ਰਾਤ ਨੂੰ ਸੌਣ ਸਮੇਂ ਵਾਲ ਬੰਨ੍ਹਣੇ ਸਹੀ ਜਾਂ ਗਲਤ? ਇੱਥੇ ਜਾਣੋ ਜਵਾਬ
ਬਹੁਤ ਸਾਰੀਆਂ ਔਰਤਾਂ ਅਕਸਰ ਇਸੇ ਉਲਝਣ ਵਿੱਚ ਰਹਿੰਦੀਆਂ ਹਨ ਕਿ ਰਾਤ ਨੂੰ ਸੌਣ ਸਮੇਂ ਵਾਲ ਬੰਨ੍ਹ ਕੇ ਸੌਣਾ ਚਾਹੀਦਾ ਹੈ ਜਾਂ ਖੋਲ ਕੇ? ਤਾਂ ਅੱਜ ਤੁਹਾਨੂੰ ਇਸ ਆਰਟੀਕਲ ਦੇ ਰਾਹੀਂ ਦੱਸਾਂਗੇ ਕਿਵੇਂ ਵਾਲਾਂ ਦੀ ਦੇਖਭਾਲ ਕਰਨੀ ਹੈ।
ਸੁੰਦਰ, ਲੰਮੇ ਤੇ ਘਣੇ ਵਾਲਾਂ ਦਾ ਸੁਫ਼ਨਾ ਹਰ ਔਰਤ ਦੇ ਮਨ ਵਿੱਚ ਹੁੰਦਾ ਹੈ, ਜਿਸਨੂੰ ਪੂਰਾ ਕਰਨ ਲਈ ਉਹ ਕਈ ਤਰ੍ਹਾਂ ਉਪਾਅ ਕਰਦੀਆਂ ਰਹਿੰਦੀਆਂ ਹਨ। ਪਰ ਅੱਜਕੱਲ ਦੀ ਦੌੜ-ਭੱਜ ਵਾਲੀ ਜ਼ਿੰਦਗੀ, ਖਾਣ-ਪੀਣ 'ਚ ਪੋਸ਼ਕ ਤੱਤਾਂ ਦੀ ਘਾਟ ਅਤੇ ਵਧਦੇ ਤਣਾਅ ਕਰਕੇ ਹਰ ਦੂਜੀ ਔਰਤ ਵਾਲਾਂ ਝੜਨ ਦੀ ਸਮੱਸਿਆ ਨਾਲ ਜੂਝ ਰਹੀ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਵਾਲ ਝੜਨ ਦੇ ਪਿੱਛੇ ਇਕ ਹੋਰ ਵੱਡਾ ਕਾਰਨ ਵੀ ਹੈ, ਜਿਸਨੂੰ ਅਕਸਰ ਜ਼ਿਆਦਾਤਰ ਔਰਤਾਂ ਨਜ਼ਰਅੰਦਾਜ਼ ਕਰ ਦਿੰਦੀਆਂ ਹਨ? ਹਾਂ ਜੀ, ਇਹ ਕਾਰਨ ਹੈ ਰਾਤ ਨੂੰ ਸੌਣ ਸਮੇਂ ਵਾਲਾਂ ਨੂੰ ਗਲਤ ਢੰਗ ਨਾਲ ਰੱਖਣਾ। ਆਓ ਜਾਣੀਏ ਕਿ ਹੇਅਰ ਫਾਲ ਤੋਂ ਬਚਣ ਲਈ ਰਾਤ ਨੂੰ ਵਾਲ ਖੁੱਲ੍ਹੇ ਛੱਡਣੇ ਚਾਹੀਦੇ ਹਨ ਜਾਂ ਬੰਨ੍ਹ ਕੇ।
ਸੌਣ ਸਮੇਂ ਵਾਲ ਖੁੱਲ੍ਹੇ ਛੱਡਣੇ ਚਾਹੀਦੇ ਹਨ ਜਾਂ ਬੰਨ੍ਹ ਕੇ ਰੱਖਣੇ ਚਾਹੀਦੇ ਹਨ?
ਸੌਣ ਸਮੇਂ ਵਾਲ ਬੰਨ੍ਹਣ ਦੇ ਫਾਇਦੇ:
ਵਾਲ ਟੁੱਟਣ ਤੋਂ ਬਚਦੇ ਹਨ
ਲੰਮੇ ਵਾਲ ਖੁੱਲ੍ਹੇ ਛੱਡਣ ਨਾਲ ਰਾਤ ਨੂੰ ਉਹ ਉਲਝ ਸਕਦੇ ਹਨ। ਅਜਿਹੀ ਸਥਿਤੀ ਵਿੱਚ, ਰਾਤ ਨੂੰ ਢਿੱਲੀ ਚੋਟੀ ਜਾਂ ਬਨ ਬਣਾ ਕੇ ਸੌਣ ਨਾਲ ਵਾਲਾਂ ਦੇ ਟੁੱਟਣ ਅਤੇ ਉਲਝਣ ਤੋਂ ਬਚਾਅ ਹੁੰਦਾ ਹੈ।
ਵਾਲ ਰਹਿੰਦੇ ਹਨ ਸਾਫ
ਬੰਨ੍ਹੇ ਹੋਏ ਵਾਲ ਬਿਸਤਰ 'ਤੇ ਘੱਟ ਫੈਲਦੇ ਹਨ, ਜਿਸ ਕਰਕੇ ਧੂੜ ਅਤੇ ਪਸੀਨੇ ਨਾਲ ਉਨ੍ਹਾਂ ਨੂੰ ਘੱਟ ਨੁਕਸਾਨ ਹੁੰਦਾ ਹੈ।
ਗਰਮੀ ਤੋਂ ਮਿਲਦੀ ਹੈ ਰਾਹਤ
ਕਈ ਲੋਕ ਗਰਮੀਆਂ ਵਿੱਚ ਵਾਲ ਬੰਨ੍ਹ ਕੇ ਸੌਣਾ ਵਧੀਆ ਸਮਝਦੇ ਹਨ। ਇਸ ਤਰੀਕੇ ਨਾਲ ਉਨ੍ਹਾਂ ਨੂੰ ਗਰਮੀ ਦਾ ਅਹਿਸਾਸ ਘੱਟ ਹੁੰਦਾ ਹੈ।
ਮੁਹਾਂਸਿਆਂ ਦੀ ਸੰਭਾਵਨਾ ਘੱਟ ਹੁੰਦੀ ਹੈ
ਸੌਣ ਸਮੇਂ ਜਦੋਂ ਵਾਲ ਚਿਹਰੇ 'ਤੇ ਨਹੀਂ ਆਉਂਦੇ, ਤਾਂ ਚਮੜੀ 'ਤੇ ਮੁਹਾਂਸੇ ਜਾਂ ਜਲਣ ਹੋਣ ਦੀ ਸੰਭਾਵਨਾ ਘੱਟ ਹੋ ਜਾਂਦੀ ਹੈ। ਵਾਲ ਚਮੜੀ ਉੱਤੇ ਦਬਾਅ ਪਾ ਸਕਦੇ ਹਨ, ਜਿਸ ਕਰਕੇ ਰੋਮ ਬੰਦ ਹੋ ਸਕਦੇ ਹਨ ਅਤੇ ਮੁਹਾਂਸੇ ਹੋਣ ਦਾ ਖਤਰਾ ਵੱਧ ਸਕਦਾ ਹੈ।
ਸੌਣ ਸਮੇਂ ਵਾਲ ਬੰਨ੍ਹਣ ਦੇ ਨੁਕਸਾਨ
ਵਾਲਾਂ 'ਤੇ ਦਬਾਅ
ਸੌਣ ਸਮੇਂ ਜੇਕਰ ਵਾਲਾਂ ਨੂੰ ਬਹੁਤ ਕਸ ਕੇ ਰੱਬੜ ਬੈਂਡ ਜਾਂ ਕਲਿਪ ਨਾਲ ਬੰਨ੍ਹਿਆ ਜਾਵੇ, ਤਾਂ ਇਹ ਵਾਲਾਂ ਦੀਆਂ ਜੜ੍ਹਾਂ 'ਤੇ ਦਬਾਅ ਪਾਉਂਦਾ ਹੈ, ਜਿਸ ਨਾਲ ਵਾਲ ਕਮਜ਼ੋਰ ਹੋ ਕੇ ਟੁੱਟ ਸਕਦੇ ਹਨ।
ਸਿਰ ਦਰਦ
ਵਾਲ ਬਹੁਤ ਜ਼ਿਆਦਾ ਕੱਸ ਕੇ ਬੰਨ੍ਹਣ ਨਾਲ ਸਿਰ ਵਿੱਚ ਦਰਦ ਜਾਂ ਅਸਹਿਜਤਾ ਮਹਿਸੂਸ ਹੋ ਸਕਦੀ ਹੈ।
ਹੇਅਰ ਫਾਲ
ਨਿਯਮਤ ਤੌਰ 'ਤੇ ਕਸ ਕੇ ਵਾਲਾਂ ਦੀ ਸਜਾਵਟ (ਟਾਈਟ ਹੇਅਰਸਟਾਈਲ) ਕਰਨ ਨਾਲ ਵਾਲਾਂ ਦੀਆਂ ਜੜ੍ਹਾਂ ਕਮਜ਼ੋਰ ਹੋ ਸਕਦੀਆਂ ਹਨ, ਜਿਸ ਕਰਕੇ ਹੇਅਰਲਾਈਨ ਪਤਲੀ ਹੋ ਸਕਦੀ ਹੈ।
ਸਕੈਲਪ ਵਿੱਚ ਨਮੀ ਦੀ ਘਾਟ
ਚੋਟੀ ਨੂੰ ਬਹੁਤ ਜ਼ਿਆਦਾ ਕੱਸ ਕੇ ਬੰਨ੍ਹਣ ਨਾਲ ਸਿਰ ਵਿੱਚ ਹਵਾ ਦਾ ਪ੍ਰਵਾਹ ਘੱਟ ਹੋ ਜਾਂਦਾ ਹੈ, ਜਿਸ ਨਾਲ ਰੂਸੀ ਜਾਂ ਖੁਜਲੀ ਦੀ ਸਮੱਸਿਆ ਹੋ ਸਕਦੀ ਹੈ।
ਸੁੱਤਿਆਂ ਸਮੇਂ ਵਾਲ ਖੁੱਲ੍ਹੇ ਛੱਡਣੇ ਚਾਹੀਦੇ ਹਨ ਜਾਂ ਬੰਨ੍ਹ ਕੇ?
ਵਾਲ ਢਿੱਲੇ ਬੰਨ੍ਹੋ
ਰਾਤ ਨੂੰ ਸੌਣਾ ਹਮੇਸ਼ਾ ਢਿੱਲੀ ਚੋਟੀ ਜਾਂ ਢਿੱਲਾ ਬਨ ਬਣਾ ਕੇ ਰੱਖੋ। ਇਸ ਲਈ ਤੁਸੀਂ ਸਿਲਕ ਜਾਂ ਸੈਟਿਨ ਸਕ੍ਰੰਚੀ ਦੀ ਵਰਤੋਂ ਕਰ ਸਕਦੇ ਹੋ, ਜੋ ਕਿ ਵਾਲਾਂ ਨੂੰ ਘੱਟ ਨੁਕਸਾਨ ਪਹੁੰਚਾਉਂਦੇ ਹਨ।
ਕੌਟਨ ਬੈਂਡ ਲਗਾਉਣ ਤੋਂ ਬਚੋ
ਰੱਬੜ ਜਾਂ ਕੌਟਨ ਬੈਂਡ ਵਾਲਾਂ 'ਚ ਲਗਾਉਣ ਨਾਲ ਵਾਲ ਖਿੱਚ ਕੇ ਟੁੱਟਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।
ਸਿਲਕ ਵਾਲੇ ਤਕੀਏ ਦੀ ਵਰਤੋਂ ਕਰੋ
ਰਾਤ ਨੂੰ ਸੌਣ ਲਈ ਸਿਲਕ ਜਾਂ ਸੈਟਿਨ ਦੇ ਕਵਰ ਵਾਲੇ ਤਕੀਏ ਦੀ ਵਰਤੋਂ ਕਰੋ। ਅਜਿਹੇ ਕਪੜੇ 'ਤੇ ਸਿਰ ਰੱਖ ਕੇ ਸੁੱਤਣ ਨਾਲ ਵਾਲਾਂ 'ਤੇ ਘਰਸ਼ਣ ਘੱਟ ਹੁੰਦਾ ਹੈ, ਜਿਸ ਨਾਲ ਹੇਅਰ ਫਾਲ 'ਚ ਕਮੀ ਆਉਂਦੀ ਹੈ।
ਹੇਅਰ ਸੀਰਮ
ਜੇਕਰ ਤੁਹਾਡੇ ਵਾਲ ਬਹੁਤ ਜ਼ਿਆਦਾ ਸੁੱਕੇ ਹਨ, ਤਾਂ ਰਾਤ ਨੂੰ ਹਲਕਾ ਜਿਹਾ ਹੇਅਰ ਸੀਰਮ ਜਾਂ ਨਾਰੀਅਲ ਦਾ ਤੇਲ ਲਗਾ ਕੇ ਸੁੱਤਣ ਨਾਲ ਲਾਭ ਹੋ ਸਕਦਾ ਹੈ। ਇਸ ਨਾਲ ਵਾਲ ਮੋਇਸਚਰਾਇਜ਼ ਰਹਿੰਦੇ ਹਨ ਅਤੇ ਟੁੱਟਣ ਦੀ ਸਮੱਸਿਆ ਘੱਟ ਹੁੰਦੀ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
