![ABP Premium](https://cdn.abplive.com/imagebank/Premium-ad-Icon.png)
White Bread Side Effects: ਰੋਜ਼ਾਨਾ ਨਾਸ਼ਤੇ 'ਚ ਖਾਂਦੇ ਹੋ ਵ੍ਹਾਈਟ ਬਰੈੱਡ! ਤੁਹਾਡੀ ਸਿਹਤ ਨੂੰ ਝੱਲਣਾ ਪੈ ਸਕਦਾ ਨੁਕਸਾਨ
ਅੱਜ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ ਵਿੱਚ ਹੌਲੀ-ਹੌਲੀ ਸਭ ਕੁਝ ਬਦਲ ਰਿਹਾ ਹੈ। ਇੱਥੋਂ ਤੱਕ ਕਿ ਸਵੇਰ ਦੇ ਨਾਸ਼ਤੇ ਵਿੱਚ ਸਾਡੇ ਟੇਬਲ 'ਤੇ ਪਰਾਠੇ ਦਹੀਂ ਦੀ ਥਾਂ ਪੱਛਮੀ ਭੋਜਨ ਜਿਵੇਂ ਬਰੈੱਡ ਬਟਰ ਤੇ ਕੌਰਨ ਫਲੇਕਸ ਮਿਲਕ ਆਦਿ ਨੇ ਲੈ ਲਈ ਹੈ।
![White Bread Side Effects: ਰੋਜ਼ਾਨਾ ਨਾਸ਼ਤੇ 'ਚ ਖਾਂਦੇ ਹੋ ਵ੍ਹਾਈਟ ਬਰੈੱਡ! ਤੁਹਾਡੀ ਸਿਹਤ ਨੂੰ ਝੱਲਣਾ ਪੈ ਸਕਦਾ ਨੁਕਸਾਨ Side effects of White bread dangerous Side effects of Eating white bread White Bread Side Effects: ਰੋਜ਼ਾਨਾ ਨਾਸ਼ਤੇ 'ਚ ਖਾਂਦੇ ਹੋ ਵ੍ਹਾਈਟ ਬਰੈੱਡ! ਤੁਹਾਡੀ ਸਿਹਤ ਨੂੰ ਝੱਲਣਾ ਪੈ ਸਕਦਾ ਨੁਕਸਾਨ](https://feeds.abplive.com/onecms/images/uploaded-images/2022/05/26/4dc4d40adea3f0ab852bb5878d15c70c_original.webp?impolicy=abp_cdn&imwidth=1200&height=675)
Side Effects Of White Bread: ਅੱਜ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ ਵਿੱਚ ਹੌਲੀ-ਹੌਲੀ ਸਭ ਕੁਝ ਬਦਲ ਰਿਹਾ ਹੈ। ਇੱਥੋਂ ਤੱਕ ਕਿ ਸਵੇਰ ਦੇ ਨਾਸ਼ਤੇ ਵਿੱਚ ਸਾਡੇ ਟੇਬਲ 'ਤੇ ਪਰਾਠੇ ਦਹੀਂ ਦੀ ਥਾਂ ਪੱਛਮੀ ਭੋਜਨ ਜਿਵੇਂ ਬਰੈੱਡ ਬਟਰ ਤੇ ਕੌਰਨ ਫਲੇਕਸ ਮਿਲਕ ਆਦਿ ਨੇ ਲੈ ਲਈ ਹੈ। ਅੱਜ-ਕੱਲ੍ਹ ਲੋਕ ਮਿੰਟਾਂ 'ਚ ਖਾਣਾ ਚਾਹੁੰਦੇ ਹਨ। ਖਾਣਾ ਖਾਣ 'ਤੇ ਸਮਾਂ ਦੇਣ ਤੋਂ ਕੰਨੀ ਕਤਰਾਉਂਦੇ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸਮੇਂ ਦੀ ਬਚਤ ਕਰਨ ਵਾਲੇ ਵ੍ਹਾਈਟ ਬਰੈੱਡ ਜਿਸ ਨੇ ਤੁਹਾਡੇ ਨਾਸ਼ਤੇ ਦੇ ਟੇਬਲ 'ਤੇ ਪਰਾਂਠੇ ਦੀ ਥਾਂ ਆਪਣੀ ਜਗ੍ਹਾ ਲੈ ਲਈ ਹੈ, ਉਹ ਤੁਹਾਡੀ ਸਿਹਤ ਲਈ ਕਿੰਨਾ ਖ਼ਤਰਨਾਕ ਹੋ ਸਕਦਾ ਹੈ। ਜਾਣੇ-ਅਣਜਾਣੇ ਤੁਸੀਂ ਹਰ ਰੋਜ਼ ਇਸ ਨੂੰ ਖਾ ਕੇ ਆਪਣੇ ਸਰੀਰ ਨੂੰ ਹੌਲੀ-ਹੌਲੀ ਖੋਖਲਾ ਕਰਕੇ ਆਪਣਾ ਨੁਕਸਾਨ ਕਰ ਰਹੇ ਹੋ।
ਜੀ ਹਾਂ, ਦਰਅਸਲ ਵਿੱਚ ਵ੍ਹਾਈਟ ਬਰੈੱਡ ਮੈਦੇ ਦੀ ਬਣੀ ਹੁੰਦੀ ਹੈ। ਇਹੀ ਕਾਰਨ ਹੈ ਕਿ ਇਸ ਦੇ ਸੇਵਨ ਨਾਲ ਸਰੀਰ ਨੂੰ ਕਈ ਨੁਕਸਾਨ ਹੋ ਸਕਦੇ ਹਨ। ਵ੍ਹਾਈਟ ਬਰੈੱਡ ਵਿੱਚ ਪਾਇਆ ਜਾਣ ਵਾਲਾ ਪੋਟਾਸ਼ੀਅਮ ਬਰੋਮੇਟ ਸਿਹਤ ਲਈ ਹਾਨੀਕਾਰਕ ਹੈ। ਇਸ ਦੇ ਲਗਾਤਾਰ ਸੇਵਨ ਨਾਲ ਤੁਹਾਨੂੰ ਸਿਹਤ ਸੰਬੰਧੀ ਵੱਡੀਆਂ ਬੀਮਾਰੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ ਇਹ ਜਾਣਨਾ ਜ਼ਰੂਰੀ ਹੈ ਕਿ ਜ਼ਿਆਦਾ ਬਰੈੱਡ ਖਾਣ ਨਾਲ ਤੁਹਾਨੂੰ ਕਿਹੜੇ ਮਾੜੇ ਪ੍ਰਭਾਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਕਬਜ਼
ਬਰੈੱਡ ਅਸਲ ਵਿੱਚ ਚੋਕਰ ਤੋਂ ਬਿਨਾਂ ਬਣਾਈ ਜਾਂਦੀ ਹੈ। ਇਸ ਵਿਚ ਫਾਈਬਰ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਜੋ ਖਾਣੇ ਦੇ ਹੌਲੀ ਹਜ਼ਮ ਨੂੰ ਵਧਾਉਂਦੀ ਹੈ। ਇਹੀ ਕਾਰਨ ਹੈ ਕਿ ਬਰੈੱਡ ਦਾ ਨਿਯਮਤ ਸੇਵਨ ਕਰਨ ਨਾਲ ਕਬਜ਼ ਦੀ ਸਮੱਸਿਆ ਹੋ ਸਕਦੀ ਹੈ।
ਮੋਟਾਪਾ
ਜੋ ਲੋਕ ਮੋਟਾਪਾ ਘੱਟ ਕਰਨਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਵ੍ਹਾਈਟ ਬਰੈੱਡ ਨੂੰ ਖਾਸ ਤੌਰ 'ਤੇ ਹੱਥ ਵੀ ਨਹੀਂ ਲਾਉਣਾ ਚਾਹੀਦਾ। ਅਸਲ ਵਿੱਚ ਇਹ ਤੁਹਾਡੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਵੀ ਵਧਾਉਂਦਾ ਤੇ ਘਟਾਉਂਦਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਭੁੱਖ ਵੀ ਜ਼ਿਆਦਾ ਲੱਗੇਗੀ, ਜਿਸ ਕਾਰਨ ਉਹ ਵਾਰ-ਵਾਰ ਖਾਵੇਗਾ ਤੇ ਮੋਟਾਪਾ ਵਧੇਗਾ।
ਖ਼ਰਾਬ ਪੇਟ
ਰੋਜ਼ਾਨਾ ਬਰੈੱਡ ਦਾ ਸੇਵਨ ਕਰਨ ਨਾਲ ਪੇਟ ਖਰਾਬ ਹੋਣ ਦੀ ਵੀ ਸੰਭਾਵਨਾ ਰਹਿੰਦੀ ਹੈ। ਵ੍ਹਾਈਟ ਬ੍ਰੈੱਡ ਇੱਕ ਬਹੁਤ ਜ਼ਿਆਦਾ ਸਟਾਰਚ ਉਤਪਾਦ ਹੈ। ਬਰਾਉਨ ਬਰੈੱਡ ਦੀ ਤਰ੍ਹਾਂ ਇਸ ਵਿੱਚ ਫਾਈਬਰ ਨਹੀਂ ਹੁੰਦਾ। ਇਸ ਤੋਂ ਇਲਾਵਾ ਇਸ 'ਚ ਗਲੂਟਨ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ ਜੋ ਸੈਪਟਮ ਨਾਲ ਜੁੜੀਆਂ ਬੀਮਾਰੀਆਂ ਦਾ ਕਾਰਨ ਬਣਦੀ ਹੈ। ਇਹੀ ਕਾਰਨ ਹੈ ਕਿ ਤੁਹਾਨੂੰ ਪੇਟ ਦਰਦ, ਦਸਤ, ਉਲਟੀ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
Disclaime: : ਇਸ ਲੇਖ ਵਿੱਚ ਦੱਸੀ ਗਈ ਵਿਧੀ, ਤਰੀਕਿਆਂ ਤੇ ਦਾਅਵਿਆਂ ਨੂੰ ਸਿਰਫ਼ ਸੁਝਾਵਾਂ ਵਜੋਂ ਲਿਆ ਜਾਣਾ ਹੈ, ਏਬੀਪੀ ਨਿਊਜ਼ ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਅਜਿਹੇ ਕਿਸੇ ਵੀ ਇਲਾਜ/ਦਵਾਈ/ਖੁਰਾਕ 'ਤੇ ਅਮਲ ਕਰਨ ਤੋਂ ਪਹਿਲਾਂ ਡਾਕਟਰ ਨਾਲ ਸਲਾਹ ਕਰੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)