ਅੰਡੇ ਨਾਲ ਸਬੰਧਤ ਪਕਵਾਨ ਬਣਾਉਂਦੇ ਸਮੇਂ ਇਨ੍ਹਾਂ 5 ਗੱਲਾਂ ਦਾ ਰੱਖੋ ਧਿਆਨ, ਨਹੀਂ ਤਾਂ ਤੁਹਾਡੀ ਸਿਹਤ 'ਤੇ ਪਵੇਗਾ ਬੁਰਾ ਅਸਰ
ਅੰਡੇ ਤੋਂ ਵੱਖ-ਵੱਖ ਪਕਵਾਨ ਬਣਾਉਣਾ ਬਹੁਤ ਆਸਾਨ ਹੈ। ਪਰ ਕੁਝ ਗਲਤੀਆਂ ਕਾਰਨ ਕਈ ਵਾਰ ਇਸ ਦਾ ਸੁਆਦ ਖਰਾਬ ਹੋ ਜਾਂਦਾ ਹੈ।
ਖਾਣਾ ਬਣਾਉਂਦੇ ਸਮੇਂ ਗਲਤੀਆਂ ਹੋਣਾ ਆਮ ਗੱਲ ਹੈ। ਪਰ ਸਾਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਗਲਤੀ ਨੂੰ ਦੁਬਾਰਾ ਹੋਣ ਤੋਂ ਕਿਵੇਂ ਰੋਕਿਆ ਜਾਵੇ। ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੀਆਂ ਗਲਤੀਆਂ ਬਾਰੇ ਦੱਸਾਂਗੇ, ਜੋ ਅਕਸਰ ਲੋਕ ਅੰਡੇ ਦੇ ਪਕਵਾਨ ਬਣਾਉਂਦੇ ਹੋਏ ਕਰਦੇ ਦੇਖੇ ਜਾਂਦੇ ਹਨ।
ਅੰਡੇ 'ਚ ਵਿਟਾਮਿਨ, ਫਾਸਫੋਰਸ, ਕੈਲਸ਼ੀਅਮ, ਜਿੰਕ, ਬੀ 5, ਬੀ 12, ਬੀ 2, ਡੀ, ਈ, ਕੇ, ਬੀ 6 ਅਤੇ ਕਈ ਹੋਰ ਪੋਸ਼ਕ ਤੱਤ ਵੀ ਮੌਜੂਦ ਹੁੰਦੇ ਹਨ। ਇਸ ਤੋਂ ਇਲਾਵਾ ਇਸ 'ਚ 70 ਕੈਲੋਰੀ, 6 ਕੈਲੋਰੀ, 6 ਗ੍ਰਾਮ ਪ੍ਰੋਟੀਨ ਅਤੇ 5 ਗ੍ਰਾਮ ਹੈਲਦੀ ਫੈਟ ਹੁੰਦਾ ਹੈ। ਜੋ ਸਰੀਰ ਨੂੰ ਸਿਹਤਮੰਦ ਰੱਖਣ ਦਾ ਕੰਮ ਕਰਦਾ ਹੈ। ਪਰ ਅੰਡੇ ਤੋਂ ਵੱਖ-ਵੱਖ ਪਕਵਾਨ ਬਣਾਉਂਦੇ ਸਮੇਂ ਅਸੀਂ ਅਕਸਰ ਬਹੁਤ ਸਾਰੀਆਂ ਗਲਤੀਆਂ ਕਰਦੇ ਹਾਂ ਜਿਸ ਦਾ ਬੁਰਾ ਅਸਰ ਸਰੀਰ ਉੱਤੇ ਪੈ ਸਕਦਾ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ....
ਜ਼ਿਆਦਾ ਪਕਾਉਣਾ: ਜਦੋਂ ਕੋਈ ਵੀ ਪਕਵਾਨ ਜ਼ਿਆਦਾ ਪਕਾਇਆ ਜਾਂਦਾ ਹੈ, ਤਾਂ ਇਸਦਾ ਸੁਆਦ ਵਿਗੜ ਜਾਂਦਾ ਹੈ। ਕਈ ਵਾਰ ਲੋਕ ਅੰਡੇ ਨਾਲ ਵੀ ਇਹੀ ਗਲਤੀ ਕਰਦੇ ਹਨ। ਅੰਡੇ ਨੂੰ ਉਬਾਲਦੇ ਸਮੇਂ ਜਾਂ ਪੈਨ 'ਚ ਗਰਮ ਕਰਦੇ ਸਮੇਂ ਧਿਆਨ ਰੱਖੋ ਕਿ ਨਾ ਤਾਂ ਜ਼ਿਆਦਾ ਉਨ੍ਹਾਂ ਨੂੰ ਉਬਾਲੋ ਅਤੇ ਨਾ ਹੀ ਜ਼ਿਆਦਾ ਗਰਮ ਕਰੋ।
ਪੈਨ ਨੂੰ ਪਹਿਲਾਂ ਗਰਮ ਨਾ ਕਰਨਾ : ਕਈ ਲੋਕ ਗੈਸ 'ਤੇ ਰੱਖਣ ਤੋਂ ਬਾਅਦ ਤੁਰੰਤ ਪੈਨ 'ਚ ਅੰਡੇ ਪਾ ਦਿੰਦੇ ਹਨ। ਹਾਲਾਂਕਿ ਇਹ ਸਹੀ ਤਰੀਕਾ ਨਹੀਂ ਹੈ। ਅੰਡੇ ਨੂੰ ਪੈਨ ਵਿਚ ਪਾਉਣ ਤੋਂ ਪਹਿਲਾਂ, ਪੈਨ ਨੂੰ ਚੰਗੀ ਤਰ੍ਹਾਂ ਗਰਮ ਕਰੋ, ਫਿਰ ਇਸ ਵਿਚ ਅੰਡੇ ਪਾ ਦਿਓ।
ਤੇਜ਼ ਅੱਗ: ਜੇਕਰ ਤੁਸੀਂ ਅੰਡੇ ਉਬਾਲ ਰਹੇ ਹੋ ਜਾਂ ਆਮਲੇਟ ਬਣਾ ਰਹੇ ਹੋ, ਤਾਂ ਅੱਗ ਨੂੰ ਹਮੇਸ਼ਾ ਘੱਟ ਜਾਂ ਮੱਧਮ ਰੱਖੋ, ਕਿਉਂਕਿ ਤੇਜ਼ ਅੱਗ 'ਤੇ ਇਹ ਸੜ ਜਾਂਦਾ ਹੈ ਅਤੇ ਇਸ ਦਾ ਸੁਆਦ ਖਰਾਬ ਹੋ ਜਾਂਦਾ ਹੈ।
ਸਹੀ ਬਰਤਨ ਦੀ ਵਰਤੋਂ ਕਰੋ: ਹਰ ਬਰਤਨ ਵਿੱਚ ਅੰਡੇ ਬਣਾਉਣ ਦੀ ਗਲਤੀ ਨਾ ਕਰੋ। ਅੰਡੇ ਬਣਾਉਣ ਲਈ ਅਜਿਹੇ ਪੈਨ ਦੀ ਵਰਤੋਂ ਨਾ ਕਰੋ, ਜਿਸ ਦੀ ਪਰਤ ਖੁਰਚਣ 'ਤੇ ਉਤਰਨ ਲੱਗਦੀ ਹੈ। ਹਮੇਸ਼ਾ ਨਾਈਲੋਨ, ਸਿਲੀਕੋਨ ਅਤੇ ਲੱਕੜ ਦੇ ਭਾਂਡਿਆਂ ਦੀ ਹੀ ਵਰਤੋਂ ਕਰੋ।
ਜੇਕਰ ਤੁਸੀਂ ਅੰਡੇ ਬਣਾਉਂਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋਗੇ ਤਾਂ ਤੁਹਾਡੀ ਡਿਸ਼ ਬਿਲਕੁਲ ਪਰਫੈਕਟ ਹੋਵੇਗੀ ਅਤੇ ਇਸ ਦਾ ਸੁਆਦ ਵੀ ਸ਼ਾਨਦਾਰ ਹੋਵੇਗਾ।
Before You Go
ਪੰਜਾਬ ਸਰਕਾਰ ਦਾ ਵੱਡਾ ਐਕਸ਼ਨ, 8 ਦਵਾਈਆਂ ਦੇ ਇਸਤੇਮਾਲ ਤੇ ਖਰੀਦ ‘ਤੇ ਰੋਕ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
