Muscle Pain: ਕਿਉਂ ਹੁੰਦਾ ਮਾਸਪੇਸ਼ੀਆਂ ਤੇ ਸਰੀਰ ਦਾ ਦਰਦ, ਜਾਣੋ ਤੁਰੰਤ ਰਾਹਤ ਪਾਉਣ ਲਈ ਆਸਾਨ ਘਰੇਲੂ ਇਲਾਜ
ਸਰੀਰ 'ਚ ਥਕਾਵਟ, ਜਕੜਨ ਅਤੇ ਬੇਚੈਨ ਕਰਨ ਵਾਲਾ ਦਰਦ ਮਤਲਬਬ ਮਾਸਪੇਸ਼ੀਆਂ 'ਚ ਦਰਦ (Muscle Pain). ਮਾਸਪੇਸ਼ੀਆਂ ਦਾ ਦਰਦ ਇੰਨਾ ਪ੍ਰੇਸ਼ਾਨ ਕਰਨ ਵਾਲਾ ਹੁੰਦਾ ਹੈ ਕਿ ਤੁਸੀਂ ਕਿਸੇ ਵੀ ਕੰਮ 'ਚ ਧਿਆਨ ਨਹੀਂ ਲਗਾ ਪਾਉਂਦੇ।
Muscle Pain: ਸਰੀਰ 'ਚ ਥਕਾਵਟ, ਜਕੜਨ ਅਤੇ ਬੇਚੈਨ ਕਰਨ ਵਾਲਾ ਦਰਦ ਮਤਲਬਬ ਮਾਸਪੇਸ਼ੀਆਂ 'ਚ ਦਰਦ (Muscle Pain). ਮਾਸਪੇਸ਼ੀਆਂ ਦਾ ਦਰਦ ਇੰਨਾ ਪ੍ਰੇਸ਼ਾਨ ਕਰਨ ਵਾਲਾ ਹੁੰਦਾ ਹੈ ਕਿ ਤੁਸੀਂ ਕਿਸੇ ਵੀ ਕੰਮ 'ਚ ਧਿਆਨ ਨਹੀਂ ਲਗਾ ਪਾਉਂਦੇ। ਕਈ ਵਾਰ ਤਾਂ ਤੁਰਨਾ-ਫਿਰਨਾ ਵੀ ਔਖਾ ਹੋ ਜਾਂਦਾ ਹੈ। ਇੱਥੇ ਅਸੀਂ ਤੁਹਾਨੂੰ ਮਾਸਪੇਸ਼ੀਆਂ ਦੇ ਦਰਦ ਜੇ ਕਾਰਨ (Cause Of Muscle Pain), ਮਾਸਪੇਸ਼ੀਆਂ ਦੇ ਦਰਦ ਦੇ ਲੱਛਣ (Symptoms Of Muscle Pain) ਅਤੇ ਇਸ ਦੇ ਇਲਾਜ ਸਮੇਤ ਬਚਾਅ ਬਾਰੇ ਵੀ ਦੱਸਣ ਜਾ ਰਹੇ ਹਾਂ (Muscle Pain Prevention). ਐਕਟਿਵ ਅਤੇ ਹੈਲਦੀ ਲਾਈਫ਼ (Healthy Tips) ਲਈ ਤੁਸੀਂ ਇਨ੍ਹਾਂ ਗੱਲਾਂ ਦਾ ਹਮੇਸ਼ਾ ਧਿਆਨ ਰੱਖੋ।
ਕਈ ਵਾਰ ਮਾਸਪੇਸ਼ੀਆਂ 'ਚ ਖਿਚਾਅ ਕਾਰਨ ਦਰਦ ਪੈਦਾ ਹੁੰਦਾ ਹੈ। ਇਸ ਦਰਦ ਦਾ ਕਾਰਨ ਮਾਸਪੇਸ਼ੀਆਂ ਦੇ ਟਿਸ਼ੂ ਦਾ ਟੁੱਟਣਾ ਅਤੇ ਸੋਜਿਸ਼ ਵੀ ਹੁੰਦਾ ਹੈ। ਮਾਸਪੇਸ਼ੀਆਂ 'ਚ ਇਹ ਮੋਚ ਅਤੇ ਖਿਚਾਅ ਕਸਰਤ, ਤਿਲਕਣ, ਸੱਟ ਲੱਗਣ ਜਾਂ ਗਲਤ ਪੋਜੀਸ਼ਨ 'ਚ ਸੌਣ ਤੇ ਬੈਠਣ ਕਾਰਨ ਵੀ ਹੋ ਸਕਦਾ ਹੈ।
ਘੱਟ ਸੌਣਾ
ਇਹ ਗੱਲ ਤੁਹਾਨੂੰ ਹੈਰਾਨ ਕਰ ਸਕਦੀ ਹੈ ਪਰ ਸਿਹਤ ਮਾਹਿਰਾਂ ਦੇ ਮੁਤਾਬਕ ਜੇਕਰ ਤੁਹਾਨੂੰ ਨੀਂਦ ਨਹੀਂ ਆਉਂਦੀ ਤਾਂ ਸਰੀਰ 'ਚ ਤਣਾਅ ਅਤੇ ਖਿਚਾਅ ਦੀ ਸਮੱਸਿਆ ਹੋ ਸਕਦੀ ਹੈ। ਕਿਉਂਕਿ ਨੀਂਦ ਦੌਰਾਨ ਸਾਡਾ ਸਰੀਰ ਮਾਸਪੇਸ਼ੀਆਂ, ਟਿਸ਼ੂਆਂ ਅਤੇ ਸੈੱਲਾਂ ਦੀ ਮੁਰੰਮਤ ਕਰਦਾ ਹੈ। ਇਸ ਪ੍ਰਕਿਰਿਆ 'ਚ ਰੁਕਾਵਟ ਪੈਣ 'ਤੇ ਮਾਸਪੇਸ਼ੀਆਂ 'ਚ ਦਰਦ ਅਤੇ ਸੋਜ ਦੀ ਸਮੱਸਿਆ ਸ਼ੁਰੂ ਹੋ ਜਾਂਦੀ ਹੈ।
ਬਹੁਤ ਸਾਰਾ ਸਰੀਰਕ ਮਿਹਨਤ ਕਰਨਾ
ਜਿਹੜੇ ਲੋਕ ਬਹੁਤ ਜ਼ਿਆਦਾ ਸਰੀਰਕ ਮਿਹਨਤ ਕਰਦੇ ਹਨ, ਜੇਕਰ ਉਨ੍ਹਾਂ ਨੂੰ ਸਹੀ ਖੁਰਾਕ ਤੇ ਪੂਰਾ ਆਰਾਮ ਨਹੀਂ ਮਿਲਦਾ ਤਾਂ ਸਰੀਰ ਆਪਣੇ ਆਪ ਨੂੰ ਠੀਕ ਨਹੀਂ ਕਰ ਪਾਉਂਦਾ। ਇਸ ਸਥਿਤੀ 'ਚ ਮਾਸਪੇਸ਼ੀਆਂ ਵਿੱਚ ਦਰਦ ਹੋਣ ਲੱਗਦਾ ਹੈ।
ਜਿਹੜੇ ਲੋਕ ਬਹੁਤ ਜਲਦੀ ਪਤਲਾ ਹੋਣਾ ਚਾਹੁੰਦੇ ਹਨ ਅਤੇ ਅਚਾਨਕ ਬਹੁਤ ਜ਼ਿਆਦਾ ਕਸਰਤ ਕਰਨਾ ਸ਼ੁਰੂ ਕਰ ਦਿੰਦੇ ਹਨ, ਉਨ੍ਹਾਂ ਨੂੰ ਵੀ ਮਾਸਪੇਸ਼ੀਆਂ ਦੇ ਦਰਦ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਇਹ ਤਿੰਨੇ ਹਾਲਾਤ ਵੀ ਹਨ ਜ਼ਿੰਮੇਵਾਰ
ਉੱਪਰ ਦੱਸੇ ਕਾਰਨਾਂ ਤੋਂ ਇਲਾਵਾ ਤਿੰਨ ਹੋਰ ਸਥਿਤੀਆਂ ਵੀ ਮਾਸਪੇਸ਼ੀਆਂ ਦੇ ਦਰਦ ਲਈ ਜ਼ਿੰਮੇਵਾਰ ਹਨ। ਇਨ੍ਹਾਂ 'ਚ ਇਨਫ਼ੈਕਸ਼ਨ, ਕੋਈ ਵੀ ਗੰਭੀਰ ਬਿਮਾਰੀ ਅਤੇ ਜੈਨੇਟਿਕ ਸਥਿਤੀਆਂ ਸ਼ਾਮਲ ਹਨ। ਕਈ ਵਾਰ ਸਿਹਤ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਜਿਵੇਂ ਅਨੀਮੀਆ, ਗਠੀਆ, ਪੁਰਾਣੀ ਥਕਾਵਟ, ਨਿਮੋਨੀਆ ਵੀ ਮਾਸਪੇਸ਼ੀਆਂ ਦੇ ਦਰਦ ਦਾ ਕਾਰਨ ਬਣ ਜਾਂਦੇ ਹਨ।
ਮਾਸਪੇਸ਼ੀ ਦਰਦ ਦੇ ਲੱਛਣ
ਮਾਸਪੇਸ਼ੀਆਂ ਦੇ ਦਰਦ ਦੌਰਾਨ ਅਕੜਨ ਅਤੇ ਕਮਜ਼ੋਰੀ ਤੋਂ ਇਲਾਵਾ ਕੁਝ ਲੋਕਾਂ ਨੂੰ ਬੁਖਾਰ, ਧੱਫੜ, ਦੰਦੀ ਵੱਢਣ ਦੇ ਨਿਸ਼ਾਨ, ਚੱਕਰ ਆਉਣੇ, ਸਾਹ ਲੈਣ 'ਚ ਮੁਸ਼ਕਲ, ਲਾਲੀ, ਸੋਜਿਸ਼ ਵਰਗੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ।
ਮਾਸਪੇਸ਼ੀ ਦੇ ਦਰਦ ਦਾ ਇਲਾਜ
ਮਾਸਪੇਸ਼ੀ ਦੇ ਦਰਦ ਦਾ ਇਲਾਜ ਇਸ ਦੇ ਕਾਰਨ 'ਤੇ ਨਿਰਭਰ ਕਰਦਾ ਹੈ। ਪਹਿਲਾਂ ਪਛਾਣ ਕਰੋ ਕਿ ਤੁਹਾਨੂੰ ਇਹ ਸਮੱਸਿਆ ਕਿਸ ਕਾਰਨ ਹੋ ਰਹੀ ਹੈ। ਕੁਝ ਆਮ ਪਰ ਬਹੁਤ ਪ੍ਰਭਾਵਸ਼ਾਲੀ ਉਪਾਅ ਹਨ, ਜਿਨ੍ਹਾਂ ਨੂੰ ਤੁਸੀਂ ਮਾਸਪੇਸ਼ੀਆਂ ਦੇ ਦਰਦ 'ਚ ਅਜ਼ਮਾ ਸਕਦੇ ਹੋ। ਉਦਾਹਰਣ ਵਜੋਂ ਬਰਫ਼ ਦਾ ਸੇਕ ਲੈਣ। ਦਿਨ 'ਚ ਤਿੰਨ ਵਾਰ 10 ਤੋਂ 15 ਮਿੰਟਾਂ ਲਈ ਬਰਫ਼ ਨਾਲ ਦਰਦ ਵਾਲੇ ਹਿੱਸੇ 'ਤੇ ਸੇਕ ਦਿਓ। ਕੋਈ ਵੀ ਤਣਾਅ ਵਾਲਾ ਕੰਮ ਨਾ ਕਰੋ। ਭਾਰ ਨਾ ਚੁੱਕੋ ਅਤੇ ਪੂਰਾ ਆਰਾਮ ਕਰੋ।
Disclaimer: ਇਸ ਲੇਖ 'ਚ ਦੱਸੇ ਗਏ ਤਰੀਕਿਆਂ ਅਤੇ ਦਾਅਵਿਆਂ ਨੂੰ ਸਿਰਫ਼ ਸੁਝਾਵਾਂ ਵਜੋਂ ਲਿਆ ਜਾਣਾ ਹੈ। ਏਬੀਪੀ ਨਿਊਜ਼ ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਅਜਿਹੇ ਕਿਸੇ ਵੀ ਇਲਾਜ/ਦਵਾਈ/ਖੁਰਾਕ ਦੀ ਪਾਲਣਾ ਕਰਨ ਤੋਂ ਪਹਿਲਾਂ ਡਾਕਟਰ ਦੀ ਸਲਾਹ ਲਓ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
