ਖਤਰਨਾਕ ਫੰਗਲ ਇਨਫੈਕਸ਼ਨ 'ਮਿਊਕੋਰਮਾਇਕੋਸਿਸ' ਤੋਂ ਬਚਣ ਦੇ 5 ਤਰੀਕੇ ਜਾਣ ਲਵੋ, ਰਹੋਗੇ ਸੁਰੱਖਿਤ
ਪਿਛਲੇ ਕੁਝ ਦਿਨਾਂ ਤੋਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਕੋਰੋਨਾ ਤੋਂ ਰਿਕਵਰ ਹੋਣ ਤੋਂ ਬਾਅਦ, ਬਹੁਤ ਸਾਰੇ ਲੋਕਾਂ ਵਿੱਚ ਖਤਰਨਾਕ ਫੰਗਲ ਇਨਫੈਕਸ਼ਨ ਮਿਊਕੋਰਮਾਇਕੋਸਿਸ ਦੇ ਮਾਮਲਿਆਂ ਨੇ ਸਾਰਿਆਂ ਨੂੰ ਮੁਸੀਬਤ ਵਿੱਚ ਪਾ ਦਿੱਤਾ ਹੈ। ਇਸ ਦੇ ਲਈ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਨੇ ਇੱਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਆਓ ਜਾਣਦੇ ਹਾਂ ਕਿ ਇਸ ਫੰਗਲ ਇਨਫੈਕਸ਼ਨ ਤੋਂ ਕਿਵੇਂ ਬਚਿਆ ਜਾ ਸਕਦਾ ਹੈ।
ਨਵੀਂ ਦਿੱਲੀ: ਪਿਛਲੇ ਕੁਝ ਦਿਨਾਂ ਤੋਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਕੋਰੋਨਾ ਤੋਂ ਰਿਕਵਰ ਹੋਣ ਤੋਂ ਬਾਅਦ, ਬਹੁਤ ਸਾਰੇ ਲੋਕਾਂ ਵਿੱਚ ਖਤਰਨਾਕ ਫੰਗਲ ਇਨਫੈਕਸ਼ਨ ਮਿਊਕੋਰਮਾਇਕੋਸਿਸ ਦੇ ਮਾਮਲਿਆਂ ਨੇ ਸਾਰਿਆਂ ਨੂੰ ਮੁਸੀਬਤ ਵਿੱਚ ਪਾ ਦਿੱਤਾ ਹੈ। ਇਸ ਦੇ ਲਈ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਨੇ ਇੱਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਆਓ ਜਾਣਦੇ ਹਾਂ ਕਿ ਇਸ ਫੰਗਲ ਇਨਫੈਕਸ਼ਨ ਤੋਂ ਕਿਵੇਂ ਬਚਿਆ ਜਾ ਸਕਦਾ ਹੈ।
ਮਿਊਕੋਰਮਾਇਕੋਸਿਸ ਕੀ ਹੈ?
ਆਈਸੀਐਮਆਰ ਦੀ ਸਲਾਹ ਦੇ ਅਨੁਸਾਰ, ਇਹ ਇੱਕ ਖ਼ਤਰਨਾਕ ਫੰਗਲ ਸੰਕਰਮਣ ਹੈ, ਜੋ ਆਮ ਤੌਰ 'ਤੇ ਸ਼ੂਗਰ ਵਾਲੇ ਮਰੀਜ਼ਾਂ ਵਿੱਚ ਪਾਇਆ ਜਾਂਦਾ ਹੈ। ਜੇ ਉਹ ਲੋਕ ਜਿਨ੍ਹਾਂ ਦੀ ਸ਼ੂਗਰ ਦੇ ਨਿਯੰਤਰਣ 'ਚ ਨਹੀਂ ਹੈ ਅਤੇ ਉਹ ਕੋਰੋਨਾ ਨਾਲ ਸੰਕਰਮਿਤ ਹੋ ਜਾਂਦੇ ਹਨ, ਤਾਂ ਇਹ ਸੰਕਰਮਣ ਹੋਣ ਦਾ ਜੋਖਮ ਕਾਫ਼ੀ ਵੱਧ ਜਾਂਦਾ ਹੈ।
ਜਾਣੋ ਕੀ ਹਨ ਲੱਛਣ?
ਸਿਰ ਦਰਦ, ਬੁਖਾਰ ਅਤੇ ਅੱਖਾਂ ਦੇ ਹੇਠਾਂ ਦਰਦ ਹੋਣਾ ਇਸ ਲਾਗ ਦੇ ਪ੍ਰਮੁੱਖ ਲੱਛਣ ਹਨ। ਇਸ ਤੋਂ ਇਲਾਵਾ, ਨੱਕ ਅਤੇ ਸਾਈਨਸ 'ਚ ਜਕੜਣ ਹੋਣਾ ਅਤੇ ਅੰਸ਼ਕ ਤੌਰ 'ਤੇ ਨਜ਼ਰ ਕਮਜ਼ੋਰ ਹੋਣਾ ਵੀ ਇਸ ਲਾਗ ਦਾ ਲੱਛਣ ਹੋ ਸਕਦੇ ਹੈ।
ਜਾਣ ਲਵੋ ਬਚਾਅ ਦੇ ਤਰੀਕੇ:
1. ਜਿਨ੍ਹਾਂ ਲੋਕਾਂ ਨੂੰ ਸ਼ੂਗਰ ਦੀ ਸਮੱਸਿਆ ਹੈ, ਉਹ ਆਪਣੀ ਬਲੱਡ ਸ਼ੂਗਰ ਨੂੰ ਕਾਬੂ 'ਚ ਰੱਖਣ। ਜੇ ਉਹ ਅਜਿਹਾ ਕਰਦੇ ਹਨ, ਤਾਂ ਇਸ ਲਾਗ ਦਾ ਜੋਖਮ ਘੱਟ ਹੋਵੇਗਾ।
2. ਡਾਕਟਰ ਸਹੀ ਸਮੇਂ ਅਤੇ ਢੁਕਵੀਂ ਮਾਤਰਾ 'ਚ ਸਟੀਰੌਇਡ ਖੁਰਾਕ ਦੇਣ। ਜ਼ਿਆਦਾ ਮਾਤਰਾ 'ਚ ਸਟੀਰੌਇਡ ਦੀ ਵਰਤੋਂ ਖ਼ਤਰਨਾਕ ਹੋ ਸਕਦੀ ਹੈ।
3. ਆਕਸੀਜਨ ਹਿਉਮੀਡੀਫਾਇਰ ਦੇ ਪਾਣੀ ਨੂੰ ਸਾਫ਼ ਰੱਖਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਕਰਨ ਨਾਲ ਇਸ ਲਾਗ ਦਾ ਖ਼ਤਰਾ ਘੱਟ ਹੋ ਜਾਂਦਾ ਹੈ।
4. ਉਹ ਮਰੀਜ਼ ਜੋ ਕੋਰੋਨਾ ਨਾਲ ਸੰਕਰਮਿਤ ਹੁੰਦੇ ਹਨ, ਜੇ ਉਹ ਸਫਾਈ ਦਾ ਧਿਆਨ ਰੱਖਦੇ ਹਨ, ਤਾਂ ਉਹ ਇਸ ਲਾਗ ਦੀ ਚਪੇਟ 'ਚ ਆਉਣ ਤੋਂ ਬਚ ਸਕਦੇ ਹਨ।
5. ਜੇ ਮੂੰਹ 'ਚ ਅਲਸਰ ਜਾਂ ਨੱਕ 'ਚ ਸੋਜ ਹੈ, ਤਾਂ ਜਲਦੀ ਤੋਂ ਜਲਦੀ ਇਸ ਦਾ ਇਲਾਜ ਕਰਵਾਓ। ਦੇਰੀ ਨਾਲ ਇਲਾਜ ਕਰਨਾ ਤੁਹਾਡੇ ਲਈ ਖ਼ਤਰਨਾਕ ਸਾਬਤ ਹੋ ਸਕਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
