ਸਾਇਲੈਂਟ ਹਾਰਟ ਅਟੈਕ ਜਾਂ ਸਿਰਫ਼ ਗੈਸ? ਘਾਤਕ ਲੱਛਣ ਜਿਨ੍ਹਾਂ ਨੂੰ ਅਣਦੇਖਾ ਕਰਦੇ ਨੇ ਲੋਕ! ਜਾਨ ਬਚਾਉਣ ਲਈ ਤੁਰੰਤ ਧਿਆਨ ਦਿਓ
ਦੇਸ਼ ਵਿੱਚ ਤੇਜ਼ੀ ਨਾਲ ਹਾਰਟ ਅਟੈਕ ਦੇ ਕੇਸ ਵੱਧ ਰਹੇ ਹਨ। ਘੱਟ ਉਮਰ ਵਿੱਚ ਹੀ ਲੋਕਾਂ ਦਾ ਦਿਲ ਫੇਲ ਹੋ ਰਿਹਾ ਹੈ ਅਤੇ ਅਚਾਨਕ ਮੌਤ ਹੋ ਜਾਂਦੀ ਹੈ। ਹੁਣ ਹਾਰਟ ਅਟੈਕ ਤੋਂ ਪਹਿਲਾਂ ਕੋਈ ਘਬਰਾਹਟ ਜਾਂ ਛਾਤੀ ਵਿੱਚ ਦਰਦ ਨਹੀਂ ਹੁੰਦਾ, ਇਹ ਸਿੱਧਾ ਅਚਾਨਕ
ਦੇਸ਼ ਵਿੱਚ ਤੇਜ਼ੀ ਨਾਲ ਹਾਰਟ ਅਟੈਕ ਦੇ ਕੇਸ ਵੱਧ ਰਹੇ ਹਨ। ਘੱਟ ਉਮਰ ਵਿੱਚ ਹੀ ਲੋਕਾਂ ਦਾ ਦਿਲ ਫੇਲ ਹੋ ਰਿਹਾ ਹੈ ਅਤੇ ਅਚਾਨਕ ਮੌਤ ਹੋ ਜਾਂਦੀ ਹੈ। ਹੁਣ ਹਾਰਟ ਅਟੈਕ ਤੋਂ ਪਹਿਲਾਂ ਕੋਈ ਘਬਰਾਹਟ ਜਾਂ ਛਾਤੀ ਵਿੱਚ ਦਰਦ ਨਹੀਂ ਹੁੰਦਾ, ਇਹ ਸਿੱਧਾ ਅਚਾਨਕ ਵਾਪਰ ਜਾਂਦਾ ਹੈ। ਇਸਨੂੰ ਡਾਕਟਰਾਂ ਨੇ ਸਾਇਲੈਂਟ ਹਾਰਟ ਅਟੈਕ ਕਿਹਾ ਹੈ।
ਦਿੱਲੀ ਦੇ ਸਿਨੀਅਰ ਕਾਰਡੀਓਲੋਜਿਸਟ ਡਾ. ਨਵੀਨ ਭਾਮਰੀ ਨੇ ਇੰਸਟਾਗ੍ਰਾਮ 'ਤੇ ਵੀਡੀਓ ਸਾਂਝੀ ਕਰਕੇ ਦੱਸਿਆ ਕਿ ਸਾਇਲੈਂਟ ਹਾਰਟ ਅਟੈਕ ਤੋਂ ਪਹਿਲਾਂ ਕੁਝ ਲੱਛਣ ਅਕਸਰ ਦਿਖਦੇ ਹਨ, ਪਰ ਲੋਕ ਇਹਨਾਂ ਨੂੰ ਆਮ ਸਮਝ ਕੇ ਅਣਦੇਖਾ ਕਰ ਦਿੰਦੇ ਹਨ।
ਜੇ ਤੁਸੀਂ ਸਮੇਂ 'ਤੇ ਇਹ ਲੱਛਣ ਸਮਝ ਲਵੋ, ਤਾਂ ਜਾਨ ਬਚਾਈ ਜਾ ਸਕਦੀ ਹੈ। ਚਲੋ ਜਾਣਦੇ ਹਾਂ - ਸਾਇਲੈਂਟ ਹਾਰਟ ਅਟੈਕ ਕੀ ਹੁੰਦਾ ਹੈ ਅਤੇ ਇਸ ਦੇ ਲੱਛਣ ਕੀ ਹਨ।
ਸਾਇਲੈਂਟ ਹਾਰਟ ਅਟੈਕ ਕੀ ਹੈ?
ਸਾਇਲੈਂਟ ਹਾਰਟ ਅਟੈਕ ਵਿੱਚ ਛਾਤੀ ਦਾ ਦਰਦ, ਜਲਨ ਜਾਂ ਸਾਂਹ ਫੁੱਲਣਾ ਵਰਗੇ ਆਮ ਹਾਰਟ ਅਟੈਕ ਵਾਲੇ ਲੱਛਣ ਨਹੀਂ ਹੁੰਦੇ। ਇਸਦੇ ਲੱਛਣ ਬਹੁਤ ਹੀ ਸਧਾਰਣ ਤੇ ਹਲਕੇ ਹੁੰਦੇ ਹਨ, ਜਿਨ੍ਹਾਂ ਨੂੰ ਲੋਕ ਅਕਸਰ ਪੇਟ ਦੀ ਤਕਲੀਫ਼ ਜਾਂ ਗਲਤ ਖਾਣ-ਪੀਣ ਦਾ ਨਤੀਜਾ ਸਮਝ ਕੇ ਅਣਦੇਖਾ ਕਰ ਦਿੰਦੇ ਹਨ।
ਪਰ ਇਹ ਦਿਲ ਲਈ ਬਹੁਤ ਖਤਰਨਾਕ ਹੁੰਦਾ ਹੈ। ਅਚਾਨਕ ਹੀ ਦਿਲ ਤੱਕ ਖੂਨ ਪਹੁੰਚਣਾ ਰੁਕ ਜਾਂਦਾ ਹੈ। ਜਦੋਂ ਬਲੱਡ ਸਰਕੂਲੇਸ਼ਨ ਰੁਕਦਾ ਹੈ, ਤੁਰੰਤ ਸਾਇਲੈਂਟ ਹਾਰਟ ਅਟੈਕ ਆ ਸਕਦਾ ਹੈ ਅਤੇ ਇਨਸਾਨ ਦੀ ਜਾਨ ਵੀ ਜਾ ਸਕਦੀ ਹੈ।
ਲੱਛਣ ਕੀ ਹੁੰਦੇ ਹਨ?
ਛਾਤੀ ਵਿੱਚ ਭਾਰੀਪਣ ਜਾਂ ਬੇਚੈਨੀ
ਅਕਸਰ ਲੋਕ ਛਾਤੀ ਵਿੱਚ ਭਾਰੇਪਣ ਨੂੰ ਅਣਦੇਖਾ ਕਰ ਦਿੰਦੇ ਹਨ। ਜੇ ਤੁਹਾਨੂੰ ਉਠਦੇ-ਬੈਠਦੇ ਜਾਂ ਤੁਰਦੇ ਸਮੇਂ ਛਾਤੀ ਭਾਰੀ ਲੱਗਦੀ ਹੈ ਜਾਂ ਬੇਚੈਨੀ ਹੁੰਦੀ ਹੈ, ਤਾਂ ਡਾਕਟਰ ਨਾਲ ਜ਼ਰੂਰ ਮਿਲੋ। ਇਸ ਦੌਰਾਨ ਸਾਂਹ ਲੈਣ ਵਿੱਚ ਦਿੱਕਤ ਜਾਂ ਸਾਂਹ ਫੁੱਲਣਾ ਵੀ ਹੋ ਸਕਦਾ ਹੈ। ਜ਼ਿਆਦਾਤਰ ਲੋਕ ਇਸਨੂੰ ਸਿਰਫ਼ ਗੈਸ ਸਮਝ ਲੈਂਦੇ ਹਨ।
ਗੈਸ, ਡਕਾਰ ਅਤੇ ਜਕੜਨ
ਡਾਕਟਰਾਂ ਦਾ ਕਹਿਣਾ ਹੈ ਕਿ ਰੋਜ਼ਾਨਾ ਪੇਟ ਵਿੱਚ ਗੈਸ ਬਣਨੀ, ਤੇਜ਼ ਡਕਾਰ ਆਉਣੀਆਂ, ਛਾਤੀ ਵਿੱਚ ਜਕੜਨ ਮਹਿਸੂਸ ਹੋਣਾ-ਇਹ ਵੀ ਸਾਇਲੈਂਟ ਹਾਰਟ ਅਟੈਕ ਦੇ ਲੱਛਣ ਹੋ ਸਕਦੇ ਹਨ। ਜੇ ਇਹ ਲੱਛਣ ਰੋਜ਼ ਨਜ਼ਰ ਆ ਰਹੇ ਹਨ, ਤਾਂ ਫੌਰਨ ਡਾਕਟਰ ਦੀ ਸਲਾਹ ਲਓ।
ਚੱਕਰ, ਉਲਟੀ, ਮਤਲੀ ਅਤੇ ਚਿੰਤਾ
ਸਾਇਲੈਂਟ ਹਾਰਟ ਅਟੈਕ ਤੋਂ ਪਹਿਲਾਂ ਚੱਕਰ ਆਉਣ, ਉਲਟੀ-ਮਤਲੀ, ਐਂਜ਼ਾਇਟੀ ਦੀ ਸਮੱਸਿਆ ਸ਼ੁਰੂ ਹੋ ਸਕਦੀ ਹੈ। ਕੰਮ ਕਰਦੇ ਸਮੇਂ ਕਮਜ਼ੋਰੀ ਜਾਂ ਵੱਧ ਥਕਾਵਟ ਮਹਿਸੂਸ ਹੁੰਦੀ ਹੈ। ਲੋਕ ਇਸਨੂੰ ਹੀਮੋਗਲੋਬਿਨ ਜਾਂ ਵਿਟਾਮਿਨ ਦੀ ਘਾਟ ਸਮਝ ਕੇ ਅਣਦੇਖਾ ਕਰ ਦਿੰਦੇ ਹਨ। ਪਰ ਜੇ ਇਹ ਲੱਛਣ ਰੋਜ਼ ਦਿਖਣ, ਤਾਂ ਇਹ ਆਮ ਗੱਲ ਨਹੀਂ ਹੈ।
ਛਾਤੀ ਦੀ ਬਜਾਏ ਜਬੜੇ, ਪਿੱਠ, ਗਰਦਨ, ਬਾਂਹ ਜਾਂ ਪੇਟ ਵਿੱਚ ਦਰਦ
ਜੇ ਦਿਲ ਦੀ ਥਾਂ ਜਬੜੇ, ਪਿੱਠ, ਗਰਦਨ, ਬਾਂਹ ਜਾਂ ਪੇਟ ਵਿੱਚ ਲਗਾਤਾਰ ਦਰਦ ਰਹੇ, ਤਾਂ ਇਹ ਖਤਰੇ ਦੀ ਘੰਟੀ ਹੋ ਸਕਦੀ ਹੈ। ਸਾਇਲੈਂਟ ਹਾਰਟ ਅਟੈਕ ਵਿੱਚ ਛਾਤੀ ਵਿੱਚ ਦਰਦ ਨਹੀਂ ਹੁੰਦਾ, ਬਲਕਿ ਇਨ੍ਹਾਂ ਹਿਸਿਆਂ ਵਿੱਚ ਦਰਦ ਜਾਂ ਖਿੱਚ ਵਰਗੀ ਮਹਿਸੂਸ ਹੁੰਦੀ ਹੈ। ਦਰਦ ਅਤੇ ਬੇਚੈਨੀ ਦੇ ਕਾਰਨ ਰਾਤ ਨੂੰ ਨੀਂਦ ਵੀ ਖੁੱਲ ਸਕਦੀ ਹੈ।
ਕਿਨ੍ਹਾਂ ਨੂੰ ਵੱਧ ਖਤਰਾ ਹੁੰਦਾ ਹੈ?
ਸਾਇਲੈਂਟ ਹਾਰਟ ਅਟੈਕ ਦਾ ਖਤਰਾ ਉਹਨਾਂ ਲੋਕਾਂ ਨੂੰ ਵੱਧ ਹੁੰਦਾ ਹੈ ਜਿਨ੍ਹਾਂ ਨੂੰ-
ਡਾਇਬਟੀਜ਼
ਹਾਈ ਬਲੱਡ ਪ੍ਰੈਸ਼ਰ
ਹਾਈ ਕੋਲੇਸਟਰੋਲ
ਮੋਟਾਪਾ
ਸਮੋਕਿੰਗ ਦੀ ਆਦਤ
ਸ਼ਰਾਬ ਪੀਣ ਦੀ ਆਦਤ
ਜੇ ਤੁਹਾਡੇ ਸਰੀਰ ਵਿੱਚ ਇਹਨਾਂ ਵਿਚੋਂ ਕੋਈ ਵੀ ਲੱਛਣ ਨਜ਼ਰ ਆਉਂਦੇ ਹਨ, ਤਾਂ ਤੁਰੰਤ ਕਿਸੇ ਕਾਰਡੀਓਲੋਜਿਸਟ ਨਾਲ ਸੰਪਰਕ ਕਰੋ। ਸਮੇਂ 'ਤੇ ਇਲਾਜ ਮਿਲੇ ਤਾਂ ਜਾਨ ਬਚਾਈ ਜਾ ਸਕਦੀ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
