ਪੜਚੋਲ ਕਰੋ
Advertisement
ਬਲਾਤਕਾਰ ਪੀੜਤਾ ਦੀ ਜਾਂਚ ਦੇ ਨਾਂ 'ਤੇ ਹੋਣ ਵਾਲੇ 'ਰੇਪ' 'ਤੇ ਲਾਈ ਰੋਕ
ਢਾਕਾ: ਬੰਗਲਾਦੇਸ਼ ਦੀ ਇੱਕ ਹਾਈਕੋਰਟ ਨੇ ਪੀੜਤਾ ਦੇ ਬਲਾਤਕਾਰ ਦੀ ਪੁਸ਼ਟੀ ਲਈ ਕੀਤੇ ਜਾਣ ਵਾਲੇ ਦੋ ਉਂਗਲੀ ਪ੍ਰੀਖਣ (ਟੂ ਫਿੰਗਰ ਟੈਸਟ) 'ਤੇ ਰੋਕ ਲਾ ਦਿੱਤੀ ਹੈ। ਇਹ ਟੈਸਟ ਕਾਫੀ ਅਪਮਾਨਜਨਕ ਹੈ ਤੇ ਇਸ ਨੂੰ ਬਲਾਤਕਾਰ ਪੀੜਤਾ ਦਾ ਇੱਕ ਵਾਰ ਫਿਰ ਤੋਂ ਬਲਾਤਕਾਰ ਕੀਤੇ ਜਾਣ ਦੇ ਬਰਾਬਰ ਸਮਝਿਆ ਜਾਂਦਾ ਹੈ।
ਬੰਗਲਾਦੇਸ਼ ਦੀ ਅਦਾਲਤ ਨੇ ਕਿਹਾ ਕਿ ਇਸ ਟੈਸਟ ਦਾ ਕੋਈ ਵਿਗਿਆਨਕ ਤੇ ਕਾਨੂੰਨੀ ਆਧਾਰ ਨਹੀਂ ਹੈ ਇਸ ਲਈ ਇਸ ਨੂੰ ਬੰਦ ਕੀਤਾ ਜਾਂਦਾ ਹੈ। ਇੱਕ ਪੰਜ ਸਾਲ ਪੁਰਾਣੀ ਪਟੀਸ਼ਨ 'ਤੇ ਹੁਕਮ ਦਿੰਦਿਆਂ ਹੋਏ ਅਦਾਲਤ ਨੇ ਇਹ ਵਿਵਸਥਾ ਕੀਤੀ ਹੈ ਕਿ ਮੁਕੱਦਮੇ ਦੀ ਸੁਣਵਾਈ ਦੌਰਾਨ ਵਕੀਲ ਬਲਾਤਕਾਰ ਪੀੜਤਾ ਤੋਂ ਅਜਿਹੇ ਸਵਾਲ ਨਹੀਂ ਪੁੱਛ ਸਕਦਾ ਕਿ ਉਸ ਦੇ ਸਵੈਮਾਣ ਨੂੰ ਸੱਟ ਵੱਜੇ। ਅਦਾਲਤ ਨੇ ਅਧਿਕਾਰੀਆਂ ਨੂੰ ਸਿਹਤ ਦੇਖਭਾਲ ਦੇ ਪ੍ਰੋਟੋਕੌਲ ਦਾ ਵੀ ਸਖ਼ਤੀ ਨਾਲ ਪਾਲਣ ਕਰਨ ਦੇ ਹੁਕਮ ਦਿੱਤੇ ਹਨ।
ਜਸਟਿਸ ਗੋਬਿੰਦਰ ਚੰਦਰ ਟੈਗੋਰ ਤੇ ਏ.ਕੇ.ਐਮ. ਸ਼ਾਹਿਦ ਉਲ ਹਕ ਦੀ ਦੋ ਮੈਂਬਰੀ ਬੈਂਚ ਨੇ ਸਰਕਾਰ ਨੂੰ ਸਰਕੂਲਰ ਜਾਰੀ ਕਰਨ ਦੇ ਹੁਕਮ ਦਿੱਤੇ ਹਨ ਤਾਂ ਕਿ ਹੇਠਲੀਆਂ ਅਦਾਲਤਾਂ ਦੇ ਜੱਜਾਂ ਤੇ ਬਲਾਤਕਾਰ ਦੇ ਮਾਮਲਿਆਂ ਦੀ ਜਾਂਚ ਕਰਨ ਵਾਲੇ ਅਧਿਕਾਰੀ ਇਨ੍ਹਾਂ ਹੁਕਮਾਂ ਦੀ ਪਾਲਣਾ ਕਰਨ।
ਮਨੁੱਖੀ ਅਧਿਕਾਰ ਕਾਰਕੁੰਨ ਲੰਮੇ ਸਮੇਂ ਤੋਂ ਕਹਿ ਰਹੇ ਸਨ ਕਿ ਦੋ ਉਂਗਲੀ ਪ੍ਰੀਖਣ ਬੇਲੋੜਾ ਹੈ ਤੇ ਇਹ ਪੀੜਤਾ ਦਾ ਦੂਜਾ ਵਾਰ ਰੇਪ ਕਰਨ ਦੇ ਬਰਾਬਰ ਹੈ। ਬੰਗਲਾਦੇਸ਼ ਲੀਗਲ ਐਡ ਐਂਡ ਸਰਵਿਸਿਜ਼ ਟਰੱਸਟ ਨੇ 2013 ਵਿੱਚ ਇਸ ਟੈਸਟ ਨੂੰ ਹਾਈ ਕੋਰਟ ਵਿੱਚ ਚੁਨੌਤੀ ਦਿੱਤੀ ਸੀ।
Check out below Health Tools-
Calculate Your Body Mass Index ( BMI )
Follow ਲਾਈਫਸਟਾਈਲ News on abp LIVE for more latest stories and trending topics. Watch breaking news and top headlines online on abp sanjha LIVE TV
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਕਾਰੋਬਾਰ
ਦੇਸ਼
ਲੁਧਿਆਣਾ
ਸਿਹਤ
Advertisement