ਸਾਵਧਾਨ! ਮੇਅਨੀਜ਼ ਖਾਣ ਵਾਲਿਆਂ ਲਈ ਬੂਰੀ ਖ਼ਬਰ, 'ਚਿੱਟਾ ਜ਼ਹਿਰ' ਹੈ ਇਹ ਫੂਡ, ਸਰੀਰ ਨੂੰ ਇਦਾਂ ਹੋ ਰਿਹਾ ਨੁਕਸਾਨ
ਮੇਅਨੀਜ਼ ਨੂੰ ਪਿਆਰ ਕਰਨ ਵਾਲੇ ਲੋਕਾਂ ਦੀ ਕੋਈ ਕਮੀ ਨਹੀਂ ਹੈ, ਚਾਹੇ ਚਾਈਨੀਜ਼ ਫੂਡ ਹੋਵੇ ਜਾਂ ਫਿਰ ਪੀਜ਼ਾ-ਬਰਗਰ, ਲੋਕ ਇਨ੍ਹਾਂ ਨੂੰ ਖਾਂਦੇ ਸਮੇਂ ਮੇਅਨੀਜ਼ ਲੈਣਾ ਨਹੀਂ ਭੁੱਲਦੇ। ਪਰ ਇਸ ਨੂੰ ਖਾਣ ਦੇ ਕਈ ਨੁਕਸਾਨ ਵੀ ਹਨ।
Mayonnaise Side Effects: ਭਾਵੇਂ ਬੱਚੇ ਹੋਣ ਜਾਂ ਵੱਡੇ, ਮੇਅਨੀਜ਼ ਅਜਿਹੀ ਚੀਜ਼ ਹੈ ਜੋ ਸਭ ਨੂੰ ਪਸੰਦ ਹੈ। ਬਰਗਰ, ਪੀਜ਼ਾ ਜਾਂ ਮੋਮੋਜ਼ ਦੇ ਨਾਲ ਮੇਅਨੀਜ਼ ਨਾ ਹੋਵੇ ਤਾਂ ਸਵਾਦ ਫਿੱਕਾ ਜਿਹਾ ਲੱਗਦਾ ਹੈ। ਕੁਝ ਲੋਕ ਮੇਅਨੀਜ਼ ਨੂੰ ਸੈਂਡਵਿਚ ਅਤੇ ਪਾਸਤਾ ਵਿਚ ਮਿਲਾ ਕੇ ਵੀ ਖਾਂਦੇ ਹਨ। ਜਦੋਂ ਕਿ ਕੁਝ ਲੋਕਾਂ ਨੂੰ ਮੇਅਨੀਜ਼ ਦਾ ਕ੍ਰੀਮੀ ਟੈਕਸਟਚਰ ਪਸੰਦ ਹੈ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਮੇਅਨੀਜ਼ ਸਾਡੀ ਸਿਹਤ ਲਈ ਫਾਇਦੇਮੰਦ ਹੈ ਜਾਂ ਨਹੀਂ?
ਜੇਕਰ ਤੁਸੀਂ ਵੀ ਮੇਅਨੀਜ਼ ਖਾਣ ਦੇ ਸ਼ੌਕੀਨ ਹੋ ਤਾਂ ਤੁਹਾਨੂੰ ਇਸ ਦੇ ਨੁਕਸਾਨਾਂ ਬਾਰੇ ਵੀ ਪਤਾ ਹੋਣਾ ਚਾਹੀਦਾ ਹੈ। ਦਰਅਸਲ, ਬਹੁਤ ਜ਼ਿਆਦਾ ਮੇਅਨੀਜ਼ ਖਾਣ ਨਾਲ ਸਿਹਤ ਨੂੰ ਕਈ ਤਰ੍ਹਾਂ ਦਾ ਨੁਕਸਾਨ ਹੋ ਸਕਦਾ ਹੈ। ਇਸ ਕਾਰਨ ਤੁਸੀਂ ਕਈ ਗੰਭੀਰ ਬਿਮਾਰੀਆਂ ਦਾ ਸ਼ਿਕਾਰ ਵੀ ਹੋ ਸਕਦੇ ਹੋ। ਤਾਂ ਆਓ ਜਾਣਦੇ ਹਾਂ ਜ਼ਿਆਦਾ ਮੇਅਨੀਜ਼ ਖਾਣ ਦੇ ਕੀ ਮਾੜੇ ਪ੍ਰਭਾਵ ਹੁੰਦੇ ਹਨ।
ਮੇਅਨੀਜ਼ ਖਾਣ ਦੇ ਨੁਕਸਾਨ
ਡਾਇਬਟੀਜ਼: ਮੇਅਨੀਜ਼ ਜ਼ਿਆਦਾ ਖਾਣ ਨਾਲ ਬਲੱਡ ਸ਼ੂਗਰ ਲੈਵਲ ਵੱਧ ਸਕਦਾ ਹੈ। ਜੇਕਰ ਤੁਸੀਂ ਇਸ ਨੂੰ ਰੋਜ਼ਾਨਾ ਖਾ ਰਹੇ ਹੋ ਤਾਂ ਸ਼ੂਗਰ ਦਾ ਖ਼ਤਰਾ ਬਹੁਤ ਜ਼ਿਆਦਾ ਹੁੰਦਾ ਹੈ। ਦੂਜੇ ਪਾਸੇ, ਜੇਕਰ ਤੁਸੀਂ ਪਹਿਲਾਂ ਹੀ ਸ਼ੂਗਰ ਦੇ ਸ਼ਿਕਾਰ ਹੋ, ਤਾਂ ਤੁਹਾਨੂੰ ਇਸ ਨੂੰ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।
ਭਾਰ ਵੱਧ ਹੋਣਾ : ਮੇਅਨੀਜ਼ ਜ਼ਿਆਦਾ ਖਾਣ ਨਾਲ ਤੁਹਾਡਾ ਭਾਰ ਤੇਜ਼ੀ ਨਾਲ ਵੱਧ ਸਕਦਾ ਹੈ। ਦਰਅਸਲ, ਮੇਅਨੀਜ਼ ਵਿੱਚ ਬਹੁਤ ਸਾਰੀਆਂ ਕੈਲੋਰੀਆਂ ਹੁੰਦੀਆਂ ਹਨ। ਇਸ ਵਿੱਚ ਚਰਬੀ ਵੀ ਬਹੁਤ ਹੁੰਦੀ ਹੈ। ਇਸ ਕਾਰਨ ਜੇਕਰ ਤੁਸੀਂ ਮੇਅਨੀਜ਼ ਜ਼ਿਆਦਾ ਖਾਂਦੇ ਹੋ ਤਾਂ ਮੋਟਾਪੇ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ।
ਇਹ ਵੀ ਪੜ੍ਹੋ: ਕੀ ਤੁਸੀਂ ਕਦੇ ਸੋਚਿਆ ਹੈ? ਕਿ ਔਰਤਾਂ ਨੂੰ 'Better half' ਕਿਉਂ ਕਿਹਾ ਜਾਂਦਾ ਹੈ, ਜਾਣੋ ਇਸ ਸਵਾਲ ਦਾ ਜਵਾਬ
ਬਲੱਡ ਪ੍ਰੈਸ਼ਰ ਵੱਧ ਹੋਣਾ: ਜ਼ਿਆਦਾ ਮੇਅਨੀਜ਼ ਖਾਣ ਨਾਲ ਵੀ ਹਾਈ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਹੋ ਸਕਦੀ ਹੈ। ਦਰਅਸਲ ਮੇਅਨੀਜ਼ 'ਚ ਓਮੇਗਾ-6 ਫੈਟੀ ਐਸਿਡ ਦੀ ਮਾਤਰਾ ਬਹੁਤ ਜ਼ਿਆਦਾ ਹੁੰਦੀ ਹੈ, ਜਿਸ ਕਾਰਨ ਬਲੱਡ ਪ੍ਰੈਸ਼ਰ ਵੱਧ ਹੋ ਜਾਂਦਾ ਹੈ। ਮੇਅਨੀਜ਼ ਦੇ ਜ਼ਿਆਦਾ ਸੇਵਨ ਨਾਲ ਹਾਰਟ ਅਟੈਕ ਅਤੇ ਸਟ੍ਰੋਕ ਵਰਗੀਆਂ ਬੀਮਾਰੀਆਂ ਦਾ ਖਤਰਾ ਵੀ ਵਧ ਜਾਂਦਾ ਹੈ।
ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ: ਮੇਅਨੀਜ਼ ਦੇ ਸ਼ੌਕੀਨਾਂ ਲਈ ਖ਼ਤਰਾ ਇਹ ਹੈ ਕਿ ਇਸ ਦੇ ਸੇਵਨ ਨਾਲ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਮੇਅਨੀਜ਼ ਦੇ ਇੱਕ ਚਮਚ ਵਿੱਚ ਲਗਭਗ 1.6 ਗ੍ਰਾਮ ਸੰਤ੍ਰਿਪਤ ਚਰਬੀ ਹੁੰਦੀ ਹੈ। ਬਹੁਤ ਜ਼ਿਆਦਾ ਮੇਅਨੀਜ਼ ਕੋਲੈਸਟ੍ਰੋਲ ਨੂੰ ਵਧਾਉਂਦਾ ਹੈ, ਜਿਸ ਨਾਲ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵੱਧ ਜਾਂਦਾ ਹੈ।
ਸਿਰਦਰਦ ਅਤੇ ਮਤਲੀ: ਬਾਜ਼ਾਰ ਵਿਚ ਉਪਲਬਧ ਮੇਅਨੀਜ਼ ਵਿਚ ਪ੍ਰੀਜ਼ਰਵੇਟਿਵ ਅਤੇ ਨਕਲੀ ਤੱਤਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਵਿੱਚ ਮੌਜੂਦ MSG ਸਿਹਤ ਨੂੰ ਬਹੁਤ ਨੁਕਸਾਨ ਪਹੁੰਚਾਉਂਦਾ ਹੈ। ਬਹੁਤ ਜ਼ਿਆਦਾ ਮੇਅਨੀਜ਼ ਖਾਣ ਨਾਲ ਕਈ ਲੋਕਾਂ ਨੂੰ ਸਿਰ ਦਰਦ, ਕਮਜ਼ੋਰੀ ਅਤੇ ਮਤਲੀ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਇਹ ਵੀ ਪੜ੍ਹੋ: ਕਿਸੇ ਦਵਾਈ ਜਾਂ ਸਪਲੀਮੈਂਟਸ ਦੀ ਲੋੜ ਨਹੀਂ, ਇਨ੍ਹਾਂ ਟਿਪਸ ਨਾਲ ਆਪਣੇ ਦਿਮਾਗ ਨੂੰ ਬਣਾ ਸਕਦੇ ਹੋ ਹੋਰ ਵੀ ਤੇਜ਼
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
