀਦੀ ਹੈ।
ਮਾਈਕ੍ਰੋਬਾਇਓਲੋਜਿਸਟਸ ਦਾ ਮੰਨਣਾ ਹੈ ਕਿ ਕਟਿੰਗ ਬੋਰਡ ਵਿੱਚ ਟਾਇਲਟ ਸੀਟਾਂ ਨਾਲੋਂ ਬਹੁਤ ਜ਼ਿਆਦਾ ਗੰਦੇ ਬੈਕਟੀਰੀਆ ਹੋ ਸਕਦੇ ਹਨ। ਇਹ ਇਸ ਲਈ ਹੈ ਕਿਉਂਕਿ ਕਟਿੰਗ ਬੋਰਡ ਅਕਸਰ ਕੱਚੇ ਮਾਸ ਦੇ ਸੰਪਰਕ ਵਿੱਚ ਆਉਂਦੇ ਹਨ, ਅਤੇ ਬੈਕਟੀਰੀਆ ਬੋਰਡ ਦੀ ਸਤਹ ਵਿੱਚ ਫਸ ਸਕਦੇ ਹਨ।
ਇਹ ਵੀ ਪੜ੍ਹੋ: ਕੀ ਤੁਸੀਂ ਵੀ ਯੂਰਿਕ ਐਸਿਡ ਤੋਂ ਹੋ ਪਰੇਸ਼ਾਨ? ਜੋੜਾਂ ਦੇ ਦਰਦ ਤੋਂ ਰਾਹਤ ਪਾਉਣ ਲਈ ਆਪਣੀ ਡਾਈਟ 'ਚ ਸ਼ਾਮਲ ਕਰੋ ਆਹ ਚੀਜ਼ਾਂ
ਹਾਲਾਂਕਿ ਟਾਇਲਟ ਸੀਟਾਂ ਨੂੰ ਨਿਯਮਤ ਤੌਰ 'ਤੇ ਸਾਫ਼ ਕੀਤਾ ਜਾਂਦਾ ਹੈ, ਇਸ ਕਰਕੇ ਉਨ੍ਹਾਂ ਤੋਂ ਬੈਕਟੀਰੀਆ ਖਤਮ ਹੁੰਦੇ ਰਹਿੰਦੇ ਹਨ। ਜਦੋਂ ਕਿ ਕਟਿੰਗ ਬੋਰਡਾਂ ਦੀ ਨਿਯਮਤ ਸਫਾਈ ਕਰਨ ਨਾਲ ਵੀ ਬੈਕਟੀਰੀਆ ਨੂੰ ਪੂਰੀ ਤਰ੍ਹਾਂ ਨਹੀਂ ਹਟਾਇਆ ਜਾ ਸਕਦਾ, ਜਿਸ ਕਾਰਨ ਇਹ ਵਧੇਰੇ ਖਤਰਨਾਕ ਮੰਨੇ ਜਾਂਦੇ ਹਨ। ਹਾਲਾਂਕਿ, ਮਾਹਰ ਇਸ ਗੱਲ ਨਾਲ ਸਹਿਮਤ ਨਹੀਂ ਹਨ ਕਿ ਇੱਕ ਕਟਿੰਗ ਬੋਰਡ ਵਿੱਚ ਇੱਕ ਟਾਇਲਟ ਸੀਟ ਜਿੰਨੇ ਬੈਕਟੀਰੀਆ ਹੁੰਦੇ ਹਨ, ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਵਿੱਚ ਘੱਟ ਬੈਕਟੀਰੀਆ ਨਹੀਂ ਹੁੰਦੇ ਹਨ।
ਬੈਕਟੀਰੀਆ ਦੀ ਲਾਗ ਨੂੰ ਘਟਾਉਣ ਲਈ, ਕਟਿੰਗ ਬੋਰਡ ਦੀ ਸਹੀ ਸਫਾਈ ਜ਼ਰੂਰੀ ਹੈ। ਇਸ ਨੂੰ ਵਰਤਣ ਤੋਂ ਤੁਰੰਤ ਬਾਅਦ ਗਰਮ ਪਾਣੀ ਅਤੇ ਸਾਬਣ ਨਾਲ ਧੋਣਾ ਚਾਹੀਦਾ ਹੈ। ਜੇਕਰ ਇਸ ਦੀ ਵਰਤੋਂ ਕੱਚੇ ਮਾਸ ਨੂੰ ਕੱਟਣ ਲਈ ਕੀਤੀ ਜਾਂਦੀ ਹੈ, ਤਾਂ ਸਫ਼ੈਦ ਸਿਰਕੇ ਜਾਂ ਨਿੰਬੂ ਦੇ ਰਸ ਨਾਲ ਸਫਾਈ ਕਰਨੀ ਚਾਹੀਦੀ ਹੈ। ਕਈ ਵਾਰ ਇਸ ਬੋਰਡ ਨੂੰ ਬਲੀਚ ਨਾਲ ਸਾਫ਼ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਇਸ ਨੂੰ ਹਵਾ ਅਤੇ ਧੁੱਪ ਵਿਚ ਸੁੱਕਣ ਲਈ ਰੱਖੋ। ਕਟਿੰਗ ਬੋਰਡ ਨੂੰ ਹਮੇਸ਼ਾ ਸੁੱਕੀ ਜਗ੍ਹਾ 'ਤੇ ਰੱਖਣਾ ਚਾਹੀਦਾ ਹੈ, ਕਿਉਂਕਿ ਬੈਕਟੀਰੀਆ ਨਮੀ ਵਿੱਚ ਵਧਦੇ ਹਨ।
ਇਹ ਵੀ ਪੜ੍ਹੋ: ਔਰਤਾਂ ਦੇ ਲਈ ਫਾਇਦੇਮੰਦ ਨਮਕ ਅਤੇ ਕਲੌਂਜੀ, ਇਨ੍ਹਾਂ ਗੰਭੀਰ ਸਮੱਸਿਆਵਾਂ ਤੋਂ ਮਿਲੇਗੀ ਰਾਹਤ
Disclaimer: ਖਬਰ 'ਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਆਧਾਰਿਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
