ਕੀ ਰੋਜ਼ ਇੱਕ ਗਲਾਸ ਵਾਈਨ ਪੀਣਾ ਸਿਹਤ ਲਈ ਫਾਇਦੇਮੰਦ? ਜਾਣੋ ਇਸ ਦਾ ਨਫਾ ਅਤੇ ਨੁਕਸਾਨ
Disadvantages of Drinking Wine: ਇੱਕ ਰਿਸਰਚ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਜੇਕਰ ਤੁਸੀਂ ਖਾਣੇ ਦੇ ਨਾਲ ਇੱਕ ਗਲਾਸ ਵਾਈਨ ਪੀਂਦੇ ਹੋ, ਤਾਂ ਤੁਹਾਡੇ ਵਿੱਚ ਟਾਈਪ-2 ਡਾਇਬਟੀਜ਼ ਦਾ ਖ਼ਤਰਾ ਘੱਟ ਹੋ ਜਾਂਦਾ ਹੈ।
ਜੇਕਰ ਤੁਸੀਂ ਕਿਸੇ ਵੀ ਚੀਜ਼ ਦੀ ਸਹੀ ਮਾਤਰਾ 'ਚ ਵਰਤੋਂ ਕਰਦੇ ਹੋ ਤਾਂ ਇਹ ਤੁਹਾਡੇ ਲਈ ਫਾਇਦੇਮੰਦ ਹੈ। ਹਾਲਾਂਕਿ, ਜੇਕਰ ਤੁਸੀਂ ਕਿਸੇ ਚੀਜ਼ ਦੀ ਜ਼ਿਆਦਾ ਵਰਤੋਂ ਕਰਦੇ ਹੋ, ਤਾਂ ਇਹ ਤੁਹਾਡੇ ਲਈ ਨੁਕਸਾਨਦੇਹ ਵੀ ਸਾਬਿਤ ਹੋ ਸਕਦੀ ਹੈ। ਦਵਾਈ ਹੋਵੇ ਜਾਂ ਸ਼ਰਾਬ, ਉਨ੍ਹਾਂ 'ਤੇ ਵੀ ਇਹੀ ਨਿਯਮ ਲਾਗੂ ਹੁੰਦਾ ਹੈ। ਤਾਂ ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਜੇਕਰ ਤੁਸੀਂ ਰੋਜ਼ਾਨਾ ਇੱਕ ਗਲਾਸ ਵਾਈਨ ਪੀਂਦੇ ਹੋ ਤਾਂ ਇਸ ਦਾ ਤੁਹਾਡੇ 'ਤੇ ਕਿੰਨਾ ਅਸਰ ਪਵੇਗਾ। ਰਿਸਰਚ ਨਾਲ ਸਮਝੋ, ਇਸ ਦਾ ਫਾਇਦਾ ਮਿਲੇਗਾ ਜਾਂ ਨੁਕਸਾਨ?
ਵਾਈਨ ਦੇ ਫਾਇਦੇ ਅਤੇ ਨੁਕਸਾਨ
ਇਕ ਮਾਪਦੰਡ ਦੇ ਤਹਿਤ, ਔਰਤਾਂ ਲਈ ਪ੍ਰਤੀ ਦਿਨ ਇਕ ਗਲਾਸ ਵਾਈਨ ਅਤੇ ਪੁਰਸ਼ਾਂ ਲਈ ਦੋ ਗਲਾਸ ਵਾਈਨ ਪੀਣ ਬਾਰੇ ਕਿਹਾ ਗਿਆ ਹੈ। ਤੁਸੀਂ ਇਸ ਤੋਂ ਕੁਝ ਸਿਹਤ ਦੇ ਲਾਭ ਵੀ ਪ੍ਰਾਪਤ ਕਰ ਸਕਦੇ ਹੋ। ਉਦਾਹਰਨ ਲਈ, ਵਾਈਨ ਦਿਲ ਦੀ ਬਿਮਾਰੀ, ਸਟ੍ਰੋਕ ਅਤੇ ਕੈਂਸਰ ਦੀਆਂ ਕੁਝ ਕਿਸਮਾਂ ਦੇ ਜੋਖਮ ਨੂੰ ਘਟਾਉਂਦੀ ਹੈ। ਹਾਲਾਂਕਿ, ਬਹੁਤ ਜ਼ਿਆਦਾ ਵਾਈਨ ਪੀਣ ਨਾਲ ਸਿਹਤ ਨੂੰ ਨੁਕਸਾਨ ਵੀ ਪਹੁੰਚ ਸਕਦਾ ਹੈ ਅਤੇ ਕਿਡਨੀ ਸਬੰਧੀ ਰੋਗ, ਕੈਂਸਰ ਅਤੇ ਹੋਰ ਸਿਹਤ ਸਮੱਸਿਆਵਾਂ ਦੇ ਜੋਖਮ ਨੂੰ ਵਧਾ ਸਕਦਾ ਹੈ। ਇਸ ਗੱਲ ‘ਤੇ ਧਿਆਨ ਦੇਣਾ ਜ਼ਰੂਰੀ ਹੈ ਕਿ ਵਾਈਨ ਤੋਂ ਸਿਹਤ ਨੂੰ ਹੋਣ ਵਾਲਿਆਂ ਫਾਇਦਿਆਂ ਬਾਰੇ ਹਾਲੇ ਵੀ ਗੱਲ ਹੁੰਦੀ ਰਹਿੰਦੀ ਹੈ।
ਜ਼ਿਆਦਾ ਵਾਈਨ ਪੀਣ ਨਾਲ ਕੀ ਹੋਵੇਗਾ
ਆਮ ਤੌਰ 'ਤੇ, ਸਿਹਤ ਦੇ ਕਈ ਕਾਰਨਾਂ ਕਰਕੇ ਸੀਮਿਤ ਮਾਤਰਾ ਵਿੱਚ ਵਾਈਨ ਦਾ ਸੇਵਨ ਕਰਨ ਲਈ ਕਿਹਾ ਜਾਂਦਾ ਹੈ। ਜੇਕਰ ਤੁਸੀਂ ਨਿਰਧਾਰਤ ਮਾਤਰਾ ਤੋਂ ਜ਼ਿਆਦਾ ਵਾਈਨ ਪੀਂਦੇ ਹੋ, ਤਾਂ ਇਸ ਦਾ ਸਿਹਤ 'ਤੇ ਮਾੜਾ ਪ੍ਰਭਾਵ ਪੈ ਸਕਦਾ ਹੈ। ਇਸ ਦੇ ਕਾਰਨ, ਤੁਹਾਨੂੰ ਹਾਈ ਬਲੱਡ ਪ੍ਰੈਸ਼ਰ, ਕਿੰਡਨੀ ਤੋਂ ਸਬੰਧਿਤ ਬਿਮਾਰੀਆਂ ਅਤੇ ਕੁਝ ਕਿਸਮ ਦੇ ਕੈਂਸਰ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਨਾਲ ਹੀ, ਜੇਕਰ ਤੁਸੀਂ ਕਿਸੇ ਦਵਾਈ ਦਾ ਸੇਵਨ ਕਰਦੇ ਹੋ ਅਤੇ ਨਾਲ ਵਾਈਨ ਪੀਂਦੇ ਹੋ, ਤਾਂ ਵਾਈਨ ਕੁਝ ਦਵਾਈਆਂ ਨਾਲ ਸੰਪਰਕ ਕਰ ਸਕਦੀ ਹੈ ਅਤੇ ਸਿਹਤ ਹੋਰ ਵਿਗੜ ਸਕਦੀ ਹੈ।
ਕੀ ਕਹਿੰਦੀ ਹੈ ਰਿਸਰਚ?
ਹਾਲ ਹੀ ਵਿੱਚ, ਅਮਰੀਕਨ ਹਾਰਟ ਐਸੋਸੀਏਸ਼ਨ ਦੀ ਇੱਕ ਕਾਨਫਰੰਸ ਵਿੱਚ ਪੇਸ਼ ਕੀਤੀ ਗਈ ਇੱਕ ਰਿਸਰਚ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਜੇਕਰ ਤੁਸੀਂ ਆਪਣੇ ਖਾਣੇ ਦੇ ਨਾਲ ਇੱਕ ਗਲਾਸ ਵਾਈਨ ਪੀਂਦੇ ਹੋ, ਤਾਂ ਤੁਹਾਡੇ ਟਾਈਪ-2 ਡਾਇਬਟੀਜ਼ ਦਾ ਖ਼ਤਰਾ ਘੱਟ ਜਾਂਦਾ ਹੈ। ਦੂਜੇ ਪਾਸੇ, ਅਮਰੀਕਨ ਹੈਲਥ ਏਜੰਸੀ ਸੈਂਟਰਜ਼ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰੀਵੈਂਸ਼ਨ (ਸੀਡੀਸੀ) ਦੀ ਖੋਜ ਅਨੁਸਾਰ ਸਿਰਫ ਇੱਕ ਤੋਂ ਦੋ ਗਲਾਸ ਵਾਈਨ ਹੀ ਪੀਣੀ ਚਾਹੀਦੀ ਹੈ। ਹਾਲਾਂਕਿ ਇਸ ਤੋਂ ਇਲਾਵਾ ਵੀ ਵਾਈਨ ਪੀਣ ਨਾਲ ਸਿਹਤ ‘ਤੇ ਪੈਣ ਵਾਲੇ ਪ੍ਰਭਾਵਾਂ ਸਬੰਧੀ ਕਈ ਅਧਿਐਨ ਕੀਤੇ ਗਏ ਹਨ।
ਕੁਝ ਰਿਸਰਚਾਂ ਤੋਂ ਪਤਾ ਲੱਗਦਾ ਹੈ ਕਿ ਵਾਈਨ ਵਿੱਚ ਪਾਏ ਜਾਣ ਵਾਲੇ ਐਂਟੀਆਕਸੀਡੈਂਟ, ਖਾਸ ਤੌਰ 'ਤੇ ਰੈੱਡ ਵਾਈਨ ਵਿੱਚ, ਦਿਲ ਦੀ ਬਿਮਾਰੀ ਅਤੇ ਕੁਝ ਕਿਸਮ ਦੇ ਕੈਂਸਰ ਦੇ ਵਿਰੁੱਧ ਸਰੀਰ ਵਿੱਚ ਸੁਰੱਖਿਆ ਪ੍ਰਭਾਵ ਪਾ ਸਕਦੇ ਹਨ। ਹਾਲਾਂਕਿ, ਹੋਰ ਅਧਿਐਨਾਂ ਵਿੱਚ ਵਾਈਨ ਪੀਣ ਨਾਲ ਕੋਈ ਮਹੱਤਵਪੂਰਨ ਸਿਹਤ ਲਾਭ ਨਹੀਂ ਮਿਲੇ ਹਨ। ਕੁਝ ਖੋਜਾਂ ਵਿਚ ਇਹ ਵੀ ਪਾਇਆ ਗਿਆ ਹੈ ਕਿ ਜ਼ਿਆਦਾ ਵਾਈਨ ਪੀਣ ਨਾਲ ਕੁਝ ਸਿਹਤ ਸਮੱਸਿਆਵਾਂ ਦਾ ਖਤਰਾ ਵੱਧ ਸਕਦਾ ਹੈ। ਇਸ ਗੱਲ ‘ਤੇ ਧਿਆਨ ਦੇਣ ਦੀ ਲੋੜ ਹੈ ਕਿ ਇਹਨਾਂ ਖੋਜਾਂ ਦੇ ਨਤੀਜਿਆਂ ਦੀ ਸਾਵਧਾਨੀ ਨਾਲ ਵਿਆਖਿਆ ਕੀਤੀ ਜਾਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ: Haryana News: ਜੂਨੀਅਰ ਮਹਿਲਾ ਕੋਚ ਦਾ ਸੰਦੀਪ ਸਿੰਘ ਨੂੰ ਲੈ ਕੇ ਇੱਕ ਹੋਰ ਖੁਲਾਸਾ, ਮੰਤਰੀ ਨੇ ਕਹੀ ਸੀ ਇਹ ਵੱਡੀ ਗੱਲ
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
